بسم الله الرحمن الرحيم
الاخوة والاخوات السادة القراء والسادة الاعضاء
فى طريقى عودتى الى الصين توقفت فى امارة دبى لمدة 96 ساعة
وكنت فى ضيافة احد اصدقائى صديقى الشاب الخلوق الرائع بدرالدين ابوادريس وهو صديق من مرحلة الطفولة
وكان صديقى الرائع بدرالدين من الاوائل فى الامارت ويقيم فى امارة الشارقة لمدة 25 عام
وكنت انا اقيم معة قبل 25 عام مرت من اعمارنا وافترقنا ولم يتلم الشمل مع صديقى الاقبل ايام معدودة لكى نخرج سويا ونتحدث عن الايام الخوالى والايام الماضية وتلكم الايام الماضية
من ايامنا وهى ايام الصباء
فقلت لصديقى اننى ابحث عن بعض الاصدقاء منمن يقيمون فى الامارات ولااعرف لهم سبيلا
فقال لى صديقى واخى بدرالدين
اليوم مساء وكان يوم خميس فى دبى ستجد كل من تريد لقاة من السودانيين من اغلب الامارات العربية المتحدة فى سبق الخيل فى دبى
فقلت لصديقى ما تقصد باننى ساجد اغلب السودانين فى سبق الخيل فقال لى ان اغلب من
يقيمون من السودانيين ياتون كل خميس الى دبى لكى يشاهدوا سباق الخيل
فكنت فى بداية الامر فى دهشة لاننى لم اتوقع بان يكون عدد السودانيين منمن ياتون الى السبق يتلكم العددية الهائلة من الرجال السودانيين
ولكن كانت المفاجاة باننى رايت الكم الهائل من النساء السودنيات والعوائل باكملها فى سباق الخيل فى دبى
والمفاجاة الثانية كانت بان الكم الهائل من الرجال والنساء والاطفال كانوا يرهنون على
من سيكسب الرهان وكان اغلب الاطفال من سن 11-15 بعرفون عن السباق وكل حصان
وتالريخ الحصان ومولد الحصان ونسل الحصان وعائلة الحصان وكم مرة جرى الحصان يعرف هولاء الاطفال ما لايعرفونة عن مقررات الدراسة ومواد الدراسة المقررة عليهم
والشى المحزن بان اغلب النساء من السودانيات كانوا ايضا يرهنون على من سيكسب السباق من الخيل وكانوا يرهنون على العربة والتى هى من ماركة فورد وكانت التزكرة بمبلغ عشرة دراهم
ونحن هنا فى بقعة ضوء لابد لنا ان نفنتتح باب الناقش على مصرعيية لكى نرى الاراء المنيرة عن تلكم الظاهرة التى تتستحق الوقوف والدراسة والتامل
وهل الموضوع عادى وانا انسان متخلف
ام الموضوع ظاهرة تتستحق التامل والدراسة
وهل الموضوع مجرد برمانج ترفيهى لتلكم العوائل
ام هل الموضوع شى غير عادى ولايجب السكوت علية لانة من العادات الغريبة على مجتمعنا
السودانى المحافظ الى عهد قريب
مع العلم باننى لم ارى سوى العدد القليل جدا من الجنسيات الاخرى من النساء واغلبهم من الغرب يعنى خواجات
ولقد صدق صديقى بدرالدين باننى ساجد كل من ابحث عنة فى ميدان سباق الخيل فى دبى فقد وجدت حوالى 85 فى المئة منمن ابحث عنهم فى السبق فى دبى
وشربت اجمل كباية شاى واكلت جمل قطعة تورتة فى ميدان السباق مع بعض من اعرف من العوائل السودانيية
الظريف فى الامر وجدت صديق وهو يبحث عن عروسة سودانيية وهو مغترب فى امارة ابوظبى
فقال لى احسن فرصة تشوف فيها العروسات والشباب فى الامارات الان فى ميدان سباق الخيل
فتحسرت بعض الشى على العادات والتقاليد التى تلاشت مع الزمن وبفعل عوامل العولمة
الكريهة والدخلية علينا
اخى واخى الكاتب اكتب رايك بكل صراحة وبكل وضوح عن الظاهرة
وامكن انا غلط والناس صاح
وياناس الاعضاء الا فى الامارات الرجاء المشاركة
مع تحياتى
نور الاسلام
سباق الخيول من الرياضات والفعاليات المشهورة في الإمارات .. وخاصه مدينتي أبوظبي ودبي فهي تقام في معظم ايام السنه .. وبالأخص في المهرجات والمناسبات مثل مهرجان دبي العالمي للتسوق ..
