المريخ زعيم امة السودان بالوثاق والوقائع والتاريخ

[مصعب الحداد]

انحنا بالتحكيم ولابغيرو بنمشي لقدام
لكن انت حتى بالتحيكم والطوب والفليق سيكافا مابتشيلها ياحمام

[مصعب الحداد]

ان كان رجال امشوا العبوا هناك
والله يدقوكم ويكسروكم ويغلبوكم ههههههههههههههههههههههه
برضو الهلال السبب

[Tawfik omdur]

ماشين ماشين يا مصعب

دقه وبتروح لكن بنغلبهم بالثلاثة ونجوا راجعين هههههههههه

ان شاء الله عفش شحنة راكب ؟؟؟؟

[Tawfik omdur]

حم حم يا حمام

كبوا لي موية السكر بجي قوام

شفت ليك يا مصعب زول ببني وبرجع لي وراء بمشي قدام

ههههههههههههههههههههههههههههههههه

صدقني لو انصلح حال مسئولي الهلال وصحافته ربنا ببارك في مشاركاتهم

وبالتاكيد لو رفعوا اياديهم بالدعاء ربنا بيستجيب ويحقق لهم الفوز باول بطولة قارية

في تاريخ الهلال

لكن الهمشرة والبربرة ما بتودي الهلال قدام

وارجع الى كل مشاركات الهلال وكيف خرج منها في كل مرة

بعد ان يتقدم كثيرا في المنافسة وفجاة يضيع كل شي

ويبدأ من جديد ؟؟؟؟؟؟؟؟؟؟؟؟؟؟؟؟؟؟؟؟؟؟

تحياتي وصدقني ما حاقد بل ناصح

[Tawfik omdur]

استضافت بت.الصادق امس فى قناة قوون الصحفى الغيور ياسر المنا وصاحب تكية قناة فووول
رمضان احمد السيد الذى ظهرت عوارته بكل وضوح فى الحلقه
كما كان حضورا المتملق عبدالمجيد عبد الرازق ؟؟؟؟
شن ياسر المنا هجوما عنيفا على صحيفة وقناة قوون واتهمهم بالميول الهلاليه .فاطمه الصادق سالتو عن صحيفة قوون قاليه صحيفة هلالية التوجه .هنا تدخل عبد المجيد عبد الرازق الذى قال بانه يشهد بحيادية صحيفة قون قبل ان يتدخل ياسر المنا مره اخرى وقاليهو انت مابتقرأ لى محمد عبد الماجد ولا شنو؟ وهنا صمت عبدالمجيد ومن معه صمت القبور؟؟؟

وعن قضية الرشوة اقسم ياسر المنا بالله انهم يمتلكون مستندات دامغه واكيده تؤكد تورط الهلال فى عملية الرشوة للاعبى انيمبا ولكن حفاظا على اسم السودان لم يخرجو المستندات امام الراي العام ؟؟
ولكن ان اصرت اي جهة انكار ما حدث فلك حادثا حديث ؟؟؟
والماشف الحلقة في قناة فوووول نص عمره ضائع

لان ود المنا بهدل بت الصادق وشلة رمضان في شهر رمضان والمطبلاتي عبد المجيد عبد الرازق
؟؟؟؟؟؟؟؟؟؟؟؟

[Tawfik omdur]

كرر الاستاذ الصحفي احمد محمد احمد كثيرا انه
يمتلك مستندات تدين الهلال وتفضحه
وتبهدله وتشتت شمله اكتر من فضيحة 2+ 12 التي كشفها شداد بنفسه

وانه لن ينشرها بحجة الوطنية ؟؟؟؟

كذلك الاستاذ ياسر المنا ذكر في قناة قوون انهم
يمتلكون مستندات كثيره تدين وتؤكد صحة تورط
همشري في رشوة نادي انيمبا متمثله في اللاعبين الثلاثة ؟؟؟؟

بلا وطنية بلا بطيخ لو عندكم المستندات كما تقولون وتؤكدون فانشروها على الملاء

منتظرين شنو ان كنتم حقا مريخاب

نحن عارفين اخلاق المريخاب لكن مع هولاء كل شي يجوز

فانشروا الغسيل القذر وخلو الما يشتري يتفرج

[Tawfik omdur]

السؤال المهم اين ادارة الهلال ؟؟؟

ولماذا صمتت صمت القبور ؟؟؟؟؟

ولماذا لا ترفع دعوة رد اعتبار للنادي سيد البلد كما يدعون ضد

هولاء الصحفيين الذين اعلنوا عن رشوة قدمها الهلال لثلاثة من لاعبي انيمبا ؟؟؟

اعلنوا ذلك في القنوات الفضائية وفي الصحف والمواقع الليكترونية

تاني يا همشري والبربره حارسين شنو ما ترفعوا دعوى تقاضوا الرجال ديل ؟؟؟

اتهموكم عديل عينك يا همشرة وبربرة لا دسوه ولا قالوا تحت تحت

كشفوا كشف وحتوا حت امام الملاء وامام كل الناس والاجناس والاعراق والالوان

من عباد الله ؟؟؟؟؟؟؟؟؟؟؟؟؟

[مصعب الحداد]

