شهيدة الإسكان

["شهادة عربية"]

في صباح يوم الاربعاء الموافق 28/2007 م الساعة ال7:30 صباحا

خِبرت يا سودان بزفة الإسكان؟عنوان صباحنا اليوم !!
زفة عروس الحب شهيدة الإسكان ناهد الإنسان
عروس للجنة زفوها بياسين ! بسورة الرحمن !
عروس حبوها ناس الدنيا حباها رب الكون حباها الوجع ألوان
عروس مخلوقة من النور مخلوقة من الطين وريح الجنة والريحان
عروس الكون يا درة العرسان دعواتنا ليك حُنان حُنان
عروس نايمة بإذن الله في حضن دافي اكثر
من حضن أُمك وأبوك والحبيب سلمان
ما تخافي ولا تحزني والله يا ناهد جزاك جنان
رحلت محفوفة بالدعوات صالحات من الصالحين من الاخوان
الحبوك جَّد الجَّد يا شمعة العيان والصحبة والجيران
يا ورد نديان ياغصن أخضر جميل يا سنديان
سوينا ليك فرح تستاهليِّ .فرح في مكة. حول الكعبة
ستايره استرجاع وضيافته إستغفار
دموع وداعنا ضراعة في حضرة الرحمن
جهازك فيه سورة طويلة وعمراته كثيرة
حالنا هناك حول البيت زي حالنا في رمضان
يا وديعة شامة يوم يفتحوا الكوَّات ويرفعوا التيجان
بس الغريب في حالنا هاجروا ناس كتير في هوان ومنهم حبَّان
هاجرتي إنت براك !ما بتخاف عليك لأنك
زادك هناك قرآن وباقات محبة ونور في يمينك
ودعتك الله (نهاد) يا روعة يا شمعة يا إنسان
نخاف عليك شنو؟وفي إيدك العنوان . واضح خلاص ومن نور !!!
دعواتنا ليك. وزاد . 114 سورة هدية في باقات
وعارفنك هناك في سلام .في حضن دافي حضن رحمن
أدفئ من حضن امك وأبوك ونوال والحبيب سلمان .
واحدة دارت في فلك حبك متأخرة جدا ََََ جداََ

[sarona]

شهادة عربية
لك التحية
كلمات رثاء جدا قوية وصادقة
لها الرحمة والمغفرة ولكم الصبر وحسن العزاء

[الغريبة]

الله يرحمها ويرحم جميع موتى المسلمين
شكرا يا شهادة عربية على الكلمات
وباين عليها ما كانت هينة نهاد دى