وتعتبر الجاليه السودانيه من أهم محبي هذه الرياضه ..
في اعتقادي .. أرى ان لها سلبيات وإيجابيات ...
فمن ايجابيات ..
فرصة لكثير من الناس الترفيه وتقضيه الوقت و ربح الجوائز القيمه .. وايضا التعارف بين العائلات والشباب .. فرصه كما قال صديقك البحث عن عروس وقد سمعنا الكثير من الحالات التي تمت
ولكن من السلبيات ..
اختلاط النساء مع الرجال في وقت الرهان .. لأن نسبه منهم قد لا يلتزمن بالزي المحشم
تطفل البعض من الشباب ومضايقه الفتيات والنساء
وفي الأخير بالنسبة لي فرصه اكتر من رائعه للترفيه والتسليه والربح أكيد !
بالرغم من ان رياضة سباق الخيل يفضلها الكثير من العائلات السودانية القادمة من امارات مختلفة ..بما فيها من ترفيه وقضاء وقت ممتع وتغيير جو .. وكسب للجوائز القيمة ..
فأنا شخصيا لست من محبي هذا التجمع الجماهيري الهائل !!
لأنو نسبة كبيرة منهم لا تحترم هذا الملتقى ( يعني في عائلات محترمه .. سيدات ملتزمات ).
فأعتقد هذه الفئة تعرقل عملية الاستمتاع وتقضية الوقت !
[بسم الله الرحمن الرحيم
الاخوة بت ابوظبى وشاربة توت وود شحات
الشكر كل الشكر على المرور على البوست والرد الرائع من اناس اروع
وانا فى انتظار الزيد من الاشتركات لان الموضوع شى يستحق الوقوف علية
شكرا على البوست المميز ..
وفكره حلوه منك يا نور انك تطرقت لهذه الظاهره !
التي ما جات على بالنا نحنا المقيمين في الامارات !
يديك العافية ..
ودمتم سالمين ...
السلام عليكم
سباق الخيل
من اول مضامير سباق الخيل في الدول العربيه وافريقيا مضمار سباق الخيل التعبان الفي السوق الشعبي الخرطوم ده .
عملوهو الانجليز ما بين 1912 - 1917 ما متاكد من التاريخ بالظبط
والمقصوره الرئيسيه بنيت في عهد الرئيس السابق ابراهيم عبود
دي معلومه
واول خيول استوردت لتحسين نسل الخيول في امارة دبي
كان في السبعينيات وتم استجلابها من السودان
وعددها 3 خيول فحول اذكر من اسما ئها اسم جواد واحد وهو (اجراس العوده )
لو عايزين المعلومات دي كامله بتصل بالنادي في السودان وبتاكد ليكم منها بالظبط .
هوي الكلام ده انا ما حاضرو وهههههههههههههههههههههههه
انا صغيروني .................
..........................................
دي مقدمه بسيطه عشان اقول انو السودانيين سباق الخيل ما جديد عليهم
للان في سباق الخيل في السودان في اسر بتجي تحضر السبق بتعنا التعبان .
وهنا الناس تمشي وين
البلد غاليه
يعني واحد نقول عندو 3 اولاد مثلا وهو وزوجتو بقو 5 اشخاص
طلعو ولفو وفي النهايه اتعشوا بالميت كده صرفو ليهم كم غير البنزين
يا جماعه الناس مكبوته .
