خواطر زول مهترش !!

[ود الزوحي]

جينا ليك والشوق دفرنا
دفر عديل لدرجة إني ما قادر أمشي
من شدة الدفرة والجري الحاصل لي ..
بقيت كويسة ..
ونفسي أسلم عليك !!
وأقول ليك سلامتك وإن شا الله أنا
إنت المرض مااااااااااابشبهك
بشبهني أنا براي
عارفة لما قالو بقيتي كويسة
ضبحت كرامة
ما كرامة خروف ودم وحاجات ائتلافية
لكن ضبحت ليك الشوق
و وشوشتو جبتو عليك ..
رجع خجلان وكلمني ..
قالي ما قدرت أوصل ليك سلامك
أصلو قال لقاك بتودعي في صحبتك
وإيدك ملامسة الإيد
حقت صحبتك يعني ..
وقالي باستك ..
مرة بجاي ومرة تانيه بالخد التاني
محل الشامة الأنا بهواها
عااااااااااااااارفة يااااااااا إنت
إحتمال هو خجل
وغلبو الشوق المحملو ليهو
لكن وحات الريدة الفي قليبي أنا
كنت حضمك إنت بتحنان
وأشيل همسك وأضمو علي
وأناديك تعالي علي
مع إني بكون حاضنك
بس برضو بقول ياريت
اشيلك جوه في خاطري
وأرفرف بيك دواخل روحي وأتعلم
كيفن أكون في لقاك ساكت ساي
لأني بكون بهترش
وهترشتي فضحتني بالحيل
وبقيت فرجة في حارتك .. وناس الحلة شهدو علي !!

معقولة ياااااااااا إنت .. زيدي الريدة المالية فؤادك حتلقي قليبي جاك في الحال .. بحبك برضو يااااااا إنت !!

[ود الزوحي]

وانا صغير كانو بحكو لي عن الحسد
وعن كيف بكون جوه الدواخل
وعن إنو جد إحساس كعب
وما بتوصف لزول بيعشق وبتعشق
طيب نخش في الموضوع
أول أمبارح حسيت بالحسد
جوه الفؤاد بقى منتشر
وكرهت جد لحظت عرفتك
ولحدي حسي أن مالقيت حل للبعملو
تلميح .. وتلقيح (جتت) !!
يعني حاجات كتيرة
عشان أقدر إلفت انتباهك
لما جاني الخبر
بأنو زول جاك للطلب
أنا قلبي انتابه الألم
والحزن بقى زي ملازم ضحكتي
حتى الشباب بقى بسألو
في شنو يازول
الحاصل ليك
أنا ماكنت جد لحظة هواك
أنا مختلف !!
إختلاف كدا لدرجة إنو أمي زاتا كانت ما بتعرفني
حسدت زولك جنس حسد !!
وكرهتو ..
وكرهت ساعة جاك يطلبك
تفتكري ممكن بالبساطة ديك
ممكن توافقي ويخطبك
وألا حيكون وضعو زي وضعي المكتح بالبلا

غااااااااااااااايتو ألله يستر ..

[ود الزوحي]

أمبارح كنت واقف جنب الباب
وبعاين في جمال الكون
وكان ياداب المسا خاشي
لقيتك إنت طالعه يادابك
خاته التوب على الكتفين
وعايزه تصلحي الخته
سبحان الخلق زيك
عيونك بس وقت ألقاهن
بحس بالدنيا جاها الخير
وكل إحساسي ببقى معاك
وأبقى عايز أزح منك .. نظام زوحي وكدا
لكن لقيت الزحه غالباني
وبعاين ليك إنت براك
متناسي حتى المسا الكنت واقف على شانو
عارفك عيونك إنت ..
زي لؤلؤ بيبرق وقت ما لليل سوادو يحين
وقت ما الناس تفتش في سراديبو
عن قمرا يضوي سماها
حتى البسمه الفي خشيمك إنت
بتحوي جمال في عمرو ماشفتو
غايتو الله يصبرني على حسنك
وعلى تقلك
وعلى حبك ..

دا لو حبيتيني يعني .. كده نحن نقول إن شا الله !!

