يتهموننا بالكسل

[ودالسكوت]

تتناقل مواقع ومنتديات الإنترنت الكثير والمرير عن النكات التي ألفها العرب والخليجيين منهم – بالذات- والتي تدل على كسل السودانيين، ويصفوننا أننا أكسل شعب على هذا الكوكب، ويرددون مقولات مثل: (أن السوداني بعد ما يقوم من النوم برجع يرقد يرتاح شوية)، وكثيراً ما تجد عبارة (السودانيين لديهم كسل غير طبيعي)، ويقولون أن السودانيين من شدة كسلهم حتى أنهم سمّوا إحدى مدنهم (كسلا)، ويرددون كذلك نكات على هذا الطراز:

- سألوا سوداني: أيش يعجبك في قصص الأنبياء والصالحين؟ قال: والله كلها عبر وحكم .. وبالذات قصة أهل الكهف... يا سلام عليهم... كبسوها نومة تلاتمية سنة.!

- سودانيين سرقوا بنك عجزوا عند عد الفلوس قالو بكره نعرف من الجرايد!

- سوداني اشتري لولده كورة وقال ليهو بعد تنجح حـ أنفخها ليك!

وكذلك ألفوا بعض المقولات عن السوداني، وأسموها (من أقوال الإخوة السودانيين) كتبوها على شكل حكم لاذعة مثل:

- ارتاح بالنهار لتتمكن من النوم بسهولة في الليل.!

- حب سريرك فهو مملكتك الوحيدة!
- لا تؤجل عملك للغد طالما يمكنك تأجيله لبعد الغد.!

هذه الكلمات التي وجدتها مسطرة في صفحات احد المنتديات أحزنتني كثيراً، وتركت في داخلي جرحاً لا يندمل ، وتأسفت كثيراً أن صورتنا في نظر إخوتنا العرب بـ هذه الطريقة، إنهم يرون هذه العبارات طريفة ومسلية ولكنها مريرة، بـ الذات للسودانيين المغتربين في تلك البلاد، والغريب أن السوداني في بلاد العرب الأخرى أنشط خلق الله قاطبة، وهو الدينمو المحرك للعمل في معظم مؤسساتهم، وهو المدرس الذي يعلم أبنائهم، وهو الطبيب الذي يعالج مرضاهم، وهو مثال الأمانة عندهم، حتى في إعلاناتهم تجد (مطلوب محاسب سوداني)،

(2)

يقولون هذه النكات والعبارات وكأنهم أنشط شعب على البسيطة، وسأدلل لك عن كسل الساكنين في بلاد العرب، وبـ الذات في الدول المتاخمة للخليج، فهناك لا يوجد منزل إلاّ وبه على الأقل خادمة، تقوم بكل شيء ابتداءاً من الطبخ والكنس وغسل الصحون والملابس والأطفال، وتصل حتى مرحلة وضع المعجون في الفرشاة، وهم أيضاً يطلقون على أنفسهم بعض النكات التي تدلل على كسلهم العجيب، وقد قال عنهم أحد كُتابهم الصحفيين:

- (أن الزوجة عندنا تقوم الخادمة عنها بكل شيء، ولم يتبق لها إلا أن تطلب من الخادمة أن تضع لها الطعام في فمها وتهضمه بدلاً عنها).!

هذا هو صحفي من عندهم، وكلامه هذا يندرج تحت بند (شهد شاهد من أهلها)، وغير هذا الكثير من الكاركتيرات رسمت بأيدي بعضهم، ورسوماتها دليل دامغ على كسلهم، وقد قرأت كاركتير كانت الزوجة فيه جالسة بـ خمول وهي تقول للخادمة الأجنبية:

- بعد ما تطبخين .. وتغسلين .. وتمسحين .. جيبي لي حبة بندول وأبلعيها بدلاً عني .. لأني مصدعة وما أقدرش أبلعها لوحدي.!

لا أظن أن كسلنا سيبلغ هذا الحد ولو بعد قرن من الزمان.!

وقال كاتب خليجي يشكو من كسل بني وطنه بقوله:

- اللورد في بريطانيا يملك المليارات ويغسل سيارته يوم الأحد بنفسه، بينما الشعب الخليجي يبحث عمن يُمدّه بكأس ماء وهو لا يبعد عنه أمتار.!

وكاتب آخر يقول:

- بيل غيتس أغنى رجل في العالم ويعمل في منزله شخصان فقط ! تخيلوا لو كان بيل غيتس خليجياً كم سيعمل في منزله من شغالين ؟ 30 ؟ ، 40 ؟ ، ألف ؟ ، أو أهل إندونيسيا كلهم ؟!

وحتى الموظفين عندهم يتمتعون بـ كسل لا يمكن تصوره، وفي كاركاتير عربي آخر عنوانه (كيف نستفيد من الموظف الكسول)، وكانت الإجابة على ثلاثة مراحل دلل عليها بـ الصور:

1- ندفن الموظف في حفرة عميقة.

2- نترك الموظف مدة طويلة داخل الحفرة.

