منوعات شعرية

[امال الناس]

ياااا سلام عليك يااا امال الناس


برمة
جنس كره لكن , مخير الله علينا
غاااااااااااااااغ

الشمالي

حياك الله


مشكور علي المرور

والتخريمة كمان

[امال الناس]

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
... أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت


عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

أمانة عليك...

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ....
تخت بالك علي الجواك ... علي الحلم البنينا بيـــــــــــوت



شعر : خالد الباشا

[امال الناس]

هل بتصدق ..... ؟
هل بتصدق إني رسمتك
وما أستخدمت اللون والريشه
وبس في الخاطر أنا شكلتك
... شجرة حنه.. وزير.. وعريشه
وإني لقيت جواك جواهر..
من إحساس وكنوز مافيشه
وعشت في قربك أجمل دنيا..
في الأحلام بتمنى أعيشه

هل بتصدق إني عشقتك من إشعاع النظرة الأولى
وشفتك بهجه وعالم تاني.. فيهو مواهب مامعقوله
وليك صرحت وبحت بكلمه كنت بخاف أضطر أقولا
وشلت حصاد اللحظه الصعبه وملت عليك بكل سهوله

هل بتصدق إنك طبي.. ومكمن حبي.. وكل آمالي
وإنك زول متواضع وطيب وفوق الطيبه خرافي خيالي
وإنو خيالك وشوش نسمه ونقرش باب القلب الخالي
ولم فتحت الضلفه أعاين... إنت دخلت علي طوالي

هل بتصدق لمن إنت وصلت مداي أنا كنت وصلتك
وإنو في نفس اللحظه الفيها دخلت علي أنا زاتي دخلتك
ولمن فاض النيل جواي قطعت حديث النيل وسألتك
عن معناك وطلعتك نجمه فاتت حد الريد ونزلتك

هل بتصدق إنك طاير بين أغصان الدهشه محلق
وإنك زهره وديعه.. بديعه.. كل مايوم في الروح بتفتق
وإنك غيمه ظليله.. حميمه ..في الأعماق بتصب وتدفق
وإني معاك أنا أسعد كائن... أنا حلفتك.. إلا تصدق




شعر - عزيز عثمان

[امال الناس]

بنية من الزمان الجاي

وزى نسمة خريف منسابة
تدخل فيك
تونس قلبك المهموم
... وبي الهمس الندي تحجيك
بنية بترسم الإحساس
علي ضحكة وتر وناس
ومن نبض البشاشة تجيك
قمر اشراقو زى بلور
وصوت قمرية فوق السور
مقاطع من نغم مسحور
بتمرق من قلب ابيض
علي ضفة غناك الفيك
بلا استئذان
تخشك من مسام الشوق
وترحل بيك عوالم فوق
بنية من العسل معطونة
في مشرع رهافة الذوق
وطن مفتوح علي جواي
حلم في الروح
وعطر يفوح
مقاطع من فرح دوباي
تلون فيك مساحة الشوف
وبالحن والرهافة تطوف
وتسقيك النضم شاشاي
غيابا بيجرح اللحظات
وينقلب السرور نوناي
وجودا بكمل العافية
تحس بالدينا متصافية
توح من السهر والليل
وساساق النعاس لولاي
بنية من الزمان الجاي
بتحلب غيمة الأحلام
علي قرعة ندي الأيام
وتتقسم حنين وسلام
ومهما كتبت ما بوفيها
ما بوفيها أظني كفاية



شعر - حمدي السمر

[امال الناس]

انا والليل فى الحسبه اصحاب
بينا صلات الهم والدم
والاشواق الباب فى الباب
...
يامنداح فى الروح بالفطره
طال الليل والهوى غلاب
ليه قلبته مواجع الذكرى
ولسه الشوق بالشوق ماطاب
لسه الاهه بتلد الاهه
وتقعد تحرق فى الاعصاب
لابداويها الكى بخلاف
ولابتتباصر بالاعشاب
وانا والليل فى الحسبه اصحاب

يوم فى الليل بين صاحى ونايم
بدت اشجار فى الدم تتمشى
شفتها فى ماشاف النايم
تاكت باب الروح بالرعشه
وانا غفلتها ذى لبلابه
واتسلقته جدار الدهشه
وبينى وبين عينيها حجاب
وانا والليل فى الحسبه اصحاب

