بعد مباراه لاترقى لمستوى القمة وأخير منها حرق العمّه وزى الزول البلع الذمّه وقالوا على واحد رمّه!!والله والله والله العظيم لوطلع الهلال فايز لكتبت ما كتبتة لان ما شاهدته ليس كرة قدم بل كره غنم !!!!
وإليكم مسدار بعد الكورة :
ساكواها سواها ولايخاف عقباها
مسّخ للبرير رئاستو .... خلاها
المريخ والهلال الكورة أنساها
ما فى أى عرض وقربّت آباها
أما منتدى العيلفون المنتدى الرياضة خاصه تجدنى أحرص فى الدخول عليه لانه جذاب وخاصه أنه ملىء بالمريخاب وساكواها سواها ومن برمنجهام بشرى رداها والان بعد التعليق إليكم القصيدة والتى ورد فيها ذكر أكبر ثلاثة (وصيفات فى منتدى العيلفون وتحياتى لهم ولكل أهل العيلفون.------------------------------------------------------------------------------
أحمد الحبروعصى الدمع وأحمد عكاشة اتجدعوا
ليكم سنين جمهوركم حزين بس بالحجار ويصقعوا
قبالكم الفرح العلينا سا سا سادومبا كيف كم وزعوا
وسا سا ساكواها لو سواها مبرووك عليكم أشبعوا
قاتلكم الجوع من سنيين فى الدورى كم تضرعوا
للمولى يديكم نقاط وموجنا دايماً كان عجيب جب يلفحوا
نسيتو كاريكا من الدعيع للشباك شطب ود سليم كيف صييعوا
نسيتو أرضيات سا سا سادومبا كيف لما أنفرد وأخوانو دايماً أبدعوا
وبشه كيف لمن ختف بالرأس هدف ورمزى (المناضل) جهجهو
وكيف الغزال سيد الدلال أرضية كانت زى نبال خلا الجماعة اتفرزعوا
قلنا بس والله عييب لمن أخوك يزعل كتير من أولو ليه ما نسيبم يفرحوا
الكورة ما لحظة فرح والفرح ليه لى هلالنا وأهل الوصيف يمترغوا
قلنا حرام إستاد جميل رائع عديييل بس فاحش الكلام الانتصار حايضيعوا
ألفاظ ما ألفاظ أصيله وجد دخليه لو قالوها لى أكبر حمار حاتصرعو
بالله بس لو مره جييتو من الكنب أعرفو الادب ختوهو لينا فى موضعو
وما تنكروا وتقولو ما سمعنا الكلام ... زرعو الجماعة وللفضيلة تشيعوا
الكورة كلها حاله طيييين بالسنين ... وأخلاقنا زى بستان جميل ما أينعوا
يجينا من مسؤول كبير فاحش الكلام والله عييب والعيب نضلعو نفضحو
نرميهو من طرف الكنب ويين اللجان ووين الامان يا إتحاد ما تصرحوا
وأختم وأقول زى ما بديت مبروك عليكم إنتصار بس الانتصار ما تودعوا
بمناسبة الفوز الذى حققة منتخبنا الاولمبى على غانا فى عقر دارهم فى أكرا بهدف دون رد وفوز المنتخب السودانى الاول على سيوزيلاند بالخرطوم بثلاثة أهداف نظيفة أكتب هذا المسدار متمنياً مزيداً من الانتصارات للفرق الرياضية السودانية .
من أكرأ لى أمدرمان لى بورسودان فرح
خلى القلب خلى القلب كيف كيف أنشرح
عايزين مواصله ياشباب ياشباب التح ترح
أهداف جُمل يبقى الجميع فى جو جو مرح
مريخ هلال راجعيين كمان بالانتصار ده المصطلح
كالعادة وفى كل موسم يدفع الوالى الملايين المتلتله من الدولارات الماضاربو فيها حجر دغش مره لى وراغو ومره لى عواجيز من تونس والله فى المظاهرات التونسية ما يصمدوا وهذا الموسم أتجه الى شمال الوادى ليتعاقد مع طاقم مصرى كامل الدسم بقيادة حسام البدرى والذى ما شاء الله حسم للمريخ مسيره من ال32 بالخروج المبكر ويبدو أن البدرى سوف يعلنها دواية ويغادر ويتحمّل الشرط الجزائى الخاص بعقدة مع المريخ !!أما بلدياته عصام الحضرى فهذا لاعب أراد أن يلعب بإسمه وسمعته التى حققها ولانغالط فى ذلك خلال 20 سنه كورة وفى حراسه مرمى الاهلى ومنتخب مصر وسيون السيويسرى والاسماعيلى والزمالك وأخيراً أختار المريخ ليس حباً فى نجوم المريخ ولا لون الفنله الحمراء الذى يذكره الاهلى ومجده الذى كونه فيه ولكن لشىء (صغيرونى ) يحققه له الوالى وهو الدفع طوالى عقد وغرامه من غير حسرة أو ندامه ده ما الوالى أبعلامة وعلامه الوالى ظاهرة ومعروفه وهى خلال 8 سنوات كأس واحد ممتاز مقابل سبعه للهلال دون أن يدفع ملايين من الدولارات وكأن السودان أحدى دول الخليج التى تنتج 5 مليون برميل من الانتاج النفطى عالى الجوده أو أن السودان من أكبر الدول المصدرة للغاز المسال فى العالم .
