القصة قديمة شوية لكن فيها عبر وحبيت أشارك بيها
تحديدا حصلت في سوق الدهب في ابوظبي الساعة إتناشر الضهر تقريبا
لافين في السوق شايفين واحدة سودانية آية في الجمــــال سبحان الله والتوب والحنة والدهب وكل العيون وراها وهي لا تبالي بأحد ولا تلتفت بل والشهادة لله أنها تتسم بأدب جم بيد أنها وفجأءة وبدون مقدمات توجهت إلي سيارة فارهة بي إم دبليو ملونة الزجاج وتفتح الباب وقبل دخولها يلحقها واحد ممن كانوا معي ويجرها من إيدها وراح ضاربا كفيين الصنة لسة تدوي في أضاني هههههه طايرة ماشة وين خلاص مافي حياء بالنهار كمــــــــان ماتخليها تتضلم .... وماكان من الشخص الراكب السيارة وكان إماراتي بزيه التقليدي كندورة وغترة وعقال إلا أن نزل وهو ميت من الضحك وإقول ليها أحسن تستاهلي أنا ما قلت ليك ألبسي عباية ، تقول لي لا وأنا سودانية والتوب أصالة و..و...و...
وصافح أخونا صاحب الكف الشهير وقال لينا أنا عشـــان رجالتكم دي إتزوجت منكم ..
وتعال شوف دخلنا في أضافرينا ومعليش وحصل خير وعمك حلف طلاق إلا نركب ونمشي نتغدي معاهو
وفيما بعد حكي أنه كان في دورة بالكلية الحربية بالسودان وكان له زميل أخو أخوان وتزوج أخته اللهي دي وبقت قصة والله وحكــاية....
السودانيين بطبعهم وعاداتهم لايحبون ان يتكلم فيهم شخص عن اصالتهم ، فنحن لانريد ان يخدش سمعتنا اي شخص ، ونتمنى من كل السودانيين بالخارج عكس الصورة المشرقة للسودان لانهم هم ممثلونا .
محمد عبده كتب:السودانيين بطبعهم وعاداتهم لايحبون ان يتكلم فيهم شخص عن اصالتهم ، فنحن لانريد ان يخدش سمعتنا اي شخص ، ونتمنى من كل السودانيين بالخارج عكس الصورة المشرقة للسودان لانهم هم ممثلونا .
سعيد أن أنال قصب السبق وأحظي بأولي مشاركاتك بالمنتدي وأضم صوتي الأصلا بحً من زماااان لصوتك
شاكر مرورك وحماسك .......... الطندب كمان جاب ليهو كليوة الله إستر من الفشفاش ..
ياابو الصديق هي القصة دي حصلت معاكم انتم زاتكم
انحنا منسمع بيها وماعارفين صاحبها منو
عموما انشاء الله كفا تعدل ليها راسها
وبرضو بحيكم والله
بس زوجها طلع راجل فاهم وإلاكان يطقطكم جنس طقطيق
ابو الصديق تحياتي
قال ليك روق وأحلي وزولنا صاحب الكف متسرع في كل شئ ودي حياتو وبعدين أختنا المسكينة دي والله ما بتستاهل الكف،، تسلم الحبيب وسعيد بمرورك بس ما تقرب من سوق الدهب هههههههاي
وماكان من الشخص الراكب السيارة وكان إماراتي بزيه التقليدي كندورة وغترة وعقال إلا أن نزل وهو ميت من الضحك وإقول ليها أحسن تستاهلي أنا ما قلت ليك ألبسي عباية ، تقول لي لا وأنا سودانية والتوب أصالة و..و...و...
وقال لينا أنا عشـــان رجالتكم دي إتزوجت منكم .. 
