عم التنقو...

[بعد الزمن]

عم التنقو ................... (يا ختير)

[Keeptown]

عم التنقو ................... (يا ختير)

بيني وبينك انت اختر من عمك تنقو...

منور البوست بعـــــدو...

[Keeptown]

عمك بسأل نفسه سؤال شافي...
ايه في الدنيا تكوني أهدافي...
ولدوني أعيش فقط واموت...
كأني ما كانت زول موجود...
عايز حياتي تبقى مثيرة...
وللعالم حولي اخلّف سيرة...
بدل حياتي تبقى عقيمة...
لازم اقدّم حاجة عظيمة...
وتكوني شخصيتي ذات قيمة...
هيأ نفسـو وأتحمس وثار...
كسلو وخجلو نفضو غبار...
علشان تنقو يكون جادي...
يحتاج توجيه وتطوير ذاتي...
عمك تنقو الما بتردد...
سجل اسمو في اقرب معهد...
دخل القاعـة وكان متحسس...
مع الطبقة الهاي بقى متوجس...
طارق يشرح وبروجكتر ومنصه...
العندو إضافة توضيح أو قصـة...
ح اجدع الكورة وياخـد الفرصة...
عمك تنقو زاد إصرار...
زي سوبر مان في الجو طار...
صبّ الكورة بثقة وتأني...
قال انتو جميع مش أحسن مني...
وقفوا لتنقو ادوه تحية...
عمك تنقو زول شخصية...
طوّر نفسو وعاش مسرور...
أصبح مؤثر ويمثل دور...
بي رايو يشارك وبقى مشهور...
عمك الكان خجول كسلان...
عايز يحاضر مع السويدان...

[Keeptown]

عمك تنقو كان بتأمل...
كيف الدنيا فينا بتعمل...
اتذكر ساعة الكان في شبابو...
شر العزوبية يقفل بابو...
اكتر لحظة فيها احتار...
شريكة حياتو كيف يختار...
عمك تنقو خلاص اتوكل...
بالكمبيوتر قال ح يقبل...
بدا في البحث في القايمة يغربل...
اسم العازة قام استقبل...
قرا بياناتا وشاف الصورة...
عمك لاوذ قال ما بدورة...
قرر تاني يجرب حظو...
برضو العازة قدام وشو...
عاد الكرة وعشرين مرة...
صورة العازة تجي منفرة...
فكر يبحث بالرقم الوطني...
جابلو العازة الساكنة في مدني...
عمك تنقو دعا واستخار...
ورضى بالعازة وليها اختار...
العازة رسمية لا تلف لا تدور...
من يوما عمّك بقى مقهور...
وعينو ما تشوف الا النور...

[Keeptown]

عمك تنقو من ما يقوم...
يلبس مركوبو يمرق يحوم...
كايس شغله تتر اللوم...
وقال الرقده ما ليها لزوم...
عندو ديون حامياه النوم...
قاعد عاطل من كم يوم...
لاقاهو وليد سيد الدكان...
قالو ياعم مالك زهجان...
ولو شفت كمان حاج عثمان...
مادد قدومو عامل زعلان...
وسيد الطبليه قاعد زهجان ...
امس مضروب بخمسه اقوان...
غمك تنقو قال لوليد ...
ياخ الحاله صعبه شدييد...
مراتب البيت عايزات تنجيد...
وهدوم العازه دايرات تجديد...
وسيد البيت كل يوم تهديد...
قال دا اخر شهر من غير تمديد...
عمك فكر في اخر الشارع...
يعمل حله يملاها كوارع...
ولي يبقي ممثل بارع...
ليهو الناس تجري تسارع...
ويمكن برضو يبقي مصارع ...
يغلب (بك شو) بطولو الفارع...
عمك تنقو غلبو التدبير ...
خانو الفهم خانو التفكير...
شال الجردل شان يملا الزير ...
قال يا ريت لو يبقي عصير...
عمك قال النومه اخير ...
باكر يحلها رب الخير...

[عاشق ابوعشر]

تسلم علي هذا الابداع ويا حليل ايام زمان وربنا يطول في عمر شرحبيل احمد