بدأ الدورى ولعبت الصدفة والحظ أن يجد ساكواها فرصه من تقليشة من لاعب الهلال حديث العهد بهذه المباريات أتير توماس والذى أحرز معه المريخ الهدف الوحيد لساكواها والذى سواها وأدخل الفرح فى الوصيفات وظنو أن مانعتهم أهدافهم الاتنين(والاتنين الليلة وييين) التى أحرزوها فى أنتركلوب الانجلونى وفات عليهم أن الانتر والذى تم طرد لاعب منه منذ الدقيقة 38 من الشوط الاول سوف يكون عنده كلام تانى فى لواندا وقد كان أدخل المريخ فى تجربه بعدج أن حل دينو ونامت عينو من الشوط الاول وجاء الشوط الثانى والمريخ يمشى على إستحياء وقد رمى باله فى ركلات الترجيح والتى للاسف فشل فيها اللاعب السودانى بدرجة قف تأمل وكان الخروج العظيم وأكل النيييم من قدم العجب والزومه أبوجاكومه ومصعب عمر ليخرج المريخ من بدرى لان مدربه حسام البدرى وود البدرى دايماً سمين وأمين
ولابد أن نختم هذا المقال بقصيده على المنوال لحبيبنا المريخ والتى تقول :
مريخنا ما قالوا قالوا الكلس
الليلة بس ضاربو ضاربو الفلس
مرق سريع من بدرى شوف كيف إتحلس
زعّل يمين كل القبايل القبايل والمحس
وجات الجرايد كيف تقول زومة زومة ودقس
كم عاد عاد وعايز يشوت وقطع نفس
وفى المرتيين حالف على الزواية وكبس
فى إيدو حارس والزومة كيف زعل إتمغس
قال من شنو ؟قال الحكم تاه إلتبس
يدينى فرصه تالته بس الحظ عبس
وحظ المريخ دايماً عنيد للناس حبس
وحظ الهلال دايماً سعيد وفى الخير غتس
وحظ الهلال دايماً سعيد وفى الخير غتس
بالامس وبعد مشاوير إدارية تخص عبدالحليم محمد نمر فى مكتب العمل برمنجهام وأخرى تخص البزنس وعزومة (بيتزا فى مطعم فاخر من الاخ على الشاعر ) والبحث على أكثر من موقع والذهاب للجمعية لمزيداً من التفاكر والتشاور .
الساعة السادسة حضر الاخ طارق أبوالحسن وسألنى عن مباراه الهلال وحى العرب فقلت له حاولت قوون (التعيسه ) وما أشتغلت فى الكمبيوتر بتاعى وبالفعل حاول فى التانى ولم تفتح معانا إلا فى بداية الشوط الثانى وكانت النتيجة 2 مقابل صفر فقلت له لو ما الهلال فاز 5 أهداف مقابل صفر يعتبر نفسه خرج من المنافسه والفوز بهذا العدد من الاهداف مع المحافظة على الشباك نظيفة هو الفوز المطمئن الذى يجعلنا نتابع مباراة الافريقى فى أمدرمان بحماس ودافع قوى أن الهلال سوف ينتصر إن شاء الله
على الاقل بهدفين مقابل صفر على أسوأ الفروض وإن كان أفضل أن يكون الفوز ثلاثة وما فوق إن شاء الله ولو كان مثل نتيجة مازيمبى أمام الترجى خماسية مضمونة يكون هو الاضمن .
