صديقتى سماح ..اتصلت على وهى فرحة ولازم حضورى اليها حالا ..
وكالعادة ..يابت فى شنو ؟؟ بتقول لى ...سامح يتذكريهو؟؟
ايوة مش العميل بتاع البنك الانت شغالة فيهو ؟؟
بالضبط كدة ..
اهاا مالو ؟؟
قال عايزنى واتقدم لى رسمى .. وهسة المشاورات جارية .
ووعدتها امر عليها تانى يوم ابارك ليها ونفكر فى الترتيبات اللازمة ..
ومشيت ليها ..امها استقبلتنى بابتسامة حلوة واختفت كأنها لا تريد ان تفسد على ابنتها شئ ما
ووجدت صديقتى وعلى ووجهها علامات حزن عميق..
يابت ياسماح مالك ؟؟
انتِ امس عايزة تطيرى من الفرح .. الليلة مالك ؟؟
قالت لى تعالى سلمى على حبوبة الاول ..
حسيت بــ حبوبة عندها شئ عايزة تقولو لكن نظراتها لــ سماح تؤكد لى انو سماح محذراها ..
واصريت اقعد جنب حبوبة .. لانى عارفاها ..لو ماقالت الــ فى قلبها مابترتاح ..
سروفة صراحة موضوع محير ...أنا ما عارفة بس الوضع صعب ..هي معقول تضحي بعمرها وتعيش مع عانس ومطلقة .. الزواج يا سروفة سعاده لو هي قبلت تعيش كده فأكيد حتستغنى عن السعاده .. وبعدين هم ما حيتموا اتنين لآخر العمر أكيد حيكون عندهم أطفال بعدين ..أما إذا ضحت لازم تتحمل الضغوطات إللي حتواجها ..
والشباب إللي نصفهم بيمروا بالوضع دا لازم يدرسوا الوضع كويس ويعملوا دخل ثابت للأسره بقدر الإمكان ..والله المستعان
كلامك دخل اللحم الحي واقع عند بعض الشباب
والحياة اقدار
وطبيعة انسان السودان وتقاليده وتربية أبنائه تضع الشاب علي المحك
مسؤليات كتيرة وواقع مرير نسأل الله له العون
بالنسبة لصاحبتك سماح
علي حسب كلامك افتكر ممكن ان تتعايش مع الوضع دا بكل عقلانية
وان توافق علي الزواج
فالعريس مقتدر
ممكن تقنعه بأنها سوف تحاول التعايش مع الوضع وتشاركه وجهات النظر في الكيفية
واذا اتفقا علي هذه الخطوة ببساطة كدة بتكون نصف المشكلة اتحلت لانه في لحظتها سيتأكد بانها اختياره الصاح وسوف يتقبل كل اقتراحاتها بتوازن العقل والعاطفة
ولوقالت ليهو مثلا ممكن نسكن قريب للبيت طوالي بفكر يبني ليها شقة ولو في سطوح المنزل
وباقي المشاكل حتتحل
قولي لسماح ما تفوت العريس واهلها سوف يوافقوا اذا طرحت الموضوع لاقرب شخص ليها من افراد اسرتها وطلبت منه الوقوف بجنبها
بنت السرف لكى منى التحية
كلام معبر وحلولو ساهل
لانى انا عايشت القصة دى كلها بى تفاصليها حينها كنت طالب توفى والدى واصبحت المسئولية على عاتقى وماكانت ابدا بالحسبان ولاكن قدر الله مشاء فعل والحمد\ لله على كل حال.
بس لو سمحتى عايز اسالك كم سوال كدا لو جوابتى على اسئلتى ح تحلى الموضوع براك
1- هل هذا الشاب يصبح انانى ويتفرق لنفسة وواجبة الشخصة وباقى الاسرة تصبح مشردة ومتسولة
2- هل الشاب دا يبقى قدر المسئولية ويحمل عب البيت عشان يحافظ على الرابط الاسرى ؟
3- اميضحى هو ويحترق حتى لايعشو باقى اخوتة نفس السيناريو ويصبح لهم بمثابة الشمعة المضحى حتى يتعدو ذاك النفق المطلم من الحياة
اذا كان هو ترك تعليمة وضحى عشان اخوانو واخواتو ويوفر ليهم عيشة كريمة وباقى اخوانو مايقطعو تعليمهم ويجهجهو زيو اخير هو يتعذب وباقى اخوانو يتنعمو لم ما ربنا يفرج ليهم .