وبعدين ياخ الداير يعمل غلط بيعملو في اي مكان دايرو
والاسر دي حتسمع الكلام الفارغ او الحركات الفارغه في الشارع من الجيران .
يا جماعه 1 + 1 = 2
الداير الدرب العديل بلقاهو
والداير الدرب المعوج بيتلقفو .
معليش يا جماعه طولت عليكم
لكن بالجد موضوع خلاني انفعل
مبادئ وقيم
هي المبادئ والقيم دي الا بالحبسه في البيت .
ياخ اقول ليكم حاجه
دمتم سالمين
اولا شكرا على هذا الطرح
ثانيا بحكم وجودى فى الامارات اعرف الكثير عن سباق الخيل
وقصه السودانين معه انا لست من رواد هذا السباق لاسباب يمكن اناما بحب
التجمعات وبميل للهدوء اكتر وثانيا لان الوالد له وجه نظر فى الذهاب للسباق وانا احترمها
رياضه ركوب الخيل هى رياضه قديمه منذ ايام الرسول لكن اختلفت باختلاف العصر وتطوره
فاصبحت فيها المراهنات ا لجوائز الى اختلف علماء الدين هنا فى الامارات خصوصا
فى تحليلها وتحريمها .
انا بعتبر انه مشاهده السباق هو متعه بصراحه وكنوع من تغير الروتين اليومى دا لو كان
المكان هادىء ومامليان بالكميه الهائله دى من الناس والحاجه الى بعرفها انه رواد السباق عادتا هم الناس
( الكلاس ) زى مابنشوف فى بريطانيا مثلا اما هنا وفى دبى بتحديد عينك ماتشوف الاالنور
كل من هب ودب موجود فى السباق هل بتفتكرو انهم بحبو الخيل او انهم جاين يغيرو جو ابدا والله
انه حاله بعض السودانين فى الغربه يحزن لها القلب الناس بتنتظر يوم السباق دا بى فارغ الصبر طمعا فى100درهم
واملا فى السياره فى حيث انهم لو رجعو بلدهم يلقو 100 بيت يتفتح ليهم احسن من البهدله . يمكن انت الوقت ماسمح
ليك علشان تعرف الكثير عن السباق وبلاوى السباق يمكن لو كنت قعدت اكتر كان شفت بى عينك وياريت
المشكله مشكله رهان وزواج المشكله اكبر من كدا بكتير وما اعتقد انك كنت حتتحسر بعض الشىء كنت حتبكى على
حال السودانين وصورتنا الى كنا نتمنى انها تظل جميله كما تركنها كانطباع اول لنا فى الغربه قبل ان
يصيبها التشويه .
على كل حال الكلام يطول فى هذا الوضوع شكرا للطرح
وتقبل مرورى
انا بعتبر انه مشاهده السباق هو متعه بصراحه وكنوع من تغير الروتين اليومى دا لو كان
المكان هادىء ومامليان بالكميه الهائله دى من الناس والحاجه الى بعرفها انه رواد السباق عادتا هم الناس
( الكلاس ) زى مابنشوف فى بريطانيا مثلا اما هنا وفى دبى بتحديد عينك ماتشوف الاالنور
كل من هب ودب موجود فى السباق هل بتفتكرو انهم بحبو الخيل او انهم جاين يغيرو جو ابدا والله
انه حاله بعض السودانين فى الغربه يحزن لها القلب الناس بتنتظر يوم السباق دا بى فارغ الصبر طمعا فى100درهم
واملا فى السياره فى حيث انهم لو رجعو بلدهم يلقو 100 بيت يتفتح ليهم احسن من البهدله . يمكن انت الوقت ماسمح
ليك علشان تعرف الكثير عن السباق وبلاوى السباق يمكن لو كنت قعدت اكتر كان شفت بى عينك وياريت
المشكله مشكله رهان وزواج المشكله اكبر من كدا بكتير وما اعتقد انك كنت حتتحسر بعض الشىء كنت حتبكى على
حال السودانين وصورتنا الى كنا نتمنى انها تظل جميله كما تركنها كانطباع اول لنا فى الغربه قبل ان
يصيبها التشويه .