عبرت ذى الطيف فى العتمه
وفجاءه اشتعلت فى الكابوس
ورجمت جن الليل بالنجمه
وضجت وبقت ذى فانوس
ومرت بيا مرور النسمه
وانا بين صاحى وبين مهووس
فاضت روحى معاها تساب



شعر - ازهري محمد علي

[امال الناس]

نقرشتي
وتر الحمي
في الضلع الشمال
...
مالك عَلَي ؟!
أنا كنت رضيان
بالعلي.
بركاني خامد
في الحشا
الريح تصفّر
في المسا
فَتفَتْ
بُكا الصَبُر الحصا
بَرَدت عروق
وهج الصبا
ودفنت
في رمل القسا
ألفين جَرِح
مليون سؤال .

أعترف
أنا حالي كان
غصه وزوال
كنت استقلت
من الهوي
تابت صوابْعي
من الشَرا
تَرْبَسْت قلبي
من الأذي
وشردت
من مِحنة عُطيل

في يوم صحيت
( هاملت ) بقيت
الراس يميل
والكون رماد
مجنون وليل.
سَرْدَبت
لي دق المطر
ووقعت
في شَرَك الخطر
وشربت سم
لسْع الكتال .

أعترف
قَبّلت من وش
الهوي
وشدّيت سرج
خيل النزال
وتجيني
زي برقاً محال
نقرشتي
وتر الحمي
في الضلع الشمال.

مالك عَلَي
أنا كنت رضيان
بالعلي
أنا أصلي
ما الزول الزمان
ما ظن أصدّق
قول عيون
أو ألقي
في حضناً أمان .
أنا بس بقيت
قُرطاس وسيف
قطّعت شوق
قلبي الرهيف.
بَردَت عروق
وهج الصبا
وانتي الربيع
وانا خيلي
دافر للخريف
شرقان من الغم
والأسي
الريح تصفّر
في المسا
ودفنت في رمل
القسا
الفين جرح
مليون سؤال .

أعترف .......
أعترف .......
نقرشتي
وتر الحمي
في الضلع الشمال
بركاني ولّع
في الحشا
برقن عيون
سمر المسا .
نزح الخريف
من دمي
وانفجر الصبا .
احساسي
طقطق في الجبال
مطرك شَرَق
فرهد وشي
ونفختي
في جوايا شي
تحت الرماد.
تبيت
علي الزمن الجديد
وقلعت ليك
توب السواد
وعجنتي بالصحوه
الجمال

يا زوله هوي
مالك عَلَي
أنا كنت
رضيان بالعلي .
القوس هبش
وتر الكمان
غنيت تقول
قمر الزمان
ولقيتني
مدفور لي ورا
رَجَعت صوابعي
علي الشَرا
فكيت زرار
سدر الهوي
ومرقت للنار
من ضرا .
وانا ياني
ده الزول الزمان
ما ظِن أفوت
خيمة عطيل
من نفسي كيف
أشرد عديل ؟!!

نقرشتي
وتر الحمي
في الضلع الشمال
احساسي
طقطق في الجبال
مطرك شرق
فرهد وَشي
نفختي
في جوايا شي
تحت الرماد
وقلعت ليك
توب السواد
وعجنتي بالحمي
الجمال

يا زوله هوي
مالك عَلَي
أنا كنت رضيان
بالعلي
نقرشتي
وتر الحمي
في الضلع الشمال





شعر : هاشم صديق

[امال الناس]

