بـتـخـيّـلـِك

[طلال الحكيم]

إنت ِ يا ست البنات
أنا بتخيلك ...


بتخيلك لما الليل يجن ...
والقمر لوجهك يحن ...
ويطلع من شوقو ليك قبل الأوان
ويجفف دموعو ويمسحن ...

وبتخيلك ...
وأنت بتناجي القمر ...
وبتحكي ليه كيف أبعدنا السفر ...
وعن حبنا الفاق الحدود
وذاع في بيوتنا وإشتهر ...

وبشوف القمر ....
بسمع لشكواك بإهتمام ...
وخصاك إنت بس من كل البشر ...
بالحب والشوق والنظر ...

وبتخيلك

[طلال الحكيم]

بتخيلك ...
لما الشمس
تجي مشتاقة ليك في كل الصباح ..
وبسمع عتابها للقمر
الــ لسه ما غادر وراح ....
وهي بتقول :
الوقت يا سيدي القمر وقت الصباح ..
وقتي أنا
عشان آخذ أنواري
من بحر السماح ....
فوت يا قمر كان ليلك طويل
أتعب قلوبنا بالشوق والنواح ...

وبتخيلك لما تتنافس عليك كل الشموس
وكل الكواكب والنجوم النورها لاح ...


أنا بتخيلك

[طلال الحكيم]

بتخيلك ...
لما الفراش خلى الزهور
وأخد الرحيق من وجنتيك ...
ولما النسيم جاب أعطر أريج
من حدائق فرعك النديان ومن خافقيك ...
ولما الظبي سرق السحر
من قذائق مقلتيك ...
و يا قلبي آه من نظرات عينيك ...
ولما ثمرات العنب
غارت من حلاة أجمل شفاه
وصارت تشتهيك ...
ولما براق السنون الضاوية
يخطف كل العيون الناظرة ليك ...


بتخيلك

[طلال الحكيم]

وبتخيلك ...
وأنا في الأرض اليباب ...
أمسح دموع الفرقة
وأهدي طيفك كلمات عتاب ...
أتعبني الغرام وغلبني الهوي
وأحرقني العذاب ...
وأنا في رجاك
بشوفك جايه من نص السما
وتضحكي للسحاب ...
وتجيبي لي أقواس قزح
وبروق فرح
وحبات ندى
وتسقيني من حبك شراب..
وبزيد أنا في الخيال
وأتوه من خمرة هواك
ومن محاسنك والجمال ..

وبتخيلك ...
ونحن في دنيا الوصال
لا هم لا غياب ...
نلعب بالنجوم
ونجري ورا الغمام
ونغني بأجمل كلام ..
كلام ما ليه حروف ...
في دنيا البشر
ولا إنكتب يوم في كتاب ...
بس من العيون ببعت ليك رسائل
وبلقى في عينك ردي على الخطاب ..

[ام صبا]

بتخيلك
وضجة الليل فى سكونك
وروعة الحب فى الآماسي
بدلت وحشة قلوبنا
وابعدت عنى المأسي
والحبيب الطال غيابه
الليله عاد وجانا
وهون علي كل القواسي
بتخيلك

[طلال الحكيم]

بتخيلك
وضجة الليل فى سكونك
وروعة الحب فى الآماسي
بدلت وحشة قلوبنا
وابعدت عنى المأسي
والحبيب الطال غيابه
الليله عاد وجانا
وهون علي كل القواسي
بتخيلك

وبتخيلك
يا ظل الهجير ونور المراسي
وكل القلوب قاصدة جاهك
وفي شطك زي باقي القلوب قلبي راسي
بنسى كل دنيايا فيك
لأنو حبك حـّلال القواسي


أم صبا ... وجودك هنا ... تاج راسي

[بت السرف]

[grade="ff0000 ffa500 4b0082 ff1493"]بتخيل النور المعتق فى الدواخل ..
كيف بضوى .. وكيف بفاصل ..
وكيف بيحكى بشعاعو عن نوٌارو..
وعن جمال معطون فى ذكرى من عيونو ..