بعد الهدف الخامس قفلت النت وكل مره طارق يقول لى شفت القون الضاع ده؟؟؟ أقول ليهو يا زوول قون شنو ؟؟!!أنا قررت بعد الهدف الخامس عدم الفرجة طالما تحقق هدفى وهدفيين من سادومبا والذى أعشم إن شاء الله أن تكون هذه المباراه مباراة تأريخية فى مسيرة حياته الكروية فى الهلال .
الهلال الان فى قمة المعنويات أتمنى له التوفيق فى ملحمة الاحد أمام الافريقى وأقدم لهم هذا المسدار :
يا هو الهلال عودنا فى أصعب ظروف صُنع المحال
يا هو الهلال فى عروضو دايما دايما فى سجال
يا هو الهلال بدر إكتمل بدر إكتمل يوم يوم النزال
يا هو الهلال شوف سيدا والدرر المعاهو والغزال
ويوم الاحد بى إذن الكريم شرفنا جاوب كل سؤال
شفنا هلال فى فى رادس إتجلا
مرحب بيهو الهلال الهلال هلاّ
سلام عليك ياهيثم يا قائد الثلُه
وسلام عليك يا معز نجم النجوم غلاّ
مرحب بيهو الهلال الهلال هلاّ
شفنا الشباك محروسة ما خلاّ
أفريقى ما بقدر لى دفاعنا ينّدلى
مرحب بيهو الهلال الهلال هلاّ
وسطنا رائع جد خلانا نتسلى
وهدف سريع سادومبا للداره كيف بلّه
مرحب بيهو الهلال الهلال هلاّ
وصلنا ليهو مرادنا والمولى يتولى
وبريرنا فى وجودنا زادو وإتعلا
مرحب بيهو الهلال الهلال هلاّ
خلانا نفرح جد من غير تعب علّه
وهلالنا كان رائع يارب ما ينشّله
مرحب بيهو الهلال الهلال هلاّ
وشّفنا هلال فى تونس إتجلاّ
مرحب بيهو الهلال الهلال هلاّ
ومرحب بيهو الهلال الهلال هلاّ
ساكواها سواها والضربة الاخيرة قالوا جلاها
ما وصل النهائى وعبدالجليل الكأس ما شماها
والبدرى العجييب بالخطة العجيبة الحسرة ختاها
والحضرى الوداع وقال أخر ظهور ما ظنو تناها
والمسدار هدية للاخ أحمد الحبر والرفاق الوصيفات وللدكتور عبدالجليل قسم السيد بمنتدى السروراب ودار جعل وتنقاسى والى جميع الوصيفات فى كل مكان وزمان .
مبرووووك للهلال حقق إنتصارو وقصيدة من بشرى مبارك إدريس
مبروووك للهلال حقق إنتصارو
ومبرووك للهلال حلق فى مدارو
جماهيرو الوفية دايما رافع نارو
وكل لاعب غيور عزز لى شعارو
شعار النصر دايماً حانحصّل قرارو
وكأس أفريقيا نرفع بى يمين أو يسارو
وكابتنا الحريف وشارتو لون خدارو
وحارسنا الهمام جمعة جمعة ود جينارو
حا نهزم كل فريق فى أمدرمان فى تارو
وما بنفقد نقاط وحانجنى نجنى الثمارو
وثمارنا ديمة يانعه وما بنعرف عدارو*
فريقنا هلال كبيير منو كتير كتير بغارو
يا روعة هلالنا من موجك جد تضارو
ويا ملوك الدفاع وهلالنا هلالنا وصغارو
فى عمر الربيع شباب يافع يافع تبارو
فى عشق الهلال وفى الميدان سجالو
مبسوط جييت أمسدر ومبسوط بى حلالو
ما دايما هلالنا هلالنا سادر سادر فى دلالو
أديهو التحية وأبارك أبارك أبارك إنتصارو
أديهو التحية وأبارك أبارك أبارك إنتصارو
* عدارو العدار هو الشجر البروس أو الشجرة غير المثمرة .
والقصيدة مهداه الى كل هلالابى وسودانى يشجع الهلال من قلبو ويتمنى له الفوز بالكأس ومن بيرمنجهام سلام .
حضر مع المباراة الاخ والصديق أبوبكر محمد على الشيخ جارى السابق فى المانيا بون والحالى فى بيرمنجهام والحمد لله منذ 2002م ونحن جيران ورغم مريخيته كان يشجع الهلال مثلى وعرضنا مع هدف سادومبا الرهيب .
بعد المباراة أتصلت على السودان جارى المتواجد فى إجازة فى السودان الاخ أبوبكر بشرى السيد الهلالابى الغيور والذى ذكر لى أنه تذكرنى مع هدف سادومبا ولو تأخرت 5 دقائق كان ناوى الاتصال على .
أتصلت على الاستاذ عماد محمد إدريس إبن عمى تلفونه مشغول أخى صالح المريخابى لم يرد وأخيراً على التازى زين العابدين وكل هذه الاسماء بالسقاى البتلاب تحديداً رد الاخ التازى والذى ظهرت عليه علامات الرضا والفرح بفوز الهلال وذكر لى أنهم حضروا المباراة مع الاح أحمد بابكر بحضور التاج وصالح المريخاب إضافة الى مجدى وأحمد بابكر الهلالاب ونقول لهم ألف مبروووك وأهديهم هذه القصيدة والتى كتبتها أثناء تعليق طاقم الجزيرة الرياضة يعنى حار من نارو .
رأينا أن ندشن حمله الحرب النفسية على الترجى وإضعاف معنويات اللاعبيين والجهاز الفنى والتدربيى ورفع الروح المعنوية للاعبى الهلال بقصيدة وردت فيها كل أسماء لاعبى الترجى ورأيت أن نتبادلها فى المنتديات وخاصه التونسية لكى يعرفوا أننا نعد العدة لهم فى كل الاتجاهات ولن نرضى غير الفوز والفوز الكبير فى ظل ضمان النتيجة فى إستاد رادس لان نصف إنتصارات الترجى الجمهور يلعب فيها دور أساسى وقد ذاق الهلال من قبل هزائم غير متوقعة من الترجى بسبب التشجيع الجماهيرى والذى لايتوقف قبل بداية المباراة وبعدها !!وقد شاهدنا نصف جماهير الترجى لاتتفرج على المباراة فى الاستاد ويظلوا يهتفوا وهم يعطون الميدان ظهورهم نعم ظهورهم ، والان نقول لهم سوف تعطوا النهائى ظهوركم إ شاء الله ومن داخل المقبرة بثلاثية ولا أحلى ، والان الى القصيدة والتى أتمنى أن تنال الاعجاب وتبطل مفعول أى حجاب .
نبيل معلول الهلال بعلّك وإيدك أقلو تلاتة
عشان خاطر ميرفت عشانه وعشان أخواتة
وفاطمة الصادق معانا وفى قوون بديع وصلاتة
عشان عزّة بنريده عشان خاطره خاطره وجلاتة
وعشان محمد أحمد عريسه عريسه القطع رحطاتة
نهدى نهدى الانتصار نهديهو نهديهو لى لى مصراتة
ولى كل الشعوب الشعوب الصححت صححت غلطاتة
هلالنا عندو ليك كلام ونظام صات الميادين الميادين صاته
فى إستادو ناوى شوف كيف عروضو عروضو حلاتة
لو مره أنهزم مره أنهزم صحح لكل هفواتة
ناوى الكأس يشيل يشيل والكأس بعرفو غلاتة
*******************************
يوسف المساكنى حاتسكن جميع حركاتو
بن منصور تقييل سادومبا حالاً حالاً فاتو
بنانا أكييد بتتعب من كاريكا من خطافتو
الباسطونجى يبسط جمهورنا بى غلطاتو
خالد المولى بولى الزحف من هجماتو
بن شريفية تشرّف بس بس شباكك جاتو
تلاتة أقل شىء ما شُفت كيف كيف باصاتو
العيارى الدربالى القربى الدراجى حانشوف بس هفواتو
بوعزى التايب السويسى العيارى ويين وصلاتو
ما قادرين يوصلو الباص حتى بى بى علاتو
التراوى المولهى نيانج نيدنغ وويين ويين كسراتو
ضاعت وضاعو وضاع الترجى وكترت كمان حسراتو .