3- نستخرج الموظف بعد أن يكون قد تحول إلى بترول!

صحيح أننا لا نخلو بعض الموظفين الكسالى الذين فطورهم سنة، وصلاتهم سنة، ولكنهم أفضل حالاً من الكثيرين في بقية بلدان العالم العربي.

وكاتب آخر يتساءل عن عواقب كسل ساكني جزيرة العرب قائلاً:

- (المصيبة لا تحدث الآن ولكنها تحدث بعد عشرين سنة من التبطح، تكون نتيجتها بنت غير صالحة للزواج، وولد غير صالح لتحمل أعباء الزواج، لأنه ببساطة غياب تحمل المسؤولية لمدة عشرين عاماً لا يمكن أن يتغير من خلالها الابن بسبب قرار الزواج أو بسبب تغير سياسة المنزل، لأن هذه خصال وقدرات إذا لم تبن مع الزمن فإنه من الصعوبة بمكان استعادتها. الانضباط ممارسة يومية لا يمكن أن تقرر أن تنضبط في عمر متأخر لكي يحدث الانضباط. وبلا انضباط لا يمكن أن تستقيم حياة(.

وكلام هذا الرجل هو عبارة عن نظرة مستقبلية لما ستئول إليه عواقب الكسل لديهم، فـ الشاب والشابة عندهم اعتادوا أن يجدوا كل شيء جاهزاً وفي متناول اليد، ولا يبذلون فيه جهداً يسمى، وهذا من شأنه أن يصعب الأمر عليهم عندما يحين ميعاد تحمل المسئولية.

وفي بعض بلدان العالم العربي الأخرى تجد لمحة من الكسل تراها في مسلسلاتهم، وقد شاهدت وشاهد معي الكثير في بعض المسلسلات منظر الزوج وهو يتمطى في سريره وزوجته توقظه لتخبره:

- اصحى .. كفاية نوم .. الساعة تلاتة ظهر؟!

(3)

إنهم لم يروا أن الشعب السوداني يعمل من الثامنة صباحاً حتى الرابعة مساء، وأن المرأة في المدينة عندنا تفعل كل شيء لـ وحدها، قد تجد في بعض المنازل القليل من الخادمات، ولكن بنسبة لا تشكل ظاهرة، أما الرجل عندنا فإنه يخوض مغامرات صعبة حتى يوفر اللقمة الحلال لأبنائه، يا ليتهم يعلمون عظمة هذا الشعب الذي عاش كل حياته نضال في نضال، ليتهم يعلمون
منقول.

[نادر محمد ناصر الزبير]

دي نظرة ناس فاضيه
انا كان زوول عاقل بقعد اراقب الناس ده كسول وده ماعارف
من راقب الناس مات هم

[ريناد]

اول حاجه تسلم على الموضوع الرائع لكن بصراحة في سودانين فيهم كسل غير طبيعي ي عني امشي السودان تلقى الشباب ماعندهم شغلة غير قاعدين جمب ستات الشاي ياخي احنا بنبني البيت حقنا في السودان كل الشغالين ماسودانين مصرين وسورين ليه السودان اتعدم من الشباب؟
بصراحة السودانين طبعا ماكلهم عايزين يقعدوا في البيت وتجيهم الوظيفة لحد عندهم وارجو مافي زول يفهمني غلط ولا يزعل مني يعني انا لو وحده سعوددية قالت لي الكلام ده بكسررقبته كسر

[الفارسـ،،،]

يديك العافيه وشكر ليك وصراحة دي مسالة مؤسفة وما كل الخليجين بقولوا الكلام دا انا في المدرسة والله اغلب المدرسين والطلاب السعوديين بقولوا لي نحنا بنحب شعب السودان وانتوا يا سودانين احس ناس وطبعا الكلام دا كلوا بعتمد علي الزول العايش معاون اما نشيط وحركي ودموا خفيف اما والله اذاكان كسلان ودموا بقري ما بحس والله ليهم الحق يتكلموا بي الشكل دا ولك خالص الود والتقدير ملاحظة مهمة اي سوداني واجب بل لازم عليو يشرف وطنا الغالي دا ويرفع رأس السودان فوق في السماء. مع تحياتي

[gadora_968]

السلام عليكم ياجماعة أنا أقول ليكم حاجة بالمناسبة مافي ناس أكسل من الخليجين
أنا واحد من الناس شغال في واحدة من الدول الخليجية وشايف حالم ديل أي حاجة الا يسوها ليهم ديل حتي الطعام بيشترو من المطاعم وحتي تربية الابناء جايبين مربيات والنظافة في البيوت جايبين ليها خدامات والرجال قاعدين في البيوت و بيتسلفو من البنك وشغالين في الجيش كيف انا ماعارف وهو اليوم كلو نايم
غايتو الله يعينم ويتركونا في حالنا

[نفسيات]

ود السكوت اشكرك على الموضوع
لكن انا رأى بيقول العارف عزو كلام الناس ما بهزو
وبرضو لازم يكون عندنا غيره لوطنا الحبيب السودانى
تسلم وتقبل مرورى

