أكتب عن ظاهرة تتمنى زوالها

[رءوف]

الإخوة والأخوات الأعزاء هنالك كثير من الظواهر السلبية فى مجتمعنا السودانى لاحصر لها ولا عدد وكثيراً يحزننا وجودها فى مجتمعنا المتماسك بتقاليده وعاداته الجميلة ....ظواهر بعضها وجد مع المجتمع والى الان مازال قائماً وظواهر بعضها اتى حديثا للمجتمع وما اكثر ما جاء دخيلا على مجتمعنا المترابط المتماسك بشهامة الرجل السودانى والمراة السودانية .. انا اكثر ظاهرة اود ان تتلاشى من المجتمع هى ظاهرة الشباب وطريقة لبسهم الغريبة وتسريحة شعرهم الفظيعة ومشيتهم المشينة وتقليدهم البشع وتشبه بعضهم بحركات يندى لها الجبين سواء فى طريقة الكلام او المشية .. الاسبوع المضى ذهبت الى سوق جدة الدولى ووجدت 3 شباب للاسف سودانيين بصراحة نظرت فى عين كل واحد منهم اربع مرات حتى تاكدت انو ولد (سلامة الاولاد زمان) ...شى مكياج ..وشى بنطلون ناصل من الخلف ...وشى بلاستيكة سوداء حول العنق ..... وشى ختم فى الاصابع ..دة غير الايادى فيها حاجات ماعرفت اسمها
انتو شنو الظاهرة المضايقاكم وتتمنوا زوالها ........شكرا لكم

[القلب الملك]

موضوع كبير يا رءوف


انا ما عارف البخلي الولد يبقى بت والبت تبقى ولد شنو؟


بأيدك في تمنى زوال تلك الظاهرة ،،، والله المسخرة بقت شينة ،،

==============


بتمنى تزول ظاهرة الحسد والسحر المتفشي بكثرة في بلادنا ،،،

ربنا يطهر القلوب ،،،

[saare]

[align=center]اتمنى زوال ظاهرة واحدة الشعب السوداني يخلى المشى لي مستشفيات الولادة ويبطلو يجوك فى البيت قبل الاتصال بيك[/align][/size]

[ام مودة]

ظاهرة الزيارات نص النهار والناس تكون نائمة يصحوها

[رءوف]

موضوع كبير يا رءوف


انا ما عارف البخلي الولد يبقى بت والبت تبقى ولد شنو؟


بأيدك في تمنى زوال تلك الظاهرة ،،، والله المسخرة بقت شينة ،،

==============


بتمنى تزول ظاهرة الحسد والسحر المتفشي بكثرة في بلادنا ،،،

ربنا يطهر القلوب ،،،

عزيزى القلب الملك اعتقد المسالة اولا واخيرا تبدا من البيت يعنى مش بين يوم وليلة الولد بقى يتشبه بالبنت او البنت تتشبه بالولد اكيد بدا هذا الشى خطواته الاولى من البيت ودة بعد ماترك الوالدين الباب مفتوحا لابنائهم بالاختلاط ببنى جنسهم ولم ينصحوهم حفاظا على عدم زعل الاطفال .زتجد كثيرا من الوالدين الان لو راى اسلوب مهين فى احد ابنائه لا يوبخه خوفا من ان يزعل الابن ويرفض الاكل وهكذا تجامله اليوم فى هذا وبكرة فى هذا ولم الوالد يصحى يجد ابنه وضع سلسل على رقبته وساعتها بالقوة لا يقدر ان يقومه لان هذا الشى نشا معه منذ الصغر ومن شب على شى شاب عليه كما يقولون
اما ظاهرة الحسد اعتقد انها مرض يصيب الانسان وتجعله يحسد مالدى الاخرين بدل ان يحمد الله على النعمة التى اعطاها له
شكرا لك

[رءوف]

[align=center]اتمنى زوال ظاهرة واحدة الشعب السوداني يخلى المشى لي مستشفيات الولادة ويبطلو يجوك فى البيت قبل الاتصال بيك[/align][/size]

سارى لك التحية
بس انا مافهمت قصدك شنو من انو الشعب السودانى يخلى الذهاب الى مستشفيات الولادة
اذا كنت تقصد ان الرجل يرسل زوجته الى الولادة مع نساء فهذا شى ممكن الى حد ما يكون معقول
اما اذا كان قصدك ان الزوج يذهب الى غرف وعنابر بها نساء اخريا فى حالة ولادة فهذا شى مشين
لان فى هذه الحالة كل النساء يكن غير مستورات وانا اعتقد انو الرجل لايقدر ان يدخل الى عنبر الولادة
والله اعلم

[الهنوف]

[align=center]انا بشكل عام اتمني زوال ظاهرة الحسد بين الناس بشتى انواعة

والله يعطيك الف عافية

كل احترامي لك[/align][/b][/size]

