اجمل ماقرأت

[مها]

منو القال ليك انت الليلة
جايى يادوب
منو القال ليك
مهاجر هسة جوة قلوب
ومين قال ليك
ليك زمان تفتش لى
مدن ودروب
ما انت معايا فى جواى
غرستك من ثمار دمى
وبنيت منك جمال دنياى
واحبك انت فجراً طلّ
فرّح ناس
وخطّ بدمو كلمة ريد
بقت تاريخ
بنى وشيد عليها الساس
واريدك
انت مطراً جاء وسقى التيراب
وصبحت بيك حياتو خريف
وجدول فرحة فيك منساب
يناغم قلبى فيك ويقول
تعال نفرش دروب الريدة للاحباب
بزهرة حب جذورها حنان
غصونا امان
ثمارا بتدى طعم الريد
وريد بيسعد الانسان
مادام ما انت باقى معايا
فى جواى
غرستك من ثمار دمى
وبنيت منك جمال دنياى
حأبنى الدنيا جنة ريد
واعطر بيها ديما غنا

[ناجي عثمان عبد الرازق]

مين فكرك تهدى الحروف
لي زول ظروفو اتبدلت
عــاش الربيع بعد الجفاف
وايامو نــدّت وخضـــــــــرت
فيض الحنان ودفو الربيع
سرف الامـــــــــانى اتنضرت
ومن الحدائق والرياض
رســــــل الورود جات باركت
كل الاحبة فى كل مكان
دقات قلــــــــــــــوبهم أبرقت
*** *** ***

[مها]

رجيت غيم الامل ينزل بعد شال السحاب حنيت
وقلتا علي بكب مطرك رقدتا براي هناك غنيت
نسجتا من الولف زخات بعد ريق الوجع بليت
فردتا لهاتي بي صوتك وقلبك بالفرح غتيت

رجيتك وكنت مابحلم وما سديت وراي البيت
وما تاكيت لهيب الشوق عشان شوقك يقول غبيت
رجيتك زي حلم ممدود يهذ ثقر النجم دوبيت
وشلتك في عيوني نعاس وقلتا عليك بس يلريت

...؟

[طلال الحكيم]

في عيون الناس بفتش ليك .......
يمكن قلبي يلقاك يا بسلم جراحاتو ....

وأفتش ليك بين جمار الشوق
وبين جبال الهم
وبين لهيب بعدك ولفحاتو .......
جمار الشوق منو القادر يطفيها
جمار ما بترحم أنين الزول ودمعاتو ..

جمار ما بتخمد من غير مطر رؤياك
وغير دعاشات وصلك ورزازاتو ....

وأعاين لبرق أسنانك الضاوي
وأتنسم شذى عطرك الفواح و نفحاتو ....

فتعالي وأمطري فرحا في صحاري العمر
بغيثك يفرح القلب ويرقص تحت زخاتو ....

[تائب]

قال
القصه ماقصة كبار عايشين تجارب أوصغار
القصه قصة جيل خلاص فقد الغيم والإزدهار
,,,,,,,,,,,,,,,,,
وأنا بقول
يا زول أقيف
يا زول أقيف ,, القصه ما قصة رغيف
القصه قصة شعب واقع داير يقيف

[مها]

أملأ قلبك بالوطن ... بالصُّغارْ
قومة العمال دَغَش ... بالنّضارْ
المزارعية الغُبُش .. بالجنود الوين تخش في سبيلك كالنهارْ
بالمداد الما بيغُش .. بي وتر جاء من الجحيمْ
أملأ قلبك بالنسيمْ
ملِّي بالطير الرطنْ
طيبة والعالم قديم ... ينسى كالريح ... المحنْ
خلِّي بالَك مستقيم دغري وإن مال الزمنْ
راحل الليل البهيم والبصيرات ما عِمَنْ
الظروف الليلي أبن ... طيبة لا خوف لا حزنْ
باكر التِّقْيات تنورق وتنملي الضرعات لبنْ
طيبة يا صمت الحنين كلما طفاهو همْ
لا في آهة ولا أنين لا بيروع ليح ودمْ
من مرارات السنين من عصارات الألْم
بيمرق الشوق الدفين بي كعنكيل العشمْ
احكي ليك يا طيبة حكوة
ذات زمان من ضيق وقسوة
وكل يوم من بارحو اسوأ
والمراحات قاطي قطْ
فجأة في قلب السماء ... غيمة غيمتين .. غيم ربطْ
كتمة حتى الطين عِرِقْ
والشجر قرب يَبِقْ
إلا يا طيبة الخَلِقْ ... من بدل تفرح تَنِقْ
الشِّكايات ... السخط .. لا السُّحب دارت تَصُبْ
لا الهبوب داير تَهُبْ
نسمة نسمة آ رب هبوبكْ
من شمالك من جنوبكْ
الهبوب يا رب هبوبكْ
من شروقك من غروبكْ
من تحت من فوق هبوبكْ
كتمة كتمة معاها ضيقة
نسمة يا رب الخليقة
سكت الأطفال دقيقة
نبكي خش آ حول في حول ...
ظاهر الحال ماهو مخفي ....... وقولنا فيك ما فيهو قول
نسمة كل راس ساعة تكفي ....... نسمة واحدة لألف زول
ينطلي الجو بالَحمَارْ
فجأة من حر لي غبارْ
الطشاشات الدّوارْ
السبابات النِّقارْ
نقة الضيق تنطلقْ
قلنا فاقت باتت أزحمْ ...
الغبار من كتمة أرحمْ ...
أرحم الحر البيلحم ... لا ده لا ده ولا فرق
طيبة تمي الحكوة قولي
الصّبرُ خلقوهو هولي
الزمن يقسى ويَرِقْ .. وانتي يا كتمات تطولي
اليطول بال الخلق .. طَرِّقْ الغنوات يا زولي
عدّ فات الريح شَرِقْ من بعد ما جاب سحاب
من بعد قشّ التراب ... مشط القش والشجر
رجّع الطير للوكرْ
ها البرق شال البرق .. الرعد ريحة الدعاش
ابشروا بالخير نقطت أي والله المطر

