ما بشغلك بحبي ليك

[طلال الحكيم]

أنا ما بشغـِلـِك بحبي ليك
ولا بنتظر بعد اليوم مجيك
خلي العيون تشوفني ضاحك
وقلبي باكي من أشواقي ليك
لأني عاهدت الغرام
لو كنت صادق في هواك
ما بشغـِلـِك تاني أبدا ً
بحبي ليك

خليك هناك ..
أصلو في بُعدِك سعادتك
وما ممشكلة لو ما كنتِ لي ..
أنا غير سعادتك عايز شنو ؟
وخليها نيران غرامك
تكويني كي ..
وخلي الألم
يعصر فؤادي المصطفيك
ويلويه لي ..
وخلي الدموع تنزل مطر
وتنشف جفوني
وما يبقى شي ...
وعشان ترقص عيونك من الفرح
وليل دنيتك يكون بالسعد إصطبح
أنا ببعد بعيد عن سكتِك
عشان تزيد يا روحي
أسباب ضحكتِك ..
أنا عارف حبي ليك
مليان ليهيب ... مليان عذاب
مليان نحيب ...
لأنو حب ما عرف النفاق
ما عرف الخداع
مبذول سخي لأجمل حبيب ..
لكنو عذب لدواخلك والقليب ...

وأنا في هواك
ما شفت غيرك لروحي روح ...
إنتِ دنياي والغرام
إنتِ الوفا وأصدق هيام
وإنتِ سري البيهو أبدا ً ما ببوح ...

ويا نور الصباح لما الصباح
يشرق من خدك الضاوي الصبوح ...
إتذكري قلبي الوفي
يا الـ ليهو روح ...
وأطريني بكلمة سلام
وأهديها زي زهرة بتفوح .

[نهر المحبه]

ومابشغلك بالتفكير فيني...
لانه حبك ماليني...
وفي بعدك بيزيد حنيني
تملاني الاشواق
تدفق مني
وبتمنى لحظه انك بس
تلوح لي...
وبزيد التمني كمان
واقول ياريت تجيني...

طلال الحكيم
الرجل الحكيم...
كلماتك غايه في الروعه والجمال...
لك كل الود

[بعد الزمن]

كلام سمح (عجبنى )
وفيهو عقل وشغل زاااااااابط
دمت بود

[بت السرف]

[grade="ff0000 ffa500 008000 ff1493 4b0082"]
كيف تشغلنى بالشوق والحنين ..
والامنيات الدابها بادية من سنين..

كيف تحكم هواك ..
وانا قلبى من بعدك مستكين ..

وتتمنى لى ...
بعُد المنًى ..وانت المنًى وكل الأنين ...

انا من بعدك ..ضاع منى الفرح ..
ضاع العمر ...وصبر السنين..

انا بهواك ..
وفى هواك نبض الحنًين ..[/grade]

[طلال الحكيم]

ومابشغلك بالتفكير فيني...
لانه حبك ماليني...
وفي بعدك بيزيد حنيني
تملاني الاشواق
تدفق مني
وبتمنى لحظه انك بس
تلوح لي...
وبزيد التمني كمان
واقول ياريت تجيني...

طلال الحكيم
الرجل الحكيم...
كلماتك غايه في الروعه والجمال...
لك كل الود

أنا فكري بيك زائد إنشغالو
وأنت الجميل الـ زائد في دلالو
وعني قالو الناس بيك مغرم
وأنا ليك عاشق أكتر مما قالو
مالو يا سمح العيون لو طرفي شافك
مالو يعني ؟ ... مالو مالو ؟


نهر المحبة ... يا وابل الخريف المطرو صبَّ
مالو لو من نهرك أديتينا شربة
مالو مالو

[طلال الحكيم]

كلام سمح (عجبنى )
وفيهو عقل وشغل زاااااااابط
دمت بود

يا سيدي سمحة عيونك الشافت حروفي
بيك زانت دياري وإخضرت جروفي
إنكسفت شمس النهار من نور جبينك
والقمر هناك يجرجر أذيال الخسوف ِ


بعد الزمن ... في بعدك بقيف الزمن
وفي قربك السعد إنضمن

[طلال الحكيم]

[grade="ff0000 ffa500 008000 ff1493 4b0082"]
كيف تشغلنى بالشوق والحنين ..
والامنيات الدابها بادية من سنين..

كيف تحكم هواك ..
وانا قلبى من بعدك مستكين ..

وتتمنى لى ...
بعُد المنًى ..وانت المنًى وكل الأنين ...

انا من بعدك ..ضاع منى الفرح ..
ضاع العمر ...وصبر السنين..

انا بهواك ..
وفى هواك نبض الحنًين ..[/grade]

وقلت ليك ونظمت فيك و (كتبت ليك )
أنا ليك يا الغالي ماليني الحنين
وأنت في هواي يا غناي جافي وضنين
ومن حبي شارد زي غزال ضامر جميل
ما هماك عذاب قلبي الشاكي الحزين
وأنا يا غزال
أبدا في الغرام صادق أمين
أديني عطفك وأمنحني ريدك
وأمسح بالفرح من قلبي
أحزان السنين


بت السرف
كلماتك المموسقة تبعث في الأصابع إلى القلم (الحنين )
فكوني دوما بخير

[صلاح محجوب عبداللطيف]

عمري بعدو بالساعات عشان خاطر مواعيدك
أماني اللقيا في عيوني متين ألقاك وأضم أيدك
دي حتى عيوني يا غالي بقت ولهانة بتريدك

[ناجي عثمان عبد الرازق]

[align=center]
وأنا في هواك
ما شفت غيرك لروحي روح ...
إنتِ دنياي والغرام
إنتِ الوفا وأصدق هيام
وإنتِ سري البيهو أبدا ً ما ببوح ...

ويا نور الصباح لما الصباح
يشرق من خدك الضاوي الصبوح ...
إتذكري قلبي الوفي
يا الـ ليهو روح ...
وأطريني بكلمة سلام
وأهديها زي زهرة بتفوح .

طلال الحكيم
جميل حينما تضع التعابير بهدؤبهدوء ..دون .دون ضجيج
تجيد التعابير عن دواخلك باسلوب مدهش ..ومتقن
جميل أنت كما تكتب
تقبلي مروري
[align=center]
[/align][/size][/align]

[طلال الحكيم]

أحبتي الغالين عمي صلاح وأخي ناجي
شرفتموني جدا ً وأسعدتم قلبي المحب لكم
مع كل إحترامي

[طلال الحكيم]

بكرة تعــرفي يا السمحة نور العين ... كيف كان عـــذابي فيك عذاب إثنين
عذاب حبك المكتوب بشوق وحنين ...وعذاب روحي المقسـومة في جسمين