[رءوف]

ظاهرة الزيارات نص النهار والناس تكون نائمة يصحوها

الغالية ام مودة
ظاهرة الزيارات فى منتصف النهار من الظواهر المزعجة حقا لان وقت الظهيرة هو وقت راحة وقيلولة المفروض ان الانسان يختار الوقت المناسب للزيارات وتكون زيارة مسبوقة باتصال حتى يتهيا الشخص لاستقبالنا ولكن فى بعض الاشياء يصعب التعامل معها وطبعا نحنا فى السودان عندنا الحيشان فما على الواحد الا يفتح باب الحوش وتووووش يدخل
واعتقد ان الدين منع حتى الابناء انو مايدخلو على ابائهم وقت الظهيرة
نتمنى لهذه الظاهرة التلاشى حتى ننعم بحياة هادئة بدون ازعاج

[اطياف الخريف]

موضوع جد هادف
انا الظاهرة البتمنى انها تزول وتختفي هي ظاهرة الاطفال في الشوارع
يسلموو موضوع رائع

[ودالعاصمة]

موضوع جميل وراقى جدا يارءوف

واهم ظاهرة بتارقنى جدا جدا هى ظاهرة اغتصاب الاطفال

ودى ازمة حقيقية زمان ماكان با التطور دة ولانو الشعب السودانى شعب محافظ اغلب البيوت بتتكتم على موضوع الاغتصاب خشية الفضائح لحدى ماظهرت قضية الطفلة مرام التى اغتصبت من قبل شباب
انفسهم للاسف مريضة ويجب معالجة هذة الامراض للمحافظة على اطفالنا لانو مامن الصحة انو شاب سليم العقل يفكر فى ممارسة الجنس معا طفلة ومع ممارثة الجنس تتحول العملية الى اغتصاب ودماء وتنتهى با القتل امر غاية فى الشناعة وامر يشعر الانسان با الاشمئزاز

ونتمنى انو مافى زول تحصل ليو الحاجة دى لكن لو اى زول فكر فى قضية الاغتصاب ماحيتحمل مجرد التفكير فيها
وانشاءالله تزول هذة المشكلة النفسية والجسدية ويلتذم الناس با المحافظة على انفسهم واطفالهم
ويارب حافظ على اطفالنا واطفال كل السودانين

[الفرح المهاجر]

[align=center]لبس البنات الضيق
كاسيات عاريات[/align][/size]

[omar babikir]

زمان كان الفرق بين البنت المتزوجه والغير متزوجه المكياج واللبس

الآن اختلط الحابل بالنابل حتى بنت 16 سنه تشوفها وتشوف زينتها

تفتكرها متزوجه... اتمنى ان تزول هذه الظاهرة السيئة.

[رءوف]

[align=center]انا بشكل عام اتمني زوال ظاهرة الحسد بين الناس بشتى انواعة

والله يعطيك الف عافية

كل احترامي لك[/align][/b][/size]

الاخت الهنوف اشكر لكى مرورك العطر
اكيد الحسد من اسوا الظواهر التى تكاد تكون متواجدة فى كل المجتمعات
وسببها الرئيسى فى اعتقادى هو قلة الوازع الدينى لان الانسان اذا اكتمل
ايمانه بالله وامن ان من يعطى وياخذ هو الله اكيد لا يحسد الاخرين على ما اعطاهم
الله ..وفى النهاية الحاسد لا ينال اى شى من حسده وانما يموت غيظا لانه لا يغير
فى ارزاق الناس التى وزعها الله سبحانه وتعالى
بل يجب على الانسان اذا راى شى عجبه ان يطلب من الله مثلا ان يقول اللهم
اعطنى كما اعطيت فلان او رزقت قلان لكن يحسد الناس هذا شى مؤسف

[رءوف]

موضوع جد هادف
انا الظاهرة البتمنى انها تزول وتختفي هي ظاهرة الاطفال في الشوارع
يسلموو موضوع رائع

الاخت المحترمة اطياف الخريف لك التحية
قضية او ظاهرة اطفال الشوارع هى افرازات
مجتمع اصابه الانحلال وسقطت عنده كل القيم الاخلاقية
والا كيف لاطفال ملئ بهم الشارع باشكال هزيلة ونقص فى
التغذية وبملابس رثة يجوبون الشوارع والمدن وينامون على ارصفة
الشوارع وياكلون من القمامة ويعرضون انفسهم لمخاطر الطريق
المشكلة الاساسية هى فى حل هذه المشكلة الاساسية التى اعتقد ان السبب
الاول فيها هو انتشار الزنا والدعارة والوضع الاقتصادى
نتمنى ان تكون هنالك دور لاطفال الشوارع كما هنالك دور للمسنين

[رءوف]