والله يامحلي انت ياطيشابي الهلال البيلعب في الابطال عامل ليك وجع شديد في الفشفاش
انت مالك ومال الرشاوي انتوا مش عندكم الوالي وفريقكم ياهو برشلونه افريقيا ماتعملوا كده وتتاهلوا للابطال
انت خليك من رشاوي الهلال وهو رئيس اعلى سلطة رياضية في العالم قاعد بالرشاوي وقبلو هافيلانج نفس الشئ
وقطر استضافت كاس العالم بالرشاوي
وابن همام شالوهو من الاتحاد الاسيوي بسبب الرشاوي
انت خلي فريقك الحمام الميت ده يلعب في سيكافا والدوري المحلي (وبرضوا مابيعمل حاجة) واقعد تابع لي رشاوي الهلال خخخخخخخ

[Tawfik omdur]

أوردت صحيفة حبيب البلد خبراً مفاده أن معتمد عطبرة أعلن عن تحفيز كل لاعب من الأمل بمبلغ خمسة آلاف جنيه في حالتي الفوز والتعادل! ؟؟؟؟


* وأكدت الصحيفة أن المعتمد المذكور حرص على حضور تدريب الأمل وخاطبهم بالإنابة عن والي الولاية، وحثهم على تحقيق الفوز على المريخ! ؟؟؟؟


* السؤال هو: هل درج السيد المعتمد على تحفيز لاعبي الأمل في كل مباراة يفوزون بنتيجتها في الممتاز؟


* وهل هو متعود على زيارة تدريب فريق الأمل ومخاطبة لاعبيه قبل كل مباراة؟ أم أن هذا الأمر حصري على مباريات الأمل مع المريخ فقط؟


* ما حقيقة انتماء السيد المعتمد؟ هل يشجع الأمل حقاً أم ينتمي إلى نادٍ آخر؟[/

color] انتهى كلام ود ابو القاسم


............................................
بالامس هزم زعيم وسيد اندية الوطن الامل والعاقدين عليه الامل في تعطيل المريخ

والتحكيم ومعتمد عطبرة الازرقاني وكل من دبر وتأمر على تحويل مباراة المريخ مع الامل

من الدامر الى شندي ثم ركزوا على بورتسودان لان الجو فيها رطب وساخن ومرهق للاعبيين

ونسوا وتناسوا ان لاعبي الامل ليس هم من يعطلون الزعيم

اثرت الرطوبة وقلة الاوكسجين على جميع الاعبيين

ورغما عن ذلك تفوق الزعيم وخرج منتصرا بثلاثية وان كان قد خربها غياب اهم لاعبيين في خط دفاع الزعيم فاحرز الامل هدفين افراح الجماعة فهللوا الا ان جاءت الطامة والهدف الثالث

الذي لم يتحمله لاعبي الامل فضربوا واعتدوا ورفسوا ونطحوا وحكم السرور يتابع مباراة الملاكمة

وهو مبسوط ولكن هيهات هيهات فقد انفقعت مرارة بن زرقان وانتفخت المعدة والمصران

وخرجوا بامل ابليس في الجنة ؟؟؟؟؟

[مصعب الحداد]

هسه انتا فرحان كده مالك غلبت الاهلي المصري ولا الترجي ولا انيمبا
غلبت الامل ياتعبان يامحلي

[Tawfik omdur]

والله يامحلي انت ياطيشابي الهلال البيلعب في الابطال عامل ليك وجع شديد في الفشفاش
انت مالك ومال الرشاوي انتوا مش عندكم الوالي وفريقكم ياهو برشلونه افريقيا ماتعملوا كده وتتاهلوا للابطال
انت خليك من رشاوي الهلال وهو رئيس اعلى سلطة رياضية في العالم قاعد بالرشاوي وقبلو هافيلانج نفس الشئ
وقطر استضافت كاس العالم بالرشاوي
وابن همام شالوهو من الاتحاد الاسيوي بسبب الرشاوي
انت خلي فريقك الحمام الميت ده يلعب في سيكافا والدوري المحلي (وبرضوا مابيعمل حاجة) واقعد تابع لي رشاوي الهلال خخخخخخخ

يعني يا مصعب من كلامك ده نعرف ان ما دام ديل كلهم قاعدين يقدموا الرشاوي

معناها بقت حلال ما دام الفيفا ظاته عاقبة اكبر مسئول رياضي في قطر بالايقاف بتهمة الرشوة والفساد