[ودالسكوت]

[quote="نادر محمد ناصر الزبير"]دي نظرة ناس فاضيه
انا كان زوول عاقل بقعد اراقب الناس ده كسول وده ماعارف
من راقب الناس مات هم[/QUOTE

شكرا على المرور
يعطيك العافية

[ودالسكوت]

ريناد
الفارس
قدورة
نفسيات
شكرا ليكم على المرور وبارك اللة فيكم
يعطيكم العافية
لحضرة جلالك يطيب الجلوس
جدودنا زمان وصونا على الوطن

[yasmeen1]

بكون يس من اكل الفووووووووووووووووووووووووول

[gadora_968]

أكل الفول؟!!!!!!!!!ههههههههههههههههه

[gadora_968]

شكرا للجميع علي غيرتم علي السودان

[$Big boss$]

[align=center]السلام عليكم ورحمة الله وبركاته
زي ما بقولو الفي بطنو حرقص
هم لأنو عارفين انو هم الشعب الوحيد الكسلان عشان كده بحبو يوجهوا انظار الناس لي غيرهم
والهجوم خير وسيلة للدفاع
بس عايزه اسأل سؤال واحد للناس ديل
شوفو البيسوق الترلات عندكم والشاحنات والحاجات المتعبه دي منو؟
وبعدين شوفو منو الكسلان فينا
تسلم على الموضوع الحلو وهو اكيد بيعني كل سوداني غيور[/align][/b][/size]

دمت

[gadora_968]

بالمناسبة الاشاعة دي نشروها المصريين لأنو لقونا انحنا ماسكين الشغل كلو في دول الخليج

[sudany_moghtareb]

[align=center]علينا الا نلتفت لهذه المهاترات رغم انها تجرحنا وذلك ببذل المزيد والمزيد في بناء وطننا الغالي واللي تلاقيه يتكلم عن بلاد غير بلاده تعرف انه في ابتلاء لان الرسول صلي الله عليه وسلم قال (( اذا غضب الله علي قومآ منحهم الجدل ومنعهم العمل )) المفروض لا يلفت انتباهنا الا السوداااااااااااااان السودان وبس وكل عام وانتم بخير ...[/align]

[ود ودمدني]

[frame="1 80"]والله الشائعات الاتقالت عن السوودان كتيره واكيد ما صحيحه
بس سؤال : ليه العرب ما معترفين بالسوودان كدوله عربيه ؟
وابسط مثال في معظم المسابقات في القنوات التلفزيونيه لا يوجد رقم السودان مع ارقام الدول العربيه صح ولا انا غلطااان ؟؟؟؟؟
شكرا ليك علي الموضوع الرائع يا عثل[/frame]

[كجووول]

بسم الله ابدا بك وصلاتي وتسليمي علي من لا نبي بعده
ولا ليس شعب السودان كسولا بل العكس هو الصحيح
لانو هو اكثر شعب مطلوب في دول الخليج لامانته وغيرته علي اصله
ثانيا احب التاكيد علي انو اي واحد شغال لا يمكن ان يكون كسولا
ثالثا لو انتبهنا للكلام البقولوا ما كان حصل التطور الحاصل حاليا في السودان

واخيرا اقول لك

دع ما يريبك الا ما لا يريبك

مشكورين علي الموضوع المسخن دا

كجوول

[ودالدسـوقي]

لان العالم الان بيتهمهم بالغباء والتخـلف
والسـودانيين الموجـودون بالغـرب يؤيدون
هـذا الشـئ وعن تجـاربهم الشخصـيه عـلي
التعـامل مع العـرب هـناك


Arab Times.com
هـذا الويب يوضح الكـثير

[أبعاج]

اول حاجه تسلم على الموضوع الرائع لكن بصراحة في سودانين فيهم كسل غير طبيعي ي عني امشي السودان تلقى الشباب ماعندهم شغلة غير قاعدين جمب ستات الشاي ياخي احنا بنبني البيت حقنا في السودان كل الشغالين ماسودانين مصرين وسورين ليه السودان اتعدم من الشباب؟
بصراحة السودانين طبعا ماكلهم عايزين يقعدوا في البيت وتجيهم الوظيفة لحد عندهم وارجو مافي زول يفهمني غلط ولا يزعل مني يعني انا لو وحده سعوددية قالت لي الكلام ده بكسررقبته كسر

[rfif alhiat]

[grade="00008B FF6347 008000 4B0082"]الما قالو فيه قول هو ما زول [/grade] [grade="00008B FF6347 008000 4B0082"] ما سمعتو بي المثل دا احنا السودانين معروفين ولله الحمد الكسل دا موجود فيهم كما سبقتوني في التعليق ولكم التحية والتقدير [/grade]

[spygirle]

بصراحة انا كمان قريت في منتديات عن الكلام ده وزعلت كتير والله
واللي عايزين يقولوا خليهم يقولوا نحنا شعب واثقين من نفسنا