السلام عليكم ورحمة الله وبركاته ..
ما حأطول وحأدخل الموضوع مباشرة ..
هل المغترب يعتبر سوداني او نص سوداني ؟
ام انك بجرد مغادرتك للسودان,,تفقد سودانتك ؟؟؟؟وتعامل كمواطن من الدرجة الثالثة ؟؟
السفارة السودانية وما أدراك مالسفارة السودانية..
مايحدث في السفارة السودانية أمر لا يسكت عنه وما خفي كان أعظم
عشان تفهموا حأحكي ليكم موقف عفوا مواقف حصلت لي .
أولا أنا مغتربة عايشة في السعودية .
وكنا في مواعيد التقديم للجامعات وإطرينا إننا نمشي لسفارة السودانية في الرياض >>>مع العلم إنو نحنا عايشين على بعد 500 كلم من الرياض وده براه مشوار
المهم وصلناحي السفارات,, بالله ده شكل سفارة
شوفوا السفارة السورية أحسن منها خليك من السورية شوفوا اليمنية حتى دي أحسن منها ..فما بالكم بالأمريكية التي على نفس الشارع ...السفارة السودانية بأختصار فضيحة !!!! حالتها بعد التحسينات .. إذا زمان كانت كيف ؟؟ دخلنا السفارة الساعة 7 صباحا !!! ولما دخلنا سجلت إسمي عشان إندهوك <<<إتوقعوا قعدونا وين ؟؟ >> تمام في خيمة منصوبة برة في الحر الزمهرير تحت شمس درجة حرارتها 50 وما فوق تخيلوا ..ولكن الشكوى لله فقررنا نقعد يعني بالكتير حيقعدونا ساعة .ولكن هيهات هيهات . الجا بدري قعد في الكراسي في الخيمة والمتأخر تحت الشمس لا خيمة ولا هم يحزنون
وبعد الساعة 8 صباحا بدوا ينادوا بالاسماء واحد ينادي واتنين واره بلا مكرفون ...و المكيف الوحيد صحراوي موجه للبندهوا بس .. ونحن نقعد نهبب
وأخيرا نادو اسمي وسلمت الشهادة وقالوا بعد ما نادوا الأسامي كلها : إستنوا الورنيك
وأستنينا واسنينا وأخيرا أستلمنا الورنيك ودفعنا عشان الكتيب وقالو لينا النسبة بتنحسب بالقدرات والتحصيلي بنسبة 40% والمعدل التراكمي( يعني مجموع ثاني وثالث ثانوي ) بعدها في خصم من النتيجة الي حتطلع قلنا كم؟؟ قال : على حسب 3،4،5،6 عشان المغتربين يمشوا الاقاليم !!! تصدقوا ده قالا لينا في وشنا كده شفتو الظلم والاجحاف.
..... وبعدها طلعنا بأقصى سرعة ونلقى الساعة بالضبط 12 ظهرا والحمد لله إنها طلعت قبل الصلاة وإلا حيقولوا ليك إستراحة الصلاة وبعدها الغداء ...إلخ اليوم القبلنا في ناس طلعوا الساعة 12 ليلا
تخيلوا !!!××××××
و الموقف ده اسوء من القبلوا
المهم طبعا لاني متفوقة عرضت علي جامعة منحة في السعودية بما أني مقيمة ومتفوقة المهم قلنا خلينا النقدم خسرانين شنو .... وقدمنا وقالو لينا جيبوا ورقة من السفارة فيها الموافقة منها ومشى ابوي السفارة وقالو لابوي شنو... نحن ما موافقين تصدقو ...وقامت الشكلة وقال ابوي الا اقابل القنصل وبعدها ابو يدخلوه فمش كلمو بالتلفون من عند الحارس المهم قال ليهو ليه ما موافقين ،قام قال ده قرارمن وزير الخارجية بمن الداسة في الجامعات السعودية الا بموافقة امشي السودان وقدم من هناك شوف وبعدها قابل واحد كده تاجر ناس السفارة ديل ناس سفلة ومرتشين كل شي عندهم بالفلوس وبيحترمو زول او يقدروه عشان ما تتعب نفسك بالكلام معاهم امشي فتش ليك واسطة ساي
شفتوا الحاصل ده اقل ما يقال عنو انو فساد!!!!!
رايكم شنو انت في المشكله دي وتشويه سمعة البلد؟؟؟
