اجمل ماقرأت

[صلاح الدين محمد]

لما افوت جوه حنايا الكلمة
أتوسد حسك والأشواق
وارجع تاني أفكر فيك
ألقى قليبي معاك ما بستحمل

[مها]

عذاب أيامي لو عارفاو بعيش
لحظاتو بالسنوات ...
يسيل مني الدمع جارف عشان فُرقة
عيون غاليات ...
فراق عينيك قتل جواى ثوابت ريدة
ما مايلات ...
و رغم البعد بيناتنا قوافل ريدنا
متلاقيات ...
و لو بعدُت خطاي منك ضفاف أرواحنا
بيك سارحات ...
أجيك خاطري الجميل مكسور
عشان طيفك غلبني ثبات

...

[ناجي عثمان عبد الرازق]

[align=center]لم أعرف أبدا أن الدمع هو الانسان...

..إن الإنسان بلا حزن.. ذكرى إنساااااااان ..

إليك أيها الرجل..

إلى من أحببته بكل وجل..

إليك يا من كانت كلماتك..

كطعم العسل..

رجلي الفاخر..

تناهت لمسمعي مؤخرا..

قصة خيانة مرة..

سمعت أنك تخونني بشدة..

علمت أنك لا تأبه لي البتة..

هل هذا هو من أحببته بغبطة..

يا رجلي الفاخر..


إني أناديك بكل نداءات الشفقة..

علك تحطم اليأس الذي..

بات يتسلل لإحلامي بقسوة..

علك تضمني لحبات مسبحتك العذبة..

علك تصهرني بين أناملك الخشنة..

أمسيت أنظر إلى تعابير وجهك..

وأرى فيها قصة حب لأنثى حاقدة..

سيدي هل تذكر..

ذلك اليوم الذي كنت أريد أن أعبر..

حدود الطريق ثم..

وقعت عيناي على أجمل منظر..

وقعت على عيناك المحتالة في ذلك المعبر..

وقتها..حينها..عندها..

أحسست بهدوء..ببرد..بعبير ومرمر..

ما حدث هو أنك صوبتني..

بسهامك البارعة..

فأصبت روحي في مقتل..

يا رجلي الفاخر..


وهل تذكر تلك الليلة..

حين تقابلنا على ضوء القمر..

حين أرادت أن تلامس يداك يدي..

فأبيت على استحياء..

وغادرت المكان بكل عظمة ومفخر..

عندما قلت لي..

هل يمكنني التشرف بالحضور إلى المنزل..

فجاوبتك بخجل..

دعني أخبر والدتي وجدتي..

وأستشير أخي الأصغر..

وبعدها..

وافقت على طلبك..

وانتظرتك على أحر من الجمر..

وحين أتيت..

حين حييتك وأجلستك بقرب المبخر..

حين طيبتك بعطر شوقي..

ومسك حبي..

وبعض أنواع الياسمين المعطر..

لم أنسى حين كنت..

تصف بفرحة رقة خجلي..

عند أهلي وعند رفاقك في العمل..

يا رجلي الفاخر..

هل تذكر..

حين توجنا حبنا بزفاف رائع..

في ذلك الليل المفتخر..

حين زفنا بكل فرحة..

كل أطفال الحي الأحمر..

حين همست لي بكل رقة..

.. احبكي..

بكل إحساس..

.. أحبكي ..

من قدمي إلى أعالي الراس..

حينها..

بغير إحساس حضنتك..

ودمعت عيني..

من رقة الإحساس..

يا رجلي الفاخر..

هل تذكر..

حين أتيتني حزينا بائسا..

تردد ألحان الأسف..

سألتك..

مابال قلبي كاسفا شقيا..

فقلت لي..

أنك تمر بضائقة وألم..

حينها..

فسخت عقدي الجوهري الثمين..

وقلت لك بكل فرح..

خذه وفك ضيقتك..

خذه علك تقتل الحزن الذي..

يتربع في وسط عينيك..

حينها خرجت متهللا مسرعا..

انتظرتك لبضع ساعات..

حين اتيت بابتسامة أضائت..

أرجاء البيت..

حين قلت لي..

..بدونكي تنتهي حياتي وتبدأ معاناتي..

حينها قبلتك بشغف..

