فى هذه الايام تشهد عديد من الولايات مظاهرات مناهضة للنظام وتررد الشعب جعان لاكنو جبان البشير شعبك فقير وكل هذة الهتافات فى اكتر من محلية فى الخرطوم شملت بحرى والحاج يوسف وجبل اولياء والى الخ............ وطالت العدوى من ولاية الخرطوم الى بقية الولايات وشملت كريمة وابوحمد وسنار وكسلا ومازالت الشرارة مولعة .
وهنا يكم سوالى هل الشعب قادر على اسقاط نظام العسكر كما فعل بى جعفر نميرى سنة 1983 هل يتكرر هذا السيناريو ام فورت لبن ويومين قمع وتنتهى المظاهرات
لانه المواطن السوداني قبل مايفكر يطلع عشان يقلب نظام بفكر في انه لو قلب النظام العيشه حتكون كيف
ولو اتكلمت في الحكومه احتمال بكره ماتلقى نفسك وبيبدى يفكر في اسرته حيحصل عليها شنو بعده...
الفرح
سلام
السودان ده خليك من ربيع عربي
حتى فصل الربيع الطبيعي البجي لك الدنيا نحنا بجينا ساعات فقط
عشان كده كلمة ربيع دي نحنا في قاموسنا مافي .
لكن لو كانت صيف عربي يكون عندنا فيه كلام ( سخن جداً ) والله نولعا ليك لمن تصل درجة الانصهار .
ــــ
نرجع لموضوع المظاهرات ضد النظام ومحاولة اسقاط النظام من خلال ثورة شعبية اول حاجة دي محتاجة لدراسة حالة الشعب السوداني النفسية والمزاجية . يا ربي يكون السودانيين ديل حاسبنها صاح وخايفين من وضع أسوأ . ولا بقو شعب زاهد ورافع وكيلو على لله . ولا لسع ما وصلو درجة الغليان .
انا شخصيا برجع أن الشعب السوداني متخوف من انو تكون النتيجة أسوء من ما هو عليه الآن ، خاصة وفي أذهانهم تجارب ما بعد نميري وما بعد ستة أبريل من شراب الشاي بالبلح والحلاوة وصف الرقيف وصف البنزين وتأخير المرتبات .... الخ .
ــــــــ
بتزكر لمن طلع الشعب البحريني للمطالبة بإسقاط النظام في بداية ثورة الربيع العربي عندي صاحبي ساخر قال والله الشعب البحريني ده كونو يمرق الشارع دي قلة أدب منو . والشعب السوداني ده كونو ما يمرق دي برضو قلة أدب منو .
احترامي
( انا كنت زيك مصدق انو المظاهرات عامة لكن بعد رجعت و اتأكدت من الناس القريبين في السودان اكدو انها محدودة و من طلاب الجامعات فقط )
هي ما من الطلبة فقط الحقيقة هي من الشعب اغلبوا وفعلا هي محدودة بس الواجع الشعب انو علي نار
لا قادر يقوم ويخرب البلد زيادة علي الفيها ولا قادر يقعد ويصبر والعيلة تموت من الجوع, بس بأكد ليك بعد كدا ح تكون في سرقة عشان الناس تشبع حاجتها, وما تستغرب لو لقيت الناس منعت اولادها من الدراسة
لان بالجد الحالة صعبة شديد الواحد العندوا اربع اولاد ما بيقدر يديهم عشرين جنيه عشان مواصلات غير الكتب والاكل والملابس المدرسة بالجد الله يكون في عون الفقير
س: انتا محتج على الغلاء ولا داير تسقط النظام؟
ج: انا محتج على الغلاء وانهيار الخدمات المؤثر في معيشتي المباشره (حريه و كرامه دي زاتو ما حصلناها!) الناتج من فساد و سوء اداره الحكومه .. اذا كان اصلاح الوضع الراهن لا يتأتى الا باسقاط النظام فيسقط النظام (ايوا قلتهاا!) والا فالاصلاح الجاد (كلام عملي وليس خطابات في البرلمان!) ارحم من تعب الجري في الشوارع والاعتقالات!
س: طيب لو ما حصل... اصلاح و تنحيات و كدا من الحكومه الفهم شنو؟
ج: الفهم انو الاحتقان حيزيد و حتكتم زياده والتاريخ والمنطق و سنه الله تقول ان الحكومه ستسقط.
س: طيب نفترض سقطت, البديل منو ؟ .. حيجو ناس الاحزاب الفاشله دي وما في فائده!
ج: قال محمد حسنين هيكل "إن الشعب الذي يعجز عن إيجاد بديل لشخص ما، لهو شعب يستحق الفناء"
س: الحيجو حيكونو احسن من الفاتو يعني؟
ج: الحيجي ليس شخص بل نظام ديمقراطي يخرج فيه الفاشل بعد 4 سنين او يبقى في حاله نجاحه .. هذا التداول لوحده كفيل بان يجعل السودان يتقدم
س:حيحصل زي سوريا و ليبيا وحتكتم و انتو دايرين الخراب صح؟
ج: سوريا طائفيه والجيش يقمع لحمايه الطائفه الحاكمه, السودان هويتو محسومه من ناحيه الدين .. سوريا تدعمها روسيا ما يمنع التدخل , الحكومه دي العالم كلو دايرا معاها و ما عندا دعم .. ليبيا استخدمت مرتزقه , ليبيا الان حره كريمه!