[تائب]

ياحليل نعم
منك نغم
وحياتى من بعدك ندم
شوف الوصال ياحبيب تعال
وأنقذ حياتى من العدم
قول ليهو بادلنا الوفا
من يوم بعادك نومنا غادرنا وجفا

[ناجي عثمان عبد الرازق]

[quote="مها"][align=center][align=center]منو القال ليك انت الليلة
جايى يادوب
منو القال ليك
مهاجر هسة جوة قلوب
ومين قال ليك
ليك زمان تفتش لى
مدن ودروب
ما انت معايا فى جواى
غرستك من ثمار دمى
وبنيت منك جمال دنياى
واحبك انت فجراً طلّ
فرّح ناس
وخطّ بدمو كلمة ريد
بقت تاريخ
بنى وشيد عليها الساس
واريدك
انت مطراً جاء وسقى التيراب
وصبحت بيك حياتو خريف
وجدول فرحة فيك منساب
يناغم قلبى فيك ويقول
تعال نفرش دروب الريدة للاحباب
بزهرة حب جذورها حنان
غصونا امان
ثمارا بتدى طعم الريد
وريد بيسعد الانسان
مادام ما انت باقى معايا
فى جواى
غرستك من ثمار دمى
وبنيت منك جمال دنياى
حأبنى الدنيا جنة ريد
واعطر بيها ديما غنا[/align][/align][/quote]

شكرا جزيلا السمحة

عطرتي مسانا بانسان عطر وجداني منذ صباي بالحنين والحب والكلمات الصادقة

ابوعركي عشق دفين[/color]

[مها]

شكرا جزيلا السمحة

عطرتي مسانا بانسان عطر وجداني منذ صباي بالحنين والحب والكلمات الصادقة

ابوعركي عشق دفين

ابو عركى .... عملاق ...الكلمة واللحن والاداء
ذلك النغم الذى يسرى فى وجدان كل من يستشف الشعر والكلمه
ولكنه قليل العطاء ولا عجبا بذلك
اذا كان الاذان بلا قياس فلا عجب اذا سكت المغنى
ناجى ...رفيق الدرب لك مودتى

[ناجي عثمان عبد الرازق]

[quote="مها"][align=justify]ابو عركى .... عملاق ...الكلمة واللحن والاداءذلك النغم الذى يسرى فى وجدان كل من يستشف الشعر والكلمهولكنه قليل العطاء ولا عجبا بذلكاذا كان الاذان بلا قياس فلا عجب اذا سكت المغنىناجى ...رفيق الدرب لك مودتى[/align][/quote]

حاولت امنع نفسى منك وتااانى ما امشى واجيك
ورحلت عنك وعن ديارى وهدمت كل امل لديك
وبرضى مااا قادر لماااا اسيبك لما انساااك بشتهيك
مع كل دفقااااتى الحنينة وكل دمعة شوق سجينة
تهااااتى بيك روحى الحزينة واشقى لماااا تهاتى بيك
ورينى كيف اغفر وانت هدمت كل آمالى فيك
ما كنتا قايل أنا يوم بلااااقى الحب ولاااا بكشف دروبو
ولا قلبى من شدة إبااااهو تقدر بتقدر الأشواق تذيبو
لكن غرامك حبه حبه صاااالاهو بنارو ولهيبو
وسرقت قلبى ياااا حبيبى تانى كيف منك اجيبو
انت يا نااااكر غرامو قلبى ماااا بتسمع كلامو
وبدون سبب يرضيك خصااامو لوعة العشاااق تصيبو
تنسانى يا ظاااالم وقلبى معاااك مفتكرك حبيبو