اما بخصوص الزواج لو البنت قنوعة ومقدرة ظرفو ممكن تسكن معاهو ومعو اسرتو البسيطة مش تتعال عليهو وتقدر ظرفو دا اصلا لو عايزة السترة والزواج
بشكرك جدا اختي سرووووفة على طرحك المميز
وبعدين بالنسبة لسماح انا لو مكانها اوافق وعيني مغمضة لانو وبكل بساطة الي مافي خير في اهلو مافيهو خير في نفسة
يعني شنو يتخلى عن اهلو وعن اخواتو والوحده المفروض لما يتقدمليها عريس تفكر بذاكاء وماتعاين للحاجات التافهة يعني مثلا انا شايفة انو عريس سماح عريس لقطة!!!!!!!كيف ؟انا حقوليكم كيف لو الزول دا بحبها ومعلس حالتو المادية صعبة وسكنت مع اهلو في نفس البيت اول شي بتكون مع اسره تانية تصاحبهم ويكون ليها اخوات وام تانية تاني شي بما ان حالتو المادية صعبة وانتي اتزوجتية وقبلتية كده إن شاء الله ربي حيفتحها في وشو خذوهم فقراء يغنيهم الله وبعدين ماحيفكر في غيرها ومستحيل يفكر يعني حتضمن انو ليها وبس اها بعد دا كلو الوحدة دايرة شنو غير راجل طيب ومحترم ويحبها ويقدرها ويحسسها بانها اميرة معا يعني الفلوس دي شنو غير وسخ دنيا الوحده ترفض العريس لو كان واحد مابيصلي ولا بيخاف ربو او إذا كان عاق لاهلو او إذا كان بيسكر او بيحشش
وتوافق بيدا احسليها من توافق بي واحد عظموا مليان عقارب من البنات بيعرف دي وديك
اسفة على الإطالة في امان الله
أهلا بنت السرف
الرسول الكريم يقول (خيركم خيركم لأهله وانا خيركم لأهلي) وما أجمل تلك العلاقات حينما تقوم على أمور محببه وهي وجه من أوجه الطاعة ورضاء الرحمن وهو بر الوالدين ، من هنا نجد أنه خير لها (لسماح) من فيه خير لأهله ، هناك أمور كثيرة تبحث عنها الفتاة مثل أن تكون مع زوجها بدون شريك وهذا ممكن ، ربما يأخذ حينا ولكنه سيكون أمرا حتميا وواقعا لابد منه وهذا في وقته
من عيوب المقبلات على الزواج الخلط بين الاستقلالية وانسلاخ الرجل عن أهله
الاستقلالية تتضمن الخصوصية ومناخ استرخاء وليس ان ينفض الرجل يديه عن أهله ...فكما اسلف الموقرين قبلي,,من ليس له خير في هله ليس فيه خير لزوجته...وربنا سيعوض عليها خيرا ان هي عاونته وخففت العبء عن كاهله
سروفة صراحة موضوع محير ...أنا ما عارفة بس الوضع صعب ..هي معقول تضحي بعمرها وتعيش مع عانس ومطلقة .. الزواج يا سروفة سعاده لو هي قبلت تعيش كده فأكيد حتستغنى عن السعاده .. وبعدين هم ما حيتموا اتنين لآخر العمر أكيد حيكون عندهم أطفال بعدين ..أما إذا ضحت لازم تتحمل الضغوطات إللي حتواجها ..
والشباب إللي نصفهم بيمروا بالوضع دا لازم يدرسوا الوضع كويس ويعملوا دخل ثابت للأسره بقدر الإمكان ..والله المستعان
هلا حبيبتنا ميسم ...