س:ليبيا الان حاصله مشاكل , واليمن , ومصر برضو لسا بتظاهرو؟
ج: يستحيل عقلا و منطقا توقع ان تمطر السماء عسلا و تنبت الارض دجاجا في اول شهر بعد الثوره .. التغير يحدث تدريجيا و يمر بأزمات تختبر صموده .. اذا كان الانهيار حدث في 23 سنه , ما المانع في الصبر للنجاح .. و ما ننسى انو فرنسا ارض الحضاره والديمقراطيه ثورتها استغرقت 3 سنوات و قتل فيها 40 الف وفشلت مرتين بعوده الملكيه لكن النتيجه النهائيه هي فرنسا الحاليه وتغيير وجه التاريخ للابد (مع الاخذ في الاعتبار كل الاختلافات بيننا و بينهم).
س:حتحصل فوضى و الحركات المسلحه حتمسك الخرطوم . الضامن شنو لو راح الامان المتوفر اسا؟
ج: في الثوره المصريه انسحبت الشرطه تماما من الشارع يوم 28-يناير وفتحت السجون ليخرج المجرمون .. النتيجه ان الشعب المصري اهدى العالم اختراع اللجان الشعبيه و شاهد العالم المسيحيين و هم يحمون المصلين في صلاه الجمعه .. دا واحد من دين تاني بحمي اخر , تقولي لي القبليه!!!؟ .. في كل التاريخ كان التوحد الكامل في ايام الازمات و ليس العكس.
س:الناس دي لو ما حسموها حتبقى زي الصومال , ولا ما كدا يا صومالي؟
ج: بالعكس لو استمر الانهيار فكدا يا داب حتبقى زي الصومال .. الحكومه المركزيه في الصومال انهارت لانو اخر رئيس صومالي اختار الخيار العسكري مع دوله جاره (اثيوبيا) , انفرد بالحكم , قرب ابناء قبيلته و تراخي في محاربه الفساد ولم يتفاوض جيدا مع الحركات المسلحه الوليده وقتها في انحاء الصومال ... بالضبط عمل الحاصل الان في السودان!!.
س: امبارح حرقو بصات الوالي , دا تخريب ما تظاهر .. وينا الثوره السلميه؟
ج:في كل احتجاج يوجد مندسين هدفهم التخريب , عدم المقدره على حسمهم من قبل المتظاهرين يرجع لانتشار رقعه التظاهر وسرعتها و محدوديتها (الميدان وجب بعد دا) وجود تجمع يعني وجود تنظيم و فرز بين المحتج والشماسي .. ولا ننسى ان استفزازات الشرطه تجعلها مسؤوله بنفس القدر عن الحاصل , لو جربو لمره واحده ان لا يقمعوا فورا لعرفوا ان الموضوع تظاهر لايصال رساله و بعدها كل زول يرجع بيتو .. افتح اي قناه اوروبيه شوف بتظاهرو كيف!!
س: معاط كدا مالك؟
ج: اعمل شنو , لي يومين بفكر في الحاصل طلعتا بالحاجات دى , ابقى وريني رأيك وأسئلتك واجاباتك .. عسى ولعل يوضح لي الفهم !!!
فى هذه الايام تشهد عديد من الولايات مظاهرات مناهضة للنظام وتررد الشعب جعان لاكنو جبان البشير شعبك فقير وكل هذة الهتافات فى اكتر من محلية فى الخرطوم شملت بحرى والحاج يوسف وجبل اولياء والى الخ............ وطالت العدوى من ولاية الخرطوم الى بقية الولايات وشملت كريمة وابوحمد وسنار وكسلا ومازالت الشرارة مولعة .
وهنا يكم سوالى هل الشعب قادر على اسقاط نظام العسكر كما فعل بى جعفر نميرى سنة 1983 هل يتكرر هذا السيناريو ام فورت لبن ويومين قمع وتنتهى المظاهرات
عزيزي الفرح المهاجر [overline]حقيقه شهدت البلاد بعض المظاهرات لكن وللاسف الشديد وزي ماقلت طلعت فوره لبن
وكيف لشعب جيعان يظاهر لانه لايستطيع الصمود
وفي الختام بقول كلام في الصميم[/overline]
فتك بعافيه
فورة اللبن تعم كل العالم العربي فالعرب عموما لهم فوران كالصابون ...مع كل حدث يكون رد فعل موسمي...شوف ايام محمد الدرة العرب انفعلوا وايام واتنسى ...مع الشيخ يس تم اغتيالة وهاج الشعب وماج واتنسى ..ياسر عرفات قومة وقعدة وحاليا حبة هيجة وتهدأ’’’عموم الشعب العربي تحكمه العواطف المـتأرجحة ...
اما تحديدا في السودان...فالشعب اكيد خائف من(يمكن يجي الاسوأ منه,,,,والقبله سوو شنو عشان البعده يسوو؟!!وكمان جنا تعرفه ولا انسا مابتعرفه...),,
فاصلة:,,,مثلا الصادق المهدي كان رئيسا لفترة طويلة المدى....ماذا قدم؟؟ قهقرناللوراء بسرعة الصاروخ...الان اتباعه يؤيدون القلب على الوضع..بنته تتبجح وتحتج !!أي تناقض هذا....
اتوقع الحل الامثل مظاهرات اصلاح شديد للنظام....وتضييق الخناق ليقوم كل بواجبه ورفع العبء عن كاهل المواطن...اما قلب النظام فلا أتوقع سيأتي من هو خير...
يا خوي والله الشعب غالباهو حيله ماعندو البديل الممكن يحلحل المشاكل دي كلها وحسب راي لو اتغير النظام الجماعه ديل بكونا معارضه للعهد الجديد وبذلك تزيد المصائب وبعدين حدث كم تغيير في السودان ده من عهد الاستغلال كل البجي يكون اسواء من القبلو
