حــال المغتربين ، اتفرج!!!!!

[m2nooo]

حــال المغتربين ، اتفرج!!!!!

لقطه من حال المغتربين السودايين

السلام عليكم ورحمة الله وبركاته
من أحوال المغتربين السودانيين

إذا كنت راكب جيب برادو ولافي عمة كبيرة وشايل جوال غالي الثمن وتتجدع في شوارع واستراحات الرياض وجدة فأنت سوداني ظاهرك غنيا وباطنك غرقان في التقسيط إلى أذنيك .

إذا كنت زول شاطر في مهنتك ومعاك مؤهلات حلوة وما لاقي شغل كويس رغم مرور عشرة سنوات على اغترابك ، معناها أنت سوداني ينطبق عليك احد أمرين ( أما انك شين ومبشتن وشكلك ما سياحي ) ومافي زول هضمك أصلا عشان ينظر لشهادتك أو أنك مسكين وعبيط وما بتعرف تقدم نفسك في عالم الـ malt nationality وفي الحالتين بنصحك بالعودة فورا إلى بلدك يمكن تلقى ناس تفهمك وتقدرك .

إذا كان عمرك عدى الأربعين سنة وراتبك لا زال بين 3.000 إلى 5000 ريال فأنت إذن سوداني مفلس وغرقان في الديون وبوضعك ده حا تغرق زيادة ومش حا تقدر تعمل حاجة في سودانك الغالي البقوا ناسوا يتكلموا بالمليارات ده ، وبالتالي لا اتوقع أن تتمكن من العودة إلى بلدك مدى الحياة وستموت وأنت على هذه الحالة. " الله يعينك "

إذا كنت قاعد عزابي وعائلتك ليست معك تأتيك فرادى وجماعات في أكثر من مرة في العام الواحد وكل ما يجي واحد من عائلتك بجي معاه قائمة طلبات أهمها تغيير الجوال وشراء لاب توب بدل السرقوه منو في الداخلية فأنت سوداني متوفر منه عدد كثير من النسخ ومغلوب على أمره وينتمي إلى شريحة متنامية وفي ازدياد مضطرد وكل يوم يتم اكتشاف ( مودلز ) جديدة منه.

إذا كان عمرك بلغ الستين أو أوشك وبناتك أتزوجوا وأولادك أتخرجوا من الجامعات ولا زلت قاعد في الغربة ، معناها أنت سوداني يائس من تحسن الوضع في السودان وغير قادر على التأقلم معه والعيش فيه بنمطه الحالي والغربة جرت في دمك بسرعة 360 كيلو متر في الساعة وأنخفضت الى 40 فقط تجاه وطنك وتفضل قضاء بقية عمرك متغرباً عن وطنك ومتقربا لله في مساجد السعودية الفخمة مستفيدا من سهولة وتوفر أجواء العبادة والعمل للآخرة، وغالبا ما تكون ليس من ذوو الطموحات المادية ومكتفي بان تعيش مستور الحال إلى أن تلاقي ربك .

إذا كنت مغترب من أوائل الثمانيات وكنت شغال في الحكومة وحضرت فترة الطفرة الخليجية وانتقلت الآن للقطاع الخاص بعد سعودة وظيفتك التي قضيت بها ما يقرب من ثلاثون عاما واشتغلت في شغل اقل من شغلك الأسبق بكثير وراكب عربية هكرة فأنت سوداني جسور وصبور ونبيل بس تخطيطك الاقتصادي تعبان شوية لأنك مفروض تكون راقد في الضل بعد هذه الرحلة الطويلة ولكن ربما تكون عند الله أفضل من الكثيرين .

إذا كنت ليك سبعة سنوات ما نزلت إجازة رغم مناشدات اهلك لك للحضور حتى لو أيد وراء وايد قدام على الاقل لمقابلة والدتك المريضة وزوجتك "حامياك " تمشي لوحدك بحجة خوفها من أن تتزوج عليها والميزانية غير كافية لسفر جميع أفراد أسرتك ، وسرقك الزمن حتى جاءك خبر وفاة والدتك ونفس الظروف منعتك من السفر للبكاء فأنت سوداني ميؤس من حالتك وعليك تغيير أسلوب حياتك عشان ما تجلي من الدنيا والآخرة معا .

