بنات الخرطوم حجاب باي باي

[رفعتي في ديني]

كنت الاسبوع الماضي في زيارة الي الخرطوم
اذهلني بالجد التغير الفظيع في البنات السودانيات في الخرطوم
يعني الواحدة ما تصدق تشوف حاجة في التلفزيون الا هي مسوياها
اما عن الطرحة التي دائما ما تكون علي الكتف والشعر الوان واشكال وتسريحات غريبة
واما المكياج فلا حولة علبة مكياج متحركة
والواحدة ما تفهميها بتقول شنو جنس لخبطة كلمتين بالجيم ووحدة بالثاء
اما الحجاب فلا اعتقد انهن يقكرن فية الابعد العرس

لماذا كل هذه التصرفات الخاطئة هل هي طريقة لجذب الانتباة ام انهن يتابعن العصر والموضة واكيد المحجبات في الخرطوم كتيرات الله يديهن العافية
ولكن يظل السؤال هل ستتدهور الحالة حتي نصبح مثل اوروبا
ام سنقف لنتامل حالنا ؟؟؟
والمحيرني ان هذه البت تخرج من منزلها يعني (الاب والام والاخوة حفظهم الله ) شايفين الحال والاحوال و
عادي عندهم
والله يستر

[عمار جبارة]

الحالة دي في الشارع
الله يقدرك احضر ليك عرس في نادي
والله تشوف شوف
تتمحن اسبوع ما تنزل يدك من خدك
الله يستر

[مرسال الشوق]

كلااامك مظبوووط وعدااك العيب حال البنات الايام دي في السودان لاتسر صديق ولاعدو اشكال والوان قوس قزح ماشةفي الشارع والواحدة عاملة خلاص ملكة جمال العالم شنط كيف لبس ( خطوة ) الوش احمر والكرعين اجارك الله سواد داكن ... مكياج كيف ... الواحدة لو اندفقت عليها موية سااااكت تلقي كل لون مشي علي اتجاه وهاك يالموبايلات والرنات وسجم خشمي الليله شراني وماجاب لي حق عيد الحب ودا كلو كوم وتعال شوف الزحمة كيف في المواقف التقول الناس دي عندها موووت واحدين طالعين واحدين نازلين وهاك يانشال وداك يشاغل وداك طابق وديل ماسكين قزاز بيبسي وقاعدين ليهم في ركن والبسمات تسوي التح واكشاك عصير ماتديك الدرب واحد مشغل وردي والتاني ود الامين والبخور يسوي ياغربتي .... وعاوز اوريكم حاجة شاهدتها وسمعتها براااي مافي زول حدثني بيها .... في مواقف بحري الاذان ياذن لصلاة العصر وبتاع كشك جنبو وقريب منو مشغل جمال فرفور باعلي صوتو ويغني في كلك كلك حلو .... يااخوانا دا كلاااام ...!!!!

[بسمة الحياة]

والله الحجاب بقى عندهم مجرد عادة لكن ما مؤمنين بي اهمية الحجاب في الاسلام

ربنا يهديهم

بعدين في حاجة لاحظت ليها انو بلبسو الوان فاقعة تلقى الوحدة لاابسة اصصصصصفر ولا برتقاااااالي و تكون بشرة سودة زي السكن ما عارفة يعني قايلة الالوان دي بتفتح ليها لونا

[متحنيه بتراب السودان]

والله مشكور على الموضوع الرائع
(وتسمح لى ان ابدى اعجابى بقلمك وتميزك الراقى و تالقك)

[رفعتي في ديني]

شكرا جزيلا ليكم علي المرور الجميل

[ابو ايووودي]

كلااامك مظبوووط وعدااك العيب حال البنات الايام دي في السودان لاتسر صديق ولاعدو اشكال والوان قوس قزح ماشةفي الشارع والواحدة عاملة خلاص ملكة جمال العالم شنط كيف لبس ( خطوة ) الوش احمر والكرعين اجارك الله سواد داكن ... مكياج كيف ... الواحدة لو اندفقت عليها موية سااااكت تلقي كل لون مشي علي اتجاه وهاك يالموبايلات والرنات وسجم خشمي الليله شراني وماجاب لي حق عيد الحب ودا كلو كوم وتعال شوف الزحمة كيف في المواقف التقول الناس دي عندها موووت واحدين طالعين واحدين نازلين وهاك يانشال وداك يشاغل وداك طابق وديل ماسكين قزاز بيبسي وقاعدين ليهم في ركن والبسمات تسوي التح واكشاك عصير ماتديك الدرب واحد مشغل وردي والتاني ود الامين والبخور يسوي ياغربتي .... وعاوز اوريكم حاجة شاهدتها وسمعتها براااي مافي زول حدثني بيها .... في مواقف بحري الاذان ياذن لصلاة العصر وبتاع كشك جنبو وقريب منو مشغل جمال فرفور باعلي صوتو ويغني في كلك كلك حلو .... يااخوانا دا كلاااام ...!!!!

ههههههههههههههههههههههه

[mazza mohammed]

و ما بس كدة اي وحدة في السودان شافت ليها كريم من مافي و اتفسخت بيهو (الوش بس و الايدين و الرجلين سود)
و بعدين شنو قصة الالوان الفاقعة ما ممكن تكون الوحدة ماشة في وسط النهار و لابسة لون اصفر و لا احمر
دا ما اذى ليها بس اذى للناس التانين بقى ما في شعور بالاخرين خالص الايام دي.


