شباب وبنات السودان الاعزاء

[سلمي200005]

ياريت ياجماعة البوست ده يكون فيه ارشادات من الشباب القاعدين في السودان بخصوص المشاريع والاستثمارات الممكن المغتربين الشباب يقدرو ا يخشو فيها لانه انا شايفة انو كتير من المغتربين بيرجو البلد الواحد يكون عاوز يستقر بس راسو يكون ضارب يعمل شنو ويكون بهدل حصاد السنين ورجع تاني للغربة فافيدو اخوانكم عن المشاريع والحاجات الممكن تساعد الواحد في انه يعمل حاجة في السودان حتي لو كان بسيطة

[aiman]

كلامك صح وتقبل مروري

[ودالعاصمة]

بسمك اللهم نبداء
وبك نستعين ونصلى ونسلم على حبيبك محمد اكرم الاكرمين
وبعد ..

الموضوع يختصر على تعريف بفرص العمل والمجالات المتوفره فى السودان لفتح الباب امام المتثمرين من ابناء بلادى فى الخارج والمغتربين البعيدين كل البعد من الفرص المفتوحه ومحاوله لتنوير الاخوه المستثمرين القادمين من الخارج بوجه الخصوص بفتح استثمارات تدفع بوتيره الحياه اليوميه الى الامام ....

ملاحظه..
يلاحظ كل السودانين ان الاخوه المغتربين لايجدون فرص للاستثمار فى السودان او بصوره اوضح
تقل فرصه النجاح فى مشاريع استثماريه يستطيع بها المغترب او المستثمر ان يضمن مصدر دخل آمن
ووسيله كسب شريفه
فلذلك يتخبط المغترب وهو يحمل حصاد الغربه ولا يستطيع ان يبداء بدايه صحيحه يستطيع منها توفير الوسيله الناجعه لمصادر دخل وافره والكل يعتقد انه يستطيع ان يعمل فى السودان بد ماكسب المال الوفير او القليل ويتفاجئه بان المشروع المعين اصبح لاجدوى منه ...

ولذلك ....

وبما اننا فى السودان فمن الواجب علينا تعريف ولو بصوره نظريه عن مصادر الدخل فى السودان ليستفيد منها الاخوه فى الخارج وحتى فى الداخل وباى قيمه ماديه وتعريف باالمشاريع المنتجه والناجحه ولكم اخيار .....

ختاما ....

الموضوع القصد منه التنوير والتوجيه الصحيح فقط وهو عمل وواجب تجاه الوطن اولا لنبنى سودان متقدم بابنائه وقصد وطنى فى المقام الاول ...
ونبداء با الفرص تدريجيا ولكم الخيار فى السؤال عن ادق التفاصيل لوضع الصوره كامله ..
السلام عليكم

[ودالعاصمة]

بدايتا نبداء المشاريع العمليه بدراسات الجدوى وتتحول الى اشياء ملموسه على ارض الواقع
ومن المجالات المتعدده فى السودان هى وسائل المواصلات

ذى الحافلات والهايسات والقريسات والامجادات والركشات

من الامس الغريب الحاجات دى كلها كانت متوفره ووسيله دخل مربحه لكن اثبتت بعض العيوب

فى الركشات اتمنع الترخيس والامجادات من الغاز تحولت كلها الى بنزين ودى سببت ازمه اضافيه للامجادات
والركشات تعمل بتصاريح مؤقته وايضا لها ارباحها فى الراتب اليومى حوالى 50 الى 40 جنيه
واسعارها من 4الف جنيه الى عشره حسب الاستعمال والجوده

ومن الوضع الجديد فى السودان هو وجود باصات سياحيه جديده استعملت للمواصلات يعنى بى اختصار كده ((ممنوع المجازفه فى الحافلات الكبيره)) لكن ممكن يكون خيار العربات ال14 او ال11راكب مربحه وتترخص ترخيص ملاكى وتستعمل فى الترحيل للمدارس والجامعات والمؤسسات الحكوميه وكده
وشهريا قد يكون العائد بتراوح بين 800جنيه سودانى الى 1500 وقد تزيد حسب الاتفاقات

باالاضافه الى المشاوير العاديه واستعمالها كمواصلات ليليه بعد وقوف الحافلات لتسهل على المواطن الوصول فى اى زمن وليها ارباح يوميه با الاضافه الى الجازولين الغير مكلف وتتراوح اسعارها بين 18 الى 44 الف جنيه سودانى حسب الاستعمال وحسب الاستهلاك
با التوفيق انشاءالله لكل الراغبين ومشروع مربح بعون الله ...