السلام عليكم
1- في فرق يا دكتوره بين الرواد وملاك الخيول
2- انت قلت بعض السودانيين ( لكل قاعدة شواذ )
3- انت نظرت للموضوع من وجهة النظر الكعبه
لو عملنا نسب حتكون 3 %
فيا دكتوره كلام الجيش بتاع الخير يخص والشر يعم انا ما معاهو
فعشان فئه معينه انت حمكت على كل الفئات
شكرا
دمتم سالمين
تحياتى لك سيد جمال
اولا الخط صغير شديد لاقيت صعوبه علشان اشوف
اعزرنى النظر على القد
ثانيا انت ماسك كلام الدكتوره بس الناس الى قبلى
مازكرو نفس الاشياء ابتداء من صاحب الموضوع
مرورا بى بت ابوظبى وانتهاءا بى
بعدين انا اتكلمت كلام عام ليس الاعلى حسب مابسمع
وفى حكمه بتقول لا دخان بغير نار
السلام عليكم
اسف على صغر الخط لكن اعمل شنو قدر ما حاولت مافي طريقه نزلت جافا جديده برضو .
على العموم ( ليس الاعلى حسب ما بسمع ) ما فهمت حاجه .
واسف لو ركزت عليك انت بس لانو كان اخر رد
دمتم سالمين
بسم الله الرحمن الرحيم
الاخوة الاعضاء والشادة القراء
السلام عليكم ورحمة الله وبركا تة
الشكر الكثير والجزيل على المرور على البوست
وانا فى انتظار روائع الردود منكم
مع تحياتى
تور الاسلام
اولااشكركم على طرح هذا الموضوع الجميل
وثانيا.طبعا حسب انى من المقيمين فى دولة الامارات فى السابق كنت من رواد مضمار دبى
لكن نسبة لضغود العمل وزيادة مواعيد الدوام لى مة سنتين لم ادخل الى اى مضمار.
واستطيع ان اقول فى الماضى كان السباق محصور بنسبة 90%للسودانين قنل ان تدخله الجاليات
الاخرى ليس بحب هذه الرياضة بل حبا فى حوافزها .وكانت مناسبة للاسره السودانية للقاْت.
ويوم ترفيهى للاطفال حتى يكونو فى اجوا الاسرة السودان ومعرفة عادات وتقاليد البلد وتتكون لديه
فكرة عامة عن السودان.واتمنى من اهلنا الطيبين السودانيين فى دولة الامارت ان يحافظوا على القيم
والاخلاق التى عرفوبها من ساير الجاليات الاخرى
مع خالص امنياتى
لكم بدوام العافية..
والله انا من الناس البتدخل مضمار السباق في منطقة ند الشبا في دبي وما لاحظت أي مساوي من البتقولوها دي. يا جماعة دبي بالزات مافيها سودانيين أو عرب كتار الواحد في الشغل والبيت والشارع والمطاعم والتاكسي الكلام كله إنقليزي وأردو عشان كدا الواحد بمشي يلاقي السودانيين هناك ويطلق معاهم لسانه.
مشكور اخي نور الاسلام على طرحك هذا الموضوع
هذه الظاهرة بدات هذه الايام تنتشر عندنا هنا في الدوحة بدولة قطر والتي كان السودانيون والسودانيات مضربا للمثل في احترام الذات و بعدهم عن الصغائر والاشياء التي تسئ الى الوطن...............
