وليدات العمارت كملو ؛؛ وناس بنطلون ( طيحني) وتسريحة البوب وحاجات انا ذاتي ما عارف اسمها وين ماتو؟
اذكرت ناس البرمودة ؟
والله غايتو جنس غايتو ..
كان ولد كان ؟؟ ما بتعرفو من بيناتن ..
اها .. قلتي لي حلتكم دي بي وين ؟؟
اتي عاارفه لو فكرتي تمشي ليها .. أنا أكون أكبر رابح ومليونير عديل كده .. تعرفي ليه ؟
طبعا من برة الحلة بقابلك وأغطيك بي بطانية ولا شوال خيش ..
وادخلك عند أمي ..
تاني حااجة نشوف ليك تكل أو غرفة طين ونغفلها عليك ..
وتاني حاجة افك ليك الشمااارات جاتنا بت من المدينة خواجيييه عديل كده ..
الداير يشوفها يجيب سخيل عتود حمل كان بقرة كان حمار ذاتو بنقبلو ..
وتعاالي شوفي جنس لمة ومزاحماات وسخلان وسخيلات ..
ما تخافي بقسم معااك .. السخيلات ليك .. والعتان لي .. اتفقنا ؟؟؟
لو موافقه خلينا نحدد المواعيد عشان أمي تقش الصريف .. وتغسل ملايات العيد أقصد جيتك .. وابوي يغير العراقي والسروال ...ويستعدو ليك ولي لمة الداقسين
هههههههههههههههههههه والله كان كدا حلتكم دى فى استثمار من النوع الصاح
والله شرف لى اكون ضيفة عند اهل الكرم والجود وان شاله لو الظروف ودتنى بى حلتكم دى الا اغشى اسلم عليكم
اوتارالحنين كتب:أم العروس إحنا جينا
البيت ما بشيلنا
دقي لينا خيمة
أم العروس إحنا جينا
غدانا بقرة وعشانا ناقة
هههههههههههههههه
والله ضحكتيني يا حبوبة بس الحمد لله انا خاطب من دولة تانية ما فيها حاجات زي دي
ههههههههه ليه البيت مابشيلكماصلكم جايين ببصات الوالى ولاشنو (هسى جنس خراب البيوت دا ماببكى يعنى البتجيبو فى المهر بتجيبو اهلكم يجو ياكلو )
وانتو العزمكم يوم مفتوح منو لمن جايين تفطرو وتتغدو وتتعشو اصلكم دافعين كم مليار
العوة بتكون فطور عريس بس الباقى دا بدعة سى
والله ياخوى الف مبروكالخطوبة وربنا يتمم ليك على الف خير بس معليش حاسااك سؤال وياريت تجاوب عشان كلنا نستفيد
ليه خليت بنات بلدك وخطبت من برا ؟؟(طبعا دا مازعل ولاحسد ولا شى بس عايزين نشو ف الشباب بفكرو كيف؟
مشكووور على مرورك العطر اخوى اوتار الحنين ونتمنى تكون مداوم معانا فى البوست
نواصل ماتبقى من عرس الشين وبالرغم من انو الدعوة مرطبات الاان التكاليف تبقى,,,,هى نفس اتكاليف حتى لو كانت الدعوة شاى بلبن
الزفة: ودي عادة بتكون معمولة من المتعهد بتاع العرس اللي هي غالبا بتكون خدمة مصاحبة لشغل الفيديو, ونحن السودانيين ماشاء الله تبارك الله اثبتنا انو جعجعتنا الثقافية كلها طلعت أناشيد ساي وانو ثقافتنا على درجة من الهشاشة وعندنا نزعة لتقليد أي حاجة بنشوفها في التلفزيون خصوصا اذا كانت مكلفة..العريس جعلي والعروس دنقلاوية والشباين لابسين طقم مع بعض على طريقة البرايدز ميد الأمريكية والزفة مصرية وبوكيهات الورد هولندية والتورتة معمولة على الطريقة الأنجليزية بالأضافة للحاجات الجديدة, الشموع والدخان والأنوار بتاعة الليزر ...ياخي انت لحظة الدخان يضخوه قدامك حتشعر انك جون سينا...كل حاجة من ديل عندها تكلفة, ودي من الحاجات التكلفتها بتظهر ليك في آخر أيام, وبيكون عندك أستعداد تدفع أي حاجة عشان تخلص..وبعدين بعض الناس عندهم حاجات غريبة جدا في الموضوع دة, بعض الناس وبعضهم شخصيات عامة مرموقة بيجو داخلين الزفة بي هودج شايلنو ناس بأستعراض مسرحي بيشبه حاجات الرومان..دي بالذات ما حأعلق عليها لكن منها ممكن تعرف الحاجة الممكن الناس يصلو ليها لو شعرو انو ميزانية عرسك دي مفتوحة