كدة انتى وضعت السعادة فى كفة مقابل السكن مع اهله
بمعنى انو مافيش سعادة لو رضت بالوضع دة ..
طيب ياميسم ..
احساسك لو كنتى مكان سماح ورضيتى بالزواج من سامح مع العلم هو قدم تنازلات كتيرة
عدا السكن ...لانو لابد يكون مع اهله لان وضع والده لا يستحمل ان يكون بعيد منه..
احساسك حيكون شنو؟؟
بغض النظر عن السعادة لان السعادة شئ نسبى ..ودى بايدك انتى تصنعيها ..
كلامك دخل اللحم الحي واقع عند بعض الشباب
والحياة اقدار
وطبيعة انسان السودان وتقاليده وتربية أبنائه تضع الشاب علي المحك
مسؤليات كتيرة وواقع مرير نسأل الله له العون
بالنسبة لصاحبتك سماح
علي حسب كلامك افتكر ممكن ان تتعايش مع الوضع دا بكل عقلانية
وان توافق علي الزواج
فالعريس مقتدر
ممكن تقنعه بأنها سوف تحاول التعايش مع الوضع وتشاركه وجهات النظر في الكيفية
واذا اتفقا علي هذه الخطوة ببساطة كدة بتكون نصف المشكلة اتحلت لانه في لحظتها سيتأكد بانها اختياره الصاح وسوف يتقبل كل اقتراحاتها بتوازن العقل والعاطفة
ولوقالت ليهو مثلا ممكن نسكن قريب للبيت طوالي بفكر يبني ليها شقة ولو في سطوح المنزل
وباقي المشاكل حتتحل
قولي لسماح ما تفوت العريس واهلها سوف يوافقوا اذا طرحت الموضوع لاقرب شخص ليها من افراد اسرتها وطلبت منه الوقوف بجنبها
هلا ابو علوة
فعلا الكلام حااار ومؤلم ....
لانه دة الحال لـــ معظم شباب البلد ..
هو فى الحقيقة غير مقتدر ...
بس ممشى امورو بالبركة ....زى كل الشباب الــ بمرو بنفس ظروفو..
بس ياعلى ..
السودانيات وخصوصا الام .. عندما يكون ولدها وحيد وسط البنات بتغار عليه من زوجته
فما بالك من اخواته ..
سماح رضيانة به بس الراى عند حبوبة وكلمتها القاسية (عضم .. مليان نمل)
رايك شنو اذا كانت دى نظرة زول عرك الحياة وفهم منحنياتها ودهاليزها؟؟
الفرح المهاجر كتب:بنت السرف لكى منى التحية
كلام معبر وحلولو ساهل
لانى انا عايشت القصة دى كلها بى تفاصليها حينها كنت طالب توفى والدى واصبحت المسئولية على عاتقى وماكانت ابدا بالحسبان ولاكن قدر الله مشاء فعل والحمد\ لله على كل حال.
بس لو سمحتى عايز اسالك كم سوال كدا لو جوابتى على اسئلتى ح تحلى الموضوع براك
1- هل هذا الشاب يصبح انانى ويتفرق لنفسة وواجبة الشخصة وباقى الاسرة تصبح مشردة ومتسولة اكيد لا ...دة كدة ماحينفع .. لانه كما تدين تدان ..
2- هل الشاب دا يبقى قدر المسئولية ويحمل عب البيت عشان يحافظ على الرابط الاسرى ؟ لازم .. والا فما معنى الترابط الاسرى هنا . ..
3- اميضحى هو ويحترق حتى لايعشو باقى اخوتة نفس السيناريو ويصبح لهم بمثابة الشمعة المضحى حتى يتعدو ذاك النفق المطلم من الحياة لابد من شمعه تحترق لتضئ للآخرين ..
اذا كان هو ترك تعليمة وضحى عشان اخوانو واخواتو ويوفر ليهم عيشة كريمة وباقى اخوانو مايقطعو تعليمهم ويجهجهو زيو اخير هو يتعذب وباقى اخوانو يتنعمو لم ما ربنا يفرج ليهم .
