همس القوافى

[waya]

مافى إنسان يحكي ليكم عن دموع الناس وحبات العرق
يـروى غـربـة زول مـوالـف عـمـره لا راح لا مــرق
أصبـح الشـوق فـى حروفـو نـار عـلـى صفـحـة ورق
مافـى يـا نـاس قلـب يسـأل عـن غريـق شبعـان غــرق
شفـتـو: لـمـا اللـيـل يــروح والفـجـر يـفــرد جـنـاحـو
والعـيـون السـاهـرة تغـمـد والـقـلـب تـهــدأ جـراحــو
نحـن يـادوب يومنـا يبـدأ مـا ضـرورى يطـل صباحـو
أنحرمنـا مـن الحبـايـب وعشـنـا فــى الغـربـة البعـيـدة
كـل موجـة حـزن تمضـى بكـرة موجـة تـهـل جـديـدة
لا خـطـاب بحـمـل محـبـة ولا وصـيـة بــت نـريـدهـا
لا أمــــل يـنـعــش قـلـوبـنـا ولا خـيـالاتـنـا الـسـعـيـدة

[مها]

أملنا الباقى يسرح بى
وأسافر لى زمن تانى
تبقى الدنيا فى عينى
هجعة خطوة .. فى سكة فرح مفقود
ورحلة موجة فى بحر الأسى .. الممدود
ورجعة غنوة من درب الضنى المهدود
.. وأفتش ليك

[ريانه إمام]

أكونك
ينعدل حيلى
وأصونك
ينهدل شيلى..
وأحجيك
بالشجى الدّافى
تبِلِىّ حنينى تروينى
كأنك من صدىً صافى

[مها]

ياشاربة من لون الصباح
وصّلت ليك الشوق غرام
فتشت رسمك في النجوم
نوّرت بيك عمق الضلام

[بعد الزمن]

ياشاربة من لون الصباح
وصّلت ليك الشوق غرام
فتشت رسمك في النجوم
نوّرت بيك عمق الضلام

منورة عمق اعماقنا يا مها
صباح اللون الباهي

[مها]

منورة عمق اعماقنا يا مها
صباح اللون الباهي

النور نورك يا بعدو
مشتاقين...

[مها]

ده أنتِ مَعاَي… وفِي جوايْ
و شِدة مانِي مُشْتَاقْ ليكْ
شوقاً إنت ماحاسي ..
و لوْ عَبَّرتْ مُمْكِن أصِيبْ
أقول ليكِ أنتِ لما تغيبْ
احِسْكِ داخل أنفاسِيِ
نحِسَّكْ نِحنَ في الشَّهقة
و بين الشَّهْقةَ و الَّزفرةْ
نَحِس بي فَقدِكْ و نقَاسِيِ

[المونت]

[grade="00008b ff6347 008000 4b0082 ff1493"]برحل ليك ..
من وطني
ومن بلدا تلاهي عليكي مشتاقة
اشيل شوق الاهل جواي
اجيك بي كلي ماني براي
انا وقلبي
وعيون سبتيها رقراقة ..
***
تلوت الليل انا وشوقك
وخوفي عليك
قصاد عينيكي نتلاقا ..
***
ايا عينيك ..
وكت تمليها بالاشواق
وكت تشتاق
اشوف عينيكي براقة
***
محلك وين ؟
عشان ارحل
واقنب جمبك اتمهل
وتنيك ياجبنة الشوق
يلمنا يوم ضحك فاقة
***
برحل ليك
محل ما تكوني بتكوَن
وبتلوَن
علي غيمات رجاكي ُقُزح
واتشايح وجع اشواق
يطول زمن الفراق المُر
جروحي عليك
تسوي الوح ..
***
وارحل ليك
مع بحرا دميري تساب
محل ينساب
مريكبا شالتا الامواج
وانا المحتاج
عليك طلوُح..
***
لانك يا منى عمري
وياعمري
ياكي حبيبتي
من ماقمت من فتح[/grade]

[مها]

أهدي لي شي من حنانك
وَرِقَّةْ الوُرْقَ الحنوني
و سيبني أرشف من دعاشك
و أَرْوَيَ في الغيمْ الهتوني
خَدَّرْ الروح و المشاعر
ده الَمَحلْ عَجَّلْ منوني
لما فُتَّكْ مانسيتك
أنسي كيف نِنَّاتْ عيوني

[مها]

]
ما أظن تعرف أظِنَّكْ ..