إذا كنت محمول ومليان أطفال إلى أضنيك ومزنوق على مدار العام ورغم ذلك كل يوم تهدد زوجتك بأنك إذا الله أداك رزق حا تعرس فوقها رغم تحملها لفقرك وضنك الحياة معك فتأكد من انك شخص جاهل وأناني ولن يفتحها الله في وشك مدى الحياة بسبب ظلمك لهذه المسكينة العايشة معاك على الحلوة والمرة ومتحملة ( ؟؟؟ ) .

إذا كنت كل إجازة بتنزل مع نسابتك وتقضي معهم معظم إجازتك وتزور اهلك في البلد لمدة يومين بس وتشيل هدايا لنسابتك أغلى وأكثر من التي تحملها لأهلك وكل سنة أو سنتين بتعمل زيارة لي نسيبتك ولم تعمل زيارة لامك سوى مرة واحدة فقط فأنت إنسان مهروش ومغلوب على أمرك ورافع الراية ومصيرك سيكون صعب بعد أن تعجّز وتنزل المعاش ويروح بريق الشباب والقروش وتترمي رمية الـ ( ؟؟؟؟ ) .

إذا كنت من النوع البغير شرائح جواله كثير وله عدة أرقام معظمها لا يمكن الوصول إليه حاليا فأنت أما انك شخص مديون من عدة جهات وغير جاد في التسديد ولا تملك القوة والصراحة والمصداقية والجدية مع الدائنين وتتهرب منهم بعدم الرد وتغيير الأرقام ، أو انك شخص تنتمى لعائلة ممتدة مطلبية وفاكرنك شغال نائب رئيس الدولة المغترب فيها وشغالين طلبات لو ضاعفوا راتبك عشرة مرات ما بتقدر تكفيها وأنت غارق في الحلم وما قادر تكشف وضعك الحقيقي وتعترف لهم بأنك موظف بسيط ودخلك مش مكفي عيالك بدلا عن الزوقان والتهرب وفي الحالتين تبديل الشرائح ما بحلك.

إذا كنت من النوع الببدأ مع المدام في شراء الهدايا لإجازة الصيف منذ فبراير وتبدأ الرحلات المكوكية اليومية لكافة الأسواق ومقاسات وتطقيم وعطلة لأجل الأولاد وأخوالهم فقط فأنت سوداني كلاسيكي وما عندك شغلة ومرتك كلاسيكية اكترمنك حيث عفا الدهر عن مثل هذه الأمور وانك لم ترتدع من العبارات الجارحة التي تسمعها كل اجازة مثل ( الدلاقين دي هنا زاتها بقت رخيصة ) بتتعبوا تجيبوها كل سنة لينا لي شنو ؟؟؟.

إذا كنت خاتي كل حصاد غربتك في بيت متواضع في الشجرة أو الدروشاب أو أي حي شعبي بالعاصمة ومخليه لاختك تسكن فيه بدون ايجار كمساعدة لها وعندما ذهبت في اجازة مرافقا لابنتك المقبولة في الجامعة كي تسكنها في بيتك مع اختك تفاجأت بأن اختك اجرت البيت لصالحها ورجعت سكنت في البلد بدون اذنك والمؤجرة طردتك من بيتك ومشيت سكّنت بنتك في داخلية غالية التكلفة وما قدرت تسأل أختك من تصرفها فأنت سوداني ويا حليلك كمان الله يكون في عونك ,
لكم التحيه اعزائى وكان الله فى عون المغتربين

[القلب الملك]

دراسة عميقة في حال المغتربين ،،،


وجدت نفسي بين أسطرها لكنني لن أستسلم للنهاية المذكورة بعون الله


***

ربنا يصلح حال الجميع


***


مشكورة m2nooo

[النصيح حديدو]

[align=center]والله يا منو خوفتينا عدييييييييييييييل كده
لاني وجدت نفسي في اكثر من فقرة وكلها صعبة ولكن نسأل الله ان يقدرنا عليها.. اهم شئ الواحد يرضي ربه ليأتي رضا النفس ثانياً .. رغم هذه الدراسة الموجعة .. الا ان الوضع في الاغتراب صراحة للكثيرين وخاصة الاسر افضل من العيش في السودان بشكله الراهن.
والله يحفظك ويرعاك
.[/align][/b][/color]