اليوم جئت لاعترف
والجرح فى الاعماق بكاء نزف
النفس بعثرها الحنين
... وشفاها التذكار
والتذكار شف
وانا اجرجر هيكلاً متعثراً
نخراً ... تلف
اقتاد روحاً
هدها الترحال صوب رباك
ارهقها التوغل والاسف
واقول جئت لاعترف
يا ايها الرهق المسافر فى دماى
ويا نزيف الجرح قف
اليوم جئتك يا فؤادى اعترف
انا من سقتك الحزن الوانا
وقالت لا تخف
حبست دموعك يوم غار النصل
او غل ...
غصت العبرات
جف الحلق جف
انا من اردتك صبراً
متجلداً لا تستخف
حملتك الاشجان حتى ضجت الأشجان
من طول احتمالك ...اعترف
حملتك الاحزان حتى هدت الاحزان صبرك
اعترف
واليوم
حطمت الشجون رباك
هاجرت النوارس عنك
والشوق استخف
الحزن صادر وجهك المسود شجواً
يرتجف
وانا اتيتك اعترف
نسى المسافر اسمك المكتوب بالنسيان
اذا رحل القطار
واضاع وجهك
منذ ذاك اليوم فى ذاك النهار
ما عاد يذكر دمعك المحبوس حد الانفجار
ما عاد يذكر اذا تغالب حزنك الدامى
فيقتلك الدوار
نسى المسافر يا فؤاد
نزيف جرحك والقصيد
وما حكيت وما رويت
فلا تحار
قدرُ اراد
وهل لدى الاقدار
ينفعنا اعتذار؟؟
وشم على ساعد الغياب
كن عند ابواب الحضور
وان تشاء فلا تكن
دعنى اقبل فى سبيلك يا انا
قلباً يحاذر ان يجوب
ولان هذا الشوق بات الآن اعتى ما اخاف
رجعت ليلاً كالغريب
وحدى انا ادرى
بان الشوق حين تكون سيده
ووجهته.....عجيب
شوق يصادر هذه الدنيا
ويختصر المسافة
ويشعل الانحاء بركاناً
فيحترق اللهيب
شوق يلح ولا يحاور
يدعى الا سواه... فاستجيب
يا كل هذا القلب
يا حلماً يحصارنى نهاراً
يا صفي الروح
يا بوابة تفضى الى غير الهروب
او ما رجوتك حينما حان الرحيل
ان اتئد
عنى تنحى......لا تطل على من كل الدروب
او ما تعاهدنا هنا
الا تلوح بمقلتيى
الا تقيم بمهجتي
الا تحدد وجهتى ....حتى اووب
فلم تساءل كل من القى
عن الوهج الغريب بمقلتيى يبدو
وعن رجلُُ غريب
ولمَ قفزت الىفمى
لما هممت بان اقول
حرفا بكل قصيدة
وقبيل كل مقاله
وبعيده كل حكاية نغماً طروب
ولمَ رايتك حينما ضحك الصغار
وحينما لاح النخيل
وحين ثار النيل
كيف طلعت فى شفق الصباح
وكنت فى شفق الغروب؟
شيء عجيبُُ يا انا
شىءُُ عجيب
توقيع انك لن تلح على
ما جفت صحائفه ولا رفع القلم
لم توفي بالعهد الجديد ولا القديم..ولم ..ولم
يا منتهى شوقي
ويا كل الجراحات التى بُرئت
ويا كل التى تهب الالم
من اى اسباب السماء هويت نحوى
مثلما النجم البعيد
فانا انتبذت من المكان قصيه
خبأت وجهى تحت وامتنعت عن القصيد
وسلكت وعر الدرب ليلاً
واهتديت بانجمٍ افلت
وغيرت الصوى طراً
واعدلت النشيد
كيف اهتديت الي كيف
وبيننا بحران يصتخبان
الآلف من الميال صحراء وغابات وبيد؟
اتراك كنت حقيبتى
ام بين أمتعتى دخلت
ام أختبأت هناك فيَّ
دماً يسافر للوريد من الوريد
عجبي اذاً
ان كنت لن انفك من قيد تكبلنى به
ان كنت امضى كى اعود
عجباً اذاً
ان كان هذا القلب قد بايعته ملكاً عليا
فباعنى رغمي
ويفعل ما يريد
انا لن اسافر مرة اخرى
لتسبقنى ويفضحنى الشرود
انا لن احاول حيلة اخرى
ومع رجل يغافل كل ضباط المطارات القصيه
والمحطات القريبة والبعيدة
عابراً متجاوزاً كل الحدود
انا لن الاحق مهرجان العيد
بعد العام هذا
إذ بغيرك لم يكون فى الكون عيد





شعر روضة الحاج

[امال الناس]

لو بتلقى زول بحبك زينا
زول بشيلك في عيونو
وفي ضلوعو وفي دموعو
... في ابتسامتو وفي هناهو وفي شجونو
ما بنعاتبك
لو بتلقىّ
ما بنعاتبك
ياما جيناك وياما بابك
لو بحس دقات قلوبنا
كان حكالك ، كان بكالك
نحن ما ناسك .. شبابك
نحن ريدتك ونحن عمرك
ليه بتهدم انت في لحظة تجنى
البنيناهو في عمر.. مخضر طويل
الدموع في عيونا
تتحجر عشانك ما بتسيل
وقدر ما نشيل في همومك
قلوبنا تمرض وما بتشيل
انت ما علمتنا الحب بسمة صافية
فيها عزة وفيها بهجة
بتستجير بعاطفة دافية
نحن عشناها بشعورنا
وبعواطفنا الرحيبة
انت ما ضيعت أرواحنا في صحارى التيه
ما ترجع .. تجيبها
لية تلوعنا وتسيبنا


ابو آمنة حامد

[امال الناس]

يوم أجيكي أقيف أمامك .....................
بنسي كل الداير أقولو وأقعد أسمع في كلامك
مرة أسرح في عيونك ومرة أسكر من مدامك
أصلي وحياتك بريدك وكلي تايه في غرامك
كم صحاب نصحوني قالو أمشي أبعد من طريقا
ياما تتألم تعاني والتعاسة تكون رفيقا
... وقلت ما أدخل عوالم ليا مجهولة وعميقة
وانهزمتا وكت رجعتا وانتي ريدك صارحقيقة
أصلي وحياتك بريدك وكلي تايه في غرامك

[امال الناس]

لو بتقدر....... زيد عزابك فينا أكتر
ما عزابك زي شبابك زاهي أخضر
وإنت ما ياك البتنهي وإنت ما ياك البتأمر
ونحنا وين منك بنرحل يا الهواك جوانا أزهر

[امال الناس]

مافي احر من ضرب الشاكوش علي الراس والقلب

بعد ما خلخلت قلبي و فيني ما خليت مُرُوَه



جيت تقول البينا خوه



خوه ايه بتبكي سيدا؟


و خوه بتسهر ليالي؟


الاّ دي الخوه الجديده



و الكلام القلنا سوا بي دموع الشوق كتبتوا



و الزمن شن فينا سوا؟


شوفوا الزمن شن فينا سوا؟



انت ما زولي العرفتو



و الوداد مابدورلو قوه



و البفوز بي هواك بختو



جيت تقول الريده خوه آه



جيت تقول الريده خوه



بعد ما خلخلت قلبي و فيني ما خليتمروه

[امال الناس]

وهذا إسحاق الحلنقي الشاعر الرقيق
لم تشفع دموعه فى اثناء محبوبته عن هجرة
وطلبت منه الكف عن البكاء فماذا قال:



أعذريني الدمعة ديّه...حتبقى آخر دمعة ليّه....


تاني لو قربت منك.....يبقى ليك الحق عليّ....



أعذريني محالأعاود....تاني ريدتك وأمشي ليها..


ولا أرحل في عيونك....والطفولة الضاجّةفيها....


كيفك أريدك وانتي أصلك....ريدتي ما حسيتي بيها..


بالبعاد ما تعذبيني......أعذريني وأعذريني.....



ما قدرت مرة واحدة......بالغلط أغلط عليك.....


وانتي عمرك كلو ظالمة.....والدليل غفراني ليك...


عارفو قلبك مامعاي.....برضي شاغل قلبي بيك.....


بالحنان ما تعشميني......أعذريني وأعذريني.....



من زمان وأنا راجي منك....كلمة بيها تفرحيني.....


وانتي ما فرحت قلبي......كنت ديمة تجرحيني......


قسمة الزول ما بتفوتو....والبجيني معاك بجيني....


لو بكت منك عيوني......سامحيها وأعذريني.....

