يعني لازم أقول ليك ( بريدك )
عشان تعرفني يا روحي بريدك ؟ ...
ما قالتها العيون ألف مرة
وألف مرة إنسابت حروف حبي
تجري في أعماق وريدك ... (الباء) قالت يا سيدي (بستان) حبي أنت
وإنت زهرو .. ما شفت شبهك
وما لقيت نديدك .. ( والراء ) ريدي ليك مكتوب وأنا في العدم
مقدر من زمان ما كان جديدك ... ( والياء ) يهواك قلبي الـ ليك مسكن
ويتغنى يوت بمقطع نشيدك ... ( والدال ) دماي ( يا دواي ) رويانة بحبك دوام
وزي .. ما أنت لي ... حبي (الوحيد)
يا ريت أكون أبدا ً ( وحيدك ) .. ( والكاف ) كيف أقدر أدِس عينيك عن سواي
وبي أشراك هواي
يا غزال كيف أقدر أصيدك ...؟
وبعد دا كلو ... يعني لازم
أقول ليك ( بريدك ) ؟
عشان تعرفني يا روحي بريدك ؟
ما إنت شايف كل القلوب
نشوانة بخمرة هواك ..
وأنا زيهم ... وأكتر كتير ..
وكيف يعني أقدر ما أريدك ؟؟!!
ورغم هذا ورغم ذاك ...
ورغم صدك ونار جفاك ..
ياخ أنت ريد ..
مـا الريده غيرك " ريد جرائد "
يقروها في ضل الجريد ,,
والبفوت ريدتنا " نحس "
جواهـ أعصاب من حديد ,,
والبريد لقيانا " مرة "
يبقى مولود من جديد ,,
وكل مناهـ يكون " معانا "
يتمنى عمره يكون مديد ,,
لازم تقول لى بريدك ..
شان اصًبح بهواى.. نسمات حياتك..
وشان اشيل نبضات قليبى..واحكى آهاتك..
انا الريدك ..سكن روحى ..وزاد مرادك ..
وانا الشوقك صبح جواى معشعش فى عويناتك ..
لازم تقول لى بريدك..
لازم تقول ..
انا الريدك سكن روحى ..
وضمخ عبيرو وفاح..
وانا الريدك شايلاه..
فى كفوفى وشاح ..
لازم تقول لى ...
بــــــــــــــريـــــــــــــــــــــــــــــــــــــــدكِ.. [/all1]
لازم أقول بريدك في كل الليالي
وفي كل ساعاتك
ولازم أغني بالهوى أجمل قصيد يطرب الحاضر
في ساحاتك
*
وأغني بكلام الريد في كل ممسى
وكل صباح
كلام الريد ما ممكن يستتر ؟ .. دي المحبة
أريجا فواح
[align=right]بت السرف .. بيك جانا الشرف ... و أحرف جمال وأجمل خيال
[align=center]أنا عارف ريدك مافي ليهو مثال
بس يا سيدى لازم تسمِّعني كلام الريد
لو بتكفيك إبتسامة ونظرة دلال
أنا لا
قلبي محتاج لــ (بريدك) ..أصلو قلبي قلب عنيد
[align=right]المونت يا كونت ... أسعدني حرفك الجميل وطاب لي به المقيل[/align][/align][/color]
ياخ أنت ريد ..
مـا الريده غيرك " ريد جرائد "
يقروها في ضل الجريد ,,
والبفوت ريدتنا " نحس "
جواهـ أعصاب من حديد ,,
والبريد لقيانا " مرة "
يبقى مولود من جديد ,,
وكل مناهـ يكون " معانا "
يتمنى عمره يكون مديد ,,
تشكراتي يا ملك ,,
ياخ إنت ريد وأنا بريد
ويا ريت ريدنا يبقى من غير وسيط
حتى ولو رسالة بريد
أنا من هواك يا القاسي طبعك
ما بقدر أفارق أو أحيد
قلبي في هواك زي نسمة صباح
وقلبك يا سيدي أنت
زي جبل الحديد
ايوا لااااااااااااااااااازم
فيها ايه لو قلت لى انت بتريدنى
فيها ايه لو من هواك كمان تزيدنى
وحاكون سعيدة كمان لو كل يوم وعدتنى
انك تكون منى ومعاى ,,,وتكون قمر يطرب سماى,, وتكون وريد يجرى فى دمك هواى
وانا ياقلب ,,,انا مااااااهناى
انا ياااما ساهرت الليالى عشان هواك احصلو
وشربت مر الريد صبر ومارضيت ريدك ابدلو
وانا لى عزابات الهوى عشان عيونك استحملو
وبعد دا كلو بكلمة( بريدك ) على تبخل ياااااحلو
طلال الحكيم
كلماتك ليست كالكلمات وريدك برضو مازى الريد
واصل ابداعك وتقبل ردى المتواضع الذى حاولت ان اجاريك فيه لكن العين لاتعلى على الحاجب اكيد
تحياتى
أنا عارف ما فيها شي لو قلت ليك بريدك
بس يعني لازم أقول ؟
ولو ما قلت يعني أبقى ما بريدك ؟ ..
