همس القوافى

[عبدالله عبدالرحمن عبدالله]

خليك معاى ات ماشى وين
يا شيل رويحتى معاك وروح
أنا والسنين راجين لقاك
يوم جيتنا ضمدت الجروح
يوماتى بتنفس هواك
أنا ليك جسد وبقيت لى روح

[نسيم الشمال]

أسمر جميل فوق في سماهو
كل الخلود ترغب ضياهو
سهم اللحاف ساعة رماهو
صاب القليب سالت دماهو
***

[لبيب]

[align=center]لسا مشتاق القى همسك

في وهاد الحب يغرد

يافرح منساب وداعة

يا ملاك حبي المغرد[/align][/b]

[نسيم الشمال]

لا تحاول إحذر يا نسيم تؤذيها


و هي بضة ندية الحرير يدميها

[لبيب]

بالله يانسيم روح ليها

هاك مني السلام اهديها

تلقى النايرة في واديها

تقدل في دلال وتيها

[waya]

قالوا عنك ناس قرايبك إنت عندك غيري غايه
وبرضو ليك ميعاد معاهم زي ميعادك داك معايا
الرسائل هي ذاتها وحرقة الشوق والوصايا
وبرضى صدق ما ظلمتك وقلته ما بتخون هوايا
وقلته مهما أغيب عليك إنت برضك في رجايا

[لبيب]

[align=center]صدقني يامحبوب
ياك الأمل للروح
مشتاق الاقي عينيك
والفرحة مني تفوح
انت الملاك وهناي
بى ريدك اشدو وابوح[/align][/size]

[waya]

دي ما زي المطر بتقيف ولا زي البروق تشلع
دخلتها بي مسام الروح غلبني من إندهاشي اطلع
دخرتها لي يبابي خريف رمتني على البلد مقنع
بنتني من المحبة صروح كتبتها في غناي مطلع
دي منها والكلام بيقيف لا بينقال ولا بيرجع

[لبيب]

على الوتر الحنين غنيت
وكلمت الفراش يصدح
يسافر ويهدي للعشاق
تهيم كل القلوب تفرح
عشان الدنيا تبقى ربيع
وفي الحب والهيام تسبح

[waya]

أنت لو داير تسيبنا أطرى ريدك والعهود
أطرى إنك نور عيوننا وأحلى إنسان في الوجود
بي حنانا كتبنا ليك وبرضو تنساها الورود؟

[لبيب]

الأمل في قلبي حاصل
كوني ألقاك ياملاكي
دون عيونك كيفن اصبح
ودون غرامك بالأكيد حاصل هلاكي

[ريانه إمام]

لو تتبخّرى
ما بتغيّرى لونك
لو تتوفّرى
أنا موجود فى كونك
رغم هواك الأبيض منّى
إلا هواى الداكن خيّب ظنّى
و كان مستني
إنّك تردي الطيف القزحى
تجيبي اللون البنّي

[نسيم الشمال]

إني أعيش على الآمـال منتشيـا مهما شقيت فحبل الود ما انصرما
هنا وفي القلب جرح لم يزل دمه يروي العليل اذا ما شوقه احتدمـا
خلقت من جمرة الأحزان يسحرني حلم أشقى به ليلـي ولـو عتمـا
هذا فؤادي يشاكي الدهر قسوتـه رغم التألم ماض يعشـق القممـا

[لبيب]

صرت مدمن في غرامك
وابتسامك وكل أحرف من كلامك
سر عيونك والوداعة
الفيها يارقة سهامك
فيك معاني الحسن رقة
بتحكي عن خمرة مدامك

[waya]

قالو انتي الليلة جاية
جايبة بسماتك هدايا
شوفي كيف وجداني غنا
أحلا أشعاري وغنايا
كل دقة باب ونبضو
يرقص الشوق في الحنايا
أسرع الخطوات شوية
وافتح الباب بي عنايا
ألقى انو الباب متيم ..
قصدو يلعب بي هوايا
فجأة دق الباب حقيقة
والوعود صدقت معايا
فاح مع الأنسام عبيرك
عطرت كوني وسمايا
أصلي شايلك في سنيني
ياربيع فرحي وهنايا

[لبيب]

أحسن حاجة إنو الزول يفتش زاتو في زات زول يكون زاتو
أكيد حيلاقي زات الزول بيفتش ليهو في زاتو
وانا المشتاق الاقي الزول يكون زاتي وأكون زاتو
يفتش زاتو في جواي وافتش زاتي في زاتو

[نسيم الشمال]

أنا مهما أفصح عن مشاعرى

برضو بيخونى الكلام

وقولة ( بحبك )

ما بتكفى وكل كلمات الغرام

يا منتهى الريد ومبتداه ..

يا الليا .. الله يسلمك ..

ويديكى لى طول العمر

وفى الدنيا يوم ما يألمك ..

[لبيب]

فتشت في كل الوهاد
وصيت روابي الحب
عشان لو شافتك
تضحك حنين
وتغطي أرصفة الدعاش بى رقتك

[ريانه إمام]

صحينى من هذا النجيع
غلبتنى فيك الحيله
يامرتع كلامى
ووحشتى
ومبهم غناى
وانشغالى ودهشتى

[لبيب]

[align=center]ومشيت افتش في الحروف
لكني أبد مالقيت
حرفا يساير روعتك
يقدر يشيل احساس شان يهديهو ليك ![/align][/size]