جاءنا البان التالي .... لقاء العمالقة

[سودانية نار]

الاخوة الاعضاء اليوم وبسعادة لا توصف قابلت الاخ اسيتل نيد يو وجها لوجه
وبجد انا سعادتي لا توصف
فلقد عرفته اخا كريما من خلال المنتدي
والان وبعد مقابلته وجها لوجه
وخضع شخصيته تحت المجهر
اقول
تعيس الما قابل استيل زول اخو بالجد
انا عاجزة عن شكره للمساعدة التي قدمها لي لانجاز بعض الاشياء المربوطة بعملي
شخصية رائعة لاتمل من الحديث معها ( دا ما كسير ثلج يا شباب )
استيل
ادامك الله اخا كريما وصديقا عزيزا
وارجو ان ياتي يوم وارد لك فيه الجميل
يا رائع
ابراهيم يا جيو
اولا الفرحة لاتسعني لسماع صوتك
ثانيا وبالبرهان
استل طلع ما حيطة مايلة
وتسلم يا طيب
:d ملاحظة للبنات الما متزوجات
الود استل دا طلع وجيه ا وجاهة لعاوزة الاوصاف ترسل لي رسالة خاصة بهناك
قلنا ملاحظة للبنات يا ابراهيم الجيو
ما تقراء

[sarona]

العزيزة سودانية نار

اولا تهانينا لأنجاز المشروع بتاعك...
و الشيء اللي حصل ده اسعدني جدا ...
على الاقل كل التوقعات اللي راسماها ليكم...
في خيالي...كشخصيات تلامس الواقع...صحيحة
وهذا ما اكده كلامك....

واستيل اخو وزول فزعة ...
وما ح اقدر انسى مجهوده معاي في
تنزيل صور بمنتدى الصور السودانية


كلمة على جنب

قلتي لي استيل ده شكله كيف ..
يعني شبه منو كده .. :079: ..

[سودانية نار]

تسلمي يا سارونا
ان شاء الله عقبال ما نشوفك انتي كمان يا راائعة
تحت تحت برسل ليك رسالة خاصة بعيد عن عيون الجيو
اوريك فيها اسيتل بشبه منو

[استارو]

ياسودانية
مساك سعيد
احيك على انجاز المشروع اولآ
ومقابلة استيل فى حد ذاتو انجاز اللهم لاحسد
اكيد الواحد متفائل باعضاء ومشرفين انا سودانى
وبتمنا ان يجتمع بهم لتكلل سعادتنا بالانجاز ونكون اسرة
واحد ، مترابطه فى تعملها لنرفع من شأن هذا المنتدى
لنسعد ونسعد من حولنا ونفوز بصحبه طيبة[frame="1 80"]
قبل تحياتي القلبية من الرياض
مقرونه بالمودة والمحبة والإخاء والسلام ,[/frame]

[سودانية نار]

تسلم يا ستاروا
بالمناسبة انا سودانية تاء التانيث يا عريس

[استارو]

اسف يالذيذة العريس احوالو متلخبطه شديد
اذا بقت على تاء التانيث بسيطه
اذا كتبت جد العروس مكان العروس اعزرينى
تسلمى

[بت أبوظبي]

كااااااااااااك
شافوه
شافو القمر
أها يا سودانيه
الولد ده شكلو كيف
قالوا Massari عديييييييييل
بتعرفي مساري ده منو ؟

كاااااااااااك
الليله التلفون ما حينوم
اسمح من الجيو مش كده ؟
عقبال ما نشوف الباقيين
أقمار الضواحي !
كاااااااااااك

[العسوله]

عقبال ما نشوفهم نحن كمان يا نار
ورينا التفاصيل
والاولاد بعييييييد

[ابراهيم الجيو]

(وأخيراً قابلت استل نيد يو تو سجمان تو رمدان) وجهاً لوجه,,,

بالله البت تقول قابلت,,,, الجيو,, قالت وجيه قالت,, ود بطوطة ما تلحقني,,
أوع تكوني شلتي الولد,, :079:

سودانية,,, (ستيل) أخ عزيز علينا جميعاً,,, وتربطني بيه علاقات تعدت حدود المنتدى كثيراً,, والحديث عن شخصه لا تكفيه صفحات وصفحات,وبقى جنبتي البتوجعني,,
لا أريد الحديث عن إمكانية وجود علاقات أخوية وصداقات عبر النت,, ففحوى فرحتك وحديثي إليك تكفيني كلاماً,,

لفة جنب العمود:
فلستي الباب القلته ليك,,,

[ابراهيم الجيو]

وإضافة على بوستك,,,,
(وأخيراً قابلت أستارو العريس وجهاً لوجها)ً,,,
وفي لحظة أخويـــة أيضاً جميلة,,,, قابلت الرائع (أستارو),,
واٌقول لكم (تعيس) الماقابل استارو,,,:079:
وأنضم إلينا أيضاً الرائع (ود بطوطة),,, لفترة طويلة,, وفلس أبو الشركة زاتوووا,,:079:

الإشارة خضراء:
أستارو,,, عشاء أمس كلف كم؟ :D

[moony]

اختي سودانية نار
اجمل ما اعجبني ترابط ناس المنتدى مع بعض ومساعدتهم لي بعض
الله ما يحرمنا من بعض
وخمسة وخميسة في عين العدو (الجيو):079:
ولي قدام اعزائي

[ibn batoota]

أولا مبروك علي إنجاز مشروعك..
ثانيا لفتة بارعة وجميلة إنو يكون
في تعاون ومساعدات للأعضاء مع بعض
مهند أخو وصديق وراجل حاره زي مابقولو..

بغادي كده:
إبراهيم باقي إسبوع
اسمع نمشي نفتح لينا معهد كمبيوتر...
سودانية طلعت بتكسري تلج دقاق كمان...:079:

[sarona]

بمناسبة المقابلات دي...

اسمحو لي سودانية نار...اضيف في البوست بتاعك....

اني اقول ليكم .... قابلت اميرة الورد

والورد يتشرف انها نُصبت عليه اميرة...

انسانة جميلة تحمل كل الروعة في دواخلا...

أنا سوداني ....عاجزة عن الشكر.....

[سودانية نار]

ووووووووب من مساري يا بت ابوظبي كيفن ما بعرفوا

يا ستي ممكن تقولي كدة الولد استيل دا شبه الولد ثيث في مسلسل Ocالبيجيبوه في قناة دبي ون
دمو خفيف بشكل
تحت تحت كده احتمال كبير اشوف كمان صهيب وحزن السنيين التافصيل بديها ليك بعد اللقاء
شكلنا عنمل لينا راكوبة نسوية عشان الجيو وابن بطوطة ما يجوينا ناطين

[سودانية نار]

العسولة عقبال مانشوفك انتي كمان يا رب
اسمعي زي ما قلت لبت ابو ظبي
التفصيل في ركوبتنا بهناك

[سودانية نار]

استارو شكلو المهر والشيلة ضربوا ليك راسك يا عريس
قلوبنا جيوبنا معاك ( بس الجيو دا ينفع يفلسك القال ليك تعزموا عشاء منو هسع يتعود علي كدة
ولا تعرس ولا حاجة )

[سودانية نار]

الجيو يا الجيو
فلست الباب الوصيتني عليه
لكن لسة ما قديت جيبو المرة الجاية
هخلي ليك ع الحديدة
منتظرينك تنزل البلد
عشان نخليك برضو ع الحديدة
تسلم تسلم تسلم يا طيب

[سودانية نار]

ابن بطوطة
يا خي ما تحرجنا ( ما قلنا ليكم ما كسير تلج يا شباب )
دي حقيقة
تسلم يا قبطان

[سودانية نار]

سارونا حظك وحظ اميرة الورد
انكم شوفتو بعض
ان شاء الله عقبالنا
وربنا يديم بينا جميع المعروف
قولوا يارررررررررب

[ابراهيم الجيو]

بغادي كده:
إبراهيم باقي إسبوع
اسمع نمشي نفتح لينا معهد كمبيوتر...
سودانية طلعت بتكسري تلج دقاق كمان...:079:

إسبوعين,و وإنت الصادق,,,
بلا باخرة بلا طيارة معاك ,,,
معهد كمبيوترات في الشهداء,,
وأنا إستيل وإنت إستيل,,
ونجيب ناس هناية,,, :079: