تتذكري

[moukhtar]

تتزكري ؟

تتذكري ؟؟
يوم كنا في الجامعه العصر
بعد المحاضره ما انتهت
... جيتيني بى اجمل خبر
يوم قلتي لي بهواك كتير
و حنبقى لى آخر العمر

طارت حروفي من الفرح
مالقيت ولا نقطة حبر
كل الكلام الفي الكتب
ما شفت منو ولا سطر
رجلي يطاقشن في بعض
تحلف تقول موج البحر
وبقيت اقابض في النفس
وكمان عرقت جنس عرق
وعترت في الكرسي الوراي

رديت عليك
بى صوت بعيد
عيدي الكلام لي من جديد
يابت كلامك كان اكيد ؟
رديتي صاح بهواك شديد
اللحظه ديك حسيتا عيد

يوم بكرا اول يوم غرام
اللبسه كيف
والشكه كيف
والجزمه لون تبع الحزام
ومرقت مستعجل شديد
مبسوط وحالي تمام تمام
لاقتني عمتي في الدرب
ضحكت وقالت ماف كلام
الليله مالك يا ولد
قول لي سريع
قول لي قوام
وضحكته
رديت السلام
قت ليها عادي
دا بس نظام

ومشيت وخليتا بتقول
يحميك من عين الحسود
من لمة اولاد الحرام
وانا ماشي مبسوط في الطريق
سكتني كلبة ناس عصام
شرطت علي البنطلون
والدنيا صبحت لي ضلام
سبيت لعصام
يقطع عصام
وسنين عصام
ورجعت للبيت
بطني طامه جنس طمام

غيرت هدماتي ومشيت
الحافله لسع ما اتملت
دايرين نفر
يلا السفر
ووصلت للجامعه الضهر
فتشت زولتي ومالقيت
اتاريها في نص الشجر
قاعده بتقطع في النجيل
ومعاها شاب زي القمر

وانا شفتهم
زاد فيني هم
قلبي اتوهم
يا ربي هم
يمكن يكون
زول بشبهم
ورجعت للبيت
بى فهم

ما تحب
عشان آخرو الندم
ومن يومو داك
اعلنت انو
الريد حرام
الحب حرام
!!!

[ميسم]

[align=right]ما لي سنتين أنا براقب فيك
ضحكاتك لمساتك .. حتى غمزاتك
بعاين ليك بس من بعيد
كنت محتاجه ليك شديد
بس انت كنت وين !
كنت غرقان مع فلانه ديك
الله يسامحك بس يازول
ما اصلها دي الجامعة
وبكره اي شي يزول

.. .. ..[/align][/color]
[align=left]طبعا دي محاوله رديئه مني وعمري ما حأصل زيك بس حاولت[/align][/color]

[moukhtar]

[align=right]ما لي سنتين أنا براقب فيك
ضحكاتك لمساتك .. حتى غمزاتك
بعاين ليك بس من بعيد
كنت محتاجه ليك شديد
بس انت كنت وين !
كنت غرقان مع فلانه ديك
الله يسامحك بس يازول
ما اصلها دي الجامعة
وبكره اي شي يزول

.. .. ..[/align][/color]
[align=left]طبعا دي محاوله رديئه مني وعمري ما حأصل زيك بس حاولت[/align][/color]

تعرفي انا قلت ياربي الزولة دي منو الحاصل عليها شنو و تقولي لي محاولة لو ما الرصيد قطع كان صدقت هههههههههههههه

[ميسم]

ههههههههههههههاي يا خي كلك روعة