[احسان]

والله دي حقيقة

انا لمن جيت راجعة السودان تعبتا كثير

وخصوصا من الاهل بالجد بيحسسوك انك جاي تغترب في بلدك

بس الله يهووووووووووووووون علينا بس الحمد لله ربنا كريم

[يمانيه]

الله يعيينكم يا اخواني السودانين مش انتم المغتربين عن بلادكم كلنا مغتربين وهذا حال اغلب الدول العربيه وظروفها الصعبه الله يستر بس موضوع رائع كروعتك تقبلي مروري

[الدغري]

انت من اي نوع فيهم

[ابو ايووودي]

كان ده حال المغتربين طيب السودان كيف
ربنا يستر .....
طيب يا منو ده بالنسبة للرجال المغتربين ممكن تكلمينا عن النسوان شويه والا اتكلم انا

[فنجاطة]

ههههه
هو ب الله المصطلح الخاتاهو لاسمك دا منو
لاحولة والله انازولة ضربو رمو كيف
بعدين يا اعضاء ما لكم مانبهتوني غتيتين غتاتة بري منكم
اها النجيكم في موضوع البوست
عارفة يامنو كل الكلام الكتبتيهو بلضبط دا الحاصل
والكلام هبشني بلجهتين ابوي هنا من الثمنينات وكلامك صح عن ناس الثمنينات
والله ما قلتي الا الحق

[فنجاطة]

كان ده حال المغتربين طيب السودان كيف
ربنا يستر .....
طيب يا منو ده بالنسبة للرجال المغتربين ممكن تكلمينا عن النسوان شويه والا اتكلم انا




ايوة اتكلم انته
عليك الله يا ابو ايودي اكان ماقلته لينا عن حريم المغتربين عليك الله
تقول لينا اي شي سمح
خلينا نفرق همنا شوية

[ابو ايووودي]

كان ده حال المغتربين طيب السودان كيف
ربنا يستر .....
طيب يا منو ده بالنسبة للرجال المغتربين ممكن تكلمينا عن النسوان شويه والا اتكلم انا




ايوة اتكلم انته
عليك الله يا ابو ايودي اكان ماقلته لينا عن حريم المغتربين عليك الله
تقول لينا اي شي سمح
خلينا نفرق همنا شوية

خلاص عشان خاطرك يا فنجاطة بقول نبذة عن نسوان المغتربين ومنو تتم الباقي
طبعا هنا في السعودية لا بجينا حسين الصادق ولا احمد الصادق ولا طه سليمان ولا حتى عاصم البنا زي ما كل يومين ناطين على الامارات ولذا نسوانا في السعودية ما عندهم موضوع غير يمشو يتفسحو في المولات والحدائق والغريبة في الامر تلقى وحده شايلة كمية من التياب تبيع بالاقساط زي الراجل يشتري عربية بالقسط يا منو المرة تشتري التوب بالقسط وتقول ليك والله الراجل ما صرف الراتب يعني توب ب500 ريال تقسطو ليك لمدة خمسة شهور ده غير نسوان داخلين صناديق قروش وصناديق عدة آخر موضة طبعا انتو عندكم زي ده يا فنجاطة اما بالنسبة لبنات المغتربين اسكتي ساكت جوالات كيف كيف جلكسي وايفون وتفتش جوالها يكون خالي الرصيد تعمل مسكول بس
اما نسوان الامارات كل يوم حفلة يا حسين الاصادق يا طه سليمان وراتب الراجل كلو رايح في لبسها ودهبها

[فنجاطة]

هههههههه
ههههههههه
صااااااااااااااح ياواحد
كلو في محلو
اقول بصراحة في بعض من نسوان المغتربين فارغات
وغير التقليد الاعمي ما عندهم شي كل وحدة عاوزة تقلد التانية
في فرش بيتا وفي تيابا وما شابة ذلك
انتو كويسين في السعودية انحنا عندنا حاجة اسمها السبق
بقي دا حدث فلاحرج

[m2nooo]