[ود الزوحي]

ليك تلاتة ايام غايبة
ماشايف ليك خبر
حتى أخوك الكنت بطمن نفسي بيهو
وبسألو يومي عنك
هو زاتو ماااااااظاهر
قلبي اشتكى
من فرقتك
ومن غياب نظرتك
يعني حتى بقيت مااااااااااا أنا
زي زول موشح بالأسى
ما عاجبني شي ..
ولا حيعجبني ..
ما هو إنت العجب
والصيام في رجب ..
حسي رمضان جا وزاد الهم بلا
بقيت شايل هم الصوم
وهمك إنت ياااااااااا قلبو
مالك !!
حاصل عليك .. في شنو
مالك قافلة دفتر حسابي
وما عاملة لي حساب
أشوفك وألا ما أشوفك
أموت وألا ما أموت
يعني مالو .. لو مرقت !!
مره وحده بس سااااااااااااي كدا
أطمن عليك
واشوف عينيك ..

ياخي والله حرام عليك .. أنا ما بقدر عليك !!

[ود الزوحي]

لما الزول يحب جد زول
بكون الهم هو بس شوفتو
وأنا همي بقى بس سماع صوتك
يعني أنا ما بحبك بس
بحبك وبموت فيك
الموت الواحد دا
مش حرام عليك
تسيبي الزول وقت يعشق
مشاعره تغلبو .. تقسى عليهو
وقت يهواك ما يلقى
طريق للشوفة ساكت ساي
النبي فيك .. كان ما جيتي
أو مرت عيوناتك
او طيفك انتي زاتو ظهر
أقلاهو !!
أشوفك وأطمئن بيك
أصلو بقيت ما مطمن عليك
وقلقان جنس قلقة
لدرجة إني بقيت ماعارف
هل العاشق دا كان قلبي
وألا قليبك إنت يا ستي !!

قالو الزول بحب نفسو .. عشان كدا أنا قلت قلبك حيحبك أكتر مني !!

[Batta]

جينا ليك والشوق دفرنا
دفر عديل لدرجة إني ما قادر أمشي
من شدة الدفرة والجري الحاصل لي ..
بقيت كويسة ..
ونفسي أسلم عليك !!
وأقول ليك سلامتك وإن شا الله أنا
إنت المرض مااااااااااابشبهك
بشبهني أنا براي
عارفة لما قالو بقيتي كويسة
ضبحت كرامة
ما كرامة خروف ودم وحاجات ائتلافية
لكن ضبحت ليك الشوق
و وشوشتو جبتو عليك ..
رجع خجلان وكلمني ..
قالي ما قدرت أوصل ليك سلامك
أصلو قال لقاك بتودعي في صحبتك
وإيدك ملامسة الإيد
حقت صحبتك يعني ..
وقالي باستك ..
مرة بجاي ومرة تانيه بالخد التاني
محل الشامة الأنا بهواها
عااااااااااااااارفة يااااااااا إنت
إحتمال هو خجل
وغلبو الشوق المحملو ليهو
لكن وحات الريدة الفي قليبي أنا
كنت حضمك إنت بتحنان
وأشيل همسك وأضمو علي
وأناديك تعالي علي
مع إني بكون حاضنك
بس برضو بقول ياريت
اشيلك جوه في خاطري
وأرفرف بيك دواخل روحي وأتعلم
كيفن أكون في لقاك ساكت ساي
لأني بكون بهترش
وهترشتي فضحتني بالحيل
وبقيت فرجة في حارتك .. وناس الحلة شهدو علي !!

معقولة ياااااااااا إنت .. زيدي الريدة المالية فؤادك حتلقي قليبي جاك في الحال .. بحبك برضو يااااااا إنت !!

ود الزوحي:

المنتدى دا لو قلب كل اتنين ولا تلاتة يحبوا بعض بنكون عرفنا السبب منو؟

وبركة الرسلت الشوق يسلم وما مشيت براك

[ود الزوحي]

ود الزوحي:

المنتدى دا لو قلب كل اتنين ولا تلاتة يحبوا بعض بنكون عرفنا السبب منو؟

وبركة الرسلت الشوق يسلم وما مشيت براك

وعارفه يابطه ..
لما ألقاك انت في البوست دا بكون فرحان جنس فرحه
وطاير من الأفراح الملت أحاسيسي من جوه
لدرجة إني بكون ماعارف ..
هل الصوم دا من الليل للصباح
وألا من الصباح لليل !!


شاركين لكم دعمكم الفني .. أقصد المعنوي

[Batta]

وعارفه يابطه ..
لما ألقاك انت في البوست دا بكون فرحان جنس فرحه
وطاير من الأفراح الملت أحاسيسي من جوه
لدرجة إني بكون ماعارف ..
هل الصوم دا من الليل للصباح
وألا من الصباح لليل !!