[امال الناس]

وهاهو ود الرضي اقتنع بالواقع
فاصبح يصبر نفسه ويتمنى
الا يتجرع غيره من المحبين ما تجرع:


خسارة يا قلبي الحزين هجروك احباب السنين



من غير سبب ظلموا الغرام الكان حلو والكان أمين




يقولوا عننا ظالمين يا حليلنا حليلنا إحنا المخلصين




خســـــارة يا لحني الفريد جرحي المنور كل ليــل




وااحــــالي من هجر البريدو ولهفت الزول البــــريـد




أبكيــــك و وين القى الدموع يـا ريتا من بعدك تطــيب




يـــا قلبي إنت الفي هــواك دايما وفي و دايـما أميـن




أشقــــاك احب الناس اليك رغم الحنين الطال سنين




يا قلبي ســـامح في المحبه في الدنيا ما في محبتين




و القالوا ليك عن الفراق إنشااللـــه يوم ما تشوفوا عينك

[امال الناس]

اما الأستاذ/ السر سيد أحمد
قطعوا معاو اهل المحبوبه
((واحد صفر))ومنعوا حتى ما يشوفه:



حرموني منك


أنا يا حبيب قلبي سائل دوام عنك


يا الحرموني شوفتك ... أنا في قلبي صورتك



كل ما ذكرو سيرتك


ازداد بيشجوني .. يجفو النوم عيوني


ويرحم قلبي حبك



يا المنعوك زيارتي .. هم شاعرينب حالتي ... وجاهلين مكانتي


لكين التقاليد حجبت عني شخصك



منعونا التلاقي


لكين رغم ذلك ... ظل هو انا باقي


أسأل طيف خيالك ... عن فرض اشتياقي


وأسأل نور جمالك ... عن نار احتراقي


طبعا يا ملاكي ... لو يرضيك هلاكي


أنا لا أعصى أمرك



حجبوك حيروني ... أبو ليك يذكروني


ليه يا حبيب أراهم ... زايدين في جفاهم


من شدة قساهم ... مانعين التفاهم


برضي أقول ... برضيأقول


برضي أقول عساهم يسمحوا لي بوصلك

[امال الناس]

والحلنقي ما بتوب
ويرجع ثاني ينظر للامور بواقعي
ه ويرى انه امر طبيعى
ولابد ان يتجاوز الانسان الصدمة:



ماتبكي ايامك ندم او يوم تشيل للدنيا هم


ايه فايده الأسى والدموع هو الزول بعيش في الدنيا كم


ماتبكي لوفاتك قريب او يوم غدر بالريد حبيب


الدنيا لسه ملانه طيب والبسمه للمجروح طبيب


انا شلت جرحك بالسنين مستني منك يوم اطيب


القى الفرح بعد الألم ماتبكي ايامك ندم


ماتبكي من ظلم القدر اصلوالظلم طبع البشر


يلاك نطوف وسط الزهر لادمعه لاهم لا كدر


عيش السنين الباقيه ليك قبل السنين ماتروح هدر


يازاهي يا اجمل نغم اوعك تشيل للدنيا هم


اوعك تقول زمنك مضى والدار من الخلان فضى



ماتخاف من الزمن الاليم بكره السنين بتعوضا



ولو رحت تابعت الدموع يبقى الفرح عمرو انقضى



ويبقى الجمال في الناس عدم و ماتبكي ايامك ندم

[المتميز]

حضور ومتابعة أختنا امال ..
لك كل الشكر والتقدير على هذه الاضافات الثرة من عذب الكلام.

[امال الناس]

وهذا هو محمد يوسف موسي
فىحيرة من امره.. فعل كل
ما يستطبع ولكن دون جدوى؟؟



اعيش في ظلمة وانت صباحي


انت طبيبي اموت بجراحي


بشعري رفعتك اسمى مكانه


يا الجازيتني بكسر جناحي


***


عرفت الحب وفاء واخلاص


حنان ووداد ورود وسلام


عشت معاك ليالي جميلة


ليالي حنينة كالانسام


كنت معايا ولسه معايا


في احلامي وفي الاوهام



وتخاصمني عشان بس كلمة


ياما نظمت فيك كلام


لو في الكلمة انا غلطان


ياما انت قسيت وغلطت


ياما قلت وياما قلت


لو ارضيت بكلمة فؤادي


علشان خاطرك استحملت


علشان بهواك بشوفا رقيقة


كلمات جارحة بيها نطقت



كلمتي المست غرورك


وفرقتنا ياحبيبي


مش خلاص كفرت عنها


بسهري وبنحيبي


دي الليالي المره عشتها


وحدي بناري ولهيبي


وبرضومارضيان تسامح


يا صباحي و ياطبيبي

[امال الناس]

