تحياتي للكل
ياخونا والله العظيم كثرة تعدد انواع الزواج اصبحت اهانة للمراة هسي جاءنا زواج المسيار وقالو كمان المراءة تتنازل عن كل حقوقها حتي المبيت والله اصبحنا ذي الدول الغربية لكن هم ما بسمو زوج بسموا صاحب يجي وقت ما يجي ويمشي وقت ما يمشي وامكن يصرف عليها لكن زواج المسيار ولا التكتحها يعني انتي المحتاجة للراجل علي كيفك كان دايراني بس كدي ده كلام دي رخصة ما بعدها رخصة واهانة لكبرياء المراءة ودوس لكرامتها هم الرجال لمن يخسروا في الواحدة لمن دمهم ينعصر. لمن يحصل اقل نقاش بينهم كانه ما بعرفك قبل كده ولا شافك لمن كمان مجاني ويا رجال اوع تبقوا انانين عندكم البنات والاخوات والخالات ممكن واحد يقبل لوليته الكلام الفارغ ده وسمعتي كمان قالوا ده حل للبايرات انشاءه يبقي عمري مائة سنة واقعد بكرامتي في بيت ابوي احسن من اسلم نفسي رخيصة لواحد وما بستاهل كمان ولو عندي قروش ليه انفقها علي راجل انشاءالله اعمل بيها وقف احسن مليون مرة من الرجال الما بستاهلوا ولو الواحدة ربنا لا قدر خلقها شينة دي قسمة رب العالمين وفي حاجات كثيرة للاستمتاع استقليها احسن ليكي من الراجل البهينكون الراجل الماخسر صدقوني ما بنفع قصة :
قالوا في ولد امه اغطته قروش وجاء لوالده وقال ليه عرس لي بقروش امي وقال ليه والده اذهب وارمي الفلوس في البحر واشتغل وجيب قدرها وذهب الابن ورمي القروش في البحر واشتغل وجاب قدرها وقال له والده اذهب وارميها في البحر فقال له الولد ليه يا ابوي انا تعبت واشتقلت عشان ارميها في لبحر فقال له والده تمام يا ابني استحقيت الزواج فزوجه مش ذي اولاد الزمن ديل يفتشوا للواحدة العندها قروش ما بهمه اسرتها ولا عمرها بس يكون لديها بيت وقروش ده كلام ياخوانا...............
والله اختي الفاضلة موضوع جميل
بس المراءه جزء لايتجزي من الرجال ولكن لابد من عدم الجمع في مثل هذه الامور
بمعني انك نظرتي الي النواحي السلبية في هذا الموضوع واذا رجعنا الي الدين فنجد ان السيده خديجة كان معها مال ومن شروط الزوجة المال ولكن دون اهانة لي كرامتها فالمراءه هي ام الكل ولكن اذا كانت مستطيعة ولها مال فمن حقها ان تكمل دينها وتشبع كل رغابيتها بما يرضي الله
تقبلي مروري
امال الناس كتب:تحياتي للكل
ياخونا والله العظيم كثرة تعدد انواع الزواج اصبحت اهانة للمراة هسي جاءنا زواج المسيار وقالو كمان المراءة تتنازل عن كل حقوقها حتي المبيت والله اصبحنا ذي الدول الغربية لكن هم ما بسمو زوج بسموا صاحب يجي وقت ما يجي ويمشي وقت ما يمشي وامكن يصرف عليها لكن زواج المسيار ولا التكتحها يعني انتي المحتاجة للراجل علي كيفك كان دايراني بس كدي ده كلام دي رخصة ما بعدها رخصة واهانة لكبرياء المراءة ودوس لكرامتها هم الرجال لمن يخسروا في الواحدة لمن دمهم ينعصر. لمن يحصل اقل نقاش بينهم كانه ما بعرفك قبل كده ولا شافك لمن كمان مجاني ويا رجال اوع تبقوا انانين عندكم البنات والاخوات والخالات ممكن واحد يقبل لوليته الكلام الفارغ ده وسمعتي كمان قالوا ده حل للبايرات انشاءه يبقي عمري مائة سنة واقعد بكرامتي في بيت ابوي احسن من اسلم نفسي رخيصة لواحد وما بستاهل كمان ولو عندي قروش ليه انفقها علي راجل انشاءالله اعمل بيها وقف احسن مليون مرة من الرجال الما بستاهلوا ولو الواحدة ربنا لا قدر خلقها شينة دي قسمة رب العالمين وفي حاجات كثيرة للاستمتاع استقليها احسن ليكي من الراجل البهينكون الراجل الماخسر صدقوني ما بنفع قصة :
قالوا في ولد امه اغطته قروش وجاء لوالده وقال ليه عرس لي بقروش امي وقال ليه والده اذهب وارمي الفلوس في البحر واشتغل وجيب قدرها وذهب الابن ورمي القروش في البحر واشتغل وجاب قدرها وقال له والده اذهب وارميها في البحر فقال له الولد ليه يا ابوي انا تعبت واشتقلت عشان ارميها في لبحر فقال له والده تمام يا ابني استحقيت الزواج فزوجه مش ذي اولاد الزمن ديل يفتشوا للواحدة العندها قروش ما بهمه اسرتها ولا عمرها بس يكون لديها بيت وقروش ده كلام ياخوانا...............
