** كلماتى .. ليك ..أغنيات

[الماسة الخماسية]

(1)

وطنا

محجوب شريف

وطنا ال ب إسمك كتبنا ورطنا .. أحبك

أحبك مكانك صميم الفؤاد وباسمك أغنى

تغنى السواقى خيوط الطواقى

سلام التلاقى ودموع الفراق

أحبك ملاذ وناسك عزاز

أحبك حقيقه وأحبك مجاز

أحبك بتضحك وأحبك عبوس

بعزة جبالك ترك الشموس

وما بين ظلالك افتش وأكوس

أفتش طفولتى وملامح صباى

بناتك عيونن صفاهن سماى

وهيبة رجالك بتسند قفاى

أحبك بتضحك وأحبك عبوس

صحى بتملا عينى وتشّرف غناى

بحضرة جلالك يطيب الجلوس

مهذب أمامك يكون الكلام

لأنك محنك عميق الدروس

مجيد المهابة مديد القوام

شبابك تشابك شديد الزحام

آراهم وراهم غبار الحياه

مداين تعاين ك أمّ العروس

تهلل تكلل جبين الإمام

رزازاً يبلل أغانى الخليل

أصدق كلامك حقيقه وبخاف

أخاف الطريق اللى ما بودى ليك

وأعاف الصديق اللى ما بهم بيك

معاك إنتظارى ولو بالكفاف

وعنك بعيداً أبيت الرحيل

وبيك اعتزاز الصباح الجميل

جميع الأغانى إتكالن عليك

جميع الأغانى إتكالن عليك

[الماسة الخماسية]

(2)

يا شعبا لهبت ثوريتك

محجوب شريف

على اجنحة الفجر ترفرف

فوق أعلامك

ومن بينات اكمامك

تطلع شمس أعراسك

يا شعباً لهبك ثوريتك

إنت تلقى مرادك والفى نيتك

وعمق احساسك بى حريتك

يبقى ملامح فى ذريتك

ماكَ هوين سهل قيادك

سّيد نفسك مين أسيادك؟

ديل أولادك

وديل أمجادك

ونيلك هيلك جري قدامك

تحت اقدامك

رجع صداك وسجع نحاسك

وانت نسيج الفدا هندامك

وانت نشيد الصبح كلامك

وعطر أنفاسك

أرفع صوتك هيبه وجبرا

خلى نشيدك علي النبره

خلى جراح أولادك تبرا

كبروا ومكان الضحكه العبره

إلاّ يقينهم فيك إتماسك

يا الإصرارك

سطراً سطراً مَلا كراسك

[الماسة الخماسية]

(3)

** يا شعبا تسامي

محجوب شريف

يا شعبا تسامي ياهذا الهمام

تفج الدنيا ياما وتطلع من زحاما

زي بدر التمام

تدي النخله طولها والغابات طبولها

والايام فصولها والبذره الغمام

قدرك عالي قدرك ياسامي المقام

ياملهم رماحك سناها الصدام

ام در والطوابي في صدرك وسام

ملامح كم تسامح تغضب لا تلام

همه وعبقرية

ذمه وفنجرية

ضد العنصرية

تحمل للسلام

حواك في حماك يامدد الكلام

عفوك إنت ورضاك وبرنا ليك تام

نحلم فى فداك بي حسن الختام

دينك كم علينا منك والدينا

واجمل مالدينا

من يوم السمايه

من قبل الفطام

منك كل حته في الخاطر صبابه

جنبك نبته نبته

نكبر نحن ياما ونسألك إنتا

ورينا الإجابه

علمنا الرمايه

والحجا والقرايه

والمشي بي مهابه

في الضحي والظلام

[الماسة الخماسية]

(4)

حنبنيهو

محجوب شريف

حنبنيهو البنحلم بيهو يوماتى

وطن شامخ وطن عاتى

وطن خيّر ديمقراطى

وطن مالك زمام أمرو

ومتوهج لهب جمرو

وطن غالى

نجومو تلالى فى العالى

إراده .. سياده .. حريّه

مكان الفرد تتقدم

قيادتنا الجماعيّه

مكان السجنِ مستشفى

مكان المنفى كليّه

مكان الأسري ورديّه مكان الحسره أغنيّه

مكان الطلقه عصفوره تحلق حول نافوره

تمازج شُفّع الروضه

حنبنيهو

البنحلم بيهو يوماتى

وطن للسلم أجنحتو ضدّ الحرب أسلحتو

عدد مافوق وما تحتو

مدد للأرضو محتله


سند للإيدو ملويّه

حنبنيهو

البنحلم بيهو يوماتى
وطن حدّادى مدّادى ما بنبنيهو فرّادى

ولا بالضجه فى الرادى ولا الخطب الحماسيّه

وطن بالفيهو نتساوى نحلم .. نقرا .. نتداوى

مساكن .. كهربا .. ومويه تحتنا الظلمه تتهاوى

نختّ الفجرِ طاقيّه

وتطلع شمس مقهوره

بخط الشعب ممهوره

تخلي الدنيا مبهوره

إراده وحده شعبيّه

[الماسة الخماسية]