يعني انتم بتاخذوا رخصة من الاخرين الراشين والمرتشين لتعملوا بها

يعني اي جهة تقوم بالرشوة بنسبة لكم غدوة ؟؟؟؟؟؟

طيب يون كرم خصال السوداني الاصيل ؟؟؟؟

يا حيف عليكم عشان الناس بترشي انتوا تبقوا ذيهم

بالله خليك من هلال مريخ واي حاجات تانية

الكلام ده البتعملوا فيه صحيح ؟؟؟ الهمشرة ؟؟؟؟

الراشي والمرتشي في نار جهنم ادارة الهلال ما عارفه الكلام ده ولا شنو ؟؟؟؟؟؟؟؟

زعلاتني يا مصعب

[Tawfik omdur]

هههههههههههههههههههههههههههههههههههههههههه

وتاني هههههههههههههههههههههههههههههههههههه

منو القال ليك انا فرحان لان المريخ هزم الامل

عادي جدا ان يهزم المريخ الامل وتذكر اننا قبل ذلك هزمناه بال 8 /صفر

وبالخمسة وبالاربعة

لكن بالجد انا مبسوط جدا وفرحان جدا وشمتان جدا لكثيرين كانوا منتظرين هزيمة وتعطيل

المريخ وقتل المريخ الامل في قلوبهم

اولهم الهلال ادارة وجماهير وصحافة هلالية قبيحة واتحاد عام فاسد ولجنة تحكيم مرتشيه

وثانيهم معتمد عطبرة الازرقاني الذي لو كان متاكد من ان الامل سيهزم المريخ

لما وعدهم بخمسة مليون بالقديم لكل لاعب اذا هزموا الزعيم المريخ سيد اتيام الوطن الجريح

لكن بالتاكيد كان المعتمد سيعطيهم من مال الشعب وليس من حر ماله

لان البلد اصلها سايبه وحكومتها فاسدة

ووالله لو كان هذا المعتمد مريخي لما ادخل نفسه في مثل هذه الترهات لان موقعه اكبر من ان يتولاه

احد ياتي لفريق ليحرشه ضد فريق اخر وهو في حجم هذه المسئولية وعليه ان يحترم عمله وعطبرة

المسئول عنها والتي فيها مريخاب كما فيها هلالاب فكيف يثق الناس في مثل هذا المعتمد ؟؟؟؟

وذي ما منح وزير المالية ادارة الهلال ملايين الدولارات لتسجيل مواسير مصديه ماركة اوتونج

كان معتمد عطبرة سيمنح فريق الامل في حالة الفوز من مال الدولة السائب ؟؟؟؟

[Tawfik omdur]

بسم الله الرحمن الرحيم
في السلك
الامل والمؤملين عليهو
* امس بعون الله
* وبفضل منه
* قضينا علي الامل وعلي المؤملين عليهو
* اجمل مافي المباراه
* انو الامل جاهو امل بعد ان تعادل
* والمؤملين في الامل جنوا
* ظنوا انو (القيم ) انتهي
* نسوا ايدكو
* وناس الامل نسوهوا معاهم
* الاخوه الاهله الاشقاءالاشقياء( وهذا قدرهم )
* كانت عندهم ندوه ثقافيه في ناديهم (بيت زرقان )
* ثقافه علي ضفاف الكسبره والشمار
* يتثفوا بالشمارات
* ولما تعادل الامل
* تركوا الثقافه
* والقيافه
* ورقصوا بكثافه
* واذا بايدكو يحول الرقصه الي (اسلو )
* كل واحد من الجماعه حضن واحد ورقدوا واطه
* شئ تشجنج
* وشئ هضربه
* وشئ غيبوبه
* واحدين قاموا جاريين
* ايها الاخوه الاشقاء الاهله
* قلنا ليكم المريخ ده بخلي المجنون يهبش والعاقل يطقع
* كان اخير ليكم تنتهي تلاته صفر
* لكن بعد ما الامل اداكم امل
* بقت احلي
* وهو في حلاوه الذ من نلقاكم مننطين عيونكم والحساده مولعه عيونكم جمر ؟؟؟؟
* ياحاسدين غرامنا
* المهم
* ساكواها تاني سواها
* اربعطاشر مره سواها
* وايدكو قضي علي الازرق واليابس
* ايدكو كده جاب كم قون؟
* قلت لي كنج كونج جاب اولادو ؟؟؟؟؟
* قالوا سادومبا ينافس ساكواها
* وهو ايدكو الجانا امس ده اظنوا لحق سادومبا
* ولحق ناس سادومبا امات طه
* اتأملي
* في قون ايدكو
* لكن ياتو قون فيهم ؟؟؟؟؟؟
* في قون رمضان
* لكن اقوان رمضان بتاعت ايدكو ماكتاااااار
* ياتو فيهن
* بعد الكوره سألت هلالابي
* قلت ليهو احلي قون ايدكو التاني ولا احلي قون ايدكو التالت ؟؟؟
* قال لي ايدكو الجن ده جبتوهوا من وين ؟؟؟
* قلت ليهو جابو العقيد صديق علي صالح
* شكرا سعادة العقيد
* وتاني جيب لينا واحد
* هلالابي زعلان قال لي ايدكو قدر عربية النفيايات
* قلت ليهو العربيه عندنا وقروش النفايات عندكم
* غايتو ياهلالاب
* اقوان ايدكو ديل
* واحد فطور
* وواحد سحور
* واتسحري
* ايها الناس
* قلنا ليكم مباراة الامل هي مباراة البطوله
* مبروك علينا الممتاز مع احترامنا للباقيين
* لكن اتمني ان يكون الامل كذلك طوالي
* واتمني ان اجد الامل في مباراة الجماعه مصرا علي الفوز
* واتمني ان تقتنع القاعده الرياضيه بان الامل يلعب لنفسه فقط
* واتمني ان يكسب الامل كل مبارياته المتبقيه بالذات داخل عطبره
* واتمني ان لاتنتهي صداقة ناس رمضان والرشيد بالامل
* ماممكن علاقه زي دي تنتهي بمجرد احراز ايدكو للهدف الثالث لفريقه والثاني له
* علي اليمين القون التاني
* حلف النيتو مايضربها بالقوه دي
* صديق علي صالح
* عافي منك يا اخوي
* ايها الناس
* الجماعه بقوا ناس ثقافه سااااااااااااي
* تاني رجعوا للندوه
* بقروش النفايات
* بالفي
* بالمافي
* السنه دي اقلبوهوا ثقافي
* اسلام قالت لي الكوره وين ؟؟
* قلت ليها في الشرق
* قالت لي في همشكوريب ؟؟؟؟
* قلت ليها يابت نحنا بتاعين همشره وكريب كمان ؟؟؟؟؟
* ايها الناس
* كانت مباراه صعببه جدا
* ولكنها ممتعه
* واحد قال لي كوره تلاته ساعات ؟
* قلت ليهو الكوره دي لاعبه عشره يوم
* تلاته ساعات شنو
* المهم
* قضينا علي آخر امل
* وعلي كل المؤملين عليهو
* اتأملي
* شفت المريخ ده جميل كيف ؟؟؟؟
* تاني اتأملي
* ايها الناس
* دي تصبيره
* بكره الكلام
سلك كهربا
ننساك كيف والجماعه ايدكو رقصهم ( اسلو)
والي لقاء
سلك

[مصعب الحداد]

انا لما قلت الكلام ده ماعشان ااكدو على الهلال لكن عشان اوريك انو الرشوة حاصلة في كل مكان
وانتوا اكبر راشين والدوري الاخير الشلتو شايلو بالرشوة والتحكيم
وفي مثل بيقول ليك كل يرى الناس بعين طبعه
انحنا اكبر من تفاهاتكم البتقولوا فيها ولو بنضرب حساب ليكم كان بقينا محليين ومسوكفين زيكم
انحنا بنلعب في الشاميونز ليق الافريقي ياتعبان
وانت خليك مع ناس هلال كادوقلي ومريخ الحصاحيصا واقعد قول ناس الهلال راشين ومرتشين

[مصعب الحداد]

هههههههههه والله فرحان ولاداير تطير من الفرح وفاتح موضوع ليه مدمام مافرحان
انحنا اتعادلنا مع انيمبا في بلدو اعتبرناها غلب وغلبنا الرجاء وبرضو اعتبرناها خسارة عشان ماغلبنا بنتيجة كبيرة كالعادة ولاهللنا ولاطبلنا وانت قاعد تقولي الامل ولامل وسيكافا خخخخ
الهلال دوري الابطال الافريقي الكبير حارررررررررررررررررررق دمكم

[Tawfik omdur]

