كيف تصبح سودانياً حقيقياً ..(( .منقول ))

[لحــ غروب ـظة]

الف مرحب بالاخت سعودية وكلي فخر..

ولو ما شالك المنتدى يشيلك راسنا...

من غير كلل أو ملل ... ولا حتى كسل..

دايما كل انسان عندو راي وما في حد حيقول ليك لا بس هل عاشرتي سودانين...

وحتى لو ما عاشرتيهم ...

اتجولي في المنتدى دا ويا حبذا لو تعملي بوست وتورينا رايك....

ومرحب بيك مرة تانية بيناتنا....

[بنوتة]

هلا والله فيج يا السعودية
نورتي المنتدى

وحبيت اقول انو ما كل السودانيين كسالى
بس ..........


بنوت

[هدندوية مية المية]

كانوا نشيطين في الماضي وبقوا كسالة في الحااضر

[mr.zoool]

شكرا لمروركم وتعقيبكم يا حلوين
بصراحة كل الكنت داير اقولو استازنا السني سبقي بيهو



مع حبي.....................

[قلق]

من ابسط قواعد الزوق انك تسلمي علي الناس قبلي ماتنبزي عشان كده اهلا بيك اول شي تاني شي الكلام ده احنا قبلنا امس منmr.zoolلانوولدبلدنا ومننا وفينا وكان جزء منو نكتة وسخرية لانو الشعب السوداني شعب ساخر ولو علي نفسو ولو كان شعب كسلان زي ما بتقولي الصمم الموقع الانتي مشاركة فيو ده صممو كيف حلم اثناء ماهو نايم طبعا لانو كسلان 079عندي كلام اكتر وامسخ لكن لاني سودانية حاقول ليك حبابك عشرة بيناتنااحنا السودانين

[waya]

يا شباب
صراحة الكسل موجود بس احتمال لظروف الطقس العندنا ما مشجع انو الزول يعمل فيهو أي شئ

لكن أنا مرة حضرت موقف مضحك لواحد أخو صاحبي كسلان جدا أكثر من بتاع مجلة ماجد

أخوه قال ليهو : من كسلك الكثير ده الخواجات عملو ليك ريموت للتلفزيون
قال ليهو : والله لو عملوهو بالنية ساي يكون أحسن

[mr.zoool]

تشكري يا قلق كلك ذوق وانت فعلا باسلوبك الجميل دا في ردك اثبتِ شي من اهم واحسن الخصال في مجتمعنا السوداني



بشكرك مره تانيه



وتالته






ورابعه











مع حبي....................

[mr.zoool]

طبعا انا لمن قريت عن اخو صحبك دا يا wayaاتشرطت من الضحك

لاكين دا ما بالغ عدييييييييييييل كدا

كاني سمعت عن اختراع زي دا
يكونو سمعو القصه دي
وزي ما بقولو الحاجه ام الاختراع



مع حبي.........................

[mr.zoool]

هاك دي يا حبيبنا waya
دا منظر انا بشوفو يوميا
دا ازا ما اتكرر في اليوم الواحد مرتين تلاته


واحد سوداني ساكن قريب من حلتنا
دا بجي طالع من البيت وماشي الصلاه دايما بكون شايل في يدو كيس زباله
وبختو وين ............
في الكبوت بتاع العربيه
(الزول الما من الحله يقول دا مسطول ولا شنو)

المهم ختا الكيس في الكبوت دور العربيه ودوسك يا أبنص اخر شي حاجة خياليه
بس يقرب من البرميل بتاع الزباله
دوسك يا فرامل
وامشي يا الكيس وأقع جمب البرميل


وصاحبنا يكمل طريقو زي الما حصل شي



بفعلتو دي يكون جمع بين الكسل والقذاره





مع حبي...............

[حازم جمال]

صبـــــــــــــاح الخير

بصرراحه ومن خلال تصرفات السودانيين اللي عندنا , استشفينا منهم اشياء كثيره
مو زينه , يعني الكسل صار رمز للسودانيين .. " بدون زعل "
طبعا لكل شعب ايجابياته وسلبياته بس على ما اسمع ان الحضااره للحين ما وصلت لكم
لانكم شعب كسووووووووول ؟؟
لاتزعلون من الحق بس هذا كلام اخوانكم المغتربين عندنا ..
وانا اشوف انه صح !!