وتمنيت ان لا تغيب عني إلى الأبد..

يا رجلي الفاخر..


وبعد كل هذه الذكريات الحنونة..

تاتي امرأة غيري..

لتحتل قلبك الحنون بكل حرية..

لا...

لن أرضى بهكذا هراء..

سأعمل جهدي لأطردها في كل خواء..

سأسعى لقتلها..

بطريقة عشقي بجنون أطفال قلبي..

الأطفال الذين لا يطيقون سواك..

بت أتألم..

حين أراها تتأمل سناك..
حين رأيتها يوما..

تضم صورتك لقلبها بكل ارتباك..

يا رجلي الفاخر..

أنت لي..

لست لامرأة سواي..

أنت حبي القديم..

لست كأي حب ثان..

أنت عشقي السرمدي العظيم..

لست كأي عشق كان..

يا رجلي الفاخر..


أين مشاعرنا الراقية..

أين ذلك الطفل الرضيع..

أين ذكرانا..

منذ ذلك اليوم الأخير..

أين زجاجة عطرك..

أين نظارتك الأبية السوداء..

أين روعة حنجرتك حين تغني..

أين بقية أشيائك..

أين ابتسامتك الحسناء..

يا رجلي الفاخر..

إليك أيها الرجل..

إلى من أحببته بكل وجل..

أرجو أن تعود..

عما قريب..

لتنير غرفتك التي..

أعياها الظلام..

أرجو أن تعود..

لتعشقني من جديد..

لكي تظمني..

وأذوب فيك بكل حنين..


إليك يا رجلي الفاخر..

ذكرى انسان....[/align]

[طلال الحكيم]

[align=center]أمسي وأصبح من تذكاركم وَصِباً

يرثى ليَ المشفقان الأهل ُ والولد ُ

قد خدّد الدمــع خدي من تذكركم

وأعتادني المضنيان الوجد والكمدُ

وغاب عن مقلتي نومي لغيبتكم

وخانني المسعفان الصبر والجلدُ

لآ غرو للدمع تجـــري غواربه

وتحته الفائضان القلب والكبدُ

لم يبق غيرُ خفيِّ الروح في جسدي

فداكم الباقيان الـــــروح والجسد ُ[/align][/color][/b]

[صلاح الدين محمد]

يا ساكن.... قلبـــــــــي داء
حبك في..نفســي لا يوصف
سمعت.... بالحب حتــــــــى
صابني... واقلق مضجعــي
هزني.... الفؤاد بيـــــــــــن
أضلعي..... ومن شـــــــــدة
الحب ...........أرجـــــــــف
ســـرى.. داءه بجســــــمي
وعروقــــــي ........ وبـــت
أرهــف ....... وأعانـــــــي
أشــــــرقت....في جوارحي

[مها]

لا بنفـع بكايـا عليـك ولا طـول النـدم بنفـع
ولا نار العـذاب بتمـوت ولا زمن الفـرح برجـع
ولا ذكراك يـوم بتغيـب ولا شمس الامـل تطلـع
ولا صدقنا يـوم بالفرقـة ولابننفيهـا مـا بينـفـع
ولا عايشين حياة النـاس ولا روح السجـم تطلـع
ولا ابطأنا فيهـو الريـد ولا عارفين غدرنا اسرع
ولا عاملين حساب الشوق ولا عارفـنـو بتـوسـع
ولاقايلين بكانـا بطـول ولا كـان هـو متوقـع
ولا اتمنينا غيـر ريدتنـا ولا في غيرا لينـا طمـع
ولا كملنا مشـوار ريدنـا ولا قادرين كمان نرجـع
ولا لمينا شاطـي اللقيـا ولا بالفرقـة دار نقـنـع

[طلال الحكيم]

رُب ورقاء هتوف في الضحى

ذات شجو صدحت على فنن ِ

ذكرتْ خِلا ًوعهدا ً سالفا

فبكت حزنا ً فهاجت حـَزني

فبكائي ربما أرَّقها

وبكاها ربما أرقني

ولقد تشكو فما أسمعها

ولقد أشكو فما تسمعني

غير أني بالجوى أعرفها

وهي أيضا ً بالجوى تعرفني

[طلال الحكيم]

مالت تودعني والدمع يغمرها

كما يميلُ نسيم الريح بالغصن ِ

ثم إستمرت وقالت وهي باكية

يا ليت معرفتي إياك لم تـَكُن ِ

[طلال الحكيم]

[align=center]

أنا كنت فاكرك ليـّا ...