سأل سادمبا لماذا لم تلعب مع الهلال في مباراة اتحاد مدني ؟؟؟؟

رد قائلا طبعا بالانجليزي زمبابوي هو انا التمارين قاعد اجيها ؟؟؟

السائل :- يازول معقول التمرين ما قاعد تجي ؟؟؟

سادمبا تزاول من ضلك انا زمبابوي ما زول وتوقفت عن التمارين ؟؟؟

السائل ليه اتوقفت ؟؟؟

سادمبا يا اخي ديل ناس عجيبة راتب شهر يونيو وشهر يوليو وهسع اغسطس انا ما استلمته

منه دولار واحد ؟؟؟

السائل بالله ولا بالجنيه السوداني ؟؟؟

سادمبا ولا بالجنية التعبان ده هو عندو ؟؟ هلال فلسان ساي

السائل والحل يا سادمبا شنو ؟؟؟؟

سادمبا طبعا البرير وجماعته جوني خنصوني تخنيس وانا اقول لا ما في راتب مافي لعب

البرير يقول عشان خاطري انا ؟؟؟ سادمبا يقول خاطرك ده باطل ناس امي كسرة ؟؟؟

انا داير حقوقي كاملة تلاته شهر ؟؟ شهر ينطح الشهر

السائل بالله تنازلوا عن كرامتهم وحنسوك عديل كدي واترجوك ؟؟؟

سادمبا كان ما مصدقني اسال همشري وبريري ده ؟؟؟؟

بعدين ما تنسى مباراة القطن الكميروني جايه وهم محتاجين لي لازم يتنازلوا عن كرامتهم

ويجوني محل ما ساكن ويترجوني رجاء ؟؟؟

السائل اها وافقته ؟؟؟

سادمبا لا لا لا قلت ليهم تدينوا تنهبوا تسرقوا قروشي بس قروش في لعب في ؟؟؟؟؟

يضيعوا لي في قروشهم في تسجيل المواسير ابوتونج وابو مخليه ورشوة الاعبيين والحكام

وانا امي عيانه دايره علاج وراتبي ثلاثة شهور ما صرفته

قل لي بالله اقبل وين اقبل وين

ترباس يا سادمبا

اخيرا الحل شنو ؟؟؟

سادمبا الحل بسيط يدفعوا نلعب جنس لائب ونجيبوا اقوان اتنينات اتنينات اهي اهي

[Tawfik omdur]

يا حبيبنا مصعب

بينا وبينكم الايام وحنشوف البطولة الافريقية حتدخل امدرمان ولا

بتجوا راجعين كالمعتاد مع العفش

ههههههههههههههههههههههههههههههههههههه

والامل النكتب في قلوبكم امس راح

والممتاز بقى ليكم مسيخ

وما اظنكم تجيبوا كاس ولو من فاضي فسيخ


شفت يا مصعب انا شاعر كيف ؟؟؟؟؟؟؟؟؟؟؟؟؟؟؟؟

[ابو ايووودي]

هوووووووووي يا وصيفاب
عليك الله فرحان عشان غليت الامل بضيق الانفس
على فكرة الدوري الممتاز ده معروف يا هلال يا مريخ
حتى كان بعد عشرين سنة ومافي فريق يقدر ينافس فرق القمة
يعني دوري بين فريقين والفرق الاخرى يتنافسوا في الهبوط
المهم مبروك الفوز عشان على الاقل تكونو عوضتو حق المحترفين والمدرب

[Tawfik omdur]

مزمل ابو القاسم

سيف المريخ البتار

أقرا واستمتع بالامل الخاب ومات في قلوب الصابرين المليانه احقاد


عمود مزمل كبد الحقيقة 8/8/2011

أرقص يا معز.. قبل شلبي!
* فرض أب زرد الأحكام العرفية على فرق الدوري الحالي وتبارى في ضربها بلا هوادة وأخضعها جميعاً بلا رحمة وفرض عليها حكم القوي على الضعيف!

* وتأكيداً على رغبته في شكم الخصوم بدأ الزعيم حملة استعادة اللقب بتجريدة إخضاع الأهلة، فضرب الهلال الابن في أول مباراة، ثم عرج على الأب فضربه على قفاه وأدبه وقطع لسانه من عصراً بدري!

* كل نقاط الولايات داخل الجراب الأحمر!

* كل نقاط الأهلة في الحفظ والصون!

* وتوالت انتصارات الزعيم تترى، وتساقطت الفرق أمامه الواحد تلو الآخر، وظل الأهلة يصبرون أنفسهم بالحديث عن حجوة أن الفريق الأحمر عادةً ما يتقدم مبكراً ويتراجع في النصف الثاني للموسم كل مرة!

* وبدأ النصف الثاني من الموسم، وانتظر الأهلة أن تتحول آمالهم إلى واقع، وأن يتراجع المريخ ويتعثر!

* راهنوا أولاً على هلال الساحل فنال حبتين (مكرر)!

* حبة من أديكو وحبة من عجبكو!

* وانتقل الرهان إلى أهلي شندي ووضع الأهلة كل بيضهم في سلة من هزمهم، فنال المعلوم بالورغنة!

* وراهنوا على الموردة فانضربت بمازيمبية تاريخية!

* بعدها حملوا آمالهم شرقاً وراهنوا على حي العرب سوكرتا فتمت سكوهته بإتقان!

* بندول سكواها (حبتين عند اللزوم)!

* وانتقل الرهان إلى الأمل.. لكنه ما اكتمل!

* مع الأمل ما فيش أمل!

* وكلو محصل بعضو!

