سيدى ,,, ايها العشتار ,,, مساء التى على خد القمر
الف سؤال يزحم خاطرى وافق الاجابة أضيق من ان يحتمل السؤال
اين النوارس تعزف لحن المساء وتغنينى الاماكن وحكاية الاشتياق كلها
اين الحرف المغرد على صفحات صمتى واين القوافى وعطر المطر
اين النخلة تجدل ضفائرها الشمس تزفها للجدوال واين لون الطيف الثامن
اين همسات المساء والقناديل وكأس القهوة المعتق بطعم عينيك
اين نديمى والكأس ملاءا بسلافة العشق يمازجها شهد البوح الحلال
اين فرحى وهذا الكون يتشح ثوب حزن بالى لا يقينى حر صيف ولا برد شتاء
اين جليسى وانيسى بحر طهرى مستودع الاحلام ,,
اين من يطربنى صمتة ويشجينى منه حسن الكلام ,,
بل اين انت ,,,,
اين صنو روحى والقلب المفجوع بفراقك خاصم الابتسام ,,
اين عمرى والليالى سكلى تندب الاحلام ,,
اين عشتارى ترافقه النجوم ويظله الغمام ,,
اين عشتارى الربيع وشذاه العاطر والندى على خد الكلام
اين انت يا وجعى ويافرحى ويا تراتيل السلام ,,
,,,,,,
,,,,,,
ياصفى الروح ,,, اين انت
مليت رفقتنا ولا نسيت موعدنا ولا اخترت غيرنا صحاب
طال غيابك لكنى عاذرك وما برضى ليك عتاب
لو ما قلت سبب لغيابك منى ليك بلاقى اسباب
اكتبك حضور بين السطور واكتب روحى غياب
ولو ما اعتذرت اخلق عشانك عذر واقول الزمن غلاب
,,,,,,,
,,,,,,,
ما انت عارف سر غلاتك وعارف كمان قسوة هواك
وعارف كمان انى من غيرك عدم وروحى باقيه فى جواك
تفارقنى لما تغيب وترجع لى يوم ألقاك
بس خلى بالك منى فيك ما تنسى روحى المعاك
اسقيها من نهر العشم موية رضاك ,,
خليها تتنفس محبه وتنسى ايام جفاك
واعلم كمان كان جفيتو لقانا تلقى روحى تحن للقاك
,,,,,,,
,,,,,,
ياسيدى تعال , سيب الخصام وانسى الزعل
تعال خلى الحرف يلبس توب السحاب ينزل مطر
ينشر فوق جسد الارض ضحكاتاً خضر
نعود اطفال نمسك فى طرف الكلام ونجر
تعال خلى الفرح يسبق خطاك والاحزان تمر
تعال ما نحنا بعدك حالنا اصبح ما بسر
كاس وراء كاس نترع طعم غيابك مر
فى عصمت الاحزان بقينا وعلينا يصدر امر
لا باحسان مسكنا ولا بمعروف قال انت حر
,,,,,,,
,,,,,,
شفتى كيف الايام بدونك ساقيه بتلف فى نفس المكان
تشيل من البحر تروى البحر فاكره البحر عطشان
تجرى وتدور كايسه بكره وما عارفه انو باكر والامس هو الان
ياربى كيف لو فتحت ولقت روحه بعد جريها الكان
واقفه فى ذات المكان ,,
ولقت الزمن فات روح وجات وراهو ازمان ,,,
تصورى كيف بكون حاله حال ايامى من غيرك كان
شبيه ليها تمام إلا بس انا عشم جيتك بقالى امان
هل قلت اشتاقك ,,, نعم اشتاقك جداً سيدى
كل الذى فى اعلاه كان كلام بطعم الغياب ومراد القول الذى تعلم
بس خلى بالك منى فيك ( بريدك ياخ فيها شىء )
