سقوط شركة شيكان للتأمين

[حموودى]

[align=center]درج الموظفون من الغفير الي المدير للاشتراك في التأمين الصحي لشركة شيكان للتأمينات نسبة الي ارتفاع كلفة العلاج بالسودان كما هومعلوم لدي الجميع وبحثا عن خدمه طبيه متميزه

وُيستقطع من المرتب بصوره راتبه كل شهر النسبه المعلومه(قسط التأمين الصحي)
وهو حق من حقوق الشركه تلتزم بصدده بالتكفل بعلاج منسوبيها في مستشفيات ومستوصفات حكوميه وخاصه معروفه لدي الجميع
وأكيد ان للمغتربين معرفه تامه بهذا الموضوع والاكيد اكثر ان اهاليهم او اقربائهم ومعارفهم مشتركين في هذه الشركه العملاقه.
كل هذا مافيه اي حاجه ولكن...............
فلنأتي الي الجانب المهم والحادثه التي حدثت امس واستوقفتني كثيرا عندها
.[/align][/size]

[حموودى]

[align=center]يوم أمس أصيبت جدتي(من جهة والدتي) بكسر في أعلي قدمها وهي من أهالي مدينة ودمدني حاضرة اقليم الجزيره
وبالطبع لديها تأمين صحي طرف شركة شيكان
فما كان من ابنائها الا ان استأجرو اسعاف ونقلوها علي وجه السرعه للعاصمه الخرطوم ولكم ان تتخيلو حجم معاناة الحاجه الكبيره في الطريق مع الام الكسر
وبحمد الله وصلت الي الخرطوم وعندما توقفو امام بوابة المستشفي الخاص الكبير بالخرطوم الذي أخطر مسبقا بتوجهها اليهم بالاسعاف
حدث الاتي: قبل السؤال عن احوال المريضه سألو اولا عن (الفلوس)
وعندما قدمنا لهم بطاقة التأمين الصحي لشركة شيكان امتعض وجههم وعبث
مع العلم ان بالمستشفي لافته تقول ان هذا المشفي تايع للتأمين الصحي لشركة شيكان
ورفضوا قبولها وقالو بالحرف الواحد تدفعو بتخشو مابتدفعو ماتتعبو روحكم
طيب ياجماعه نحن عندنا بطاقة شيكان ولينا سنتين مشتركين فيها وده حق من حقوقنا
قالو : كلامكم كويس لكن نحن عندنا مشكله مع شيكان مابتدفع لينا

طيب القروش البتستقطع كل شهر من الناس الكتاااار ديل بتمشي وين؟؟؟

المهم حاولنا وحاولنا دون جدوي
وفي النهايه اضطررنا للحجز لها من حر مالنا
وطبعا الفحص بالشي الفلاني وووووووو
والعمليه 5 مليون جنيه بالقديم وغير الغرفه وووووووووووو
المهم الموضوع جره وده طبعا مابغلي علي الحجه الله يديها الصحه والعافيه

وهي الان في غرفة العمليات

طيب المواطن البسيييييييط المابقدر يدفع رقم زي ده كاااش يعمل شنو؟؟
باختصار بطاقة شيكان بليناها وشربنا مويتا
معلومه:
البطاقه تدفع مقابلها مبلغ 98 جنيه شهريا ضربو دي في سنتين(ويختلف الرقم من شخص لاخر وحسب نوع التأمين)
وبالتأكيد ما الحاجه براها كل الاسره المكونه من 11 شخص
طيب نعمل شنو؟
ونشتكي منو؟
ونثق في منو؟
الطبيب بالهاتف رفض النظره الانسانيه لم قلنا ليهو دي حاجه كبيره كدي تعال شوفا وبعدين نتفاهم
وقال الانسانيات في مشفي الحكومه هنا دفع وبس
واول رد فعل لنا قمنا بتغيير المستشفي لعدم ثقتنا في ضمير الاسره الطبيه ومعاملتهم للمرضي علي اساس
انهم حزمة جنيهات تدخل جيوبهم وحسب

.[/align][/size]

[بت السرف]

ربنا يوالى الحاجة بالعافية ..
والــــ زى شيكان كتــــــــــــــــــــــــــــــــار...
بس الله فى .

[brain]

الاخ حموودي
لك التحية
أولاً نسأل الله الشفاء العاجل لمريضك
ولجميع المرضى الصحة والعافية
تعلم اخي حموودي أن مآخذ شركت شيكان كثيراً جداً ..
بالاضافة لهذة المشكلة التي ذكرتها ، وأكيد تكررت كتيرا لغيركم لكن الطامة الكبرى في تحديد سقف التداوي ... بمعنى أن لا يتجاوز سقف المصروفات العلاجية لأي فرد مؤمن عندهم عن الربط المحدد به عندهم !!! بحسب الفئة ...
وهذا في رأي يتناقض مع أهداف التأمين ...
لأن في الاصل التأمين تكافل مجموعة من الاشخاص ....
تحياتي اخي
ولي عودة

[ميسم]

اهلين حموودى /
أولا الله يعافي الحاجة ويديها ليكم طولت العمر ... لا حول ولاقوة إلا بالله .. بس أنا عايزه أفهم هم ما عندهم أهالي بيتعبوا ولا بيدفعوا ليهم من حق الشعب المسكين ده .. الله المستعان ..