اما الأستاذ/ عوض أحمد خليفة
فبكي وصاغ دموعه السخينة في ناكر الهوي
التي تغني بها عركي وهي الأروع:


لو كنتا ناكر للهوى زيك كنتا غفرتا ليك



كل العذاب العشته فى حبك وكل حقى عليك

لكنى عايش للهوى وكل يوم اترجا فيك

ورينى كيف أغفر وانت شقاى سببته بيديك



حاولت اخدع نفسييا ظالم واهجر حبى ليك

حاولت امنع نفسى منك وتانى ما امشى واجيك

ورحلت عنك وعن ديارى وهدمت كل امل لديك

وبرضى ما قادر لما اسيبك لما انساك بشتهيك

مع كل دفقاتى الحنينة وكل دمعة شوق سجينة

تهاتى بيكروحى الحزينة واشقى لما تهاتى بيك

ورينى كيف اغفر وانت هدمت كل آمالى فيك



ما كنتا قايل أنا يوم بلاقى الحب ولا بكشف دروبو

ولا قلبى من شدة إباهو تقدر بتقدر الأشواق تذيبو

لكن غرامك حبه حبه صالاهو بناروولهيبو

وسرقت قلبى يا حبيبى تانى كيف منك اجيبو



انت يا ناكر غرامو قلبى ما بتسمع كلامو


وبدون سبب يرضيك خصامو لوعة العشاق تصيبو

تنسانى يا ظالم وقلبى معاك مفتكرك حبيبو

[امال الناس]

والأستاذ الرقيق صاحب الروائع
التجاني حاج موسي بكل شماتة يقول:


بعد مافات الاوان


الليلة جاى تعتذر


وترجع ايامنا الزمان


من وين اجيب ليك العزر؟



بالبى غرورك كم قسيت كان ظنى فيك تكون حنين


خالفته اشواقى ومشيت فى سكة الشوق بالسنين


وبرايا بالنار اتكويت


رديتني مكسور الجناح سقيتنى بعد الحلومر



...................

[امال الناس]

وشاكوش جامد ضرب
صلاح حاج سعيد فكتب رائعته:



وبــقــيــت أغـــنــــي عــلــيـــك ..


غـنــاوي الـحـسـرة والأســـف الـطـويــل ..


وعــشــان أجــيــب لــيــك الــفـــرح ..


رضـــيـــان مــشــيــت للـمـسـتـحـيـل


ومــعــاك فــــي آخـــــر الــمـــدى ..


فتـيـنـي ياهـجـعـة مـواعـيــدي الـقـبـيـل ..


بعـتـيـنـي لــــي حــضــن الأســـــى ..


وسـبـتـيـنــيلــلــحــزن الـنـبــيــل ..


******


ومشـيـت مـعـاك كــل الخـطـاوي الممـكـنـة ..


وبـــقـــدر عـلـيــهــا وبـعــرفــهــا ..


أوفيـت ومــاقـصـرت فــي حـقـك
ولا كــان..


عـــرفـــة غـــيـــرك أصــادفــهـــا ..


وقــــدر هــــواك يجـيـبـنـي لــيـــك ..


جـــمـــع قـلــوبــنــاوولــفــهـــا ..


وكتـيـن بقـيـتـي مـعــاي فـــي أعـمـاقـي ..


فـــي أعـمــاق مـشـاعــري الـمـرهـفـة ..


لا مــنـــك إبـــتـــدت الـــظـــروف ...


لا بــيــك إنـتـهــت الأمــانــي الـمـتـرفـه


******


نــــــدمــــــان أنـــــــــــــا ..


أبــداً وحـاتـك عـمـري مــا شـلـت الـنــدم ..


مــــا أصــلـــوا حـــــال الـدنــيــا ..


تـســرق مُـنـيـة فـــي لـحـظـة عـشــم ..


وأنـــا عـنــدي لـيــك كـــان الــفــرح ..


رغــم إحتمـالـي أسـاكـ يــا جــرح الألــم ..


كان خوفي منك جاي .. من لهفة خطاك على المواعيد الوهم


أهـــوه نـحــن فـــي الآخـــر ســــوى ..


بـــاعــــنــــاالــــــهــــــوى...


مـاشـيــن عــلــى ســكـــة عــشـــم !!