كابتنا هيثم مصطفى ما بعرف الصد والجفا
خاتى الهلال فوق العيون ما شفنا أصلو إنكفأ
أخلاق سمو وأدب عجييب وشاره الهلال ما أخلفا
فى الدورى فى الممتاز هناك فى كل عام نحنا احتفا
جمهور وفى ومخلص تمام مع سيدا مع سيدا دايما فى صفا
يا مهيرة لو عايزة الكلام حا أكتب أقوال أنصفه
أنا برضو زييك فى الهلال وهلالنا دايماً مدرسة
فيها الدورس مجانى دايماً وفيهو العروض والهندسة
ودايماً مكانو حاجزو لوج فى افريقيا كورتو كورتو مؤسسة
أمر الخطوبة علينا طوّل راجينو لحظة يعرسه
يعلن فرح فى كل سودان وافراحنا حاتكون مدهشه
بالله أسرع أسرع بالخطى يا سيدا أوعه أوعه تقرشه
المولى يا رب يا كريم ودعواتنا وصلواتنا فى مصالى كيف بنفرشه
عبدالرحمن يوسف عشانك أكتب للحرف لى سيدا كاتلنى الولف
ودرسنى بس قانون قانون رضاك بكتب حروفوحروفو حرف حرف
ويا عبد الرحمن وأخوانو ويا مهيرة وأخواته الحُنان فى سيدا نحنا بنختلف؟؟
فى هلالنا موجو الديمة كاسح أكتب سنيين سنيين غالبنى ألقالو ألقالو الوصف
لو زول سبق ولقاهو مره ولقى الوصف أدونى إسمو قبال يتم داك الاجل ويبقى الحتف!!
دفر بالاربعات هلالنا قدل إتبختر
أتحيير وصيفنا وقبليها عامل عنتر
كان فاكر الهلال برجع مزاجو معكّر
من فقد التأهل ومن دور الكبار وهلالنا فكّر وقدّر
وبدأ بالأربعات عطبرة كادقلى وفى النية ناس البندر
إلا وصيفنا زاغ وأعلن إنسحاب وقال لاجنيت ولاغشيت ناس بعشر
يلم فينى الهلال بى ناس الغزال وكم قووون وباص يجيهو يجيهو مقشّر
يهدّف فى الشباك لا الحضرى رجع وخايف من دفاعى ومن فلان البسكر
أحسن لى إنسحاب وأمرق بى كرامتى وما أشوف أشوف الهلال الهلال يتمسخر
وما برجع لى لعب وكأس ما دايرو طب ومبرووك لى الهلال ما شافو حتى معسكر
جد جد الهلال سيد البلد خلا الوصيف حمد لبد
كم فى هواك فى هواك فى حماك مقتول مقتول كمد
نعم الوفى نعم الوفى وقاضى الغرد نعم الصبى ونعم الولد
لو حُمت فى كل البلاد ورددت لى إسم الهلال الرد يجييك سيد البلد
وتمساح جزائر الكرد بتقضى الغرد إنت بتشيل بى وكد ما متلك متلك ولد
تمسسسسسسسسسسسسسسسسسسسسسسسسسسسسسسسسسسسسسسسسسسسسساح
مع التحايا للهلالابى الفحل المطرب عبدالله عبدالقادر البعيو وليت أحد الاخوات أتحفنا بهذا اللحن .
بدأ هلال الملايين هذا الموسم الافريقى التنافسى فى دورى الابطال بفوز مستحق خارج الديار فى أفريقيا الوسطى على فريق الدبلوماسين بثلاثية ولا أحلى وكنت قد بادرت بمسدار سريع ولكن رأيت أن أردف المسدار بقصيدة أعتبرها بداية قصائدى لهلال الملايين لهذا الموسم والذى أتمنى من الله أن يوفق فيه الهلال حتى نصل لقصيدة الكأس بالتوفيق وبجهد اللاعبيين والادارة والجهاز الفنى والجماهير والتى عودتنا الوقوف مع الهلال وكذلك لكل المتابعيين فى المنتديات وفى الصحف الرياضية عن الهلال العظيم فإلى القصيدة :
والقصيدة بعنوان سيد الحيشان التلاتة (نسبة للتلاتة أهداف التى أحرزها نجوم الهلال كاريكا سادومبا وبكرى المدينة ) .