اما بخصوص الزواج لو البنت قنوعة ومقدرة ظرفو ممكن تسكن معاهو ومعو اسرتو البسيطة مش تتعال عليهو وتقدر ظرفو دا اصلا لو عايزة السترة والزواج
تسلم يافرحنا ..
عندك حق ...لو الواحدة عايزة السترة وضع زى دة مابقيف ليها عائق ..
m2nooo كتب:بشكرك جدا اختي سرووووفة على طرحك المميز
وبعدين بالنسبة لسماح انا لو مكانها اوافق وعيني مغمضة لانو وبكل بساطة الي مافي خير في اهلو مافيهو خير في نفسة
يعني شنو يتخلى عن اهلو وعن اخواتو والوحده المفروض لما يتقدمليها عريس تفكر بذاكاء وماتعاين للحاجات التافهة يعني مثلا انا شايفة انو عريس سماح عريس لقطة!!!!!!!كيف ؟انا حقوليكم كيف لو الزول دا بحبها ومعلس حالتو المادية صعبة وسكنت مع اهلو في نفس البيت اول شي بتكون مع اسره تانية تصاحبهم ويكون ليها اخوات وام تانية تاني شي بما ان حالتو المادية صعبة وانتي اتزوجتية وقبلتية كده إن شاء الله ربي حيفتحها في وشو خذوهم فقراء يغنيهم الله وبعدين ماحيفكر في غيرها ومستحيل يفكر يعني حتضمن انو ليها وبس اها بعد دا كلو الوحدة دايرة شنو غير راجل طيب ومحترم ويحبها ويقدرها ويحسسها بانها اميرة معا يعني الفلوس دي شنو غير وسخ دنيا الوحده ترفض العريس لو كان واحد مابيصلي ولا بيخاف ربو او إذا كان عاق لاهلو او إذا كان بيسكر او بيحشش
وتوافق بيدا احسليها من توافق بي واحد عظموا مليان عقارب من البنات بيعرف دي وديك
اسفة على الإطالة في امان الله
تسلمى منو ..
صدقت فى كل حرف ..
وعلى قولك عضم مليان نمل افضل الف مرة من عضم مليان عقارب ..
طيب يامنو ..
لو فرضنا ..
بتتعاملى كيف مع اخواتو
المطلقة واحساسها بانك مامفروض تكونى سعيدة لانها هى لم تسعد؟؟
اختو العانس ...تكدر عليك حياتك لانك اتزوجتى وهى لا ؟؟
امو .. واحساسها انك شلتى منها وحيدها وانتى بالنسبة لها خاطفة ابنها لا زوجته؟؟
سلام للجميع
انا لو في محل سامي وعرفت انو وضعي الاجتماعي ده مزعج اهل البت دي علي النعمة لو تبقى اخر بت ما افكر فيها تاني
لانو اسرة ده فهما
ما بتشرف اناسبها
فتكم بعافية
أهلا بنت السرف
الرسول الكريم يقول (خيركم خيركم لأهله وانا خيركم لأهلي) وما أجمل تلك العلاقات حينما تقوم على أمور محببه وهي وجه من أوجه الطاعة ورضاء الرحمن وهو بر الوالدين ، من هنا نجد أنه خير لها (لسماح) من فيه خير لأهله ، هناك أمور كثيرة تبحث عنها الفتاة مثل أن تكون مع زوجها بدون شريك وهذا ممكن ، ربما يأخذ حينا ولكنه سيكون أمرا حتميا وواقعا لابد منه وهذا في وقته
تسلم الغالى ناجى ..
بس تفكير البنات اصبح ماادى بحت ..
حتى فى وضع زى دة .. الواحدة بتضع احتمالات الربح والخسارة فى هذا الزواج..
لو كنت فى محل هذا الشاب ...كيف تنظر للزواج مع حسابات البنات اعلاها.
من عيوب المقبلات على الزواج الخلط بين الاستقلالية وانسلاخ الرجل عن أهله
الاستقلالية تتضمن الخصوصية ومناخ استرخاء وليس ان ينفض الرجل يديه عن أهله ...فكما اسلف الموقرين قبلي,,من ليس له خير في هله ليس فيه خير لزوجته...وربنا سيعوض عليها خيرا ان هي عاونته وخففت العبء عن كاهله
غاليتنا دريمووو..