فاصبح النساء والبنات يخرجن الى هذه السباقات ليست للاستمتاع بالسباقات ولكن املا في الفوز بالجوائز والادهى عرض للانفس والازياء في بلد شيمة اهلها الاحتشام
ومما زاد الطين بلة فوز سوداني الاسبوع الفائت تحديدا الخميس 15 فبراير2007 بسيارة مرسيدس
ادعو الاباء ان يتقوا الله في اعراضهم........
والله الموفق
ابو عاصم الدوحة
الاخ على
تحية طيبة
الشكر على الرد وجميل منك ان تمر على الموضوع
أنا عايز أفهم عملية الرهان دي كيف يعني بتم ؟؟
هل هنالك من يدفع قروش زيادة لعملية الرهان على حصان معين ؟؟ أم السحب بيكون
على قيمة الدخول فقط
الاخ على الرد على اسلئتتك هو
الرهان يكون على عدد معين من الحصين يعنى مثلا تكتب ارقام ستة حصين انها بتجى الاولى وهناك فى كل شوط اكثر من حوالى 12 حصان انا لااعرف العدد بالزبط ولكن اكثر من الستة
ولو انت جبت الستة صاح يعطوك مبلغ من الدراهم على حسب عدد الفائزين
وبرضو دائما فى سيارة وتقطع تذكرة بعشرة دراهم واخر السبق يكون فى تذكرة فائزة بهذة السيارة
والفائز بالسيارة بمشى السودان اجازة لانة سوف يببيع السيارة بمبلغ ويكون حقق حلم انو يمشى السودان اجازة لانو الناس الفى الامارت اغلبها مسخنة من الناحية المادية
وغلاء السكن والاسعار يجعلك مفلس فى اغلب ايام السنة ويجعلك فى عداد المغتربين ولكن مغترب بدون فائدة تذكر
وكان الله فى عون كل الاخوة المغتربين اى كانوا وااله يصلح الحال فى ربوع الوطن الغالى وكلنا نرجع
الى السودان الرائع
مع تحياتى
نور الاسلام
نور الإسلام
الله ينور عليك
لكن برضو أخوك ما فهم كويس أو إحتمال أنا سؤالي ما كان واضح أكتر !!!!
الرهان يكون على عدد معين من الحصين ....................
كل مرة الواحد لما يخت رهانو بيدفع كم من القروش ؟؟؟؟؟؟؟؟؟؟؟
ولا فقط ثمن التزكرة بتاعت المشاهدة بتسمح ليو بالرهان ؟؟؟
قيتو لو كان ثمن التزكرة بس والله حظكم وما نحسدكم يا ناس دبي وربنا يخلي ليكم
أولاد المكتوم
لكن لو أولاد المكتوم بيخلو الناس يدفعوا قروش في كل عملية رهان فربنا يغفر ليكم ويغفر لينا كمان
وبيكون الموضوع بقى قمار عديل كده
ولو كان قمار فبالله خلو الرجال يمشو براهم ونساوينا وشفغنا بالله خلوهم في البيت أرحم ليهم عذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذاب
iالاخ على
السلام عليكم ورحمة الله وبركاتة
تصدق الغريبة ياعلى الدخول مجانا ولكن تباع كتب عن الحصين وتاريخ الحصان وكم جرى وكم ولد وكم فاز وكم جاء الاول وكم مرة ومرة ومرة وهى معلومات عن الحصين يعرفها حتى اطفال السودانين والامهات واظن الناس ديل قاعدين طول الاسبوع يقروا ويحضروا فى قصة الحصين دى
ورايت بام عينى اطفال اعرف والداهم وياتون من منطقة البريمى على الحدود المتاخة الى العين ياتون الى دبى اسبوعيا للرهان على الحميير والحصين والعيال ديل والله العظيم يحفظون ويتغالطون مع الكبار فى الحصين والله الواحد ما حافظ منهم مواد الدراسة والقران السور القصيرة مثل حفظهم لهذة الحصين
القصة خطيرة جد جد
نحن فى انتظار المزيد من المشاركين والتعقيب على كلامى هذا
تحياتى
نور الاسلام