(5)

جيل العطاء

محمد المكى ابراهيم

من غيرنا يعطي لهذا الشعب

معنى أن يعيش وينتصر

من غيرنا ليغير التاريخ

والقيم الجديدة والسير

من غيرنا لصياغة الدنيا

وتركيب الحياة القادمة

جيل العطاء المستجيش

ضراوة ومقاومة

المستميت على المبادىء مؤمنا

المشرئب إلى النجوم لينتقي

صدر السماء لشعبنا

جيلي أنا..

هدم المحالات العتيقة

وانقضي سيف الوثوق مطاعنا

ومشى لباحات الخلود

عيونه مفتوحة

وصدوره مكشوفة

بجراحها متزينة

متخيرا وعر الدروب وسائرا

فوق الرصاص منافحا

جيل العطاء لك البطولات الكبيرة

والجراح الصادحة

ولك الحضور هنا

بقلب العصر فوق طلوله المتناوحة

ولك التفرد فوق صهوات الخيول روامحا

جيلي أنا ..

جيل العطاء لعزمنا

حتما يذل المستحيل وننتصر

وسنبدع الدنيا الجديدة وفق ما نهوى

ونحمل عبء أن نبني الحياة

ونبتكر

[الماسة الخماسية]

(6)

أكتوبر الأخضر

محمد المكي ابراهيم






إسمك الظافر ينمو في ضمير الشعب ايمانا وبشرا

وعلى الغابة والصحراء يلتف وشاحا

وبأيدينا توهجت ضياء وسلاحا

فتسلحنا بأكتوبر لن نرجع شبرا

سندق الصخر ..

حتى يخرج الصخر لنا زرعا وخضرا

ونرود المجد..

حتى يحفظ الدهر لنا إسما وذكرا

بسمك الأخضر يا أكتوبر الأرض تغني

الحقول اشتعلت قمحا ووعدا وتمني

والكنوز انفتحت في باطن الأرض تنادي

بسمك الشعب انتصر ..

حائط السجن انكسر..

والقيود انسدلت جدلة عرس في الأيادي

كان أكتوبر في أمتنا منذ الأزل

كان خلف الصبر والأحزان أحيا..

صامدا منتظرا حتى إذا الصبح أطل

أشعل التاريخ نارا واشتعل

كان أكتوبر في نفضتنا الأولى

مع المك النمر

كان أسياف العشر

ومع الماظ البطل

وبجنب القرشي

حين دعاه القرشي حتى انتصر

بسمك الأخضر يا أكتوبر الأرض تغني

الحقول اشتعلت قمحا ووعدا وتمني

والكنوز انفتحت في باطن الأرض تنادي

بسمك الشعب انتصر ..

حائط السجن انكسر..

والقيود انسدلت جدلة عرس في الأيادي

[الماسة الخماسية]

(7)

لحظة من وسني

محمد مفتاح الفيتوري

لو لحظة من وسني

تغسل عني حزني

تحملني ترجعني

الى عيون وطني

يا وطني ..

يا وطني يا وطن الأحرار والصراع

الشمس في السماء كالشراع

تعانق الحقول والمراعي

واوجه العمال والزراع

يا وطني ..

أصبح الصبح كأن الزمن

الماضي على الماء نقوش

فارفعي راية اكتوبر

فالثورة مازالت تعيش

وانا مازلت في البعد انادي

يا بلادي

يا مغاني وطني ..

أجمل من فراشة مجنحة

على ضفاف المقرن الجميل

أجمل من نوّارة مفتحة

ترقد تحت ذهب الأصيل

أجمل من رائحة النضال

لم أشم رائحة في صبحك الجليل

يا فخر هذا الجيل

يا وطني ..