بدأ بيها التلاتة هلالنا هلالنا باين وظاهر
وفى أفريقيا وسطى كان الحريف الماهر
بكّر بيها كاريكا ودايماً هلالنا هلالنا الباهر
وكان فى التانى سادومبا ودايماً دايماً ظافر
وختم ختم بكرى المدينة التالتة بيها يفاخر
فرّح كل هلالى كل هلالى وخلانا ديمه نجاهر
بى أحلى العروض بيها دوام دوام بنساهر
************************
واصل فى عروووضك يا هلال الفرح فرحنا
وزيد فيهو الانتصار الانتصار خليهو حايسلحنا
نوصل للنهائى للنهائى والكأس يكون صالحنا
ودايماً تبقى فرحة فرحة ونحصد تمُر وقمحنا
ومعرووفة العروض فى هلالنا بتصالحنا
يا هلالنا السمح زيد زيد فى السمح يا سمحنا
يا هلالنا السمح زيد زيد فى السمح يا سمحنا
----------أحمد الشتل (أقصد أحمد الحبر ) سلام عليك وازيييك
----(أحمد الحبر مدير منتدى العيلفون مريخابى يقيم فى الرياض إعلامى كان يعمل فى جريدة الصدى مثله الاعلى مزمل أبوالقاسم -(مزمل شتل ) لذلك أصبح خليفتو فى الشتل فى الرياض !!!فى بداية الاسبوع أطلق إشاعة بأن مباراة القمة مؤجله بسبب الهلال وقد كال السباب والتهم للإتحاد العام الذى حرمهم من إنتصار تأريخى على الهلال فإذا بالحكاية تطلع مسمار تأريخى أستقبله الوصيف وبشه بشه الليل نعدو والنجوم يا أخوانا عدو . ------------------------------------------------------------------------------------------------------------------------------------------------
أحمد الشتل (أقصد أحمد الحبر ) سلام عليك وازيييّك
واصل فيهو شتلك وخدّر (وصييفك ) خدّر وصيفك وحييّيك
واصل فيهو أشتل وخدّر فرييقك ورياضك واصل كمان فى غيييّيك*
هدفنا يميين نجييبو نجييبو حمره عين ورمشه عين ونجيبو كمان فى صبييّك*
يا أبا مازن أخوى والرهط المعاك نادوا لى فلانه تقول وووووب وأحييييّيك
*الشرح غييّك (نرجع لأغنية وليد دارفور ) والتى يقول شطر من بيوتها (متين بقيتى بنى عرفتى درب الغى الليلة !!!) وليد بشبوش بمشى معاهو الليلة .
* صبيّك (نرجع لأغنية الراحل وردى عليه الرحمة ) نسافر فى صبى العين معاك سلامة يا دنياى (معاكى سلامة يا نجماى !!!وآسفاى إرادة المولى رادتنى وبقييت .......... !! أحمد الحبر أرجو أن تكمل .
نتواصل فى المسادير وألآن أقدّم لكم مسدار بشة بشة الليل نعدو
بشه بشه الليل نعدو
والنجوم يا أخوانا عدو
وإنت ما عارف نجومك لما تسرح وين بودو
والدفاع دايماً دايماً نسدو
والهجوم كاسح كاسح يا شدو
********************
والنجم عايزين عايزين نهدو
والتلاتة التلاتة نقاط نمدو
والوصيف دايماً دايماً نندو
وما أظن ما أظن بغلبنا ضدو
لو طرنا حانطيير بى شرف
وعروضنا ما فيها الترف
إستادنا مليان مليان وانسرف
والكيييف كتير كتير حد الكرف
وما ظن نطيير من الشلف
وأتمنى يسوو الكى الكى خلف
سادومبا ورينا الفنون ولعب الطرف
غزالنا يا أسمر جمييل صاروخك الحار أنعرف
أطلق وما ترحم دفاع يارب تصييب والحظ دلف
أرض الجزائر أرضنا أرض أمدرمان زى الشلف
جمهور بحب كل السودان جمهور جزائرى ما شنف
حافظ لكل جمييل قريب يوم زارنا بالفرحة أنصرف
يارب تكون قمه وأداء فن فى السلوك وحكمنا لا قال لا صرف
لو كان هلال أو كان شلف تحيا العروبة وتحى الشعوب بلا كلف
بهدفين ولا أحلى الاهلى وشندى فوق
عمّ الفرح كل السودان ومعاهو شوق
الكأس أكييد سودانى أصلى بكل حقوق
يارب نشوفو نهائى خالص سودانى ذوق
ألف مبرووك لكل أهل شندى وضواحيها ولكل السودان بوصول ثلاثة فرق الى دور المجموعات كأول إنجاز سودانى وكأول إنجاز للأهلى شندى وللأمانة لابد من الاشادة بالامبراطور الرياضى الفذ الاستاذ ورجل الاعمال صلاح إدريس والذى أثبت بما لايدع مجالاً للشك أنه إدارى من طراز فريد وقد سجل إسمه من قبل مع الهلال وله الفضل والفضل لله أولاً ومن بعد ذلك يأتى الفضل للأخ صلاح إدريس فى أن يصل مع الاهلى شندى وفى أول مشاركة أفريقية له الى دور المجموعات كإنجاز من ذهب .