وبتخيل الفرح الموارب .. خلف بابك ..
بحكى عنك ..
وضاوى بيك ..
وشايل آمالى العريضة ..
وبسمة الريد من عيونك ..
بتخيلك ..

بتخيل الورد ..
لمــا..
بحكى عنك ..
شايل اشواقك فى ايدك ..
وضامن الوحشة تغادر .. من عيونك ..
لما تتلاقى وعيونى ..
وتحكى عنك ..

ولسه سارح بى خيالك ...[/grade]

[طلال الحكيم]

[grade="ff0000 ffa500 4b0082 ff1493"]بتخيل النور المعتق فى الدواخل ..
كيف بضوى .. وكيف بفاصل ..
وكيف بيحكى بشعاعو عن نوٌارو..
وعن جمال معطون فى ذكرى من عيونو ..

وبتخيل الفرح الموارب .. خلف بابك ..
بحكى عنك ..
وضاوى بيك ..
وشايل آمالى العريضة ..
وبسمة الريد من عيونك ..
بتخيلك ..

بتخيل الورد ..
لمــا..
بحكى عنك ..
شايل اشواقك فى ايدك ..
وضامن الوحشة تغادر .. من عيونك ..
لما تتلاقى وعيونى ..
وتحكى عنك ..

ولسه سارح بى خيالك ...[/grade]

بتخليك
وأنت هناك بعيدة عني
مسكونة بحب الجمال
ومسكون أنا بغرامك
والتمني
ماليني الحنين للطفولة الـ في عيونك
ولما صوتك لي
يغني
ليه يا زمن فرقت بينا ؟
وشلت نوم عيني
مني
ما أصلو مشهور بالقساوة
والمظالم
والتجني

بت السرف ... بين حروفك بخيالي لسه سارح

[بت السرف]

بتخليك
وأنت هناك بعيدة عني
مسكونة بحب الجمال
ومسكون أنا بغرامك
والتمني
ماليني الحنين للطفولة الـ في عيونك
ولما صوتك لي
يغني
ليه يا زمن فرقت بينا ؟
وشلت نوم عيني
مني
ما أصلو مشهور بالقساوة
والمظالم
والتجني

بت السرف ... بين حروفك بخيالي لسه سارح

[grade="0000ff ff0000 4b0082 ff1493 008000"]لسة سارح بخيالك ..
فى دنيا ريدك ..
وذكرى الشوق الــ بتشفى ...
من عذابك..
لسة رايح منى شوقك ..
ووحشة ساكنة فى خيالك..
وومضة الفرح المعاند ..
مشتولة فى نبض امتنانك ..
الا ريدى .. المعطون جواك ..
حالف الا يوم ...
يجيك..
تفرح بيك دنياى ..
وتسعد ايامى بيك ..[/grade]

[طلال الحكيم]

[grade="0000ff ff0000 4b0082 ff1493 008000"]لسة سارح بخيالك ..
فى دنيا ريدك ..
وذكرى الشوق الــ بتشفى ...
من عذابك..
لسة رايح منى شوقك ..
ووحشة ساكنة فى خيالك..
وومضة الفرح المعاند ..
مشتولة فى نبض امتنانك ..
الا ريدى .. المعطون جواك ..
حالف الا يوم ...
يجيك..
تفرح بيك دنياى ..
وتسعد ايامى بيك ..[/grade]

ولسه سارح

في جمال ليلي الحواك

ليل فيهو القمر يتشابا لرؤية عيون

فيها البحر وفيها السكون

وبروق دجاك

سرحة في الوادي الخصيب

الضامي أسراب أجمل قوافي

ممزوجة بأعطار نداك

وأنا في الوادي الخصيب

جالس وحيد

مستني بس

أنوار لقاك

وبتخيلك

[بت السرف]

