عفواً ... موضوعك ...مسروق،،،، ليييييييه؟؟؟؟

[ود النصر]

[align=center]صدفة بحتة ،، عندما دعاني احد

معارفي للانضمام لمنتدي ........

وهو المنتدى الذي بحمل اسم

مدينتي المحبوبة.

فرحت لهذا الاكتشاف وانا امني

النفس بساحة التقي فيها بابناء

منطقتي الحبيبة...

وقد كان.

لكن ما لفت انتباهي عناوين لمواضيع

من فرط تطابقاها حسبت انني في منتدي

انا سوداني.

عملت مسح على كم منتدى كدا فتفاجأت

بنفس العناوين .

فخطر في بالي هذا السؤال:

عفواً ... موضوعك ...مسروق،،،، ليييييييه؟؟؟؟

دايرين اجابة او رأي او نصيحة او اعتراف

ممكن؟؟؟[/align][/size]

[ريانه إمام]

ما إسمها موضوعك مسروق يا ود النصر ..
موضوعك مُكرر أو منقول
بنقول مسروق في حاله نعرف المالك الأصلي للموضوع
ومن كثره المواضيع والمنتديات .. من المستحيل تعرف
الناس بتقتبس مواضيع بتعجبها وتوديها أماكن بتعجبها برضو
وطبعاً من الأفضل انو الواحد يكتب منقول ..
عشان يتجنب الأسئله ..

[ود النصر]

ما إسمها موضوعك مسروق يا ود النصر ..
موضوعك مُكرر أو منقول
بنقول مسروق في حاله نعرف المالك الأصلي للموضوع
ومن كثره المواضيع والمنتديات .. من المستحيل تعرف
الناس بتقتبس مواضيع بتعجبها وتوديها أماكن بتعجبها برضو
وطبعاً من الأفضل انو الواحد يكتب منقول ..
عشان يتجنب الأسئله ..

[align=center]حباب ليانة
الاختلاف كبير بين منقول ومكرر ومسروق
السبب الاساسي للتسمية انو الموضوع
اكيد ما منقول لان النقل لاشياء محددة
لاظهار الفائدة من وراء الاشياء المنقولة.
والنقل لا يتم لموضوع وانما يتم لمشاركة.
اما المكرر فانه يكون بنفس الفكرة في
ساحة واحدة وقد تختلف الموضوعات
المكررة في بعض الاشياء.
اما المسروق فيكون نقل (الحافر على
الحافر) مع عدم الاشارة للمصدر
والامانة تقتضي الاشارة للمصدر يا ليانة
واكيد حقوق الملكية الفكرية ما قامت لو
انا بقول جبتو عشان تعم الفائدة.

تسلمي مع كامل التقدير على المرور
الجميل.[/align][/size]

[عمار ود الشرفه]

ود النصر لك التحيه ممزوجة بروعة موضوعك ..

المنتديات اصبحت مثل الحلقه المغلقه ,, دائره ,, المواضيع تكتب هنا وتنشر هناك .. فقط الاختلاف يكون في مصداقيتها وكيفية انتسابها لاصحابها .. البعض يكره كتابة كلمة منقول والبعض يكسل او يعجز عن كتابتها ,, والبعض لايجد صاحب الموضوع وكاتبه الاساسي فيتجاهل الامر ,,
شخصية العضو تعكس ايضاً الصوره الخفيه للموضوع ,, وكتابات العضو في المشاركات والاقتباسات تجعل من لون حبره معروف ,, ومن السهل تميز الموضوع ان كان مسروق او كاتبه هو بنفسه ..

اتمني ان تحفظ حقوق الاخرين في النشر كما يحفظ الشخص انتمائه ونسبه ,, فكلماته التي كتبها ربما سهر عليها الليالي واوقد لها شمعاً حتي تنال اعجاب قارئها


وديـ وتقبل مروووري

[ود النصر]

ود النصر لك التحيه ممزوجة بروعة موضوعك ..

المنتديات اصبحت مثل الحلقه المغلقه ,, دائره ,, المواضيع تكتب هنا وتنشر هناك .. فقط الاختلاف يكون في مصداقيتها وكيفية انتسابها لاصحابها .. البعض يكره كتابة كلمة منقول والبعض يكسل او يعجز عن كتابتها ,, والبعض لايجد صاحب الموضوع وكاتبه الاساسي فيتجاهل الامر ,,
شخصية العضو تعكس ايضاً الصوره الخفيه للموضوع ,, وكتابات العضو في المشاركات والاقتباسات تجعل من لون حبره معروف ,, ومن السهل تميز الموضوع ان كان مسروق او كاتبه هو بنفسه ..