خلاص عشان خاطرك يا فنجاطة بقول نبذة عن نسوان المغتربين ومنو تتم الباقي
طبعا هنا في السعودية لا بجينا حسين الصادق ولا احمد الصادق ولا طه سليمان ولا حتى عاصم البنا زي ما كل يومين ناطين على الامارات ولذا نسوانا في السعودية ما عندهم موضوع غير يمشو يتفسحو في المولات والحدائق والغريبة في الامر تلقى وحده شايلة كمية من التياب تبيع بالاقساط زي الراجل يشتري عربية بالقسط يا منو المرة تشتري التوب بالقسط وتقول ليك والله الراجل ما صرف الراتب يعني توب ب500 ريال تقسطو ليك لمدة خمسة شهور ده غير نسوان داخلين صناديق قروش وصناديق عدة آخر موضة طبعا انتو عندكم زي ده يا فنجاطة اما بالنسبة لبنات المغتربين اسكتي ساكت جوالات كيف كيف جلكسي وايفون وتفتش جوالها يكون خالي الرصيد تعمل مسكول بس
اما نسوان الامارات كل يوم حفلة يا حسين الاصادق يا طه سليمان وراتب الراجل كلو رايح في لبسها ودهبها

ممكن يكون كلامك صح لكن ما ﻷكل بس انا اعتقد انو 80%من النساء المغتربات. ...ماعندهم غير اللبس والكلام الفاضي والفلسفة الفارغة الماليها داعي وكلوا كوم ولما تمشي السودان كوم تاني اهلها مابيعرفوها رافعةنفسها السماء على شنو. ..........؟؟؟؟؟؟؟؟؟؟؟؟

لكن بنسبة للباقين بالعكس تماما
انا عن نفسي اوكي زي ماقلت معايا جلكسي لكن. .....الحمد لله. ...انا او كان غيري. ....بشغلنا وبي تعبنا بنجيب حاجاتنا ولو ماكان متوفرة معانا مابنجيب حاجة
ومابنحب نكلف على اهلنا شي مافي داعي ليهو وحتى لو كان اهلينا معاهم قروش

مابالك الوحدة لما تعرس بترضى بالقليل وبيكون همها سعاده زوجها وتعيش سعيده بدون الطلبات الفارغة



ودى كلوا عشان بعدين مايقع فوق راسنا
لان الواحد ماعارف الحيحصل شنو ممكن في اي لحظة يرجع لي بلدوا. ....فلازم يكون متعود على القليل عشان كانتعب بعدين

[مهاجر في البلد]

حــال المغتربين ، اتفرج!!!!!

لقطه من حال المغتربين السودايين

السلام عليكم ورحمة الله وبركاته
من أحوال المغتربين السودانيين



إذا كنت خاتي كل حصاد غربتك في بيت متواضع في الشجرة أو الدروشاب أو أي حي شعبي بالعاصمة ومخليه لاختك تسكن فيه بدون ايجار كمساعدة لها وعندما ذهبت في اجازة مرافقا لابنتك المقبولة في الجامعة كي تسكنها في بيتك مع اختك تفاجأت بأن اختك اجرت البيت لصالحها ورجعت سكنت في البلد بدون اذنك والمؤجرة طردتك من بيتك ومشيت سكّنت بنتك في داخلية غالية التكلفة وما قدرت تسأل أختك من تصرفها فأنت سوداني ويا حليلك كمان الله يكون في عونك ,
لكم التحيه اعزائى وكان الله فى عون المغتربين

ههههههههههههههههههههههههههههههههههههههههههههههههه

والله لكن ابدعتي عديييييل كده في الوصف المفصل

انا حالتي مفكر في الاغتراب بعد العمر دا وكل ما اقرا فقرة بتخيل في نفسي واحد منهم وبدون ما اشعر اضحك ههههههههه

اها انا بفكر في الاغتراب الان بعد سن الـــ 34 ونفسي اشتغل في المدينة المنورة او جدة
داير اتزوج والمدام تكون مقيمة ..

كدي بكون سوداني شنو ؟؟ ..

بوست جميل وممتع

[فتحو الشقيان]

ههههه والله كلو حاصل .. انا افتكرت في قرار من صالحنا من هنا او من بلدنا .ز مطحونين بين كماشتين..