[/color]

[تائب]

حاولت امنع نفسى منك وتااانى ما امشى واجيك
ورحلت عنك وعن ديارى وهدمت كل امل لديك
وبرضى مااا قادر لماااا اسيبك لما انساااك بشتهيك
مع كل دفقااااتى الحنينة وكل دمعة شوق سجينة
تهااااتى بيك روحى الحزينة واشقى لماااا تهاتى بيك
ورينى كيف اغفر وانت هدمت كل آمالى فيك
ما كنتا قايل أنا يوم بلااااقى الحب ولاااا بكشف دروبو
ولا قلبى من شدة إبااااهو تقدر بتقدر الأشواق تذيبو
لكن غرامك حبه حبه صاااالاهو بنارو ولهيبو
وسرقت قلبى ياااا حبيبى تانى كيف منك اجيبو
انت يا نااااكر غرامو قلبى ماااا بتسمع كلامو
وبدون سبب يرضيك خصااامو لوعة العشاااق تصيبو
تنسانى يا ظاااالم وقلبى معاااك مفتكرك حبيبو

تأمل معى هذه الصوره الرائعه
متكى كتيفه ,,تلة إيده
,,حتى الحنٍه ديك ما نسيته

[عجوز]

ياسلام لو اي زول
يوم تضيق الدنيا بيهو
يقدر يلقى وسط همومو
زول حنين يسأل عليهو
زول تفتش ليو روحك
لما تحتار تمشي ليهو
ولما تمرق من دواخلك
او تضيع منك مداخلك
تبقى مارق شان تجيهو
__________________

[مها]

سأسكب بعض عبير الكلام

وأزرع بالحب قلب القمر

وأنثر من مقتليك السهام

وقد ينثر الشعر سهم النظر

ففي نَفَسي من لهيب المحبة

درٌّ تشكَّل أبهى الصور

وفيَّ من القبلات القوافي

طلٌّ على وجنتيك انهمر

أيا جنتي كم صبرت طويلا

وكم آلمتني دموع السهر

وكم رددت في علاها النجوم

صدى لهفتي واستهام الحجر

وإني لأصرخ أني غريق

ببحر المودة شوقي مطر

فلا أنصفتني رياح الحنين

ولا جاوبتني طيوف البشر


كتبت فهل ردّني ما كتبت؟؟

وصحت فهل يستجيب القدر؟؟؟

[ناجي عثمان عبد الرازق]

[align=center]اشتقت إليك

تدفعني أفراح الآخرين إليك
اليوم صباح الفرح, وأنا أصبحت أخاف الفرح
لأننا نصبح أنانيّين عندما نفرح
يجب أن أحزن قليًلا كي أظلّ معك
ثمّ إنّ الفرح لا يلهمني
وأنا أريد أن أكتب شيئًا على ورق مدرسي
أكره أن أترك كلماتي على البطاقات المستوردة للأفراح
فأشكالها الفرحة.. تعمّق حزني.
***
لو كتبت لك بطاقة في بداية هذه السنة لقلت:
"لأنك...
ولأّنني...
أتمّنى أن..."
و كان لابدّ أن تملأ أنت الفراغ..
أؤمن أنّ مهمة الرجل ملء الفراغ
الفراغ الأرضيّ
الفراغ الكونيّ
الفراغ في قلب إمرأة
***
يحدث أن أمتلئ بك..
يوم حدث هذا وضعت حدًّا للحزن المسالم
وبدأت أجمع صور الشهداء
يو م حدث هذا.. قلت أنك قادر على امتلاكي
الآن ترحل.
كنت رصيف فرح

الآن يجب أن أتعوّد الوقوف على أرصفة أخرى
سأذكرك
تعّلمت معك أن أعود إلى طفولتي
أن أ حبّ البسطاء
أن أرتبّ خريطة هذاالوطن
وأقف في صف الفقراء..[/align][/color][/quote]

[ناجي عثمان عبد الرازق]

أتدري ....
"احساسي أكبر من لغتي
وشعوري نحوك يتخطى صوتي
يتخطى حنجرتي "

ترقص اللحظة في كفي
كلماتي...
أنثر الصوت في ابتسامتي
وآهاتي ....
أسأل السؤال ...!!!
وبقلبي كل الاجاباتي ..
وانت ترمقني بتلك النظرة حيناً..!!
وحينا تجافيني النظراتِ
مالي وإياك يا رجلاً..؟
تسرق من جفون الصحو
ابتساماتي ...
مالي وإياك وقد باتت
آمالي ليدك مجرد خيالاتِ
أأدعوا القلب لحبك ..!!؟؟
وقد عصفت بجنون الحب الحكايات
فلا خير في حب إذا ...
لم يكن عبادة تضاهي كل العبادات

[الأميرالحب]

[all1=00ffff]

اعلمي ......؟ ,
اعلم يا تؤام روحي ....كم اهواك ...