[ذكرى الجراح]

بالجد يديك العافيه ياودالعاصمه

موضوع جميل جدآ

ربنا يجازيك عليو خير

[ودالعاصمة]

وبا الجد تسملى جدا يازوق

وشكرا على الزياره والطله الظريفه دى

وربنا يديك العافيه انتى كمان والبوست استنار وتوهج بوجودك

[ودالعاصمة]

مره اخرى والمجال مازال فى حقل العربات والاستثمارات فى مجال العربات الخاصه

ايضا من المشاريع الحيويه جدا وتحتاج الى راس مال عالى وهو التجاره فى العربات

وليها طرق عده اولا ادخال العربات من الخارج والاستفاده من فارق الاسعار فى السودان والوضع فى الاعتبار المسائل الضريبيه والاحتياجات الآزمه مثل الترحيل والوقود ووسيله البيع فى السودان

من العاده انو العربات بتدخل عن طريق بورتسودان وتتم عليها جمارك تصل الى 100% يعنى سعر العربيه نفسو واضافه الى ذلك اسعار الشحن والترحيل فى الداخل
غالبا ماتكون الارباح بنسبه 10% اما ازيد واما اقل على حسب السعر من المصدر وحسب الزبون فى السودان وحسب استهلاك وصلاحيه العربيه
والاسعار متقلبه ... والانواع والازواق متعدده
ففى السودان اغلب العربات المتهلكه هى هونداى التويوتا والمتسوبيشى بعد داك بتتدرج حسب الراغبين
والعربيات المستهلكه حاليا وممكن تكون مرغوبه فى السوق هى accent وcorala والبكاسى الاصلا اسعاره موحده وثابته والاكسنات اسعره من 11 و12 الى25 و30 حسب الموديل وحسب الجوده
والكورلات بين 20 الى 60 وبرضو حسب الموديل وحسب الجوده والصلاحيه

والمشروع يعتمد على توريد عربات من الخارج وادخاله السودان وبيعه بى اسعار اعلى والاستفاده من فارق الاسعار للمتوفره ليهم الخبره والامكانيات بتكون العربات بى كميات كبيره والغير ذلك ممكن تكون عربيه عربتين كده واذ كتب ليك النجاح ممكن تواصل المشروع وفى حاله لاقدر الله ما اتباعت بتكون العربات تحت ايدك وتصرفك ...
ومن الممكن افتتاح محلات لليموزين او تاجير السيارات وهو ايضا مشروح مربح وممكن تبدا بى عربيه عربتين وتتعامل مع المحلات التانيه ومن ثم توسيع المشروع بعد مئيه الله
والله الموفق...

[السماء الصافية]

موضوعك ومشروعك جد ا جميل وفعلا مكسب من جميع الطرق سوى مكسب شخصى او عام دولى
ولكن هناك مشاكل كثير ة تعيق هذا الموضوع ( اذا اذا كانت هناك امكانية من قبل الشخص او شركة اجنبية لدخول عدة سيارات الى البلد حتى تتم الاستفادة منها البلد بدخول سيارات جديدة وموديلات جديدة حتى على الاقل يصبح تطورا وفائدة ولكن مع الاسف لاتسطيع عمل ذالك تعلم لماذا مشكلتنا نحن بنفسنا نصعب الامور جدا لللاشخاص فى الدخول وهذة الاغلبية امور سياسية خاطئة نخربها بايدينا مثل الاالات والمعدات الطبية والكهربائية وغيرها .......الخ لو اتسهلت الامور تتسهل كل شى وان لانكسر المجاذيف لما ذا لانكسبها نفيد ونستفيد

من العاده انو العربات بتدخل عن طريق بورتسودان وتتم عليها جمارك تصل الى 100% يعنى سعر العربيه نفسو واضافه الى ذلك اسعار الشحن والترحيل فى الداخل
رائيك شنو بالله ماحق الزول يغير رائية يشترى عربية بسعر ولشحن بسعر والجمارك بسعر والترحيل بسعر (مأساءة )

[ودالعاصمة]