برغم من دخولك بدون سلام وبهجوم من الاول إلا اننى سابداء بالسلام عليكى ورحمة الله وبترحيب بكى فانتى فى الاول ضيفة علينا وكما قالوا يا ضيفنا لو زرتنا فى بيتنا لوجدتنا نحن الضيوف وانت رب المنزل
نعود لرايك فينا
قلتى اننا كسلانيين
كان الكلام سيكون مقبولاً نوعاً ما لو اتى من إنجليزى او سويسرى او هولندى او حتى سورى
ولكن من شخص ينتمى للسعودية ليس مقبولاً بتاتاً
واكثر ما يغيظ ان من يتهمنا بالكسل سعودية حتا وليس سعودى
هل من يبداء دوامه الساعة السابعة وغالباً ما يعود بعد اثنى عشر ساعة هو الكسول ام من يصحى من النوم الساعة الرابعة عصراً ليهرول للتلفزيون متنقلاً بين القنوات ما بين المسلسلات برامج الطبخ وفى نفس الاثناء التلفون لا يفارق الاذن ما بين أتصالات بالمطاعم والبقالات
يا من تفتخرى بسعوديتك
انتم تجلبون للمنزل الذى به ثلاثة اشخاص سائق وطباخ وخدامة وحارس ودادة للبيبى الثالث وفى رواية (خادمتين ) فباله عليكى من هو الكسول
يا سعودية وتفتخرى
إن الكسل صفة لا تتناسب على وضعنا المعيشى والحياتى فى السودان فياريتك اتيتى للسودان حتى ترى متى تبداء الحياة عندنا هل عند الخامسة صباحاً ام مثلكم بعد العصر
وهل من يدخل المطبخ صباحاً سودانية أماً عن اب ام اندونسية
يا سعودية وتفتخرى
إننا شعب لا نحقد ولا ننظر لما عند الاخرين ولا نتمنى زوال ما انتم فيه من رفاهية وترف (الله يزيدكم ) ولكن تخيلى وليتخيل جميع من كان موجوداً الان بالسعودية او زارها
كيف كان سيعيش السعوديين عامة فى بلدهم ويمارسوا حياتهم لو لم يكن هناك ناس صديق ( الهنود والبنغالديش )
اسالى نفسك هذا السؤال ولا نريد سماع الاجابة لاننا جميعاُ نعرفها
نقطة اخيرة
تلفون المطعم
تلفون البقالة
تلفون المخبز
تلفون المغسلة
تلفون سائق اللموزين
وتلفونات تانية حاميانى
باى واؤكد انه لى عودة إن حاول اى شخص مسنا باى خطرفة من الخطرفات التى تطلق على السودانيين فاننا جاهزين للدفاع على انفسنا وعلى ابناء شعبنا الكريم والصبور لابعد الحدود.
حليلى انا لو ما كنت سودانى وأهل الحارة ديل أهلى
حازم جمال
سودانى فخور ببلده لابعد الحدود

[قلق]

خجلتتنا ياخ وانا القايلة انو حيقولو سغيلة

[سعودية وكلي فخر]

صبااح الخير
اولا اشكر الجميع على الترحيب .. وهذا العشم فيكم ..
بعدين انا ما غلطت عليكم عشان كل ذا الهجوم , انا بس نقلت لكم
كلام اخوانكم عنكم ..
ويا اخوي جمال اللي احنا فيه مو كسل , هذا ترف مو كسل
" والله يحب يشوف نعمته على خلقه "
وانا لي من صاحباتي وحده سودانيه علاقتي معها 10 سنوات
وبصرااحه البنت من احسن مايكون .. بس يوم تخرجت من الثانوي
سافرت عشان تكمل البكالريوس في السودان , البنت نفسيتها تعبت مره
تقول مافي شي يدل على انه هذا بلد متحضر وعايش في هذا العصر
لا مكيفات كويسه وسيارت تمشي الحال هذا وهي في العااصمه ..
عموما اللي انتم فيه بيدكم وانتم قادرين تغيروا من وضعكم لانه ارضكم
زراعيه بالدرجه الاولى ...