ناسي الزمن وأحكامو ..

هم البريد في يومو .. ما بدور يشوف قدامو ...

تاري الزمن بحرمني ...منك بعيد يفرقني

يظلم سنينا السمحة ... وينسى العذاب البيا

أنا ما بلومك إنت

مهما الدموع تتحدر ... تغلبني غصبا عني

ده البينا أكبر وأكبر

من قلبي ليك بتمنى ... تسعد وكمان تتهنا

مجبور أسامحك أنا

وأمسح دموع عينيا[/align]

[طلال الحكيم]

أقول لظبي مرّ بي وهو راتع

أأنت أخو ليلى؟ فقال :يـُقالُ

فقلتُ يـُقال المستجير بأرضكم

إذا ما جنى ذنبا ً فقال :يـُقالُ

فقلت ُ أفي ظل الأراكة والنقا

يقال ويسترخي فقال : يـُقالُ

[مها]

النــوم تعــال النــوم تعال


لــون الخــدار
رنــة خلخـــال
بت السرور ود الحــلال
عنــد اللزوم.. ضُــل الغيــوم
هبــة نســيم ... غالبــة الســموم
حملاً خفيــف واحلامنا طيــف
دلــع الجهــال
بديــك ريــــال


وليــدنا تــاتــا .. اتنيــن تلاتــة
قــدم الحمــام ..زمــن الفــطام
وعرف الكــلام
زاد العيــار.. جــرى بالديــار
بنيــة عمة ومنـانا تمــة ووليــدنا خال


وهــاك يا ســؤال
والقمــرة دي كانــت هــلال
وأبوك ما جــا غنــوة وموَال
طعم المكـان..مشــى لي الدكــان
دخـل الجيــران
خلــي الخمج ! ما تمش حفيــان
النهــار ما حــار... ســيب الإستهبــال
وهــاك النعــال


جــزمة وشــراب .. لعــب التــراب
عــرف الحســاب
قســمة وطرح .. فهــم الشــرح
والإختصـــــــــار
جيـد لــي أنا
قرا للجــواب
دا الإنتصــــار


والريــد الريـــد
بنيــتي صيـــد ... عيــون المهــا
عجــب أُمَــها
شــبه الغــزال


لبســت حلق والفــرحة عيــد
هــوى من بعيــد لاقي المجــال


قــولو الصلا من الحــلا
خـــدرة وســـمار
ما جيــدنا طــــال
للســلســلة
احتــوى واســتدار
لغــة الحــوار
والثــــرثـــرة


ولعــب البنــات ..ســكر نبــات
والنجــار عاوز الفلوس
بتــي العروس
فرشـوا البــرش
للتــرتـــرة
والفــلوس عنــد الســلطان
ولــدك عريــس ..لبــس الخروس
ربــط الهــلال
مبــروك عليــك
تســتاهــلا


فــرحة صــغار ..وغنانا ســار
يــوم الخميــس صفقــة ورقيــص
وضُــل الضحــى واحــة النهــار
يــا فاطمــة بنت النبــي
بنــت الرســول
طلقــوا البخــور
مابــي الرُقـــــــاد .. عيــن الســـواد
عيــن الصــبي أب شــراً غبــي
أصبحتــوا كيــف؟؟ ما شــوية طــاب!!
ولــدي الاربــاب .. وربــي استــجاب
مشــى في خيــار ...والمــولى قال
للابتهـــال
عــافيـــة ونــــوال


والشمــس غابــت
زارنــا النــعاس
ويــن الكراس
حفظ الســور ويا يابا شنــو يعنــي الخناس
يا بــت خـــلاس
هــاك اللبــن .. وحبــة عجــن
واللبن تحــت البقــر والبقــر عاوز حشــيش
والحشيــش عاوز مــطر


وفــي الأحـــلام
بقيــت كبيــــــــــر
أحســن بنيــة ولا وليــد أخيــر
مرات أقــع من الســرير
مرات أطيــر في بســاط حريــر