شاركين لكم دعمكم الفني .. أقصد المعنوي

وانا برضو شاركة ليك التلج دا, برد عليا شوية العطش,

والله الليلة بالجد الصوم دخل فيني,

وانت مالك متجرس يا اخوي لمن قمت تلخبت في الكلام:

انا من قبيل اودي في شاركين دي لحدما عرفتها دا خطأ صومي

والله كلامك السمح دا البخلينا نجي قاصين الدرب

[ود الزوحي]

وانا برضو شاركة ليك التلج دا, برد عليا شوية العطش,

والله الليلة بالجد الصوم دخل فيني,

وانت مالك متجرس يا اخوي لمن قمت تلخبت في الكلام:

انا من قبيل اودي في شاركين دي لحدما عرفتها دا خطأ صومي

والله كلامك السمح دا البخلينا نجي قاصين الدرب

هههههههه .. طبعا جنبي في كباية موية من امبارح خاتيها في المكتب و كنت بعاين ليها وانا برد عليك ..

لكن ما تشيلي هم بعد المغرب الحروف بترجع لكراريسها !!

[Batta]

هههههههه .. طبعا جنبي في كباية موية من امبارح خاتيها في المكتب و كنت بعاين ليها وانا برد عليك ..

لكن ما تشيلي هم بعد المغرب الحروف بترجع لكراريسها !!

زمان كنت لما ميمتي تصحينا للسحور ما بشرب كباية الموية كلها

قاعدة اخلي باقيها لنص النهار واجي اشربها واقوليم, مالكم؟ موش كان ممكن اشربها في السحور؟

اها انا شربت باقيني بس!!

ما يكون بس اللخو شغال بالنظام دا؟

[ود الزوحي]

حلاة الدنيا بالفيها
مواسم فرحه فيها العيد
ولحظة تمر على الحبان
يشيلو الشوق على المركب
ويجدفو ساااااااااااي عشان يرسو
شواطي الريدة والأفراح
وتفضل ديمه أشواقهم
بتسأل عن حكايتهم ..
وتتسابق عشان تكمل
ويبقى الهم بس الشوفة
وريدة تكبل العزال !!

عيد سعيد ياااااااااااااااا إنت !!

[ود الزوحي]

قالو الحب أعمى
وأنا في حبك عميت عديل
لدرجة إني بقيت ماشايف غيرك ..
مع إنو ممكن أكون مبالغ شوية
لكن أنا زاتي بلغت ذروة الريد
المبهدل شراييني من جوه
كدا خلينا نتخيل إنك قدرت تصلي لجواي !!
يعني بقيتي بتشوفي قلبي
وشراييني ..
وحاجاتي الجوه إنسانيتي البقت رايداك
وما بتعيش بلاك
عارفه ..
حتلقى الريد ملان جوه
لدرجة إنك ما حتقدري تشوفي شي
تعايني للصمام الأيمن
حتلقي اسمك
وبهناك برضو محل القفص الصدري
البقى ما بحمل حروف اسمك
برضو حتلقي اسمك هناك ..
ياخي أنت ماااااااااا إنت
كل شي
روحي ..
وعقلي ..
وقلبي ..
وأنت كلك ..

ياااااااااااخي ما تحني !!

[ود الزوحي]

ياااااااا إنت هي !!

قالو الحب ممكن يفتر
وبعداك يموت ..
يعني ممكن أنساااااااااااك عديل
وأختاك في السكة
بس إنت ما تجي بسكتي
عشان أنا ما بقدر أنساك
ممكن أعمل ليك تقيل
لكن مااااااااااااااا للدرجة ديك ..
الممكن تخليني أختاك
وأختى الحب الجرفني عليك ..

والله جد !!

[ود الزوحي]

حالتي بقت صعبة خلاص !!
بقيت ما عارف أسوي شنو
أحبك وألا أسيبك
وألا أجري عليك ..
وألا شنو وألا شنو ..
إنت ما حاسة العلي
بقيت بس زي زول وما زول
حتى أصحابي في الحلة
عرفوني .. هداك زول سارة !!
زي هناي زمان داك بتاع ليلي !!
الحب حلو لما يكون حقيقي
ما تزييف زي البتفتشي عليهو ..
إنت سمحة ..
في نظري يعني ..
التانين ديك ماعارفهم كيف ..
بس أنا بريدك ريدة كده
لدرجة إني بقيت شاعر
وأنا ما عندي علاقة بيهو ..
أسمعي ..
يا مارقة من جواي شوق
متوسد أحلام المسا
شاقيني شوق والله ليك
ما عرفت أكتم سر هواه
وأنا بيك متيم من زمان
من كنا في زمن الصبا
فاضحني جد من قبل شي
يفضح مشاعري ويمرقا
وأنا جد عشقتك وما بريد
في الدنيا غيرك لي هوى ..