أجمل حروف ريدي
لما عيني تقرأ لـ عينيك أبيات قصيدك ..
وتبقي أنتِ قصة
في عمق المشاعر وتقولي لي
أنا ما فهمت لسه
وأفضل أعيد ترديد مشاعري وأعيدك ..
و تقولي (لا) أنا ما فاهمة شي
وأفضل أنا من أجمل مشاعر أكتب
وأزيدك ..
[align=right]أحاسيس ... تراقصت لوجودك الحروف ... فكان العبير وكان الشذى .
ولما الكلام زادت حروفو وأسرفت
جمعناه في كلمة ( بريدك )
كلمة تحوي الحب العظيم
وفيها الشباب وفيها عيدك
وفيها ذكريات كانت زمان
وفيها لمعة عيونك وفيها جيدك
ولما تفيض مشاعري وأشتاق للحروف
ما بهوى غير كلمة ( بريدك )
[align=right]دريم ليدي ... تهللت أنواركم فتزينت بها الحروف
لازم أقول بريدك في كل الليالي
وفي كل ساعاتك
ولازم أغني بالهوى أجمل قصيد يطرب الحاضر
في ساحاتك
*
وأغني بكلام الريد في كل ممسى
وكل صباح
كلام الريد ما ممكن يستتر ؟ .. دي المحبة
أريجا فواح
[align=right]بت السرف .. بيك جانا الشرف ... و أحرف جمال وأجمل خيال
[/color][/font][/size][/align][/b]
انا لى الشرف بان تعانق احرفى عيونك ..
وهنا كلمات كتبتها عن(انا الريدك سكن جواى) اتمنى تنال رضاك وتكون رد لــ( يعنى لازم تقول لى بريدك؟)
انا لى الشرف بان تعانق احرفى عيونك ..
وهنا كلمات كتبتها عن(انا الريدك سكن جواى) اتمنى تنال رضاك وتكون رد لــ( يعنى لازم تقول لى بريدك؟)
المشاركة الأصلية كتبت بواسطة بت السرف
يعنى لازم اقول بريدك
ما أنت عارف سر غرامي
اصله باين فى كلامي
وفي ابتسامي
بخاف اقول هالكني ريدك
بخاف تفضحني يوم نظرات عيوني
وتبين آهاتي وشجوني
ياأنت يا اسباب جنوني
يكفيني بس لو احضن ايدك
وتحس معاها بشوقي ليكا
وتعرف اني بغير عليكا
وديمه قلبي بيشتهيكا
ولسه عايزني اقول بريدك
لو بترضيك كلمة بريدك
انا ياروح الروح بريدك
وفى صحاي وفى منامي
بقول بريدك
وديمه بحلم بجديدك
نفسي بس تنصفني مره
وتلقى فى لقاي عيدك
وتفرح الاعماق وتغني
وتقول انا بالجد بهواك وبريدك
[align=center]أنا عاينت في ليلات عيونو
وفتشت لأحرف (بريدك) وقلبي رجافِ
قلبي الباكي من طعنات سهامو
ال خلت جوفي يوماتي نزافِ
ياريتني أسمع كلمة بريدك
من سيد الجمال الزيو ما إنشاف ِ
أسر المهج وفي طرفو الدعج
وقلبو فياض بالحنان وعطاف ِ
لكنو ما عايز يقول من الخجل
وأنا من سهامو ما قادر أبقى شوافِ
يا سمح العيون قولي (بريك)
أنا والله من عينيك خوافِ[/align]
الغالية أم صبا ...
لحرفك باعث على أيقاظ الحروف من غفوتها ... دمتِ بخير واعافية[/color]