يا حليلا ديــك .. كانــت أيــام
زمــن الصُلح سـابق الخصــام
زمــن الصغــير ســمع الكــلام


وأهــو بنعيــد
شيــتاً قصــص وشيــتاً نشـــــــيد


ذكرى الحرد والإعتــذار
يا حليــلي في زمــن الجهــل
يا حليــلنا نحن وكــت صـغار

[صلاح الدين محمد]

اني متيمآ ياللهوي من معذب
كم تمنيت ان ارتاح علي مقلتيك
وكم وكم انا بالهوي متيم

[مها]

قدرَك معاي
قدر الكلام الما مرق من بين لهاة الأحجيات
قدر العصافير البترحل دون حقايب وأمنيات
قدر النخيل الفي الرياح بيجابد الخوف والموات

قدرَك معاي
مهما يطول بينا العمر ويرمينا في وش الشتات
ينبت علي بور الفراق ويزهر هوانا القلنا مات

يالعندي أكبر من أقولَك
وأفصِحَك لحظة سكات

أنا في القوافي بسكِنَك
وسط اللحون والأغنيات

بعضَك أنا وكلي إحتشادَك
ودونَك الواقع رفات

لو تعرِفَك كل المدن
تنسي إندهاشا وتندهش

لو يسرقَك مني الكلام
والداسي مِنَّك ينهبش

تملا الزغاريد القري
ويجافي نوم العين رمش

يامبدع الحلم الجميل
والدنيا ضلمة وضي شمس

كيف في منامي إتغزلَك
ورؤياك تقرب تتلمس

أنا مابريدَك شان بريد
لا بعشقَك ساكت عبس

أنا بكتِبَك بي دم غناي
بي شهقة الروح والنفَس

وأغتغِتَك من عين هواي
وأدس هواك جواي دس

لو عارف إني عليك بعيش
ما كنتَ تبخل بي النفس

دوارة دنياك ياحبيب
دهستني بالأقدار دهس

جرَّت علي ممحاة جفاك
ورتني من صدك جنس

ياشعرة الريدة البدت
من غير أجابدا تنقطع

الحكمة في جورَك أكون
إنسان مضيع ومنقطع

ولا بتخاف قلبك يحن
والبيهو في يوم ينسمع

أم إنت ظالم بس عشان
ظلم الحبيب عندك طبع

أنا بسألك قبال عينيك
تفضح هواك وسط الدمع

لو لوحت إيد في إشتياق
دايرانا نرجع ونجتمع

هل تصفو ياجافي وتعود
أم من هواك تالاي قنع

جواي عهدي معاك زمان
عشم البحب ما بينقطع

ورغم إنتظارك بالسنين
لسة إشتهاك جواي يشع

ولسة المداخل فاتحة ليك
ما داب من الهجر الشمع

[مها]