ولسه سارح

في جمال ليلي الحواك

ليل فيهو القمر يتشابا لرؤية عيون

فيها البحر وفيها السكون

وبروق دجاك

سرحة في الوادي الخصيب

الضامي أسراب أجمل قوافي

ممزوجة بأعطار نداك

وأنا في الوادي الخصيب

جالس وحيد

مستني بس

أنوار لقاك

وبتخيلك

[grade="ff0000 ff6347 008000 ff1493 4b0082"]بتخيل الشوق المعربد..
فى دواخل الزول الـ هناك ..
وبتخيل كمان ..
الامنيات ..
تتسابق فى هواه..
***
بتخيلك ..
جالس براك..
متمحن والايام معاك..
ونبضة الريد الفى قلبك ..
ضاجة بالفرح الطفولى ..
ومنتظرة بس ..
طلة غٌناك ...[/grade]

[طلال الحكيم]

[grade="ff0000 ff6347 008000 ff1493 4b0082"]بتخيل الشوق المعربد..
فى دواخل الزول الـ هناك ..
وبتخيل كمان ..
الامنيات ..
تتسابق فى هواه..
***
بتخيلك ..
جالس براك..
متمحن والايام معاك..
ونبضة الريد الفى قلبك ..
ضاجة بالفرح الطفولى ..
ومنتظرة بس ..
طلة غٌناك ...[/grade]

وبتخيلك
مشرقة زي شمس الفرح
والزهر الرطيب ياخد من نداك
تبهري كل العيون
يا شمس الضحى
الأخفت نجمات سماك
وأسرح في الخيال
وأشوفك بعيون المحبة
في ساعة لقاك
يوم تزل قدمك على شط الجمال
يوم
يقوم الكون فداك

[بت السرف]

[grade="ff1493 4b0082 008000 ff1493 800080"]
بتخيل اليوم البشوف فيه المنى ..
ويتم مٌناك..
وتتأوق الافراح فى العيون..
وتسعد الايام معاك ..
بتخيل التوب القشيب ..
بجلالك ..أريتنى اموت فى هواك..
خفقات نبض القلوب ..
وقلبى انا ياحبيب ... فداك ..[/grade]

[طلال الحكيم]

لا الفرحة بتكون
لا الدنيا بلاك
لا لحظة صدق تغسل قلوبنا
من غير صفاك
ما ترحلي
دي الدنيا بتصارع في الفنا
لو عدمت ضياك
ما ترحلي
وأبقي بينا
زي روح الجسد
وكيف الجسد يبقى الجسد
من غير هواك
وكيف الفؤاد يبقى الفؤاد
لو يوم نساك

[بعد الزمن]

[grade="ff1493 4b0082 008000 ff1493 800080"]
..
وتتأوق ..
..[/grade]

ابدعتى في تتأوق دي

[بعد الزمن]

قذائق

[طلال الحكيم]

ابدعتى في تتأوق دي

بعد الزمن
مافي حاجة عجبتك في البوست ده كلو غير تتاوق دي يعني ؟
لو عارفنها بتجيبك كان كتبناها ألف مرة ... ومن زمان

تراكا بـ (تاوق) من بعيد لبعيد

[طلال الحكيم]

ودي عاجباك ولا خايف منها ؟
إنت ما سمعت ( لحاظو كا القذائف وأنا من عيونو خايف ؟ )
والله خايف

[بعد الزمن]

بعد الزمن
مافي حاجة عجبتك في البوست ده كلو غير تتاوق دي يعني ؟
لو عارفنها بتجيبك كان كتبناها ألف مرة ... ومن زمان

تراكا بـ (تاوق) من بعيد لبعيد

هههههههههههههه
استاذ طلال بوست جميل

بس مشاركاتى في منتدى الخواطر شحيحة

[بت السرف]

ابدعتى في تتأوق دي

[grade="00008b ff6347 008000 4b0082"]
ولسة بتأوق عيون الريد معاى ..
وانت يا فرحا بعيد من غٌناى ..
احكى لى ..عن عيونك ..
لما تتوسد آمالك ..
وطيف حبيبة يجيك زائر ..
بتخيلك ..
تتخيل الافراح مدار ..
للشوق ..
والامنيات ..
والحبيبة الضاجة بيك ..
ترسم ملامح الريد والعيون ..
والحنين الــ فى قليبك ..
بخليك تتأوق من سنين ..
منتظر طلة من ومض القليب ..
ونسمة تحكى ..عن هواك ..[/grade]