عمك تنقو في عز رمضان...
كان عطشان وكان جعان...
فتش فتش في القنوات...
لقى برنامج يبث الان...
اطلب طلبك أيا كان...
...عمك اتصل وكان شفقان...
قال اهدوا لي وللحبان...
اول مقطع من الاذان...
عمك تنقو في لحظة أليمة
كل امورو ما هي سليمة
فلس فلسة عدم مليمة
حتى وجباته من صفق النيمة
في لحظة ضعف وفقد القيمة
اتذكر مشهد مرة في سيما
موته بشعة وهي جريمة
من الطابق العاشر الفيه حليمة
يطير طرزان ما برضى هزيمة
لكنه اتراجع وجاته عزيمة
شاف في الارض عملة فضة
خلى الفكرة وعمل تخريمة
من العاشر جاي متلب
وكان الشافه صينية قديمة
عمك تنقو بقى سواق
يسوق في العالي والدقداق
قال يا جماعة انا فنان
اسوق من كوستي لبورتسودان
ركب اللوري عد وفات
من امدرمان بطريق شمبات
يظهر عمنا كان مبسوط
خلى سواقتو وسف صعوط
خلى اللوري يلف ويدور
وسط عربات وقفن طابور
سايق ماشي بدون ترخيص
مافي خلاص من البوليس
عمك تنقو صرخ بيقول
ليه يا ناس قيمناعمك تنقو قعد زعلان
ساهي متمحن وسط الميدان
عيونو حَمَار تقول سكران
لكن بجد عمك زهجان
جاهو فهيم و الجار عثمان
مالك يا تنقو مالك قرفان
عمك تنقو وقف حيران
و قال في نفسو منو الخرفان
مالك يا تنقو،مالك يا مان
عمك تنقو بأعلى الصوت
السبحة بيد و ما هو مبسوط
اصحوا يا جماعة، العمر بيفوت
و حسن الاخلاق ببني بيوت
الحشمة بقت من زمنٍ ماضي
و شباب لاهين، و المخ بقى فاضي
شايف يا بله الولد أبو ولعة
مشط شعراتو و قال دي جدعة
بنطلون دبل اكس إل و حزام بس فزعة
و فلينة كبيرة و ساعة لمّاعة
شكلو و الله تقول فزّاعة
و ديك ماشية ماشية بتتسكع
لليد تجدع، و للراس ترفع
في سرا تقول منو الاسرع
ألفت لنظرو و الحظ يجمع
و بسرعة رهيبة وصل عنتر لكن اصلع
عرف عن نفسو، لكن ابدع
نظرات حنية، و كلمات ابداع
تكسر صينية
دلّب دلّيب للبت عوضية (طبعاً الاسم الحقيقي)
تلفونك كام، تلفونِك كام
زيرو تسعة 3 تسعات، زيرو مية
و الحاجة بتول بتبيع الفول
كلامها كتير، نفاخة كير ما بترحم زول
جاتا نجاة و يا ريت ما جات
ما خلو الحي، و الميت بقوهو فتات
و المشكلة تقوم في نهاية اليوم
بين سعد ابو راس و الجار التوم
عشان ليزا كلبة ابو راس
تنبح في الكل، و تهاجم الناس
و العم التوم كِان من كم يومِ
راقد يتألم ما جاهو النوم
عضت ليزا في اليد تحرق زايداهو هموم
و كيف يا جار، ختها بالدار
قام فيهو سعد، ياخ انت حمار
لو ماعاجبك شوف ليكا خيار
بقت زي بيت القش
لو قشة تقع، على طول تنقش
عمك تنقو قال للعازة...
بيدي الليلة اعمل مخبازة...
عمك تنقو دخل المطبخ...
شكر نفسه وقعد اتفخفخ...
عمك سمى وعقد النية...
كب دقيق في الصينية...
خلط الموز مع الطحنية...
راحت منه بقية الوصفـة...
كلفت كلفت كدا بي خفه...
صب الخل مع الليمون...
جاطا زيادة بي كمون...
عمك تنقو عمل مجنون...
قال للعازة طبق موزون...
هاك يا وليه اكلي اتهني...
انا معزوم مع ود السني...
مكدس القروش في الشوال...
الليله تغير العمله مافي مجال...
شال شوالو وغطا وشو بالشال...
من العازه يتلفت يمين وشمال...
ركب الركشه وقال بنك السودان...
قلبو أكلو قال دي مافيها أمان...
نزل وركب التاكسي علي الضمان...
ويدعي في سرو أحفظنا يا رحمن...
الصف طولو ما محدود...
وقروشو طلعت من زمن عبود...
بقي زي أهل الكهف والجدود...
وشوال عمك زاتو طلع مقدود...
[overline]عمك تنقو راح داخل لك مركز شرطة
قال ياناس انا ساكن فيلا
الفيلا الحمرا في وسط الحلة
دخلوا لصوص وسرقوا عبايتي
وشالوا سريري ولطشوا ملايتي
راحوا سريع يشوفوا الحاصل
عمك طرطش عقل الراجل
عمك تنقو نام تعبان
وكل القصة كان حلمان..[/overline]
