اختيار صعب

[امال الناس]

اذا كنت انت ومعك اربعة 1/امك 2/ زوجتك 3/ابنك 4/شقيقك او شقيقتك في وسط بحر علي مركب وهبت عاصفة شديدة وما حينجي من القرق الااثنين انت وتختار واحد من المعك لكي تنجه فمن تختار ؟

[نسمة الفجر]

الإختيار صعب لكن في النهاية أختار الأم

[ام صبا]

اذا كنت انت ومعك اربعة 1/امك 2/ زوجتك 3/ابنك 4/شقيقك او شقيقتك في وسط بحر علي مركب وهبت عاصفة شديدة وما حينجي من القرق الااثنين انت وتختار واحد من المعك لكي تنجه فمن تختار ؟

اكيد الزوج او الزوجه بتعوضو والابن بتعوض بس الام والاخ
اكيد الواحد حيفقدهم ده كلام الشايقيه ومحنتهم
تخريمه الزوج حار بس الاخ احر

[فارماس]

قطع شك تختار الام والاسباب عيييييييييييييييييك ما ليها حد

[شوشا]

طبعاً مايحتاجلها تفكير الام
بس لو كان في خيار ثالث مين حيكون؟؟؟

[ابن عوف]

كلهم عزاز

ولو كان ولابد الام لانها ما بتتعوض



والله لايحرمنا منهم

[نهـاد]

أكيد الأم من غير منازع

[نهـاد]

طبعاً مايحتاجلها تفكير الام
بس لو كان في خيار ثالث مين حيكون؟؟؟

على ما أظن لو في خيار تالت حيكون الأبن لأنو في اللحظه ديك ممكن ترمي نفسك عشان تنقذ أبنك ودا شي غريزي في كل الكائنات الحيه تقريبا

وسلاااااااااااااااام

[ود الزوحي]

كلنا نشتت ..

[ابو ايووودي]

اعزريني ..... الاختيار صعب شديد

كلهم غالين بس الام افضلهم

[توحه عبده]

سلام صديقتي امال طبعا بالتأكيد سأختار أمي رغم أنني لم أراها في حياتي توفيت وعمري عامين لكن لحرماني منها ومن عطفها وحنانها ولمكانتها العظيمة في الإسلام ومنزلتها الرفيعة في الدنيا فهي التي تنجب الأبن والبنت ولو لم تكن هي لما كانت الأسرة هذا غير حملها لك وانجابنك وعطفها وحنانها وتربيتها لأبنائها وعنايتها بزوجها وبيتها كقول رسول الله صلي الله عليه وسلم في الحديث الشريف عندما سئل :( من احق الناس بحسن صحابتي قال امك قال ثم من قال امك قال ثم من قال امك قال ثم من قال ابوك) .

فالأم مكانتها عظيمة جدا لاتضاهيها مكانة أي شخص مهما كان فالأم اسمى واغلي

صديقتك توحه عبده

[امال الناس]

انا بشكر كل الامروا بصفحتو وكل من رد علي موضوعي وبقول ليهم ربنا يدكم العافية ويخلي ليكم امهاتكم لان فعلاً الام حاجة مش ساهلة

[( ود البورت )]

اختار الام الابناء و ممكن يتعوض لاكن الام من وين اعوضه

[امال الناس]

السلام عليكم يا اعضاء يا حلوين يا سمحين يا مهتمين

نسمة - اما صبا - فارماس - شوتا - ود ابنعوف - نااناا - ود الزوحي - ahmede - وصديقتي العزيز وزميلتي توحة عبده - ود البورت حقيقة الاما مافي ذيها وهي اغل من حدقات عيونا بهنكم وربنا ما يحرم الجميع من الام والله يسلمك امي

[الفرح المهاجر]

الاختياااااااار صعب
لاكن
...
.
.
.
...
.
.
حيرتينى يا امال

[امال الناس]

وريني يا فرح كيف حيرتك وانا اريحك من الحيرة وكان امشي اكوس فكي ذي هناية ديك واجيب ليك العايزها اكيد ما انا الحيرتك حيرتك البنية ديك

[مونتا بيه]

بس فى داعى للحتة الضيقة دى
يا سيدى الله بدى الجنة ما يطلعنى من الورطة بتاعتك دى
على العموم ده تقريبا هروب من الاجابة لكن برضو
ليك كل الشكر والتقدير
ودمت ان شاء الله

[امال الناس]

بس فى داعى للحتة الضيقة دى
يا سيدى الله بدى الجنة ما يطلعنى من الورطة بتاعتك دى
على العموم ده تقريبا هروب من الاجابة لكن برضو
ليك كل الشكر والتقدير
ودمت ان شاء الله

يا راجل فين الاجابة ده هروب ولا شنو

[امال الناس]

الاختياااااااار صعب
لاكن
...
.
.
.
...
.
.
حيرتينى يا امال

اين هي الاجابة يعني فعلا الاختيار صعب ؟ ولا عايزين تهربوا وبس

[الهايم]

فعلاً الاختيار صعب بس بختار يجو الام والاخ والبقيه اللهم يتقمدهم برحمة ويدخلهم الجنه **

انا ومن معي احسن نستشهد والحاجه والاخ تاني بعوضونا