في ضــــل الـضـحـى الــرامـي ..‏
وشــمــس شــتـويـة دفــايـة ..‏
وريـحة الـبن ، لـما يـفوح فـي قلاية..‏
وفــــــــروة جـــــــدي .‏
صـورة جـدي لـمن جـيت أمـد يـدي :‏
‏(جــــدي.. أديــنـي تـعـريـفة )..‏
‏(بـتـقرا الـحـمدو يــا الـمـبروك )..‏
‏(بـقـرها وشــان تـعـريفه الـقـاه)..‏
بــجـود فـــي الـقـراية كـمـان ..‏
وايـــه يـــا يـمـة والله زمــان !!‏
وســبـحـة ( بــنــت الــفـكـي)‏
والــطــوريـة .. والـــواســوق..‏
وسـعف حـبوبة ، والـكورية ، والحنقوق
وصــوت ( سـعدية ) بـت جـيرانا ...‏
تـشـحـد لـيـهـا فـــي طـايـوق.‏
وصـوت (عرفه) لما تخمج الدلوكة غناية...‏
وحـبـة فـريـك ، لـموه لـي رمـضان
مــصــرور فـــي مـخـلايـة ...‏
صــــور مــحـفـورة جــوايــا.‏
ومــــــــن يـــــــوم داك..‏
ولـــي الـلـيـلة ، ولـــي iiبـكـرة
وبــــعــــد بــــاكــــر..‏
شــان الـزمن غـدار ومـا مـعروف..‏
زمــــــــن مــــكــــار ،
زمـانـا كـلـو خــوف فــي خـوف
وايـــه يـــا يـمـة والله زمــان !!‏
مـشـتاق يـمـه لـي مـلاح الـنعيمية..‏
وريــحــة صــاجـك الـمـحـروق
ولـــمــا تــســوي طـعـمـيـة
وغـــــبـــــاشــــة روب ،
وعــــنــــزة حــــلــــوب
بـــدور أرجـــع أجـيـكي هـنـاك
ضــاقـت بــيـا يــا يـمـه هـنـا
بــــدور أتــمـسـى بـعـيـونـك
وأصـابـحـك يـــا حـبـيـبتي أنــا
صــبـاح الـخـير عـلـي عـيـونك.‏
اتـــاري الـدنـيـا مــن دونــك...‏
شـيـنـة ومـــرة مـــا بـتـنـدار
ومــــرة مـــرارة يـــا يــمـه
دي مـــرة وحـــارة زي الــنـار..‏
ولو بتدوري احكيلك كيف أحوالي في البندر ،
مـــن ويـــن عـايـزة ابـدالـك ؟؟
مـــو شـيـتـا غـريـب وعـجـيب
ده شـيـتا كـلـو شـيـن فــي شـيـن
هــنـا الـــزول الـعـديل ونـصـيح
وحــاتـك انـــت يـــا الـغـالـية
بـــعـــيــش حـــيــاتــو...‏
يــومــاتـي بــــي وشــيــن..‏
وزولــتــي الــحـتـي حـبـيـتها .‏
لـقـيتها بــراي ، تـحـب زولـيـن .‏
وايـــه يـــا يـمـه والله زمــان !!‏
دي قــشـة عـيـنـى مـــن الـنـوم‏
مــعـاي بـشـيـل هــمـوم بـاكـر
قـبـل مــا أشـيـل هـمـوم الـيوم!!‏
أخــتـهـا خــطـواتـي الأولـــى
أعــــــــدي الــــبـــاب..‏
تــبـدا تـــدق طــبـول الــهـم..‏
خــواطــر تــذهـل الألــبـاب !!‏
وأقـابـلـك يـــا شــوارع الـجـن..‏
وفـــي جــوايـا حــاجـة تــئـن‏
أشـــد وتـــر الـحـزن وأعــزف
تــمـوت غـنـواتـي يـــا يــمـه
ويـخـنـقـني الــغـنـا وأنــــزف
وتـنـتـر فـــي الــعـروق حـمـى
خــيـال بـيـتـنا الـقـديم يـرجـف
صـــــور تــنــزاح وتــتـلـم
وتـــنــاي وتــالــت آيــمــه!‏
واشــوفـك بـــي خــيـال حـالـم
تــشــاوري وتــرقـص الـسـبـحة
مــلامــح الــعـابـد الــصـايـم
تــشـع فـــوق جـبـهـتك سـمـحة
وشـيـيـك يـحـاكي ضــي الـنـور.‏
مـــزدان يــمـه فـــي الـطـرحة
وتـــبــســمــي لــــــــي
امـــــــــد إيـــــــــدي
أقـــول أتــلاقـى يــا الـسـمحة ..‏
يــتـلاشـى الــحـلـم وأصــحـى
ويـــدفــق عـــــرق مــالــح
ويـسـكـن فـيـنـي كـــل الــهـم
واشـــم ريــحـة نـــدم جــارح
وارفـــس عـصـفـورة مـنـجـرحة
فــارقــت الــفـضـاء الــبـارح..‏
وتــنــاي وتــالــت آيــمــة !!‏
وهـــم كـــل الـمـدايـن وهــم ..‏
وهـم غـرقانة فـي زخـم الـحضارة الغم
حــضــارة بـتـحـصد الإنــسـان
وتـــزرع فـــي مـكـانـه نــغـم
وقـصـد الـقـول.. يــا شـايل الـلوم
ويــمــا جــابـنـي لـلـبـنـدر .‏
وحــاتـك إنـــت يـــا الـغـالـية
ده يــــومــــا شـــــــوم...‏
ولا بـسني الـخجل مـن راسي لي كرعي
شـــايـــلــو وأحـــــــوم..‏
وهــادي الـحـالة فــي (الـخـرتوم)‏
زي عــايــش شــقـي ومـهـمـوم