صدقت .. بس منو دى البتفكر تعين زوجها على اهله وتفكير البنات ان لم يكن كلهن فمعظمهن
تفكيرهن فى الماديات قبل الاستقرار
وفهمن للنسيبة .. انها مصيبة ..
فمابالك بشاب محمول على قول اهلنا ..
ومارايك فى كلام مٌـــنو .... عضم مليان نمل خيرا من عضم مليان عقارب؟؟؟
سلام للجميع
انا لو في محل سامي وعرفت انو وضعي الاجتماعي ده مزعج اهل البت دي علي النعمة لو تبقى اخر بت ما افكر فيها تاني
لانو اسرة ده فهما
ما بتشرف اناسبها
فتكم بعافية
وعليكم السلام
هلا بيك ودالبحير ...
نورت البوست ياغالى ..
برضو دة ماسبب ...لان الفهم اقسام ..امكن سماح ترضى بيه وغيرها امكن ماترضى
وفى النهاية كل اسرة بتبحث عن سعادة ابنائها ..
بس ضع نفسك مكانه واتخيل ..
انت ولد وحيد وسط البنات بغض النظر عن الظروف الاقتصادية ..
اولا ..الام ...بالنسبة لها اذا تزوجت ... زوجتك تعتبر دخيلة واختطفت منها وحيدها وتبدأ المعاكسات
والمشاحنات
ثانيا ... الاخوات ..
انت راجل البيت وكلمتك بتمشى عليهن .. وزوجتك تتدلع ... ليه؟؟؟
وتبدأ الغيرة والمناوشاات ....
حتعمل شنو وانت بين ناريين وكل طرف مظلوم فى نظرو ..
يللا فى انتظارك وانتظار مشاركاتك القيًمة ..
تسلم ياغالى .
وعلى قولك عضم مليان نمل افضل الف مرة من عضم مليان عقارب ..
طيب يامنو ..
لو فرضنا ..
بتتعاملى كيف مع اخواتو
المطلقة واحساسها بانك مامفروض تكونى سعيدة لانها هى لم تسعد؟؟
اختو العانس ...تكدر عليك حياتك لانك اتزوجتى وهى لا ؟؟
امو .. واحساسها انك شلتى منها وحيدها وانتى بالنسبة لها خاطفة ابنها لا زوجته؟؟
حبيبتي سروووووفة
ماشرط انو اي مطلقة معقدة بالعكس احيانا بيكون عندهم نفسية حلوة وإمكن دا بيرجع لسبب الانفصال
اما للعانس برضو الحكاية نفسيات وانا لو في محل سماح ممكن اتعامل بطريقة عجيبة يعني ممكن الوحده تجبب الناس فيها لدرجة انو بيعتبروها وحده منهم
اما بنسبة للام ممكن برضو لو هي ذكية تتعامل بطريقة تخليها تحبها ولو هي اعتبرت ام سامح امها التانية واتعاملت على اساس كده صدقيني ام سامح حتعتبرها زي بتها وكمان إحتمال لو زعلها سامح حتزعل من ولدها وبالعكس حتعيش سماح عيش هنيئة لانها قبلت بالبسيط
تسلم الغالى ناجى ..بس تفكير البنات اصبح ماادى بحت ..حتى فى وضع زى دة .. الواحدة بتضع احتمالات الربح والخسارة فى هذا الزواج..لو كنت فى محل هذا الشاب ...كيف تنظر للزواج مع حسابات البنات اعلاها.
التفكير المادي البحت تفكير منطقى وسليم في ظل الأوضاع الحالية لكن يجب أن لاننسى أن الماديات قطب من أحد قطبي إستقرار العلاقة مع الأمور الأخرى التي لاتقل أهمية
فما رايك فيمن ترفض مثل هذا الزواج بحجة انه(عضم ...مليان نمل )
هلا وعدت تانى
اختى سرفة المش عايزة رجل خالى من المسئوليات ح تعنس
مستحيل تحصل شاب بهذة المواصفات التى تتمناه فتا اليوم وهذة انا اسميها احلام وردية مثلا البنت تحلم بى رجل وسيم وعندو فلوس وفيلا وبرادو 2102 هذة ممكن فى المئة نصف الواحد.