[صلاح محجوب عبداللطيف]

زاد الشجون -




ما هو باين في العيون وين ح نهرب منو وين
الهوى البعث الليالي العامرة بي زاد الشجون
يفتح قلوبنا ديار محبة .. .. ديار حياة للعائدين
ما بنقاوم كيف ح نقدر … وين ح نهرب منو… وين

ما افتكرت الحظ بيساعد عمري ويورد من جديد
من بعد فرقتنا ديك مين كان بيفتكرك تعود
كنت بحتاج ليك بي شدة وأنت عني بعيد
ما في عيشة بلاك بتبقى .. .. ما في نشوة و ما في ريد
والهوى الجمبك عرفـتو عاطفة ملتهبة وجنون
وين ح نهرب منو … وين

آه ادعينا وقلنا تاني ما ح نشتاق في عمرنا
وقبل ما تمر ليلة واحدة بي حرارة الشوق غمرنا
كم لهينا وقلنا ندفن الحب في سهرنا
الحياة صعبت علينا وبي اثر فقدك شعرنا
شفتا كيف حبك حياتنا آنت يا الحبك حياتنا
وكيف بدون حبك نكون
وين ح نهرب منو… وين

شفت كيف حبك بيعمل… يشغل الوجدان يعذب
وبرضو بتقول عني خادعك وإني بتلاعب وبكذب
ليك حق دنياك خالية لا بتشيل هم لا بتتعب
كنت تتعلم تجامل لو فؤادك مرة جرب
إنو ما يدق دقة واحدة .. .. إلا ويتفجر حنين
يفتح قلوبنا ديار محبـة .. .. ديار حياة للعائدين
ما بنقاوم .. كيف ح نقدر .. وين ح نهرب منو... وين

[هشام الدين]

ما رأيت في الكون ياحبيبي أجمل منك

فـي دلالك و تيهك وفي جهالة سنك

من كمالك وظرفك ومن جمالك أظنك
... ...
يا حـبيبي نـساء الدنـيا ما ولدنك

راجي عطفك ولطفك وراجي حلمك وحنك

ديما يا مريودي تجدني سائل عنك

ياجميل المنظر كيف كيف أذمك

سيبني في آلامي وبالعلي مايهمك

خالي عقلك وقلبك وفاضي فكرك وهمك

المدام المسكر والعسل في فمك

ياحـبيـب الأنفـس مـا بتوب مـن حـبك

إن صـليتني بنـارك بـرضي برضي بحبك

مـرة تـيه فـي دلالك ومـرة أرعي محبك

و مـرة خـليك جـاير ومرة خاف من ربك

قلبي ذاب من نارك وصبري ضاع من صدك

هل أداري حياتي أم أعالج ودك

نسمة الأسحار مزاجا نفحة ندك

وزهرة الأزهار بستانا صفحة خدك

السرور أوقاتك والمحاسن خمرك

والزمان خدامك وممتثل لي أمرك

إن أمرتني بقبل بالوقوف في جمرك

[الماسة الخماسية]

** هلا وغلا ،،

نورت المكان ياعمو صلاح ،،

[dream-lady]

روووووووووعة كلمات روووووووووووعة

خاصة كلمات هشام

وعمو صلاح كمان

وانتي برضو يامسمسة

[الماسة الخماسية]

** مرحب ،، مرحب ،،

هشام تسلم على الحضور الكريم .

[muawia]

مهما فيك طولت صابر
يا سنين عمرى الشقية
ومهما طال فيك حظى عاثر
وذوبت عمرى الاسية
ما بقول انا راح أوانى
عارفو ببسم لى امانى
وسعدى برجع ليا تانى
بالامانى السندسية
فىالامانى السندسية
بكرة بصبح ذكريات
حالى داك الكنت فيهو
تملا آمالى العراض
كل درباً اقتفيهو
بكرة تجمعنى الصلات
بى عزيزاً اصطفيهو
ترجع ايامى النضيرة
بى لياليها الهنية
وسعدى برجع ليا تانى
بالامانى السندسية
اصلى من فيض العواطف
ديمة أسرانى المحنة
وكل مناى ترتاح حروفى
وفى الفؤاد طاوياهو انة
لا فؤادى يشوف عداوة
لا شقاوة ولا مظنة
اصلى يا روحى الصفية
لسة حافظ للوصية
وسعدى برجع ليا تانى
بالامانى السندسية

[الماسة الخماسية]

** دريمو الغالية ،،

الروعة حقا" تواجدك بيننا ،،

[الماسة الخماسية]

** معاوية هلا بك ،،

مشكور على جميل المرور .