مسدار

[انقرضى]

الزول ان اباك من غير سبب ما تسكو
امسح اسمه من خارطة ضميرك حكو
جامل البجاملك والبدكك........... دكو
الناس زى الهدوم فيها الغالى وفيها الزى جناح امجكو
واحد ساتر وواحد احسن منو تمشى امفكو

[waya]

بفوح عبَّاقَه الله يحرسو
نحن نريدو رغم المُو العَلينا وهَرْسُو
القصَبْ المُنيِّل ترسُو
نحن غِرِقنا يا ابْحلمات ودايرين نرسُو

[خالد يوسف عبد الله]

الزول الخبرتوا ولفت بي معرفتوا

نوسر جسمي بالحيل والنجم حسبتوا

إنسان عينوا داك الديمة ضايق خبتوا

فايورس حبوا صابني والمنام فارقتوا

*******
الزول المنور بالجزيرة خدرتوا

من طابت غرب أميال تقع منطقتوا

ما بيتفع معاي الباخرة والمنفستوا

داير بالبوينج أقطع نفيسة فرقتوا

********
الزول البعيد أنا حبي ليهو وهبتوا

وما خليتلوا شيتاً ليهوا ما رسلتوا

رسلت الرسايل للهوايد خطوا

والهوتميل فتر والابتوب سلوكوا إتحتوا

[خالد يوسف عبد الله]

الزول الأصيل أنا شوقي ليهو دفرتوا
من ناساً عزاز عالي النسب في ربطوا

يوم تلقاهوا غافل جادع الشعر في صفحتوا

إطلق فيك ناراً وجسمك تزيد كهربتوا

******
زولي الديمة طايعوا وأمروا ما كسرتوا

بيهوا خلاص خلاص باب العشق قفلتوا

الحال العلي أنا إن كشفتوا وقلتوا
إبقى فضيحة زي باب الصفيح لي ستوا

[خالد يوسف عبد الله]

الزول البنعشم بي جديدو وعرسوا

ومن قومة الجهل أنا كم حسابوا حسبتوا

مختال في مشيهوا وبي جمالوا الورثوا

ومن ها الحالة يا أخوانا كيفن نرسوا

[سهيلي سعيد]

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني



خَلّني أبدا مُسداري

وأودي قفايا لي داراً بِقَتْ مِي دَاري



وهادا موضوع خطير
هههههههه



تقبل تحياتي وتقديري

[لبيب]

الزول الشبيه الصيد وعينو كحيلة
آسر قلبي من بدري ودموعي هميلة
السبب البخلي افكاري حايرة دليلا
في جنس البشر تب مافي ليهو مثيلا

[saare]

الخيل بدورهن لكين بابي شرورهن
قبــــــورهن فـــــــــــــوق (ضحورهن)
مركوبات الصحابة ضاوي لينا نورهن
وكافة كمين خطير شايلنّا فوق صدورهن
(أزرائيل )ملك الموت في كل صباح بزورهن
( من اشعار الرزيقات )

[احلام بت النيل]

الناس في العروض ما تقيسها بي تيبانا
لا يغرك لباسهم والعروض عريانه
ديل حراس رزق مثل التكني امانه
زي ابل الرحيل شايله السقي وعطشانه