موضوع عاوز رأيكم فيه

[سودانى معذب]

الأخوة والأخوات الأعزاء

والله موضوع شاغل بالى وبال كثير من أخواننا المغتربين
وهو موضوع التعليم بالنسبة للابناء

عندى ولدين بصدد الدخول للمدرسة ومحتار مابين التعليم الانجليزى - منهج بريطانى _ والتعليم الاهلى العام
طبعا فكرة المدارس الحكومية بالسعودية مستبعدة تماما وكلكم ادرى بما يحدث بها

بالنسبة للمدارس international اغلب المدارس هنود بالنسبة للمعلمين والطلبة
وكذلك فى مدارس بتدرس المنهج السودانى بس مامستقرة لعدم وجود تصاريح
فلذلك كل من له دراية او تجربة سابقة نرجو الافادة
وشكرا

[قلق]

اناوالله ماعندي تجربة ولا فكرة عن الموضوع لكن من الحاجات الكان نفسي لو اهلي عملوها لي انهم ب قروني في المعهد البريطاني لانو كده الجامعة حتكون اسهل وحتتوظف اسرع لانو دايما حتكون عندك ميزة علي بقيت الناس الهي معرفة الانجليزي انشاء الله ما اكون ضيعت وقتك بي حاجة مافادتك بي شي

[batota]

والله انا بنصحك عن تجربه بالتعليم الانجليزي اللي هو منهج بريطاني احسن من المنهج الاهلي بكتير و لحدي هسي انا قاعده ادرس في اخر سنه ثانوي وشفت ان المنهج البريطاني احسن بكتير و بيعلم حاجات كتيره اهمها اللغه الانجليزيه و فرصك بتكون احسن في المستقبل من نواحي كتيره ...
اتمنى اني اكون فدتك و ساعدتك وانا جاهزه لاي استفسار تحتاجه....
,,احترامي,,

[عاشقة النيل]

انا انصحك ماتدخلهم المدارس السعودية الحكومية لانو الانجليزي عندهم زيرو الافضل انك تدخلهم مدارس خاصة وشكرااااااااااااا

[سودانى معذب]

قلق - بطوطة - عاشقة النيل
شكرا على المرور والأفادة وشكلكم كلكم ميلتو لجانب التعليم الانجليزى

[دلع]

سوداني معذب

.

انا كمان ياخوي بنصحك انك تدخلهم مدارس انجليزية

وزي ما إنت قلتا المدارس السودانية هناك مامستقرة

فأحسن تدخلهم مدارس انجليزية مستقرة ومنها يستفيدوا من الانجليزي اللي بيعلموهم ليهو

واحلى شي انهم في اول سنينهم الدراسية ومخهم مفتح يعني راح يستفيدوا كتيييييييييير

واسمحلي ع الاطالة


.


.


دلـــع

[مغرورة بعزتي]

اكيد طبعا المدارس الاجنبية اوالخاصة احسن من الحكومية وخصوصا في السعودية

[سودانى معذب]

دلع ومغرورة شكرا على الافادة
والله يرجعنا بلدنا ويريحنا من العذاب ده
قولو آمين

[سوداني جداً]

الاخ العزيز ( سوداني معذب ) لك كل الود والاحترام
وانا من خارج المملكة أرسل اليك تحياتي ...............


وبالنسبة لموضوعك فقد عانا والدي هذا العام نفس المشكلة فلجأ للتعليم الانجليزي بمدرسة (النجوم العالمية)
....... وكل عام وانت بخير...........

[النيل الازرق]

والله انا ماعندى خبرة بالموضوع ولكن اعلم جيدا ان التعليم فى وطننا العربى يصل فى بعض الدول العربية الى حد الكارثة , لذلك اقترح عليك التعليم الانجليزى
ولكن يبقى ذلك اخي العزيز مجرد اقتراح

[ام الانبياء]

سلامات وكل عام وانتم بخير
والله ياخي كلنا معذبييين بسؤالك ده
نحن ف دوله اجنبيه والتعليم الانجليزي معضلتنا لانو حاسين انو بفقد اولادنا اللغه الام والنتماء للبلد
بس بعد سمعنا راي معظم المشاركات تؤيد التعليم الانجلبزي
خلاص رضيا ونصبر ونستحمل
وشكرا علي الموضوع الجميل واستفدنا كثييييير

[تباريح]

الاخ سوداني معزب كتير من المغتربين البعانو من نفس المشكلة او ما يقارب منها حاول اسال اهل العلم الهم لهم تجربة قبلك وكون حريس ان يتعلم الاولاد اللغة العربية بي طلاقة بجانب الاجليزية وما تنس الدين الاسلامي وما ينس الاولاد انهم سودانيين وربنا يعينهم ويجعلهم خير نموزج للبلد