[صلاح الدين محمد]

صــبـاح الـخـير عـلـي عـيـونك.‏
اتـــاري الـدنـيـا مــن دونــك...‏
شـيـنـة ومـــرة مـــا بـتـنـدار
ومــــرة مـــرارة يـــا يــمـه

رائعه رائعه يا مها
لك التحية والتقدير
دمتى بخير

[مها]

من أوتار قلبى صنعت ليك قيثاره من الهوى
لانى حسيت غير أناملك مافى زولا بيعرف يعزفها
اناديك ويعلى صوتى لو بقدر يعلى حتى لو يصل السما
واقوالها واضحة شمس حقيقة على الملآ
بهواك أنا
بهواك انا
بهواك انا
يشهد لى الليل وتشهد لى عيونك والسماء وانجما
ويشهد لي القمر الراح بعيد خجلان من طلتك آنزوى
مانىعارفك براك ست فرحتى ست الاحاسيس والمنى
ما النشوة منك مولودة يا نور العيون يا فرح اللقا
والحنان عندك مثل سحابات تمسح دموعى تجففا
والهمسة من بين شفايفك تطلع نديانة زى باقة زهر متالقا
والنظرة من العيون تجينى شايلة الولف تدينى أحساس بالهنا
وملامحى يا ست هواى مافى غيرك يقدر يرسمها
أمسكى القلم أرسمى العيون والقلب كل التفاصيل حددا
وأكتبى حروف أسمك وهج جوة القلب متجددا
أرسمى تصاوير الفرح حددى ملامح دنيتنا والمنا
وأعزفى على آوتار قلبى أنشودة هوى
وقولى بهواك انا
بهواك انا
بهواك انا

[لبيب]

ياجوهر صدر المحافل
روحي معاك اتلطفيلا


لى وصلك مالقيت وسائل
غير بسط النسمات رسائل
أغرب شي واعجب مسائل
حلم الصاحي ودمعو سائل
لو شكيت في أمري سائل
البدرين كونك مثيلا

[مها]

بشيلك في خواطر الشوق
بحبك في زمن عايشو
وزمن ماعشتو بس ملحوق
أدسك من عيون الناس
اداري عليك من همس النسيم
من كل عين مخلوق
أنضم فيك كلام الريد عقيد
يجلس في جيدك طوق
ولو سألوني عن حبك
بقول عاشق بحب معشوق
بغير منك عليك انت
بقيت مجنون وحات الله
أسبح باسمك اتحوقل
ياريت لو لحظه بالي يروق
اقيف جنبك جسم مافيه حبة روح
أطلب منك الغفران
أرجع تاني لى بالك
أشيلك بيك أعرج فوق
هناك في حضرة الديان بقول بهواك
بحبك جد عشان بيك عقلي يصحا يفوق
حليلك والزمن ماشي
حليلك والزمن واقف
حليلك والزمن ضمد جراح الناس
إلا جراحي خلاها
جرح نازف
وجرحا في حشاي مفتوق
شنو البيداوي غير رؤياك
منو الببقالي آسي بعد بسيماتك
وكت ترضي وتنادي علي تغازلني
تقول خليك وحدك في فؤادي براك
مافي مروق

[مها]

دموع خلف الرموش
رثاء الراحل الاستاذ مصطفي سيد احمد

مدخل اول :

سالنا عليك
ورسمك ديمة في الانسام ..
لا وترا ضهب عنك
ولا ماتت خطا الايام ..
وشلنا غناك شموع وطريق
نسافر بيهو في الاحلام ..
نعانق روحك الانسان
ونهديك عزت السودان
ونطوي الذكري
من اول وفي كل عام ..

مدخل ثاني :

كلما تباعد بينا عوارض
تبقي خطاك كل لحظة معانا ..
ويبقي الزمن الفاصل بينا
ونار الشوق الفي جوانا ..
وما بتحير الا مغير
ونمشي عليك وانت بترحل
الا غناك شايلنو وصوتك منتالانا ..
ريدك حاضن النيل العابر
يسقي جفاف الزمن الغابر
ويشفي اسانا ..

