دافعو عن بلدكم

[مهند ابراهيم]

(stnc)وكالات - بي بي سي
ما هو مفهوم الدولة الفاشلة؟
تصدّرت دول عربية وإسلامية قائمة "الدول الفاشلة" التي تنشرها مجلة "السياسة الخارجية" الأمريكية.

ووضع التصنيف الذي شمل 177 دولة، الصومال في المرتبة الأولى والسودان في المرتبة الثانية من حيث الفشل.

العراق احتل المرتبة 5، بينما جاء لبنان في المرتبة 18 واليمن 21 وسورية 35 وجاءت مصر في المرتبة 40.

واعتمد التصنيف على عدد من المؤشرات السياسية والاقتصادية والاجتماعية ومن بينها شرعية الدولة، مستوى الخدمات العامة، الضغوط الديمغرافية وحقوق الانسان.

جاءت النرويج في المرتبة الاولى من حيث الدول الاكثر نجاحا في العالم.

ماهو مفهومك للدولة الفاشلة؟ وهل تتفق مع تصنيف التقرير؟ هل تعيش أنت في دولة "فاشلة"
ياخوان دافعو عن بلدكم انا ختيت الموضوع عشان تدافعو عن بلدكم مش عشان بكره السودان السودان
دا ابوي واخوي ودنيتي كلها

[روقة]

نحن في كل المؤشرات الخاتنها دي تمام بس هم عندهم مشكلة مع الشرعية . يعني زي الزول لما يكون ناجح في كل المواد إلا قادي عربي بكون ما عندو شهادة يعني حتى لو قفل الرياضيات والفيزياء والكيمياء . والباقي وووو....

[lord of murder]

خليهم يقولوا زي ما دايرين و
(طنش تعش تنتعش)
المهم احنا في قرارة نفسنا مفهومنا عن بلدنا شنو
والمهم ايضا الأقتناع احنا مقتنعين والحمد لله
وحابين بلدنا كدا
عاجبهم اهلا وسهلا ما عاجبهم
شي يرجعلهم

[ودالدرديري]

مادام المجلة أمريكية واسمها السياسة الخارجية
دا براهو كفاية

الناس ديل لما يحسبوا حاجة بيقيسوها حسب مفهومهم وحاجاتهم
ولو اساسا السودان حسب حاجاتهم فاشل فـ هم أفشل خلق الله حسب حاجاتنا ومقاييسنا
يبقى كدا صاح و ماإختلفنا

وحسب مقاييسنا ما أظن أمريكا بلد المهاجرين الايرلنديين وباقي لحم الراس بتساوينا
عندهم جون وعندنا خال فاطنة
عندهم بيتر هافمان وعندنا المك نمر وود حبوبة والمهدي وعلي عبداللطيف
عندهم منو تاني ؟؟

ياخوانا السودان بلدنا ونحن اهلو ومابهون علينا مهما قالوا او عملوا
وكدا عاجبنا و ساااااري بالنا بحكوماتو وملاريتو وجنوبو وشمالو وأي حاجة تاني
ولو مابقى كدا زاتو ماحيعجبنا وماحيشبهنا ولاحنشبهو

و....إذا أتتك مزمتي من ناقصٍ فهي الشهادة لي بأني كاملُ

والله أعلم

يديك العافية


وليييييييييييييييييييي قداااااااااااااااااااااام











و......................الباقي على الله

[ابوبكر]

اعتقد أننا حسب وجهة النظر الأمريكية فاشلين ليس فقط كدولة بل كمجتمع ... هم ينظرون الينا من مفهوم غربي بحت متجاهلين كل اعرافنا وتقاليدنا متناسيين اننا ننتمي الى منطقة تحكمها قيم ومواريث ثقافية ودينية محددة وبما ان هذه المفاهيم تعارض توجههم فنحن في نظرهم فاشلين الغرب عموماً ينظر الينا على اننا في زيل الحضارة الأنسانية وحسب اعتقادهم أن النموذج الغربي هو نهاية الحضارة النسانية ...... ولكن السؤال الذي يطرح نفسه ويجب الأجابة عليه هل نعتقد نحن أننا فاشلون ؟ وبعدها يمكن ان نقرر مدى فشلنا أو نجاحنا ....

[احسان]

نحن ما فاشلين
والدليل اهتمامهم بينا
وتصنيفهم لينا
لو كنا فاشلين ما كان اهتمو بينا
وهسي كل البيحصل للسودان بسب الامريكان
وهم ناس فاضية وفاشلة لانهم قاعدين يفكرو
في التصنيفات وناسين الامهم ولاهم
بس ما يهمك كلامهم العارف عزو مستريح

[منو صديق]

شوف بالله خاتننا فى المركز التانى بعد الصومال مباشرة دى فى حد زاتا مش مبالغة منهم
وهم شافو مننا شنو ولا عارفين عننا شنو عشان يقولو علينا فشلة وزى ما قالت اختنا احسن هم الفاشلين ومعندهم اى موضوع

[ياسر احمد غيبش]

وصفونا بالفاشلين فماذا يزيدنا ان قالو نحن ناجحين وماهي مقومات النجاح عندهم انا اري لاقيمه ولا فائده من هذا التصنيف ويعتبر سبب تفشيلهم لنا ناتج عن استهدافهم لنا
الله اعينا علي عداوتهم