شفتي كيف ..
غيرتي فيني الحواس
وانا لسه يادوووووووووووب ما ابتديت
طيب لوبديت حكون كيف ..

بحبك يا سواد ليلي الهجيع !!

[ود الزوحي]

حلاة الحب لما يكون بين اتنين
بينهم فهم وتفاهم
نغم وتناغم
وأحاسيس مرهفة
بتعبر عن مدى الشوق المغطيهم
وقت ما يبقو مشتاقين ..
عارفة مشكلتي إني بحب الحب
في وقت ما وقتو
يعني بحب ساااااااااي
وحب صادق كمان
لكن ما بلقى البفهم يترجم أحاسيسي من جوه
وبكون تعبان
لدرجة إني بقول أنا كعب
وألا شي تاني
عارفة ..
أنا ماكعب .. لكن حبي صادق
وانتي ماعايزة حب صادق
عايزة داك بتاع ناس بحبك
ويكون بحب وحدة تانية من بعدك
غايتو أنا فترت
ومشاعري ما دايرة تفتر
حخليها ..
يمكن تحسي في مرة وتحبيني

وألا شنو يا إنت !!

[ود الزوحي]

هترشة ومنية جديدة !!

أريتني معاك أتم الدين
وأفرهد ساي مع الحبان
أقول يا الله تمم لي
وطول عمري لامن أجن
أجن بيك إنت يعني ..
ما إنت بتجنني ..
وبتعذبي .. وأي شي
وشك ساي وقت ينشاف
هموم تبقى رهاف
وكل أحوالي تتبدل
الصيف يبقى شتا ..
والشتا يبقى ليل
والليل يبقى نهار ..
وقلبي يبقى زي قلبي
وقلبك يبقى زي قلبي
ماعشان شي
بس عشان تحسي بيا وأحس بيك
ونبقى اتنين .. هواهم زين
وناس بالإلفة ملمومين
واحبك جد ..
وجد الجد ..
وأقول إنت الهداك ربي
عشان ما تبقي محبوبتي
وأحبك موت ..
وموت الموت

شفت جنس الموت ده يااااااااااا إنت !!

[dream-lady]

هترشه ولا أروع....

وصف اشواق بين اتنين....وصف اللوعة شوق وحنين...

لوعة قلب حساس وحنين....ومااروع هترشة المحبين

ود الزوحي.....بوست يتدفق روعه

[مذهلة]

الحب إذا اعتلى هامة الكتـابة
يأبى إلا أن تكون بأسْمــى حٌلَّه
على صوت الحب تُبنى قصور الخيال لـ تحلق
عالمنا ، تأخذنا على متن السحاب محلقين
في أجواء ثريا الجمال ولا نفرغ سوى من
ممارسة جنون الحب الخالد بين أعماقنا
ود الـزوحــي
كنت رائع في وصف مشاعرك واحاسيسك ونثرها في هذا المتصفح
بكل جمال ورونق

تحياتي لك ولقلمك الجميل

[ود الزوحي]

هترشه ولا أروع....thumbup.gif

وصف اشواق بين اتنين....وصف اللوعة شوق وحنين...

لوعة قلب حساس وحنين....ومااروع هترشة المحبين

ود الزوحي.....بوست يتدفق روعه

دريم بجاي .. يا فرحة حروفي بحرفك .. تسلمي يا زوق وتسلمي على الطلة .. كلك زوق ..

[ود الزوحي]

الحب إذا اعتلى هامة الكتـابة
يأبى إلا أن تكون بأسْمــى حٌلَّه
على صوت الحب تُبنى قصور الخيال لـ تحلق
عالمنا ، تأخذنا على متن السحاب محلقين
في أجواء ثريا الجمال ولا نفرغ سوى من
ممارسة جنون الحب الخالد بين أعماقنا
ود الـزوحــي
كنت رائع في وصف مشاعرك واحاسيسك ونثرها في هذا المتصفح
بكل جمال ورونق

تحياتي لك ولقلمك الجميل

الجمال بحضوركم .. مذهلة .. دي حاجة خفيفة قلنا نعبر بيها عن الجوانا .. يعني حاجة على قدرنا كده !!

تسلمي !!