نط التائب من الركشة(ابيض باسود)..واختطف الاميرة توتة قبل ان تغرق...ووجدها فاقدة الوعي...فبخ في وجهها عطرا..فأفاقت على الفور فوجدته ينظر لها بحنان فابتسمت له
مرسال الشوق فكاها في دريم وصدقت الحنك انو سعر الكارو بجيب اوضتين وبرندة وركشة
المهم دريم عملت فيها انها اقتنعت بالفكرة واتكيفت منو شديد وقالت ليهو انت زول عصامي يا مرسال اخير ليك الركشة من الكارو خاصة انوعندي صاحبتي قالت لي مرسال الشوق دا عاجبني لكن قصة الكارو دي معقداني شوية منو
وطبعا مرسال الشوق لا اشترى ركشة ولا بنى اوضتين وبرندة لكن شغال جوكي في ركشة ود خالتو
واقنع دريم اثناء الونسة انها تدخل معاهو في مشروع شراكة يجيب ركشة تانية والتوريدة بالنص (طبعا داير يركبا ماسورة ويشتت بالقروش)
ودريم ( التفتيحة ناوية على حاجة ) اظهرت انها اقتنعت بالفكرة وقالت ليهو خلاص انا داخلة صندوق مع ناس الماسة وميسم ووحيد والصرفة الجاية حقتي انتا اديني رقمك وانا بتصل عليك لكن اسي اديني 500 دين عشان دايرة ارقع ثلجو واخت ليها نقطة قوية
مرسال الشوق بقى يتمتم لانو مسخن وقلبو واقف واتنين جنيه ما عندو
قال ليها خلاص كدي انزلي وانا بمشي البيت واجيك هنا لاني خاتي التشادير في البيت
دريم عاينت ليهو من تحت لي فوق وفي نفسها قالت الفارة دقس الليلة بركبو ماسورة
وعند مدخل بيت الخطوبة بتاعت ثلج تفجأت دريم بشخصية لم تراها منز زمن بعيد
..تفاجأت دريم بعمو صلاح محجوب يقف أمام المنزل!!اتجهت اليه مسرعة قائلة : وينك ياصلاليحو من زمان ماشفناك؟...قال ليها: بنتنا دريم...وحشتينا..كنت مسافر اسوان وعزمتني الثلج وجيت واهو بالمرة ام العيال تسلم على اهلها في اركويت
هنا رأو سيارة سوداء مظلله ختييييييييييييييييييرة نزل منها شاب اسمر وسيم لابس نضارات شبابية هاي لوك
...قال عمو صلاح: عرفتي ده مين؟,,,ده حمودي...
فوجدته ينظر لها بحنان 
فابتسمت له 
رد: فلم هندي مدبلج
رد: فلم هندي مدبلج
نزل منها شاب اسمر وسيم لابس نضارات شبابية هاي لوك 
رد: فلم هندي مدبلج