حسي انا كان قتلوني بعرس لي وحدة عندها قروش .. لازم انا الاصرف على البت مش هي ..
تعدد انواع الزواج من وجهة نظرى انه مفيد طول ما هو ماشى مع الشرع والسنه المطهره بس ابعدينى من الزواج العرفى وزواج المتعه ولكن بقية الزيجات ولو فكرنا فيها بصوره متأنيه نجد انها ساعدت كثيرا من العوانس على الزواج وايضا الارامل ومنعتهن من السقوط فى الهاويه ولا ننسى ان لدينا عادات وتقاليد تحرم الشرع ولذا ومن وجهة نظرى ارى ان زواج المسيار قد اراح الكثيرين وساعد مجموعه لا يستهان بها من العيش فى الفضيله وعدم الوقوع فى الرزيله ودمتى بود
انا شائف اغلبية الردود ذي الموافقن علي هذا النوع من الزواج بس كلهم رجال طبعاً لازم يكونوا رجال يا خواتي وينكم انتن انا عايزاكن ردوا ووروني رايكن شنو الرجال اجابو لانه الموضوع في مصلحتهم
ما قلت ليك البنيه دي مابتحب الرجال وجاريه وراء الرجال مشكله نحلها ليها كيف
هي الحياة دي ما شراكة ولا كيف
كان الراجل عندو قروش ولا كان المرأة عندها قروش الفرق شنو مش ارتضوا الاثنين
يعيشوا باقي عمرهم في شخص واحد .
وكل زول على هواه الداير السمحه والداير الغنيانه والداير المتدينه والبت زاته علي كيفها
ترفض الترفضوا وتدور التدوروا كان غنيان ولا كان مفلس ولا كان متدين ولا كيف
اها يا ود الزوحي عليك بيها
اديها كريم تطويل الشعر لغاية ما اجي انا واجيب معاي صابونة الزيتون .
انا معاك يا حبيبنا الاشيتر الحياة تراضي .. لكن المره مهما كان عندها قروش فهي أصلا ما مجبورة تصرف على زوجها .. بل الزوج هو اللازم يقوم بواجبه اتجاه مصاريف البيت .. وهي ممكن تساهم بحاجات بسيطة لو كانت عايزة بس بدون اي ضغوط من الزوج ..
الاخت امال الناس سلام..
احييك على موضوعك الرائع..
نعم الزواج سنة الحياة وينادى بيو الدين لمن استطاع الباءة وعرفت الباءة بتوفر الصحة والمقدرة على الكسب..يعنى الرجل هو عليه الكسب ومن ثم عليه الإنفاق..كما جاء بالآية الكريمة( الرجال قوامون على النساء بما أنفقوا وبما فضل الله بعضهم على بعض)..
صدقينى الأهانة الاكبر ليس للمرأة بقدر ماهى للرجل..هى لها الف مبرر ويكفى بأنها ناقصة عقل (عاطفية وتقيس الامور بعاطفتها)ودين (لعدم صلاتها وصيامها للشهر كامل)..ولكن ماهو عذر من ارتضى ان يتزوج بهذه الطريقة؟؟؟؟؟؟ إذا كان معظم الرجال يتزوجون الزواج الطبيعى دون ان يخبرو زوجاتهم نراهم غير كاملى الرجولة..فكيف ننظر لهذا المتزوج ال1ذى اخفى عن الجميع؟؟؟
المرأة ليست مهانة ولن تهان ممن ارتضو لانفسهم الهوان وعدم القوامة..
ولك كل التحايا،،،
والله مشكوره ياأخت امال امال على الموضوع الحساس ده
يمكن الردود الفوق اكترها كان من الرجال
لكن انا بشوف انو مافي حاجه تجبر المرأه انها ترضى تعيش بالشكل ده مهما كانت الظروف
لأنها بتكون عايشه ربع امراه ما بتتمتع بكل الحاجات البتتمتع بيها غيرها من النساء ليه ترضى انها تعيش ناقصه وما في راجل في الدنيا يستاهل انو الواحده تحس بالنقص عشانه
وفي حالة انو الطرفين كانو متراضين على قول الأشيتر فليه ما يعيشو حياهتم بشكل طبيعي زي الصوره المفروض تكون عليها
انا في رأيي انو النوع ده من الزواج يوفر للراجل انو يجي يقيم في فندق 5 نجوم بدون اي تعب
وتقبلي مروري اختي العزيزه
الاشيتر اصلاً من الله خلق الدنيا دي المراة والرجل بتساعدوا وحق المراءة حق الرجل مافيها اهانة ابداً ولا قلنا شي لكن التنازل لدرجة تنازل عن حقها في المبيت والله ده كتير اوي يا ابوي ولا انت عندك واحدة وناوي تزوج الثانية زواج المسيار
سلام يا ينعوف انا فعلاً لو قراءت موضوعي الثاني كانت وصيتي انه المراة تختار زمن مناسب للنقاش او اذا غلط الزوج تتركه لما يروق ويزال غضبه حتي تحسسه بطريقة غير مباشرة بغلطه واكيد سا يعتزر ليها مافي شك اذا كان هو مش لئم
