اذا كان عندك بنت ممكن تزوجها بهذه الطريقة ..............

[حافظكو]

الاخوة في منتدى أنا سوداني
طبعا لا يخفى عليكم صعوبة الزواج في هذا الزمن نسبة للتكاليف الباهظة وخاصة في بلدنا ونسبة (لحاجات تانية حامياني) ............

أورد اليكم هذه القصة الحقيقة بلسان صاحبها وهي طريقة جميلة جدا لاختيار زوج لبنته وقد زوّج بهذه الطريقة سبعة من بناته

هذه الحكاية حكاها أحد الاباء ليحث الناس على تبسيط الزواج وضرب مثلا بنفسه وكان هذا الكلام في أحد المساجد بالخرطوم ..........

يقول هذا الرجل:-

اذا تقدم لي بتي راجل في الأول بشوف الوقت الجا فيهو هل وقت صلاة أم لا اذا كان وقت صلاة طوالي ببدأ في تنفيذ الاختبار واذا كان غير وقت صلاة بديهو مواعيد أخرى مثلا (تعال لي بكره قبل المغرب)

طيب بعد الضيافة وحبة ونسة وبعد ما يأذن الآذن عمك بيستأذن من العريس وما بوريهو ماشي وين وطوالي بخليهو في الصالون وبيمشي الجامع.
بعد ما تنتهي الصلاة بيلتفت وراه اذا كان لقى العريس صلى وراه.... في محلو داك بقول ليهو مبروك يا ولدي بدون ما يسألو عن أي شيئ آخر .......

واذا كان ما لقاهو وراه..... ورجع البيت ولقى صاحبنا منتظر يطقطق في اصابعيهو بقول ليهو يا ولدي والله ما عندنا نصيب.............

هنا العريس بيطلع وما فاهم حاجة ................................

وصدق الامام حسن البصري عندما سأله رجل (أن لي بنتا أريت لمن أزوجها)
فقال له الامام زوجها ممن يتقي الله فان أحبها أكرمها وان أبغضها لم يظلمها)

ربنا يلم العزابة في زول زي ده ودمتم ...........


وما زال السؤال قائم وأرجو الاجابة .................................

[ابن عوف]

ربنا يسهلها عليكم








:d

[حافظكو]

هلا بيك ود ابنعوف وربنا يسهلها علينا وخاصة أخونا رؤوف العزابي


وانشاء الله أنا عننفسي خاشي بعد عيد رمضان هذا العام يعني باقي لي كان ربنا سهل شهر ونص دعواتكم معانا يا طيبين

[بسمة الحياة]

مالكم يا شباب المنتدى مهلوسين بالعرس كده

[حافظكو]

الجواب واضح من اسمك يا (بسمة الحياة)

يعني كيف الحياة تكون مبتسمة بدون زووووووووووووواج


ربنا يعين الشباب

[اميرة بكلمتي رقيقة بهمستي]

موضوع حلو

والقصه الاحلي

بس الطريقه اللي استخدمها الرجل ماهي مقياس كافي علشان يزوجه البنت

الطريقه دي تعتبر وحده من 10 مقاييس


وربنا يسهل لكل الشباب

تحياتي

[fot1]امورة[/fot1]

[حافظكو]

مشكورة الأخت الأميرة على الرد

بس هذا هو المقياس الأهم والأشياء الأخرى تعتبر مكملة

يعني مثلاً اذا جاءك رجلان ذوا خلق ودين يعني متساوين في الدين لكن واحد مقرش والتاني مفلس أكيد حا تختار المقرش

بس تبقى المشكلة اذا اخترت على مقياس المال فقط ؟؟؟


ولاّ كلامي ده ما صاح ؟؟؟؟