السلام عليكم
السنة دي أخوي ممتحن شهادة
وهو أدبي عرفتة أنو المعادلة الجديدة للشهادة أنوحيمتحنو الطلاب في السفارة السودانية ودة طبعا لي ناس السعودية بس
أمتحان من 30% لانو الامتحانات النهائية بقت من المدارس يعني لو واحد جاب 100% من 100 يحسبوها ليو 70 % وبعد مايمتحن يضيفو لية نسبة لامتحان وبي كدة تكون نسبتو المعدلة
المهم قالو حيمتحنو الطلاب في مناهج السنة 1و2و3 ثانوي لاكين دة لي ناس علمي (الرياضيات والفيزياء والاحياء والكمياء ) اهاااااااااااااااااااااااا
ناس أدبي حيمتحنوهم في شنو تاريخ وجغرافيا السعودين ماأظن
غايتو العارف حاجة عن الموضوع دة لي ناس أدبي يوريني وله جزيا الشكر
هو انا ما فهمت حاجة
البعرفه انو المغتربين بتبهدلو بهدلة ما طبيعيه فى المعادلة والموضيع دى وبيتعاملو مغتربين واغراب فى تميز وعنصرية
لكن كنت داير افهم انتا قلت لو واحد مقفل 100 % 100 بيدوه 70 % وبعد كدا يضيفوا ليه نسبة الامتحان
شنو نسبة الامتحان دى وضحه شويه لانوا انا ما ناقش
وفضلت اكمل الجامعه بعد كدا ارجع السودان علشان ما يفورو لى دمى
فى انتظارك
واحنا كمان بنعاااااااني من نفس المشكله لاخواااتي
وماااافي شي معروف انا سألته نائب القنصل قال انو ماعارف حااجه عن الموضوع دا ( يعني ماجاتهم حاااجه رسميه بي كدا )
وقال لي دا كلام سااااي ....
وانا مستنيه يكلموني في اليومين ديل انشاااااء الله اذا عرفته اي حاااجه اكيد حاكلمكم ..
تقبلو مروري ..
أدروب مرحبا
أديك مثال واحد جاب 95 % مثلا يقوم يعملولية كدة
(95 -30 = 65% ) دي أول خطوة
الخطوة التانية يمتحنو الناس في السفارة أمتحان درجتو 30% قول زولنا الفي المثال دة جاب 20%
الخطوة الثالثة
(65%+20%=85%)
ولوجاب 30%من30% يبقي (65%+30%=95)
أمالوجاب 10% من30% (65+10=75)
وعلى العلم أنو الامتحان بعد أمتحانات المدارس بي أسبوع واحد بس في مناهج سنة أولى وتانية وثالثة ثانوي التيرمين
اوووووو تعذيب ده
والجابركم لكده شنو
اولا اى زول شايل شهادة اجنبيه ان شاء الله كان كاتبه با خط يدو فى بلد تانى ومشى السودان بيحترموه وبيلاقى حظ اوفر فى العمل لان السودان نفسه ما ومقتنع بالتعليم فى السودان
يعنى يا ضحكة كان وفرت القصة دى واخدت شهادة البلد الانتا فوقه وكملت الجامعه بتمشى السودان وبالك مرتاح وده السويته بعد نصايح ناس كتار رغم انى كان نفسى امشى اكمل فى السودان لكن البجبرنى شنو معاملة مغتربين كأنهم من كوكب تانى واجانب وتميز وعنصرية وبعد دا كلو العلم عند الله اشتغل با الشهادة ولا لاء