[اروع من الورود]

جحد الله يعيين كل المغتربين
يمكن الكبار بحسوو بي تعب الغربة اكتر مننا .. واللانواع دي كلها حااصلة فعلا
السوداان زاتا بقت صععبة شديييد .. وبعاملو المغتربين بي اسلوب الدفاع يعني مانديهم راحتم شديد عشان مايشوفو نفسهم علينا بالذات الكبار

[waya]

خلوني النبكي ..

كده كده " مختربين "

[عبدالله عوض الكريم احمد]

غايتو جنس كشف حال ؟؟
تسوي كريت تلقى في جلدهــــــــــــــــا

[مرسال الشوق]

انا شخشيا الاغتراب عمل لي لوز في الاثني عشر وارتجاج في الشعب الهوائية وتضخم في الوريد بتاع الجيوب المادية


والله الواحد لمن اغترب افتكر بانه سوف يحقق احلامو وطموحاتو لكن ياحسرة الواحد غير يقع البحر بشنطة هدوم وهداية وكم اليف كدا لزوم يعني المصاريف وبعد اسبوع يبقي علي الحديدة ويقعد يفتش علي حق التذكرة البترجعو للدوائر الاحلامية في بلد الغربة وهو يمني نفسو المرة دي لازم اعمل واسس واشتغل والم كذا وكذا لكن رنه تلفون مفاجي من الاهل يخلي نجمو آفل قبل مواعيدو ويلخبط عليه الحسبة والحسابات بالاضافة للكفيل الفاتح خشمو كل شويه عامل ليك هاجس ذي ود امبعلو
يعني بصريح العبارة المغترب دا في الغربة مدارك وفي وطنو مدارك حاجة كدا تخلي الزول يمشي يسلم نفسو لي اقرب مستشفي صحي وينوم عندهم
ذكرتني قصة المغترب السافر تلطاشر سنة وهو كل شهر يرسل لي اهلو عشان يعملو ليه بيت
كل مايسأل عن البنيان ماشي كيف يقولوا فوق للارض متر
اصلو المتر دا مازاد سنتمتر واحد لمن زهج منهم قال ليهم اسقفو البيت علي كدا خلاص

عليكم الله دي مش حالة تخلي الواحد يحوم بالشوارع بالملابس الداخلية

[ود الخير]

دا ما حال كل المغتربين
واعتقد لكل مجتهد نصيب
وانا بعرف ناس وكثيرين ما شاء الله مرتاحين جدا من كل النواحى
وبالنسبه للسياره بالاقساط بالعكس حتى اهل البلد بياخدو بالاقساط
واما اصحاب المهن غير العائد المادى بيكتسبو خبرات جديده ومتجدده
يعنى الحمد لله الفائده فى

[فارماس]

انا شخشيا الاغتراب عمل لي لوز في الاثني عشر وارتجاج في الشعب الهوائية وتضخم في الوريد بتاع الجيوب المادية


والله الواحد لمن اغترب افتكر بانه سوف يحقق احلامو وطموحاتو لكن ياحسرة الواحد غير يقع البحر بشنطة هدوم وهداية وكم اليف كدا لزوم يعني المصاريف وبعد اسبوع يبقي علي الحديدة ويقعد يفتش علي حق التذكرة البترجعو للدوائر الاحلامية في بلد الغربة وهو يمني نفسو المرة دي لازم اعمل واسس واشتغل والم كذا وكذا لكن رنه تلفون مفاجي من الاهل يخلي نجمو آفل قبل مواعيدو ويلخبط عليه الحسبة والحسابات بالاضافة للكفيل الفاتح خشمو كل شويه عامل ليك هاجس ذي ود امبعلو
يعني بصريح العبارة المغترب دا في الغربة مدارك وفي وطنو مدارك حاجة كدا تخلي الزول يمشي يسلم نفسو لي اقرب مستشفي صحي وينوم عندهم
ذكرتني قصة المغترب السافر تلطاشر سنة وهو كل شهر يرسل لي اهلو عشان يعملو ليه بيت
كل مايسأل عن البنيان ماشي كيف يقولوا فوق للارض متر
اصلو المتر دا مازاد سنتمتر واحد لمن زهج منهم قال ليهم اسقفو البيت علي كدا خلاص

عليكم الله دي مش حالة تخلي الواحد يحوم بالشوارع بالملابس الداخلية

ههههههههههه

ملابس داخلية بتاعة شنو علي الطلاق تحوم عرياااان ام فكو