اتمني ان تحفظ حقوق الاخرين في النشر كما يحفظ الشخص انتمائه ونسبه ,, فكلماته التي كتبها ربما سهر عليها الليالي واوقد لها شمعاً حتي تنال اعجاب قارئها


وديـ وتقبل مروووري

[align=center]ود الشرفة يا رائع
اولاً مرورك جميل
وطرحك للفكرة اجمل
حقيقي انا زهلت لمن شفت بعض المواضيع
البعتبرها ركن من اركان المنتدي متناثرة بين
المنتديات.
وصراحة كلامي ما اتهام لاي شخص
ولا قصدي منو شي او موضوع محدد
بس اكيد المصداقية مطلوبة في حاجة
زي دي لانو صراحة ممكن تضع علي
الشخص علامة استفهام كبيرة.

تسلم مرة اخرى على المرور
وكل عام وانت بخير.[/align][/size]

[بعد الزمن]

المنتديات عبارة عن وكالة بدون بواب وساحة مفتوحة على مصراعيها
والسرقة على عينك يا تاجر (الختشو ماتو)
ولكن من خلال متابعتك لمواضيع الاعضاء ممكن تميز اذا كان الموضوع
ملطوش ولا من عرقو (بنات افكارو) وزي ماقالت ريانة الواحد يكتب (منقول)
عشان يتجنب الاسئلة (من أين لك هذاا.......!!!!!!!!!!!)

برمه :
في ناس كده ومعروفين (حرامية بتاعيين خواطر .......!!!!!!!!!!!)

[ود النصر]

المنتديات عبارة عن وكالة بدون بواب وساحة مفتوحة على مصراعيها
والسرقة على عينك يا تاجر (الختشو ماتو)
ولكن من خلال متابعتك لمواضيع الاعضاء ممكن تميز اذا كان الموضوع
ملطوش ولا من عرقو (بنات افكارو) وزي ماقالت ريانة الواحد يكتب (منقول)
عشان يتجنب الاسئلة (من أين لك هذاا.......!!!!!!!!!!!)

برمه :
في ناس كده ومعروفين (حرامية بتاعيين خواطر .......!!!!!!!!!!!)

[align=center]قالوا المحامي الزول الوحيد الما بيختشي
والله يا بعدو انتا
وتسلم على مرورك.

عارف المشكلة انو انت بتقيم الزول
من خلال مشاركاتو
بس لمن تكون دي ما حقتو
اكيد حتكون مخدوع في تقييمك

عموماً الباب مفتوح لكل الاراء
وصراحة ده موضوع محتاج وقفة برضو.[/align][/size]

[mustafa.karim]

اخي هنالك مواضيع دائما ما يتم تناقلها في المنتديات و ليس في ذلك حرج ان يتناقل الناس المواضيع التي تهمهم فحتى لو عرف المالك الاصلي للموضوع ما المشكلة في ان تنقل المواضيع , بالعكس مالك الموضوع يجب ان يشعر بالفخر لان موضوعه قد وجد آذانا تسمعه و هذا يزيد من شهرته

[اروع من الورود]

[align=center]عارف [align=center] المشكلةانو انت بتقيم الزول
من خلال مشاركاتو[/align][/size]بس لمن تكون دي ما حقتو
اكيد حتكون مخدوع في تقييمك

عموماً الباب مفتوح لكل الاراء
وصراحة ده موضوع محتاج وقفة برضو.
[/align][/size]

موضووع جمييل للنقاش

انت قلت بتقيم الزول من مشاركاتو
مشاركاتو دي ماضروري يكون كاتبها بي نفسو
لانو المواضيع البينقلها بتعبر عن اعجابو بيها وبي شخصو
فما ممكن زول ينقل كلام ماعاجبو !