لعشاء: حتقدرو العدد بتاع المعازيم بتاعينكم وحتضيفو هامش بتاع عشرين في المائة (او تلاتين في المائة حسب احساسكم بشعبيتكم وشتارة التقيييم بتاعكم والمعازيم الضهب البيجو) وتعملو صحون بتاعة عشاء على قدر العدد دة..وخت في بالك انو ود خالة صاحبك حيعزم زملانو في الجامعة للعرس..التكلفة بتاعة الصحون بتتراوح وفي حد ذاتها ما مشكلة..بس المصيبة العدد الخيالي من الصحون الما حتتآكل ولا حتتهبش اجزاء منها ويترمي الباقي..ومعظم الناس حينتقدو الأكل على أي حال ومعظمو حيتدفق (في بلد زراعية بتستورد اتنين مليون طن قمح ونص مليون طن سكر في السنة).
باقي الحاجات التانية ما حأعلق عليها لأنو ما شاعر بي شذوذ فيها..الشيلة منطقية لزوم القشرة..الدهب منطقي لأنو البت لازماها حاجة مادية في يدها قصاد العرس لأنو بعد العرس لو الزواج انتهى لأي سبب خياراتها في عرس تاني حتتقلّص بصورة درامية..الجرتق هو اساس الزفاف السوداني وبيبعث فرحة كبيرة عند المقرّبين ليك فعلا..وشهر العسل هو الأجازة الوحيدة الحقيقية ليك في حياتك. وبعد داك افتكر في رقيص العروس...وبأنصحك, اذا كنت بتخجل من البنات ما تخت نفسك في مسرح قدام جمهور نسوي مافي في نصهم راجل.
بس ما تقلق, لأنو في نقاط كتيرة أيجابية..وكلها حتكون في صالحك, ابرزها..طالما انك مخلص النية..ربنا حيفتحها عليك بي قروش من حيث لا تحتسب..كمية من الناس البتعرفهم والبتعرفهم معرفة طفيفة ومن الناس الأنت مقصر في حقهم حيقيفو معاك وقفة تخجلك, حتجيك قروش من وين ما حتعرف لدرجة انك احيانا حتفكر في انك تعرس تاني لأغراض استثمارية..والما حيساهم بي قروش حيساهم بالوقوف معاك في الأعباء المتعلقة بالعرس..وكل الناس حيساعدوك بنصائح غذائية..واحدين حيقولو ليك أكل سمك كتير..واحدين حيقولو ليك أكل فواكه..واحدين باسطة..واحدين جرجير وواحدين بلح وعسل نحل..المهم حيجهزوك كأنك حتشارك في مسابقة منظمنها ناس بانق بروس...المهم البيسألك ما تخذلو قول ليهو أنك اكلت الحاجة القالها ليك وكلو حاجة تمام التمام ...ومن تجارب الناس الحواليننا انو رب الكون لمن يشعر انو نييتك ونيّة البت في السترة نيّة صادقة بيفتح ليك ابواب الرزق من حيث لا تحتسب..وفي نفس الوقت معظم البنات وأهلهم بقو بيشتروا الراجل والعايزين السترة وسعادة بنتهم بالشخص العايزاهو, يمكن ما يتتنازلو تماما عن شكل الحاجات العايزنها في عرس بنتهم لكن ما بيتكلوها بالكامل عليك فبيتشايلو معاك فيها واحيانا بمقدار كبير..اللهم الا اذا وقعت في النوع الشايفين بتهم أيفا مينديز وشعرو انو القبة بتاعتك تحتها فكي..وديل حاول اتجنبهم بشكل عام لأنك اليوم ال"فكي" حقك حيتخارج فيو من "قُبّتك" حياخدو منك أيفا مينديز والضحك حيشرطك. معظم اللأهل عايزين يشعرو منك بأنك حتستر بتهم وتعاملها كويس وبس..اذا ضمنو دي غالبا الأمور حتمشي.
