مساطيل

[احمدانى]

مسطـول إشتري سيــــــاره شبح جديدة لنج
وهو ســــايقها فتح الراديو سمع هنا لندن...
قال إنعل ابو الســــــــرعه ذاتو
_____________________________________
ســـــــواق امجـاد راكب جنبو واحــــــد سميــــــــن لدرجة إنو ماقادر يســــــوق.
في واحـد مسطـول راكب في الكنبه الخلفيـــه قال للسـواق..
ياابن العـم شيل دركسونك وتعال معانا بي ورا
____________________________________

- مسطول سألوهو ما هو اصعب موقف واجهته في حيـاتك ؟
قال : موقف الــــحاج يوسف.
____________________________________
مسطول إتصل يشاغل واحدة في تلفون بيتم
قالت ليهو: انت مسطول ولا شنو
طوالى قفل الخط
قال: بالله شوف بت الكلب دي طلع عندهم كاشف
____________________________________
مسطول سألوه عن العلاقه بين الشهد والشهيد؟
قال: الاتنين بيتلحسو.
مسطول وقع في حفره
حاول يطلع ثلاثه مرات من غير فايده.
فقال: دي اخر مره لو ماطلعت ح امشي!!!!
مسطول ولدو الصغير عيان وداهو الدكتور
بعد الكشف والفحوصات الدكتور قال ليهو:
الولد ده بيســنن.
المسطول رد: انا زاتي قلت كده
___________________________________
مسطول مشوكش سالوه عن اجمل بيت شعر؟؟
قال: كلما نربي كتكوت........يكبر ويفوت
__________________________________
- مسطول خش عنبر مرضى السكرى قال ليهم ازيكم ياحلوين
___________________________________
واحد مسطول مشى لي بت الإتصالات
قال ليها عندك مفتاح امريكا
قالت ليهو آآي
قال ليها طيب اعملي لي منو نسخه .
_____________________________________

مسطول في المدرسة سمع الاستاذ بقول المثابرة تولّد النجاح.
قال لى زميلو: مــــــــتين هي المثابرة بقت دايه؟؟
_______________
مسطول لقي كنز
قال خلاص باقي الخريطه
____________________________________

استاذ سال تلميذ مسطول ما معنى كلمة سبيل؟
رد التلميذ: طريق
المعلم : وسلسبيل؟
قال ليهو ... طر.. طريق
____________________________________
مسطول يجي كل يوم جزمتو ورجل بنطلونه اليمني مبلولات
واحد شمارو عالى داير يكتشف السر مشى بوارهو للنيل
لقاهو بعد ما يدخن السيجاره يرميها في المويه ويدوسها برجله
____________________________________
مسطول ماسك قسيمة الزواج وقاعد يقلب فيها يمين شمال
زوجته سألتو : بتعمل في شنو يا راجل؟
قال ليها : لا أبدا مافي حاجة
قالت ليهو : كيف مافي حاجة ليك نص ساعة بتقلب في القسيمة داير شنو ؟
رد عليها : بفتش في تاريخ نهاية العقد
___________________________________
مسطول بيعمل تجربه فى ضبانه مسكا وقال ليها طيرى طارت.
قطع ليها جناحينا قال ليها طيرى ما طارت
كتب: واثبتت التجارب ان الذبابه لمن تقطع جناحيها تفقد السمع
________________________(3)___________
في مسطول قال لي زميلو: أمبارح اليوم كلو بالي مشغول
رد عليهو زميلو : يمكن يكون في زول رافع السماعة
____________________________________
مسطول سطلة شديد سمع المعلق بقول فاول لصالح رونالدو...
قال أول مرة أعرف انو رونالدو عندو ولد اسمو صالح.......

____________________________________
مسطول شديد مشى سلاح ا لمظلات..
قال ليهم داير أعمل مظلة للمرحوم الوالد و كده
____________________________________
مسطول سمع دقة في باب البيت
فتح الباب مالقي زول
قال دي (مس دور) ولاشنو؟
_____________________________________

*مسطول وزنه زاد ..
مشى للدكتور .. الدكتور نصحه يمشي كل يوم 3 كيلو ..
بعد إسبوع ضرب للدكتور قاليهو أنا في الحصاحيصا أواصل ولا أرجع
_____________________________________
• مسطول دخل المستشفى
سألوه: زيارة؟
رد: لا عمره.
_____________________________________
مسطول جا ماري قريب من اولاد بلعبوا كوره
حاول يشوت ليهم الكورة جلت منه
فعلق قائلاً: شوتتنا بقت زي الكبريتة اللينة قدرما تكرشها ما تولع.

_____________________________________
مسطول قالوا ليه اكتب لينا امتحان انشاء من 10 صفحات
كتب في الصفحة الاولى ركب الرجل الحصان
وفي الصفحة الاخيرة كتب نزل الرجل من الحصان
وبين الصفحات كتب كبجك كبجك كبجك كبجك
_____________________________________
* مسطول زار اثنين من اهلوا في المستشفى
لقى واحد عنده حمى شديدة برجف والتاني مركبين ليهو درب
رجع البيت سألوه: الجماعة لقيتم كيف؟
قال ليهم واحد شغال هزاز والثاني في الشحن.
_____________________________________
مسطول مشى يخطب اهل العروس
جابو ليهو شاي لبتون
قام رفع الخيط من الكباية وقال:
أهاااا من هسي بدينا في الكواديك.

كلب جاتو نفسيات لانو اكتشف انه بينبح على حرامي اطرش.