اعلمي لهيب قلبي ....

لو تطلبي البحر .. لنزفت من عيني بحرا من دموع ..

لو تطلبي الشمس .. في كفيك ارميها ....

اعشقك .. على الغيوم اكتبها ...

اهواك ....فوق المياه انقشها ....

احبك ... من النجوم اكتبها ..

اعلمي يا روح ..

ان من اشعل النيران يطفئها ...

فأنت من اشعلت بقلبي نيران حبك ..

فعليك ان تطفئيها بفرح لقاؤنا ...

حبيبتي ...

كم حلمت بذلك اللقاء ...يوم القاك بثوبك الابيض ..
.بشعرك الشلال ... بأشراقه عينيك ...

يوم نلتقي بين حدائق الياسمين ...

واتخيل كيف سأرتمي بين احضانك ..
.وكيف سأنزف كل همومي بدفئ يديك ...

وكيف سأموت موته عاشق على صدرك ...

لأخلد بموتي ذكرى عشق رائع ..

اعلمي يا تؤام روحي اعلمي ...

حبيبتي ... اعذري غيابي ...

فأن الشمس تكون احلى عندما تحاول الغياب ..
.لتشرق من جديد بأمل جديد ...

فغيابي لن يكون الا لأرجع لك كشعله مضيئه تنير عتمه الغياب ,...

تؤام روحي ....
لايوجد عندي حروف او كلمات توصف غرامك وعشقك ..
. فأنت نبض قلبي وروحي التي اعيش فيها ..

ودكبوشيـــــــــــــــه

[/all1]

[صلاح الدين محمد]

عشان لما الصباح يصبح .. تلاقي الدنيا فرحانة
وتبقى الدنيا حالا زين .. ونسعد نحنا باللمة

[مها]

بجيلك
من هدير الموج
ومن سكة مشي الضفة
ومن درب النزيف أسكب
غناوي أنيقة ملتفة
بجيلك
لما صمت الليل
يفوت حدو ويزيد لهفة
ولما الوردة
تلبس من حروفك توب
ومن مرض الغرام تشفى
محل ما شوقي يبكي عليك
ووين ما الدهشة تصطف
بجيلك زي شعاع النور
وزي برق المحبة العاش
يداري مجيهو بالصدفة
بجيلك قيف بحر زعلان
تغسّلو دمعة من عاشق
حبيبتو اتغابت العرفة
وقلبو النازف المجروح
بترسم عفتو العفة
تدور الدنيا زي ما تدور
وأقيف عندك
قصيدة خجولة لما تشوف
صفاك تصفى
عليك ذات الحقيقة سؤال
شنو الخلاك
تباري سحابة مجنونة
وبدون كلفة
تقيفي تعايني لي قمراً
سرق أنوارو من وشك
وشيّد همسو ليك غرفة

[مها]

هرب منى الكلام ..
و ماتت جواى كل الحروف ..
وكل القوافى التايهة فى عمق المهج
أصبحت زى زولاً جريح
ينزف دماه السايلة من شريان وقف
و فجأة صحانى الوتر وكتين عزف ..
أجمل حروف ..
ضمت معانى الإلفة والشوق النزف ..
شديت على وتر الزمن
وعزفت أنشودة شرف ..
غنت معاى كل العوالم و العواصم
غنوة ممزوجة بى فرحة أسير
إتفك من حضن الصلف
و بارك الحب المفرهد فى الحنايا ...
و بارك الأمل البيوقد للنهاية
وجيت أقول :
أنو الحقيقة الغايبة يا أجمل قدر
أنك معاى فى كل لحظة تمر من عمرى النضر
و إنك وحيد ...إنك ملاك وسواك بشر
إنك عظيم .. إنك نبيل
و أتمنى ليك ..
يا أنت
يا كل المنى وكل العمر
تفضل نبيل زى ما عرفتك يا قمر ...
تفضل ملاك مهما دهاك من القدر
تفضل معاى ..
نهدى للكون التحايا ...
ونهدى للناس الزهر
............

[صلاح الدين محمد]

مهما أجــــــــــــرب النسيان

ألأقي الشــــــــــــــــــوق يمتد