في واحدة حكّامة قالت الرجال تلاتة أنواع: جبل وجمل وسعن
والله يا احاسيس انتي مصعبا العرس ساااكت .. انا كان عرس اختي في الاسبوع الفات العريس الحا جات الجابها كلها في حدود ال 17 الفي بس ونحنا وليمتنا كانت في حدود 15 الف وكان امري الله مقضية
اها قولتو 50 مليون كتيرة قومنا نزلنا القروش لى 30 مليون وبرضو قلتو ال30 مليون كتيرة على تكاليف الزواج فى السودان طيب لو المهر بتاع أماني 26 مليون دولار بسعر اليوم تعملو شنو ؟؟؟ تاني عليك الله ما تكوركو فى ال30 أدفعو بس وانتو ساااكتين ولا شنو ؟؟مااا قصرنا معاكم تب
اها قولتو 50 مليون كتيرة قومنا نزلنا القروش لى 30 مليون وبرضو قلتو ال30 مليون كتيرة على تكاليف الزواج فى السودان طيب لو المهر بتاع أماني 26 مليون دولار بسعر اليوم تعملو شنو ؟؟؟ تاني عليك الله ما تكوركو فى ال30 أدفعو بس وانتو ساااكتين ولا شنو ؟؟مااا قصرنا معاكم تب
والله يا احاسيس عايزين نبقى كلنا زى امانى......
والله يحقق الامانى...............
[align=center]اسعار الزواج لعام ٢٠١٢
١/ قولة خير مليون وإحـتـمـال أكتر ع حسب أبوالنسب
٢/ شيلة وارياح خمسة مليون
٣/ دهب سد + شبكة ١٥ مليون
٤/ عزومة غداء عشرة مليون
٥/ فنان للحنة درجة تالتة مليون
٦/ صالة + عشا ١٥ مليون
٧/ تصوير نص مليون
٨/ مصاريف مكياج وزفاف وحنة العروس خمسة مليون
٩/ فنان علي مستوي خمسة مليون
١٠/ إيجار شقة عشرة ايام شهر عسل مليون
وبالله ياحبيبنا كان ماجاهز ماف داعِ تحرجنا وتدخلنا ف حتت ماظريفه.
التعريفه أعلاه غير شامله الضرائب والتغير ف أسـعـار السوق[/align][/size]
انا مااعرف اربعه مليون بعملتكم بالجنيه السوداني كم بالسعودي
لو يعادل مليون سعودي تشتري بيت وسياره وتتزوج ومهر العروسه عندنا يختلف من عائله الى اخرى
بس اقل زواج بمهره يكلف مية الف ريال سعودي
ماشاء الله طقوسكم كثيره احنا الزواج اهم حاجه يفشخر العريس بمعني يعمل نفسه غني حتى لو عايش على راتبه سكنه وشهر العسل حسب حالته الماديه واهم من هذا كله السعاده والذريه
مين يرحمني ويقولي اربعه مليون جنيه الله يستر اذا تعادل اربعه او ثلاثه مليون سعودي