* المريخ لم يتراجع.. وغالب على طول فما العمل؟

* كل من واجهه انضرب على وجهه وعلى قفاه!

* خمس مباريات متتالية في الدورة الثانية والمحصلة لم ينجح أحد في إيقاف قطار الصدارة الأحمر!

* والضرب شغال بإهمال!

* راحت حجوة أم ضبيبينة الخاصة بتراجع الزعيم في النصف الثاني للدوري شمار في أمل!

* المريخ صدارة في كل شيء!

* الأحمر فارس الدوري الحالي وسي السيد في ساحته بلا منازع!

* صدارة ترتيب.. صدارة هدافين.. الأكثر فوزاً.. الأقل خسارة.. الأوفر تسجيلاً الأحلى عروضاً!

* كل الأرقام القياسية بطرف المارد الأحمر!

* من الواضح أن اليأس بدأ يدب في نفوس من انتظروا تعثره في مطلع الدورة الثانية!

* ده المريخ.. يا هو ده المريخ!

* ألغى له الحكم هدفاً صحيحاً (ناله أديكو) واحتسب هدفاً غير شرعي لخصمه (من تسلل الطاهر حماد) وخرج منتصراً بجدارة.

* هذا هو المريخ الذي تحبه الصفوة ويكرهه الخصوم!

* يهزم التحكيم والتنجيم والألوف.

* المريخ متصدر والهلال متعكر ومتعثر!

* الزعيم متصدر في الصيام والفطر وحتى في الأعياد!

* ومع أديكو ريمي ما فيش يمة أرحميني!

إشمعنى شلبي؟

* كتبت صحيفة وصيف البلد مانشيتاً بالبنط العريض حمل عبارة: أرقص يا شلبي!

* مغزى العنوان واضح، ويحوي اتهاماً مبطناً للمريخ بشراء ذمة حارس الأمل!

* ألم نقل لكم إن الدور بعد أبو بكر الشريف سيأتي على شلبي؟

* ألم نقل لكم إنهم سيتهمون كل حراس الممتاز بالتواطؤ مع المريخ؟

* المرشح القادم للبيع بإهمال حارس نيل الحصاحيصا مجدي الكدرو!

* ونسأل هؤلاء: لماذا يرقص شلبي وحده؟

* كل فرق الممتاز باستثناء أهلي الخرطوم انضربت من المريخ!

* وهذا يعني وجود صف طويل من الحراس البياعين للزعيم!

* قبل أن يطالبوا شلبي بالرقص عليهم أن يفسحوا المجال للمعز محجوب كي يرقص أولاًَ، لأنه انضرب أولاً!

* وقد انضرب المعز في آخر مباراتين للقمة مرتين!

* وبالتالي يلزمه أن يرقص مرتين!

* مرة على أنغام موسيقى هنو وراجي!

* والثانية على إيقاع سكواها الذي سواها وفجر شكواها!

* كل حراس الممتاز باستثناء إيهاب زغبير رقصوا على إيقاع طبول السكوهة والأدككة والورغنة!

* كلهم ذاقوا المر، وجابوا من جوة!

* فلماذا تفرزون منهم شلبي المسكين؟

انهزموا فأفلسوا!

* عقب تسجيله الهدف الثالث للمريخ تلقى الإيفواري أديكو صفعة قوية من مدافع الأمل مجدي أم بدة، وحاول أحد لاعبي الأمل التعدي على الجهاز الفني للمريخ.

* ونال سكواها بونية قوية على ظهره في كرة مشتركة!

* وعقب نهاية المباراة اشتبك بعض لاعبي الأمل بقيادة الطاهر حماد مع جمهور المريخ!

* لماذا يلعب الأمل مع المريخ بكل هذه العدوانية؟

* لماذا تتكرر حوادث الشغب من لاعبي وجماهير الأمل في كل مباراة للفريق مع المريخ بالذات؟

* كم مرة عانى لاعبو المريخ من حجارة جمهور الأمل؟ وكم مرة عانوا من ضرب وعنف لاعبي الأمل؟

*كم مرة أصابت حجارة جمهور الأمل رؤوس وأجسام لاعبي المريخ وأجبرتهم على الاختباء منها خلف لوحات الإعلان؟

* نريد من محبي الأمل تفسيراً للعدوانية العجيبة التي يواجه بها الأمل المريخ كلما لاقاه؟

* عدوانية في الملعب وعدوانية في المدرجات!

* ماذا هناك يا أملاب؟

* ما سبب كل هذا العداء المستحكم مع المريخ؟

سلاح الجو حسم موقعة ذات الرؤوس!

* في موقعة الميناء الحربية كانت الكلمة العليا للرؤوس النووية!

* وكان الفيصل رأس (أديكو)!

* سمعنا في رمضان بسيد جرسة ولم نسمع بسيد ثقالة الذي قضى على الأمل في آخر دقيقة برأسية حارقة أقضت مضاجع البعض، وسفهت آمالهم وأحلامهم.