موضوع جميل وراقى جدا يارءوف

واهم ظاهرة بتارقنى جدا جدا هى ظاهرة اغتصاب الاطفال

ودى ازمة حقيقية زمان ماكان با التطور دة ولانو الشعب السودانى شعب محافظ اغلب البيوت بتتكتم على موضوع الاغتصاب خشية الفضائح لحدى ماظهرت قضية الطفلة مرام التى اغتصبت من قبل شباب
انفسهم للاسف مريضة ويجب معالجة هذة الامراض للمحافظة على اطفالنا لانو مامن الصحة انو شاب سليم العقل يفكر فى ممارسة الجنس معا طفلة ومع ممارثة الجنس تتحول العملية الى اغتصاب ودماء وتنتهى با القتل امر غاية فى الشناعة وامر يشعر الانسان با الاشمئزاز

ونتمنى انو مافى زول تحصل ليو الحاجة دى لكن لو اى زول فكر فى قضية الاغتصاب ماحيتحمل مجرد التفكير فيها
وانشاءالله تزول هذة المشكلة النفسية والجسدية ويلتذم الناس با المحافظة على انفسهم واطفالهم
ويارب حافظ على اطفالنا واطفال كل السودانين

اخى وصديقى ودالعاصمة الموضوع دة بالذات عاوز ليه كلام كتير
ح ارجع ليك تانى

[بخور توتيل]

الظواهر الما جميلة كتيرة شديييييييد بس الانا بتمناهو بالجد انو كل السودانييين يحبو السودان خصوصا الشباب و هسي بسيطسن جدا الكدة تلقى البقول متين اتخرج عشان اتفكفك و البقول السودان ما قدم ليهو حاجة و البقول كعب وشين و مبشتن
لكن يا جماعة لو ما حبينا السودان وما حاولنا نغيرو عمرو ما حا يتغير لانو ما في زول حيغيرو غيرنا و الكلام دة على مستوى الفرد لازم كلو واحد يعرف انو السودان ده حقو وملكو اي زول لازم يحافظ على ملكو ومايستنى الباقيين يعملو حاجة
انت اعمل عشان الباقيين يعملو و يقيفو معاك و انا متاكدة اذا اي زول في السودان بيعمل كدة وبحب بلدو وما بيرضى فيهو الهبشة السودان حا يتغير بي سرعة و حا نصل للعايزنو و كلنا حنشوف السودان البنحلم بيهو يوماتي بلد حدادي مدادي(بس ما حافظة الاغنية )

[saare]

سارى لك التحية
بس انا مافهمت قصدك شنو من انو الشعب السودانى يخلى الذهاب الى مستشفيات الولادة
اذا كنت تقصد ان الرجل يرسل زوجته الى الولادة مع نساء فهذا شى ممكن الى حد ما يكون معقول
اما اذا كان قصدك ان الزوج يذهب الى غرف وعنابر بها نساء اخريا فى حالة ولادة فهذا شى مشين
لان فى هذه الحالة كل النساء يكن غير مستورات وانا اعتقد انو الرجل لايقدر ان يدخل الى عنبر الولادة
والله اعلم

انت مافاهم القصد انو النساء راقدات فى الغرف جوه والرجال جايين يسلمو ويقولو حمد الله على السلامة وكلام زي ده وتجي تلقى زوجة واحد صاحبهم عندها عملية بتلقاهم متفرشين قدام غرفة العملية 70 راجل و10نسوان بس شوف الناس ديل

[رءوف]

[align=center]لبس البنات الضيق
كاسيات عاريات[/align][/size]

مسالة اللبس دى ظاهرة جديدة انتشرت سواء كان لبس ضيق او شفاف
واعتقد انو هى فى عدم الثقة بالنفس يعنى ممكن البنت تحب ان تظهر مفاتنها
لانو هى تعتقد انها غير جميلة وعاوزة تظهر جسمها للناس
وربنا يستر ,,,,,الف شكر لمرورك

[رءوف]

مشيت السودان وجيت من كثرة ظاهرة البورة والبنات الكتيرات ما عرفت اعمل شنو
اخذت بعضى وجيت راجع ولا عرست ولا خطبت

والله يا ابو الصديق لو شفت البنات فى السودان الا تشيل ليهم هم تقول ديل البعرسهم منو ويجيبو ليهم عرسان من وين
عشان كدة بطلنا خالص

[سمارا]

مشيت السودان وجيت من كثرة ظاهرة البورة والبنات الكتيرات ما عرفت اعمل شنو
اخذت بعضى وجيت راجع ولا عرست ولا خطبت

والله يا ابو الصديق لو شفت البنات فى السودان الا تشيل ليهم هم تقول ديل البعرسهم منو ويجيبو ليهم عرسان من وين
عشان كدة بطلنا خالص

تلقاك بطلتا عشان ما فى واحده رضت بيك