وشكرا ..

[قلق]

لا غلطت وكان مفترض تعترفي بي غلطتك لكن اساسا احنا ما منتظرين منك حاجة زي وكونك بتقيسي رقي دولة بالمكيفات معناهاانتي عندك مشكلة اكبر من ما احنا نحلها ليك واسفة لوانو كلامي جارح لكن انتي تعديتي الحدود ويستحسن تكوني سعودية زي ما بتقولي لانو لوسودانية ودا رايك في بلدك تبقي دي مشكلة

[سعودية وكلي فخر]

اقصد ياقلق مافيه حضاره عمرانيه ,, وبعدين زي ما قلت اول انه هذا كلام
صديقتي السودانيه والله يشهد على كلامي اني نقلته لكم بالحرف ..
بعدين المفروض انك ماتزعلين من الحق ..
واسمحي لي اني ماراح ارد عليك وبحط على اسمك اقنووور كبير ..

[ود القبائل]

السلام عليكم جميعا فردا فردا
اما عن موضوع كسل السودانيين والصفات التانية
عاوز اقول ليكم يا احباب الشعب السوداني ليس تمام كما وصف الاخ مرسل الرسالة
اي نعم هنالك عيوب في مجتمعنا لكن لكل شعب عيوب
لكن الان اتركونا في علاج المشكلة لا الحديث عنها
لماذا لانقدم اقتراحات لحل المشكلة يعني اي زول يبدي لينا رايوا في كيفية علاج المشكلة
يقول فكرتو ونظرتو للحل
لانو لو ما عالجنا مشاكلنا برانا ما في زول بعالجا لينا
ولي رجعة

[هتان]

احم احم


السلام عليكم

ده موضوع كارب ,,,
تنظير في تنظير
و معاكم حاج نظريه ,,,
ابو التنظير


دقيقه اجيب لي كبايه شاي عشان نستعدل ,,,

[mr.zoool]

السلام عليكم ورحمة الله وبركاتة
الاخوة الاعضاء
ما عارف اقول شنو ........
لكن حاسي اننا بعدنا عن موضوع البوست الاساسي
فبقينا نتكلم عن العمران .... والعربات الفي البلد....................والمكيفات الكويسة

يا احبابي انا طرحت عدة اسئله

هل نحن كسالى فعلا؟؟؟؟

ام هو هجوم علينا من غيرنا؟؟؟؟

وان لم نكن كسالا فكيف نغير نظرة غيرنا عنا؟؟؟



لكم مني كل الحب.................

[mr.zoool]

--------------------------------------------------------------------------------

هل هم محقون؟
هل نحن شعب كسلان جدا؟
هل هم علي حق فنحن أمة تعاني من الجوع ونمتلك مليون ميل مربع أغلبها صالح للزراعة؟؟
هل نحن كسالي لأن العالم ينتظرنا لكي نكون سلة غذائه ونحن نستجدي المأكل والمشرب والأمن؟؟
هل نحن كسالي لأن أراضينا مليئة بالثروات المعدنية والبترولية وتحتاج لمن يحفرها؟؟؟
هل نحن كسالي لأننا لم نحل قضايا الوطن العالقة؟؟
هل فعلا نحن كسالي لأن شورعنا متسخة ومدارسنا مهدمة ومستشفياتنا تسكنها القطط والفئران؟؟
هل لأننا لم نفلح في اللعب أو في الجد؟؟؟
هل نحن الشكروه رقد؟؟
هل نحن عصمان ودينق وأبكر وماجوك وأبكر وأدروب ومحمد الذين يعانون من مرض الكسل والنوم؟؟
هل نحن شعب كسلان
هل؟؟

[mr.zoool]

اسئله منقوله لاجابتكم عليها

فهل من مجيب؟؟؟؟

[عاشقة النيل]

شكرااااااااااااااااااااااااا