* حد يقضي على الأمل يا أديكو؟

* الإيفواري طارد الخصوم شبكة شبكة.. رأسية رأسية.. نووية نووية.. زنقة زنقة وهمشة همشة!

* أديكو الإرهابي.. جايي من ليبيا وفاتح نار طوالي!

* سألنا أديكو عن رأيه في أهدافه الأخيرة فقال: نحن لم نستخدم القوة بعد!

البدري غلط

* ما كل مباريات المريخ تسير على وتيرة واحدة يا سيدي حسام البدري!

* ومع ذلك لاحظنا أنك ظللت وفي كل مباراة تجري تبديلاً ثابتاً في منتصف الحصة الثانية، تسحب بموجبه وارغو وتدخل فيصل العجب!

* في لقاء أمس الأول كان المريخ متقدماً بهدفين نظيفين على فريق بقوة وشراسة الأمل، وعندما تبقت للنهاية ربع ساعة تقريباً أجرى البدري تبديله المحفوظ وسحب وارغو وأدخل العجب!

* وكان تبديلاً كارثياً بكل المقاييس، لأن الفريق لم يكن وقتها محتاجاً للتسجيل بقدر ما كان بحاجة إلى المحافظة على النتيجة، كما أن العجب نفسه لم يكن مهيأً للمباراة لأنه عانى من المرض قبلها، وفشل في أداء التدريب الأخير للمريخ قبل السفر إلى بورتسودان!

* وحتى ولو كان العجب جاهزاً ومعافى فإن دخوله في اللحظة التي اختارها البدري كان خطأً فادحاً، لأن مباريات الصيف التي تلعب في بورتسودان تمثل مباريات مجهود والعجب ليس لاعب مجهود، كما أن المريخ كان فائزاً في الأصل ولم يكن بحاجة إلى التسجيل بقدر حاجته إلى المحافظة على النتيجة.

* الأدهى من ذلك أن البدري أصر على إدخال مهاجم آخر وأشرك كليتشي، مع أن المنطق كان يفرض عليه إشراك لاعب وسط صاحب قدرات دفاعية أو مدافع صريح (مثل سفاري) لتأمين النتيجة!

* تبديلات البدري الخاطئة كادت تقصم ظهر المريخ في الميناء!

* ونقول للكابتن حسام إن مراجعة طريقة وقفة لاعبي المريخ لحظة تنفيذ الضربات الثابتة باتت واجبة بشدة، بعد أن استقبل مرمى المريخ أربعة أهداف بطريقة واحدة في الموسم الحالي!

* كرة مرفوعة خلف المدافعين من الناحية الأخرى ورأسية في مرمى الحضري!

* في النصف الأول للموسم الحالي تميز البدري بقراءته الجيدة لسير المباريات وتفوق في شوط المدربين.

* لذا نريد منه أن يواصل هذا التميز في الدور الثاني كي يحقق إنجاز الفوز بلقب الدوري مع المريخ بجدارة!

* الكأس بين يديك فلا تضيعه، ولا تسمح لعقد فريقك بالانفراط في بقية أيام شهر رمضان المعظم.

* حذارِ من منح اللاعبين راحة سلبية في بقية أيام الشهر الفضيل.

* فتح عينك تاكل ملبن يا بدري.

الوصيف وثالث الترتيب في آخر دقيقة!

* شكوى جاهزة للمصابين بفوبيا الحضري: شباك الفرعون صامت في الفطر، وأفطرت في رمضان!

* الحقوا الاتحاد وجهزوا الرسوم وقدموا شكوى!

* ولاحقوا أبو القوانين، بالمقالات والاستئنافات!

* هزم المريخ الوصيف في آخر دقيقة!

* وهزم صاحب المركز الثالث في آخر دقيقة!

* المساواة في الظلم في عرف الزعيم عدالة!

* في المرحلة المتبقية للدوري نتوقع أن يحتدم التنافس بين الهلال والأمل على المركز الثاني!

* خذوا حذركم من الأمل يا أهلة.. فالفارق بينكم وبينه تسع نقاط فقط لا غير!

* وبما أن الأمل يمتلك مباراة مع الهلال في عطبرة يمكننا أن نقول إن الفارق ست نقاط!

* وبمأ أن سكوهة الهلال في ختام الدوري مؤكدة فإن الفارق سينخفض إلى ثلاث نقاط فقط!

* وإذا خسر الهلال أمام حي العرب وهلال كادوقلي كما حدث في العام الماضي فسيتربع الأمل على المركز الثاني بجدارة واستحقاق!

* ووصافة المريخ شرف لو تعلمون عظيم!

* حذارِ يا أهلة.. الكونفدرالية محمداكم!

فرق يا الفاتح!