موضوعك ومشروعك جد ا جميل وفعلا مكسب من جميع الطرق سوى مكسب شخصى او عام دولى

ولكن هناك مشاكل كثير ة تعيق هذا الموضوع ( اذا اذا كانت هناك امكانية من قبل الشخص او شركة اجنبية لدخول عدة سيارات الى البلد حتى تتم الاستفادة منها البلد بدخول سيارات جديدة وموديلات جديدة حتى على الاقل يصبح تطورا وفائدة ولكن مع الاسف لاتسطيع عمل ذالك تعلم لماذا مشكلتنا نحن بنفسنا نصعب الامور جدا لللاشخاص فى الدخول وهذة الاغلبية امور سياسية خاطئة نخربها بايدينا مثل الاالات والمعدات الطبية والكهربائية وغيرها .......الخ لو اتسهلت الامور تتسهل كل شى وان لانكسر المجاذيف لما ذا لانكسبها نفيد ونستفيد

من العاده انو العربات بتدخل عن طريق بورتسودان وتتم عليها جمارك تصل الى 100% يعنى سعر العربيه نفسو واضافه الى ذلك اسعار الشحن والترحيل فى الداخل
رائيك شنو بالله ماحق الزول يغير رائية يشترى عربية بسعر ولشحن بسعر والجمارك بسعر والترحيل بسعر (مأساءة )

اولا تسلمى يازوق ومشكوره لى الاطراء

اولا المشكله بتنحصر فى عده نقاط اوله مشاكل العقوبات الاقتصاديه على السودان والانفتاح المزهل للاقتصاد السودانى على الاقتصاد الاسيوى واهمها الاقتصاد الصينى ودى بتعتبر ازمه لكن ماممكن نحصر المهام على الدول الاوروبيه ونجعل العقوبات عليها تكبيد للاموال والاستثمارات الممكن تحصل
انا معاك هناك مشاكل ولكن نعمل با الفرص المتاحه وحتى لو كانت بسيطه وهى دخول ولو عربيه واحده ممكن تحقق فارق ارباح مرضى ولو كانت عربيه اسيويه وهى الممكن تكون المرغوبه فى السوق السودانى لتوفرالاسبيرات وقطع الغيار ماذى الالمانيه والفرنسيه والاوروبيه بصوره عامه ..

اما مساله ( المأساءه) دى فانا بتفق معاك لكن انا بتكلم معاك عن الربح المعقول يعنى الربح المتعدد ينى والاستفاده من الفارق فى الاموال وحفظ الاموال حتى
حقيقى الدوله المفروض تعمل على تسهيل الاستثمارات اكتر واكتر وتسهيل انسياب الاموال للراغبين اكتر والى ذلك الحين نواصل فى الاستثمارات بصوره او باخى والاستفاده من الفرص حتى وان كانت ضئيله
الغاليه السماء الصافيه لكى الشكر اجزله على المداخله المنطقيه والمهمه جدا
واسعدنى وشرفنى جدا مرورك وتسلمى يازوق على الطله البهيه

[ذكرى الجراح]

ود العاصمه ربنا يسهله عليك وتفتح شركه بتاعت إستثمارات وبعدين إحنا نجي نستثمر من عندك قول اميييييييييييين

مجهود جميل منك لك جزيل الشكر

[عمار ود الشرفه]

اولاً لك التحية اخي ود العاصمه .. وموضوعك في غاية الروعة ..
اما الاستثمار في هذا المجال في رأي انو بيتطلب خبره ومعرفه كافية للسوق والتجار البيعملوا في هذا المجال ... كمان انا بشوف انو الاستثمار في مجال قطع الغيار والاسبيرات بأنواعها وبمختلف الموديلات هو الاستثمار الممكن يكون مربح بس مشكلتوانو عايز زول يكون خبير في مجال الاسبيرات ومداخل السوق ...
ولنا عوده اخي ود العاصمة واللمه معاك وحشتنا ..

[ودالعاصمة]

ود العاصمه ربنا يسهله عليك وتفتح شركه بتاعت إستثمارات وبعدين إحنا نجي نستثمر من عندك قول اميييييييييييين

مجهود جميل منك لك جزيل الشكر

الغاليه ذكرى الجراح
كل التحايا والشكر على الاطلاله للمره الثانيه الغاليه زكرى
آمييييييييييييين
وربنا ذى مابقولو يوفق جميع الراغبين
وكان علينا انحنا ناس الخرطوم يعنى ماالناس الجايبين القروش من بره عشان يستثمروا زيكم كده يعنى انحنا الراجنكم ولو ربنا وفقنا كمان تجى جرى ونعمل ليك شركه بى اسمك قولى آمين

[المـاني]

.
.
.
.
.