إني شاعر من حُكَايّْ

و الحروف لو ما كَفَنَكْ

أو رفعتك فوق سماي

أصلو ما تَدِّيني حِنَّكْ

أو تساهم في هناي

[المونت]

ما أظن أنك أنتى عارفة

ريدى ليك جنة فى قاموس هواي

أنتى فى جواى واحة

ساقية للعشاق غراما

نابعة من قلبى البريدك

طالة فى دنياى منارة

مستحيل بعدك أريد

لو ما مكتوب لى فيك النهاية

[مها]

عندى بس حبة امانى
وحزمة ولا اتنين اغانى
. بحترق
قبال اوانى
ولمن يضحكو لى عيونك
بشتعل من تانى. تانى
بشتعل من تانى .. تانى

[صلاح محجوب عبداللطيف]

رَنّ وَتَرٌ مَقْطُوعٌ مِنْ رَجْفَةِ أُنْثَى
وانْسَابَ مُهْتَاجًا فِي دَفْتَرِ أَشْعَارِي
رَقّ فَتَهَافَتَ طَيْرٌ مَنْذُورٌ لِلْعُمْرِ
يَسْكُنُ تَحْتَ حَنِيْنِي ، يَغْسِلُ كُلَّ الأَوْزَارِ
هَذِيْ الأُنْثَى قُدَتْ مِنْ دِفءٍ و حَيَاه
غَازِلَةً فِي لَيْلِ العَاشِقِ حُلُمَ صِبَاه
فَانْتَبِهِي يَا زَفْرَةَ عُمْرِي
لِلْخَاطِفِ مُهْجَةَ عُمْرِي فِي صَمْتِ دُجَاه
وَلْنَخْطِفْ مِنْ رِقّةِ أَنْمُلِهَا
بَحْرًا جِنِيّاً و سَمَاءًا
أَو وَطَنَا مَنْقُوشًا بِزَبَرْجَدِ
أَو عَصْفًا مَضْفُورًا
فِي خِفّةِ شَعْرِ الأُنْثَى
آهٍ مِنْ ضَعْفِي ! إِذْ تَلْمَسُنِي
نَغَمَة شِعْرٍ مِنْ ثَغْرِكِ
أَو رّفَةُ خَوْفٍ تَنْهَانِي
أنْ أَسْبَحَ ضِدَ التَيّارِ
فِي عَيْنِ حَبِيْبٍ مَغْسُولٍ
بالنّوْرِ وبالنّارِ
فَاكِتُبْ رَقَمَ الجَوّالِ
وَانْثُرْ كَلَّ رَسَائِلِهَا
فَالْمَوْجُ العَاشِقُ للمَوْجَةِ
حِيْنَ يُلامِسُ زَغَبَ العُصْفُورِ
لا يَجْثُو بَلْ يَتَسَامَى يَتَبَخّرُ كَالمَاءِ المَغْلِيِّ
الإسْمُ: لَيْسَ مُهِمْ
السّنُ: لِيْسَ يُهِمْ
عِنْوَانُكِ عَيْنِي وَ قَصِيْدَة شِعْرِ
تَارِيْخُ هَوَانَا مَكْتُوبٌ فِي الدّفْتَرِ
تَسْأَلُنِي:
كَمْ عَدَدُ النّبَضَاتِ؟
نَبْضُكِ أَمْ نَبْضِي!
هَلْ يُدْرِكُ رَمْلُ الشّاطِئِ
عدَّ المَوْجَاتِ؟
هَلْ يُدْرِكُ ضَوْءُ الشّمْسِ
عدَّ المَوْجَاتِ؟
إنْسَكِبِي كَطَرِيْقٍ مَرصُوفٍ مَسْقُوفٍ
بالرّحْمَةِ
فِي رَنّةِ جّوّالِي
وانْتَسِبِي حِينَ تُلاقِينِي
عِنْدَ المِصْبَاحِ الضّوئيِّ
هَلْ لانَتْ بَعْضُ قَصَائِدِنَا؟
هَلْ بَانَتْ حِيْنَ تَأَوّهَ رَجُلٌ
مَكْدُودٌ فَوقَ سَرِيْرِ الكَشْفِ؟
إنْسَكِبِي
شلالَ ضِيَاءٍ يَسْكُنُنِي
يَفْتَحُ نُوّارًا شَرْقِيًّا فِي شُرْفَةِ عُمْرِي
يَمْزِجُ حِنّاءَ الكَفّيْنِ بالخَمْرِ المَسْكوبِ
فِي رَفّةِ جَنْبِي
إِنْدَلِعِي سِكِينًا مَرْشُوقًا مَا بَيْنَ الضّلْعِ
وَغِيَابِكِ عَنّي
مَشْغُولٌ وَقْتُكِ لا زَالَ
فِي عَدِّ النّبْضِ
سَوسَنُكِ السّاكِنُ قَبّرَة مِنْ جمْرٍ و رُخَامِ
بَيّتَ مَا بَيْنَ الرّوحَيْنِ وَداعًا
فانْقَلِبِي إلَيَّ لا ضِدّيْ
سَوسَنُكِ مَسْكُونٌ بالرّغْبَةِ فِي القَلْبِ
فانْقَلِبِي
لا زَالَ تِعْدَادُ عَلامَاتِ الرّجُلِ
الحيَوِيّةِ مَرْهُونٌ
بِجَفَافِ المُقْلَةِ و خُفُوت فِي شَفَتَيْكِ
مَنْ عَلّمَكِ
إِنْكَارَ اللّذةِ فِي الصّفْحِ!
و غَرَامَ الوّرْدَةِ بالشّوكِ!
هُزّيْنِي أَسّاقَطُ زَخَّاتٍ مِن عَنبَرِ
وَحَكَايَا رُبّانِ سَفِينَتِكِ
نَطوِي هَزَائِمَ رِحلَتِنَا ونَعُودُ
شِرَاعُ البّهجَةِ يَلْفَحُنَا
فنَعُودُ