* نمنح من وضعوا أملهم على الأمل وخاب راحة قصيرة ونحول البث إلى شندي الجميلة!

* هناك تمت سكوهة أهلي الخرطوم بإتقان.

* أرسنال شندي شغال زي المريخ!

* المريخ غلب الهلال بمسمار.. النمور ضربوا الهلال بمسمار!

* المريخ غلب الأمل.. الأهلي شندي غلب الأمل أيضاً!

* المريخ فاز بآخر كورة في آخر دقيقة.. أهلي شندي فاز بآخر كورة في آخر دقيقة برضو!

* هناك أديكو ثقيل.. وهنا محمد عوض أثقل!

* الخصم بكى وأفلس في بورتسودان.. الخصم بكى وعمل دايخ في شندي!

* ثلاث حبات في الخرطوم.. وثلاث حبات في شندي!

* صحي بتدوخ يا الفاتح!

* بدون زعل ابتلع أهلي الخرطوم ست حبات أمام الأرسنال.

* ده ما انتحار راسو عديل يا الفاتح!

* فردة شندي تغطينا.. وبمبان دار جعل يبكينا!

* والمتحيل تبكيهو الريشة يا توحة!

* بين أهلي شندي وأهلي الخرطوم.. فرق يا الفاتح!

* لاعبو أهلي الخرطوم معذورون يا جماعة الخير، من قبل الاختناق قتل إسماعيل باشا في دار جعل!

* ستة سيطان مزقت ظهور أولاد أهلي الخرطوم.. الضرب حرَّ عليهم.. رقدوا خل.. وقالوا اختنقنا!

* يلا بلا لمة.. تاني تجوا المتمة؟

آخر الحقائق

* تسرعنا وانتقدنا الحضري على الإنذار واتضح أنه تكتيكي!

* الحضري لن يغيب عن توليفة المريخ أمام نيل الحصاحيصا، بل سيغيب عن مباراة في كأس السودان!

* حتى ناس خالدونا فرحوا، وقالوا الحضري موقوف أمام النيل!

* كلما قالوا موقوف لقوهو لاعب!

* الحضري أثقل من أديكو!

* لكن بصراحة أديكو مكمل الثقالة!

* الجماعة فرحوا وابتهجوا ورقصوا وغنوا.. وأديكو دكاها!

* على كل من تسرعوا وهاجموا العقيد صديق علي صالح على المجهود الذي بذله في تسجيل أديكو المبادرة بالاعتذار له فوراً!

* جاء أديكو بتزكية من أسد الرجال باسكال.

* التحية لسعيد السعودي، شيال التقيلة.. والإسبير الأصلي.

* والتحية للشغيل جمل الشيل.. فارس الفريق الأحمر.

* نصر الدين الشغيل من سلالة عمر أحمد حسين وجمال أبو عنجة وبدر الدين.

* نتيجة المريخ في بورتسودان: 9 من 6!

* أقصى ما يمكن أن يجنيه أي فريق من بورتسودان ست نقاط، والمريخ استورد من الميناء تسعاً!

* أب زرد إذا قبض!

* بورتسودان منطقة مريخية مقفولة!

* حتى البحر فيها أحمر.

* الهلال الأول إفريقيا وعربياً.. ياما تحت السواهي دواهي!

* المهم في الأمر أنه الثاني سودانياً!

* الوصيف القلبي رادو!

* داخلياً الأمن مستتب والترتيب معتدل!

* أجمل ما في ثنائية أديكو وسكواها أنهما يصنعان الأهداف لبعضهما البعض!

* كل واحد يسجل ويصنع للتاني!

* هداف وصانع ألعاب زامبي.. هداف وصانع ألعاب إيفواري!

* ثنائية العقرب والأفعى.. حيرت الخصوم ومنعتهم النوم!

* دقر يا عين!

* خلاصة الزبدة: يا أمل.. البيان بالعمل!

* آخر خبر: بورتسودان نفر!

[Tawfik omdur]

هوووووووووي يا وصيفاب
عليك الله فرحان عشان غليت الامل بضيق الانفس
على فكرة الدوري الممتاز ده معروف يا هلال يا مريخ
حتى كان بعد عشرين سنة ومافي فريق يقدر ينافس فرق القمة
يعني دوري بين فريقين والفرق الاخرى يتنافسوا في الهبوط
المهم مبروك الفوز عشان على الاقل تكونو عوضتو حق المحترفين والمدرب

وين يا حبيبنا ليك وحشة

مبروك عليك شهر رمضان

تصوم وتفطر على خير

قلت لي فرحت عشان غليت الامل
ههههههههههههههه غليتوا ساي وشربنا محلى بالسكر رغم ان موية بورتسودان

مالحه ؟؟؟؟؟؟؟؟؟؟؟؟؟؟؟؟؟؟؟