وفي حاجات مرات بتكون معلومات عااامة يعني ماتعتبر سرقة
وممكن نسميهو نقل هادف لتعم الفائدة
كمان لو كل زول لقى انو اشياءو منقولة مع حفظ الحقوق طبعا اكيد حيفرح وحيحس انو شي مهم احسن من مايكون موضوع هادف ومهمش

واشكرك على الطرح الجميل

[الأميرالحب]

ود النصر :
اشكرك ع طرح هذا الموضوع
بجد موضوع هادف واتمني من الاعضاء المداخله
وتاني شي
انا عاوز اقول حاجه
منتدي انا سوداني اقلب المواضيع ملطوشه
حتي بتاعت الحوار العام
الخواطر دي معروفه الناس بتحب الشعر وبتقرا
وممكن تعجبك حاجه وتلطشها عادي جدن
ولكن الشئ الماعادي هو تجاهل كلمة منقول
ع العموم
ربنا يدينا الصحه والعافيه
ويكفينا شر اللطش
وياريت الواحد يلطش يا قول ريانه يكتب منقول
يعني كتبت الكلام الكتير دا غالبك تكتب منقول

وشكرآ

[عاشق ضياء]

السلام عليكم


حكاية نقل المواضيع دي والله حكاية غريبة يا شباب


وبصراحة مفروض انه اي موضوع الشخص يكتب عليه منقول وما شرط يكتب ناقله من وين بس يكون الحق محفوظ


والغريبة في سرقات اسواء وهي سرقات الخواطر والاشعار فالواحد بيجي في منتدى يكتب خاطرة أو ابيات شعر

بيجي شخص اخر بينقلها في منتدى تاني والناس شغاله تقول ليه يا شاعر وهو إما ما قاصد سرقتها أو هو ما قادر يصرح يقول نقلتها

فاتمنى انه الادارة يكون ليها دور في حكاية نقل المواضيع دي بطلب تحديد كتابة منقول على اي موضوع

ويتم استثناء المواضيع الاخبارية والمعلومات



وتحية خاصة لاصحاب الردود فقد استمتعت واستفدت كثيرا من بعض الردود
لكم التحية ولي عودة ان شاء الله

[د. عادل علي كبّار]

[align=center]صدفة بحتة ،، عندما دعاني احد

معارفي للانضمام لمنتدي ........

وهو المنتدى الذي بحمل اسم

مدينتي المحبوبة.

فرحت لهذا الاكتشاف وانا امني

النفس بساحة التقي فيها بابناء

منطقتي الحبيبة...

وقد كان.

لكن ما لفت انتباهي عناوين لمواضيع

من فرط تطابقاها حسبت انني في منتدي

انا سوداني.

عملت مسح على كم منتدى كدا فتفاجأت

بنفس العناوين .

فخطر في بالي هذا السؤال:

عفواً ... موضوعك ...مسروق،،،، ليييييييه؟؟؟؟

دايرين اجابة او رأي او نصيحة او اعتراف

ممكن؟؟؟[/align][/size]

من آداب المنتديات النقل مع الإشارة إلى المراجع التي تكسب الناقل الاحترام ، وأحيانًا تتوارد الخواطر فتتشابه العناوين .....

[إشراقه]

اسمحولى اشارك فى الموضوع
السلام عليكم ورحمة الله وبركاته
كتبت من فترة موضوع قريب جدا من الموضوع ده او نفس الفكرة
بس للاسف ملاقيت إجابة ترضينى أو حتى أعقلها بتكلم طبعا عن موضوعى
المشكلة إن الأمانة الأدبية مس بس ضاعت من بعض الناقل الغير أمين لكن ضاعت للآسف فى بعض المنتديات اللى بتشجع النقل الغير الأمين لمواضيع الغير
أنا أفهم أن الناقل وإن تذوق ما نقله يشكر جدا عليه أيه الضرر فى وضع كلمة منقول
إذا أتحقق الفائدة من الموضوع لكن بخصوص الخواطر أى فائدة ممكن تعود على من ينسب خاطره لنفسه
وأى كلمات شكر وإعجاب وهميه ممكن ينولها من باب أولى نشكره جدا على تذوق للخواطر ونقلها
لكن ينسبها لنفسه أكيد مش أمانة أدبية .
الموضوع هنا يطول شرحه وليا موضوع خاص بالنقل الغير آمين أو سرقة المواضيع
وشكرااا لموضوعك بجد هادف جدا وعجبنى جدا
تسلم

[The Sniper]

الصحيح انو يتم الاشارة لصاحب الموضوع و المصدر

لكن شخصيا اذا في حد نقل موضوع من مواضيعي لمنتدى تاني حاكون مبسوط
لأنو في عدد اكبر من الناس حتكون اطّلعت و استفادت من الموضوع و دا المطلوب ...

تحياتي ...