واصبحنا عايشين في امان وانجلي عهد الفساد
واصبح كل مواطن مطمئن بعدمافارق النوح والسهاد
الثورة ما بتعرف حرب الثورة دايرة الاتحاد
دايرنو سوداننا عزيز كفي ياخليل سيب العناد
اجلس علي مائدة الحوار وتذكرعهد الاباء والاجداد
تذكرودحبوبة وعبداللطيف والماظ وكل الكانو زمان قواد
تذكر كيف حمو السودان من مطامع الاوقاد
الكل بيهتف بالسلام من فكتوريا لناس حلفا والاحفاد
تعال ياخليل وانسي الكان اخيرنتفاوض في سلام وامان
شمال وغرب وطن واحدنجمع شملنا ونعيش اخوان
همنا رفعة السودان وحمايته بين كافة البلدان
وحمايته من مطامع جيش حكومة اليهود وامريكا والطليان
وكان دايرحرب ياخليل فنحن كمان اناس شجعان
جيشنا حديد وليه امجاد يتفجر كما يتفجر البركان
واكيد ياخليل في يوم تنقاد تقول دايرين سلام وامان
وتسلم عازة السودان
