سؤال محيرني ارجو الاجابة عليه

[امال الناس]

يا خواني ويا اخواتي السوال المحيرني هو الونسة والتعارف علي المنتدي تعتبر خيانة للمتزوجين والمتزوجات ولا انما الاعمال بالنيات

[زوزو الجامعي]

كيف يعني اني بتقصدي الونسه من غير مايعرف راجل الزوجه او زوجة الراجل انه في احد فيهم بيتونس لو كده معناها خياااااااااانه لو لا معناها ماخيانه

[ريانه إمام]

[grade="00008B FF6347 008000 4B0082"]يا آمال ،،
الونسه والتعارف العادي مافيه مشكله ،،
بس الخوف الونسه تقبل وينك يا قلب والامور دي
دي خيانه درجه اولي وما مسموح بيها ،،[/grade]

[grade="00008B FF6347 008000 4B0082"]سؤالك كاااااااااارب وجرئ جدا جدا ،، بهنيك عليه ،،[/grade]

[ود الزوحي]

حقيقة ده سؤال في محلو انا اعتقد من وجهة نظري إنو لازم يكون في وضوح في الحتة ده بين الأزواج .. بس كمان لازم تكون في ثقة بين الاتنين .. والا الحكاية ما حتنفع خالص .. لأنو نادر ما نلقى ناس يتفهمو الوضع ده فحيكون في مشاكل كتيرة .. ده لو مافصل ليها النت .. وقامت هي طلبت الطلاق في حال كان هو البخش الحاجات ده ..
فعشان كده انا بقول إنو بتعتمد على ثقافة الاتنين ..

صراحة الموضوع شايك .. نخلي الرد لناس الخبرة (بالعربي كده المعرسين وخاشين معانا المنتدى)

تحياااااااااااتي

زقاق ..
هو عرف إنك خاشة المنتدى .. :D :D

[ابن عوف]

اهنئيك على طرحك الجميل والقوى

نوع الونسة فى النيت نفسة بادى الى طريق اذا كان بشغل الزوج / ة عن بعض فى تقصير بحقوقم اتجاه بعض والمنتدى هى وسيلة كل شخص فيم اعتقد تكون خيانة وما يتناول يتناول فى المنتدى مواضيع تخدش الحياة الزوجية

والله اعلم

يبقى السؤال انت بتدخل المنتدى عشان شنو


هروب من الاخر ام بحث عن اصدقاء ونوعية الاصدقاء نفسهم ولا ثقافة

الصراحة بين الطرفين اهم حاجة

[حسبو السناري]

المشكلة في ثقافة التعارف ذاتو عندنا غلط ..!!

[ام صبا]

والله موضوع جميل جدا
اولا ما افتكر انسان بقعد يشارك فى المنتدى بالساعات
والآخر يكون ما عارف اكيد بكون عارف زوجته او زوجها
بيعملوا فى شنو دى حاجه ثانيا افتكر لو التفاهم والثقه موجوده
الآخر يعرف حتى الاعضاء المشاركين ويكون معاك فى الصوره
اما حتة بتدخل عشان شنو اكيد عشان حاجه انت لو ما لقيت نفسك
ولقيت انك ممكن تستفيد وتفيد ما كان دخلت المنتدى وقطع شك ما عشان
تهرب وحتهرب من شنو هى ساعات الانسان بشارك فيها بمواضيع ويقول رأيه
وفى المواضيع البتكون فيها نوع من التسليه وفى الممكن تستفيد منه
الموضوع كله الوضوح وبما انه مافى غلط بيحصل ممكن ادخل المنتدى
واشارك واحكى للزوج الشىء البحصل المهم فى النهايه الثقه والتفاهم

[اسامه خضر محمد على]

بأختصار شديد الخيانه مش محلها المنتديات ولا طريقها التعارف بالاخرين مع كل الود والتقدير

[( ود البورت )]

ما شايف فيه اي خيانه

[الفرح المهاجر]

الله اعلم
ومن قال الله اعلم قد افتى

[ريمو]

سؤالك حلو ..... ما بشوف فيها اي خيانة

[سامى عادل]

والله الخيانة كان بقت كدا معناها دي ما خيانة دخول المنتدي انما هو لزياده المعرفة والثقافة والاستفاده من معلومات الافزاز بس لو خشت والواحد او الواحده لو عايزه الخيانة موش في المنتديات في محلات كتيييييييييييييره بس دخول المنتدي للتعارف وزياده الدراية والمعرفة
شكراً تقبلي مروري

[امال الناس]

سوداني مية مية عاد كان عرف الراجل وب وكان عرفت المراة وبين العمل شنوويا سامي انا ماقلت خيانة انا سالت سؤال فقط شكرا يا ريمو علي الاجابة وايضاً شكراً يالبورت علي ردك ومرورك الكريم اكيد يا فرح من قال الله فقد افتي يكفي ذلك فعلاً يا حسبو الثقافة لها اثر واثر كبير لكن اي ثقافة مع السودانين

وانا بقول الاعمال بالنيات

[بسمة الحياة]

انا بشوف على حسب نيتك
اذا كان الزوج او الزوجة عارفة دي ما تعتبر خيانة
اما اذا ما كانت عارفة ممكن تكون خيانة لانو الزوج عارف انها اذا عرفت ما حتوافق

مع تحياتي

[امال الناس]

عاد يا ود الزوحي بشكرك جنس شكر واكيد كلامك في محله وذي ما قال المثل اسئل مجرب ما تسئل طبيب والمجربين هم الادري بذلك يديك العافية وتكون قريباً من المجربين الحياة الزوجية ويا رنوية وام صبي شكراً علي مروركم المميز والرد المفيد يديكم العافية ودمتوبخير وصحة

[مونتا بيه]

ما عاش اللى يحيرك
والاجابة
على حسب نيتك وصفاءها
اذا كنتى عاوزة تتونسى وبس ما فيها حاجة

[ودعازة]

سلام امال الناس..
سؤال فيو صحوة ضمير عملاقة..
صراحة انا زوجتى باحد المنتديات عذبتنى ..كل ماواحدة تعلق على موضوع لى القاها متغايظة وان لم تفصح..الكارثة لما انا كنت امازح واحدة او اعجب بمواضيعا ده فلم تانى..المهم شوية شوية بقيت اشرح ليها وادلل ليها انو الصداقات دى اخوية وبقينا متفاهمين يشكل او باخر..خلاصة القول بعتقد طالما المتزوج او المتزوجة مقتنعين بصواب مايبيعملو يكونو متصارحين..والمهم فى النهاية كل واحد مايتجاوز الخطوط الحمراء ويضع نفسو بمكان الاخر ويتصرف من منطلق مالا ارضاه لى لا ارضاه لها..

تخريمة:
ام العيال لسة ماعرفتنى اشتركتا بالمنتدى هنا عشان كدا ببرطع..

[اجراس العودة]

.


.
[a7la1=3366FF]حسب الشئ البدور بينهم
اذكان محرم كلامو حرام
اذا كان فى حدود الشرع اهلين[/a7la1]

[امال الناس]

تحياتي يا ود عازة

انا غاتو ما عارفي زوجتك من حقها تغير عليك اصلو بنات الزمن ده ما بتصديق الواحدة تلقي ليها راجل يقول سلام عليكم . وما سمعتي باغنية راجل المراة حلو حلاة عاد دي ما بتخوف يا اخوي غاتو انا بقول انما الننيات بالاعمال

[امال الناس]

شــــــــــــــــــــــــــــــــــــــكراً يا اجراس العودة علي مروركم الكريم بصفحتي والرد