الجدير بالذكر أن الاستاذ صلاح إدريس كان قد بدأ وصول الهلال فى العام 2007م الى النهائى فى دورى الابطال ولم يتخلف الهلال بحمد الله من ذلك العام الى اليوم وهذا الوصول هو السادس على التوالى وتبقى بإذن الله الكأس والذى أسأل الله أن يكون سودانى عامة وهلالى بصفة خاصه .
هذه المجموعة سوف تكون .
* الهلال فى صدارة المجموعة صاحب أكبر نقاط .
* أعتقد أن المريخ فى المركز الثانى .
*فى المركز الثالث أنتركلوب الانجولى .
* الرابع أهلى شندى بأعتبار أن الاهلى صاحب أول مشاركة أفريقية .
عموماً أتمنى أن تسحق فرقنا أنتركلوب الانجولى وينحصر التنافس بينها فى المركزين الاول والثانى لتتأهل للنهائى ويكون بين إستاد الهلال والردكاسل إن شاء الله .
المريخاب سلام وجعفر (كضم من الكلام !!) ويا سلام يا سلام الرابطة بصديرو عام ... وقلّع !!عام وقلّع بى نقاطو !!نقطة لكل فريق والنقطة التالته فى الهواء !!والفارق أصبح يا جعفر 6 نقاط وتلاته أهداف وحسب ما قال أخونا عوض جلاس الكتاحة رابطة !!! والمسدار جاك ياجعفر وضمرة وودالرفاعى !!! قال المجموعات قال !!أسع أكتبو أنكم الدورى فارقتو فراق الطريفى لى جملو !! وتانى نحنا نتجدع ساكت فى باقى المباريات !!!. وإليكم المسدار الذى قلبناهو بالفرح قصيدة لأننى قلت ما عايز أتلوم مع أخوانى المريخاب كل واحد أجييب إسمو !! آها يا جعفر أرجانا فى شندى !!! قال فريق القبيلة قال ؟؟ لى شنو قالو ليك أنا من قندتو والله شندى فوق والله القوز مع إحترامى الشديد لدار جعل والفارس الفذ صلاح إدريس !! .
الرابطة العجييب للمريخ شهر لى سيفو
وأحرز للتعادل وزاد من مزاجو وكيفو
المريخ حزيين فى الدورى ديمة وصيفو
ما بصل الهلال وما بقدر يهدّ يهدّ لى قيفو
شوف كيف الهلال باين وظاهر (سيفو**)