وعشان كدا انا بقول العايزة سترة ترضى بالوضع الفيهو الشاب وتكيف حياتها عليهو حتى لاتعنس والبوووووووووووووووووووووووووووووووووووووووورة حاااااااااااااااااااااااااااااااااااارة وبعد 33 سنة مستحيل تلقى عريس والحقى نفسك يا
مد وجزر في العلاقات والتنافس الغير مبرر ...فلا الزوجة ستصبح ام واخت ولا الاخت ستتزوج اخيها
ليه ماكل طرف يعيش دوره برضا؟!!!!
ونقطة غيرة الاخوات والمؤمرات موجودة بشدة...ربما اذا حكمت الزوجة عقلها ومانكدت على زوجها بقالو وقلنا تكسب احترامه وقلبه وحترام اهله لانهم مصيرهم طال الزمن ولا قصر يعترفوا بيها وقد يلجأو لها احيانا لتتوسط لهم عند زوجها ....
في نقطة بتزعلني جدا جدا ..لما تسمع البنات بقولن عريس لقطة امه وابوه متوفين وماعنده اخوات ..او اخواته مسافرات..يعني عاوزة عريس مقطوع من شجرة او يتيم مكسور قلبه
الدنيا أبسط بكتير مما قد يتخيلون...
قد تفرحها الاستقلال بزوجها في الفترات الاولى لكنها تجد نفسها مع الايام تحتاج اهله ...واذا تعايشت بمايرضي ضميرها لن تندم...
الزوجة فكري قبل ان تعاملي ام زوجك....انك ستكونين اما لرجل يوما ما...والدائرة تدور عليك...مازرعته اليوم تحصديه غدا
اما عن الرجل العضمه مليان نمل....لامانع بتاتا من الارتباط به ومحاولة التخفيف عنه ولو معنويا...
والارزاق مقسمومة وبرضا والديه ربنا بيرزقه من حيث لايحتسب ..وله يرميهم في الشارع ولا شنو يعني
واصلا المساكين العيانين ومشلولين ديل حيعيشوا قدر شنو يعني؟والاعمار بيد الله
وعليكم السلام
هلا بيك ودالبحير ...
نورت البوست ياغالى ..
برضو دة ماسبب ...لان الفهم اقسام ..امكن سماح ترضى بيه وغيرها امكن ماترضى
وفى النهاية كل اسرة بتبحث عن سعادة ابنائها ..
بس ضع نفسك مكانه واتخيل ..
انت ولد وحيد وسط البنات بغض النظر عن الظروف الاقتصادية ..
اولا ..الام ...بالنسبة لها اذا تزوجت ... زوجتك تعتبر دخيلة واختطفت منها وحيدها وتبدأ المعاكسات
والمشاحنات
ثانيا ... الاخوات ..
انت راجل البيت وكلمتك بتمشى عليهن .. وزوجتك تتدلع ... ليه؟؟؟
وتبدأ الغيرة والمناوشاات ....
حتعمل شنو وانت بين ناريين وكل طرف مظلوم فى نظرو ..
يللا فى انتظارك وانتظار مشاركاتك القيًمة ..
تسلم ياغالى .
السلام عليكم
انتي افترضرتي الجانب السلبي ليه وليه البنت دي ماتكون اضافه حقيقيه ليهو وللاسره
بحيث ممكن تساهم في راحتو
وانا كلامي من منتطلق انو اسره سماح حتكون اضافه او امتداد لي ولاسرتي
الشي الطبيعي تحصل اختلافات في اوجه النظر بين الاسر وده شي طبيعي
ومن الناحيه دي انا بفتكر انو هذه الاسرة تمثل خصم علي ةليست اضافة
فتكم بعافية