[مها]

شعري الفيك ما بزيدك و يرفع

لأنك أصلاً سامق و عالي

و قولي الفيك كان دُرْ أقوالي

طبيعي الدر في العين بيلالي

و غيرك مين الدر البلمع

[waya]

[grade="008080 808080 008080 808080"]عبثاً ما أكتب سيدتي ..
إحساسي أكبر من لغتي ..
وشعوري نحوك ...
يتخطى صوتي ..
يتخطى حنجرتي ..
عبثاً ما أكتب ما دامت ..
كلماتي أوسع من شفتي ..
أكرهها كل كتاباتي ..
مشكلتي أنك مشكلتي[/grade]

[مها]

بشتاقلك
لكن لو تدري
عن قلّة حيلة نجماتي
برّاقه بتلمع و اوراقي
سمّتها شوارع آهاتي
فتران من دونك اكون وحدي
و اظنّك برضو بتلمحني
حين اشرح لليل ساعاتي
يحتاج ادفّق في وريدك
ارويلك وكتك بهديلي
بحتاج اتنفّس ترتيلك
للزمن الفهو بناديلك
بحتاج يا حبيب
اقعد جمبك
و اضمّك و احكيلك عنّك
يتكيّف لونك
و ترسمني
في بالك و اشتاقلك اكتر

[waya]

[grade="008080 808080 008080 808080"]ذنبك إنك إني بريدك أكتر منك
نفسك و لونك وصوتك وحسّك
وبرّاق سنك وسنة سيف العين
الطعنت قلبي الرادك وحي بي حنّك
زادن شوق الشوق الشاقّي مسافة
شقة راسك وآخر قدمك
ولسة الناس بالشوق راجينك......
ذنبك إنك ......
شايل ريدك جوّه عيونك
إلاّ الرشرش شرّ عليهن لون العتمة
وشرّك للمستني حضورك
وكيفن تبقى معاك القمرة
وضيّك ونورك ضوّ قليب الزول
الراجع ليك ومنك ...........
ذنبك إنك.......
هلّ هلالك وهلل كل الشافك
وشفّق روحو عشان الشعر النازل
فوق الحاجب حاجب لون الشمس
الفوق عينيك ماتشرق
وشارق فيك الدهشة وسارق
كل الناس السمحة قلوبم وما ناسينك.....
ذنبك إنك.........
لسه مجهجه بين ما تسرح
شان ما تسرح فيك الدنيا
وبين ما تفرح شان ما تلمح
صوت الغنية يردد فيها الطفل
الشافك وكانت طلّة وشّك منيه
وعيدو وعيد أولاد الحلّة الحلّ
الحزن الجاهم
وبين دقات القلب الرادك
هم شايلنك..........
ذنبك إنك إني بريدك أكترمنك
..[/grade]

[امال الناس]

لو كان لي قلبان
لعشت بواحد وابقيت قلبا في
هواك يتعذب.

انا احبك حاول ان تساعدني
فإن من بدأ المأسا ينهيها
وإن من فتح الابواب يغلقها
وإن من اشعل النيران يطفيها.

[لبيب]

القصة لمن تشتلك جواها بالحب
وانت بالحب برضو جواك تشتلا
وتكبر مساحات الحنين
والشوق يفيض يملاها شوق يتخللا
والبهجة تصبح في العيون
ترسل صبابات الغرام
وتكون بدايات السعادة
افراح وبهجة مكللة

[مها]

يا بخت الزمن الغطي الشمس
الفيك معتصمة
وشال الضو من خد النجمة
وسكن الجنة الفي عينيك..
يا حظ الدرب الماشي وسايب
قلبووطالع
ومنك راجع
وداخل ليك
يا بخت الشوق الفي البركان
متضرع وساجع
بحر مواجع
ثورة ريد متفجرة بيك
يا حظ الليل القاعد جنبك
بيك يتوارى
يقيف ويتضارى
يغطي سماهو بضي خديك