يا جعفر أخوى ويا ضمرة الحزين مريخكو وين تصنيفو
ووين ودالرفاعى ووين كل النجوم ما فيهو أصلو حريفو
فارقتو الكؤوس وفارقتو النقاط ودورينا حان وجب تصريفو
بى أمر الكريم بعد هوبه الغزال وقروشنا الحلال وخريفو
نتجدع شعر ونكتب بى مزاج والكأس حبيبنا صديقنا نشييفو
ويرفع ليهو هيثم يرفع ليهو سيدا وكأسيين يا كريم يا لطيفو
فى رمضان نقاطنا أهدافنا خمسة ونقاطنا زايده واصله نضيفو
نكنس ما نخلى الاهلى أنتركلوب مرييخنا وجب وجب تجفيفو
ما يشوفو النقاط والاهداف كتيرة ومركزنا أولنا نحنا نحنا حليفو
يا الابطال سلام يا بدور الهلال الهلال ما تقييفو أصلو أصلو تقييفو
أكنسو للنقاط وهدفو بى مزاج وما تقولو التقييل التقييل تخفييفو
من خمس وزيادة وصيامنا وعبادة زيدونا زيدونا من تأليفو
** سيفو أقصد (اللاعب الفذ ونجم نجوم الهلال والمنتخب القومى سيف الدين على إدريس مساوى ) وتحياتى له ولكل الابطال .
جربتو التلاتة والباشا الطلع مطرود
وجربتو الهزائم وأخباره أخباره فايته حدود
يارب يا كريم نحقق لى مرادنا ونحقق المقصود
نجييب أهداف عديدة وعروضنا الشديدة وناس ود الرفاعى شهود
معروف الهلال فى كل مدن قرى وبلود
ومعروف الهلال فى مروى أو فى نهود
رافعين لى شعارو فى حلفا كسلا والقردود
وحاتشوفو النجوم غزلان إسود إسود وفهود
والله الهلال دايماً فى دلال وأصلو ما مشحود
معروف بى عروضو ولى شباكو كيف حايذود
وكاسح فى الهجوم ولسانو الطويل الطويل ممدود
المريخ وصيفنا فى شتانا وخريفنا وأملنا فيك منشود
نمرق بالنقاط وهجومنا العجييب ودفاعنا كيف مسدود
أنتهت قبل قليل بلواندا فى أنجولا مباراة الاهلى شندى وأنتركلوب الانجولى حيث أستطاع الاهلى أن يخرخ بثلاثة نقاط بفوز ولا أحلى بهدف قاتل فى أخر خمسه دقائق هدف ملعوب ومطلوب &&& مبروووك أولاد نبيل الكوكى مبروووك الارباب مبروووك لكل أهل شندى ودار جعل ومبروووك لكل السودان وقد كتبت لهم هذه القصيدة قطع أخدر فإلى القصيدة :
تستاهل العيد والفرح
يا أهلى أربابنا القرح
بالله كيف للخصم طرح
خلا القليب خلا أنّشرح
هدّف وعبّر بى مرح
رقص الشباب والخصم سرح
أكّد جدارتو وكيف صدح
وعزف الموسيقى وكيف نجح
وخطف النقاط حالو انصلح
وزعنا ضحكات ضحكات والبلح
ونّور لى ليلنا الكان كلح
لى انصارو ما زعّل ملح
وخطف النقاط وحالو انصلح
وخطف النقاط وحالو انصلح
المشكلة بل سلسلة المشاكل التى تطورت بين الكابين هيثم مصطفى والهلال تفاقمت فى الفترة الاخيرة وكانت البداية مع غارزيتو وأختتمت المشاكل مع العقيد حسن على صالح مدير العلاقات العامة وكنت قد تلقيت معلومه من أحد رؤساء الهلال السابقين أن الامر بين هيثم والادارة ولجنة التحقيق فى طريقة للحل بإعتذار هيثم وقبول اللجنة هذا الاعتزار ولكن يبدو أن الامور قد تطورت الى ما لايحمد عقباه !!!، خاصه أن عدد مقدر من جماهير الهلال وقفت تساند الكابتن هيثم مصطفى بعد عودته من مشاركته فى رحلة تونس مع المنتخب الوطنى وعلى الرغم من أن منتخبنا أنهزم بثلاثية مقابل صفر من ليبيا (التى كان منتخبها مشغولاً مع الاطاحة بالقذافى والثورة الليبية !!) وماضى وحاضر ليبيا الكروى معروووووف !!ولم يقدّم هيثم أى عرض يشفع له فى رأيى المتواضع بهذا الاستقبال ولكن يبدو لى أن جماهير الهلال أرادت فقط أن تعكر الصفاء فى نادى الهلال ذلك الكيان الذى بإذن واحد أحد لن ينهز حتى ولو كان المتمردين نصف الفريق !!! .
تحت كل هذه الاجواء كتبنا وكتبت الصحافة الرياضية ما لم يكتبة مالك فى الخمر فى موضوع هيثم ورأيت أن أطرق باب الكتابة الشعرية علها تكون فتحاً جديداً يطالعة هيثم ليقدّم بعد ذلك إعتزاره ويواصل مشواره فقلت له ولكل القادمين بعده من اللاعبيين :
هيثم مصطفى ماضييك جمييل ما تعييبو
هلال عالى وكبيير لى كل مُحبّ وحبييو
هلال هلال فايح عبيرو وادانا دايماً طيبو
يا (سيدا) الحجا (سيدا) الفهم الفهم ولبيبو
لو غلبك لو غلبك لعب بالأحسن أحسن سيبو
قبلك بالإلوف الإلوف وكل زوول يشيلو نصيبو
جمهورنا جمهورنا الكريم لى (سيدا) إنت طبيبو
ما يمرض يمرض يفوت واللعنة بكره تصييبو
ما بنرضى الظلم الظلم لى سيدا أو تأديبو
يا هيثم يا (سيدا) اعتذر أرجع وكاسك جييبو
بعدها بعدها أعتزل ومايخون حبييب لى حبييبو
بعدها بعدها أعتزل وما يخون حبييب لى حبييبو
ويفرح بييك أشرف وبريرنا بريرنا ما بنعيبو
ويفرح بييك أشرف وبريرنا بريرنا ما بنعيبو
والقصيدة مهداه إن شاء الله للأخ أشرف سيد أحمد الحسين (الكاردينال ) والذى يتعافى من عملية جراحية بلندن وسوف نزوره( نحن ممثلين رابطة مشجعى الهلال بيرمنجهام ) خلال هذا الاسبوع وأرجو أن ندعو جميعاً له بالشفاء العاجل يارب العالمين اللهم أشفية وعافيه .