النص :

يا ضلنا المرسوم علي نبض القلوب
صابت سكاكين القدر مستقبلا ..
صدحت طويرات الخلاص
زفت عريسنا وسافرت
زانت ورودنا الباكية لي مدخلا ..
يا بنية في خبز الفنادق
رحل عنك بعيد سابك يتيمة مضلالا ..
عرفت بويتات الفريق معني الحزن
ضلت خطاها ومشعلا ..
بكت العيون
ماتت احاسيس الحروف
رحلت معاك كل الخطا
اوتار غناك صبحت دموعنا تبللا
حتي النغم اصبح مغطغط بي الحداد
اتعذرت كل السبل واتنكر الزمن اللفات ..
شتلات غناك صابة الالم صابة السهاد ..
واجفجعت الزول البجيك
ما يلقي فيك غير البكاء وطول البعاد
كل الورود اضناها بعدك وبهدلة ..
زهرت ربيعنا الفتحت
كاسيها لون طعم الاسي
في ضلوعة ساكن وغازلة ..
فات من ديارنا رحل بعيد
لابس وشاح الهم ملفح بي الشجن
وعشان يجيب ليك الفرح
رضيان مشاهو المستحيل
رغم الصعاب رغم المحن
فارد جناحو مع الطيور الهاجرت
سابت جروفنا ومنجلا ..
هدهد تراب ارض الجدود
دندن مع الوتر الاليم
يا بلدي اضناني البعاد
مشتاق دعاشك والنسيم
ردت شموس ارض الفلاح
واتعذرت اهـ يا نديم
نطقت حروف منقوطة
بي دمع المطر
مردوفة بي صرخة صغير
فاقد حنان كل الحنان
فقد الامل فقد المصير ..
اهـ يا بلد
مكسورة طوريتك والملود
مجدوعة كوريتك يا ولد
علشان رحل زولا اصيل
من دنيتك
بحلم دوام داير يشوف
لحظة علاك وروعتك
لكنو عاد مكسور جناح
فارق خطاك وسكتك
حبوبة اهـ
عبدالرحيم مات العشم من دنيتو
ضلت خطاهو وسكتو
مسكين وحيد في دربو شتلات الامل
جفت خلاص زادت شقاوتو وعلتو
كل الطيور الهاجرت
عادت مع الخبر الاليم
رفعت يديها وعزتو
لحظات حداد
لا بتتنسي .. لا بتتمحي
رسمت معاني الفرقة دمعات العيون
لحظة وداع لي زول بكت
اوتارو اطفال السجون
لا قدرنا نصبر لا نجيك
لا قدرنا من غيرك نكون
لكنو ريدك فينا باقي وما بهون
ريدن نحت كل الضلوع
حبا معشعش في الجفون
غنيت غناوي الحسرة والاسف الطويل
اهديت حروفك لي وطن
كل الصعاب والمستحيل
يا وطن عز الشدائد
اضناني بعدك والرحيل
مرتاح تراب قبرا
يضمضم لي رفاتك
يا فرح كل الغلابا
زرعت فينا وفي وليداتنا السمر
زهرت ربيع شتلت محنه وصوت ربابة
خشيت بيوتات الفريق
تمسح دموع ناسا تعابا
سجلت اسمك واختفيت
وتركت وجعات الانين
تركت في دنياي جرح
لا بتنسي لا بتمحي عبر السنين
واتعذرت كل السبل
وجرحت لي قلبي الحنين
وانهد جبلا بي وراك واندكه جيل
مشتاق لي شوفتك يا رزين ..

[مها]

الريدة تعمل فيك كده...
بتسهرك....
تحسب نجوم الليل براك....
وتوسدك...
همك علي كوم الهموم...
وتزهدك...
في الناس عديل...
الريده تديك وتشيل...
منك...
صفاك...
تديك شك...
يوم في وفاك...
يوم في جفاك...
يومين تقيف...
وتقول ...
كفاك...
مرات تحن...
بس لي لقالك...
ومرات تجن...
وايام بتتجنن براك...
وايام تـئـن....
بعدين معاك...
انا يا قلب...
لمتين تحب...
بعدين معاك....
سويتها فيني ...
علي العلي...
ما بتنغلب...
تستاهلا ...
الريده تعمل فيك كده