[ودالعاصمة]

اولاً لك التحية اخي ود العاصمه .. وموضوعك في غاية الروعة ..
اما الاستثمار في هذا المجال في رأي انو بيتطلب خبره ومعرفه كافية للسوق والتجار البيعملوا في هذا المجال ... كمان انا بشوف انو الاستثمار في مجال قطع الغيار والاسبيرات بأنواعها وبمختلف الموديلات هو الاستثمار الممكن يكون مربح بس مشكلتوانو عايز زول يكون خبير في مجال الاسبيرات ومداخل السوق ...
ولنا عوده اخي ود العاصمة واللمه معاك وحشتنا ..

تحيه مبعوثه لك الغالى ود الشرفه
وتسلم على الزوق ياغالى

موضوع الاستثمار يحتاج خبره هو فعلا يحتاج خبره لكن بنفس المقدار ممكن خلق خبره جديده لانو انحنا بنكلم عن فرص عمل للقادمين من الخارج فى استثمارات مربحه وناجحه
وفكره الاستثمار فى قطع الغيار ايضا امر مربح جدا جدا واحيك على الفكره دى وهى مزيد من فرص الاستثمار فى البلد وايضا بنفس القدر بقول ليك لو وجدت الخبره افضل وان لم توجد فبدايه صحيحه مدعومه با الامكانيات الجيده تجعل السوق مؤهل للمضى قدما نحو الانجازات الحقيقيه
ومنتظرين عودتك ...

والله انتا الواحشنا والناس الايام دى متلميه لمات كتيره لكن انته ماظاهر
تابع مع بكور وارجع لى فى التلفون وتلقانا متواجدين بكثره انشاءالله
تسلم على تشريفك البوسك الاخ الغالى ود الشرفه

[ودالعاصمة]

.
.
.
.
.

مافهمنا ايييييييييييييييه حاجه يافرده

مابتوقع فى شيكات ولا شنو

على العموم شرفتنا كتير بس المره الجايه اكتب لينا ايه حاجه بس من زوقك كده

[سلمي200005]

وينكم ياناس بلدي

[اريج محمد]

انا معاك يا سلمى
لو اى زول عايز استثمار فى مدنى
نحنا جاااااااااااهزين

[الفرح المهاجر]

يا سلمى فى استثمارات كتير مثل الاراضى
والبنيان والخطط الموجة للمغتربين مثل تمويل منازل بالاقساط
فى الوادى الاخضر ومشاريع مثل تمويل فى الاراضى الزراعية
وغيرها من الاستثمارات وممكن تراجعو السفارات فى المناطق الانتو مقيمن فبها

[ودالعاصمة]

الاستتثمار فى مواد البناء واستيراد الادوات الكهربائيه لللمبانى واستيراد الاجهزه الكهربائيه الى السودان وهى تعتبر من الاستثمارات المربحه وتحتاج الى راس مال عالى وتتكون من شراء اجهزه كهربائيه عامه او ادوات كهربائيه تستعمل فى المبانى كااللمبات والمفاتيح والنجف والمكيفات ومالمراوح ومراوح الشفط الى آخره حسب الامكانيات الماديه والحوجه الطروريه والطريقه السليمه والمضمونه لضمان تسهيل الشحن والبيع فى السودان فيتم الشحن من الخارج اما من الدول المنتجه او من دول تحمل توكيلات ويتم فيها البيع باسعار مخفضه ويتم الشحن اما فى حاويات اذا كانت الكميات كبيره اما اذا كانت قليله فترحل باى طرق اخرى اما با الطيران او الشحن النهرى وتدخل الى السودان ومن ثم تخضع لعمليات جمركيه مع الاحتفاظ باالقيمه الفائديه للمواد المستورده واصبح للسودان عده منافز فى طرق البيع وتتم عرض الاجهزه فى محلات متخصصه والاعلان لها والبيع المباشر للجمهور من دون الحوجه الى الاسواق او الى تجار وان وجدت فكثره المنافز هى كثره الارباح وكذلك فتح المجال مع المهندسين المتخصصين والجهات ذات الصله بتوزيع الاجهزه داخل السودان
وموفقين بازن الله

[ودالعاصمة]

الاستثمار فى الاراضى
وهى من انجح المشاريع فى السودان ولها تجارب عده وخصوصا فى العاصمه القوميه وناتى لها با التفصيل .....