تعرفوا ياخوانا انا عرفت السبب . السبب (البورة ) بس الوحيد البيخلي البنات يعملوا كدا صراحة
و تسلمي على الموضوع

[مرسال الشوق]

مشكووور ياابوحميد علي التلعليق الجميل ...... تشكرات كتيرات ليك

[jasmina]

[grade="ff0000 ff1493 ffa500 800080 4169e1"]
ههههههههههههههههههههههههه والله المناظر الوصفتوها دي مضحكة وفي نفس الوقت مؤلمة

بس مكياج في نص النهار ومع الشمس والحر ده ؟؟؟؟ كتير ومقرف جداً!!!!!!المكياج الفاقع بيكون في السهرات

ياعالم ...مكياج النهار خفيف وناعم !!! مابالطريقة دي يعني حتى الخواجات اللو قلنا ناس متطورين بتلقى الطالبات

والموظفات بيمشو دواماتهم اااااخر انااااااقة وشياااااكة بس مابيعملو مكياج كتير شوية تحديدات بس ....لكين

الناس الداخلها عليهم الحاجة جديد زي ديل و زي الخليجيات الفي المسلسلات المابتعرف ملامحة الحقيقية من المرسومة

مساكين عايزين يعملو متحضرين وبيعرفو الميكياج وفي الحقيقة اي زول بيشوفهم بيعلق عليهم في مكياج الليل النهاري ده!!
[/grade]

[مرسال الشوق]

الغالية جاسمينا .... انا عارفك اكيد اتخيلتي منظر البنات ديل والمكياج السايل فوق جضومن منظر الله لاوراك ليه ومناديل تبكي علي حالة البقي اصفر والبقي احمر وواحد ماعارف بقي كيف .... والعيووون صاااااااارة كيف .... اكيد اتخيلتي معاي المنظر..... يارب سترك علينا

[د.عبير]

والله الحجاب بقى عندهم مجرد عادة لكن ما مؤمنين بي اهمية الحجاب في الاسلام

ربنا يهديهم

بعدين في حاجة لاحظت ليها انو بلبسو الوان فاقعة تلقى الوحدة لاابسة اصصصصصفر ولا برتقاااااالي و تكون بشرة سودة زي السكن ما عارفة يعني قايلة الالوان دي بتفتح ليها لونا

هههههههههههههههههههههههههههه

والله صدقتي

[شكواوة]

والله حال البنات ما تسر
اعتقد بسو دا كلو حشان دارين عرسان
واعتقد في دا الزمن كل ممنوع مرغوب
وثانكس على الموضوع الحلو

[ملاك الورد]

كله كوم ..... و انهم بنات ناس كوم تاني
الاب , الاخ ياخي ود عمها بعد ميتين ألف لفه ... ما في سؤال ؟ ...ما في غيره ؟؟؟
و مش شرط انهم بايرات ابدا, و الاولاد البتضاحكوا معاهم لنفسهم ما برضوا قريبتهم تكون كده
الا الحالات المستعصيه و النادره

و تاني حاجه بث
من كتر الكريمات و البلاوي البعملوها بنات السودان
لمن تشوف الواحده تكون ظاهر انها زي الرسمه
واضح انه بشرة الوجه ما طبيعيه , ممكن تكون مهترئه مرات
طيب ليه !!!
تشكراتي كتييييير

[سودانية وافتخر]

فعلا يا أختي ... الرجال ماتو في كرري ...
الله يهدينا إن شاء الله

[الوفى]

بسم الله الرحمن الرحيم
السلام عليكم ورحمة الله وبركاتة
موضوعك ممتاز ويحب ان ياخذ حقه فى النقاش.....تسلمى

فترة طويلة مواظب على مشاهدة قناة النيل الازرق وخرجت بالملاحظة دى .....
برنامج افراح وافراح المشاهد لها يجد العريس اسود ......اخضر....العروسة..بيضاء
ليس بعامل المكياج ولكنها طبيعة بيضاء ...وكل هذه الفترة التى كنت مواظب على المشاعدة
فقط لاحسب عدد الذين يتزوجون من البنات البيض وصدقونى كانت مفاجاة لى ان 99% من
مناسبات الزواج تلقى العروسة بيضاء .....................وهذا السبب الرئيس الذى يجعل البنت
تبهدل نفسها ....وعاوزة تبقى بيضاء عشان تلفت انظار الشباب....والله نحن امام مشكلة كبيرة
ونسال الله السلامة...وعملت استطلاع وسط الشباب الذى اعيش وسطة جاءت النتيجة انهم
يريدوها بيضاء....

وادعوكم من الخميس الجاى تواظبوا على مشاهدة هذا البرنامج
وملاحظة آخرى مذيعات القنوات السودانية كلها ياتون بالمذيعات ذات اللون الابيض .....لماذا........
هل اصبحت البنت الخضراء او السوداء غير مرغوب بها فى السودان واذا كان كذلك
اين نصرفهم ؟؟؟نوديهم جنوب افريقيا والا كيف افتونا
ولنا عودة

[أبو أحمد]

و الله فعلاً حاجة غريبة شديد ..غايتو الله يكون فى العون

[امرأه نخلة]

قلة الوازع الديني
وأذا لم تستحي فأصنع ماتشاء
ربنا يهدينا جميعاً لما يحبه ويرضاه
لك التحية أختي

[فتى السقاي]

خآآآيفــــآآتـ من البوورة ... البوورة صعبــة واللهـ ..!! :d :d

ديـ قلــة آآدبـ وعــدمـ احتــرآآمـ لي شخصــهآآ الضعيــفـ اولا .. ولي ايـ شخص بمــر جمبهآآ ..
لأنو حيحسـ بالاهآآنــة بنآآتـ بلدو يكونوآآ لابسيــنـ بالــشكلـ دآآ ..
والــظآآهرة ديـ اسبآآبآآ مختلفــةو ليهآآ مشآآكلـ عدة طبعآآ .. لكنـ السؤال البفرض نفسو !!؟
البنآآتـ ديــلـ ما بخآآفوا منـ ربهمـ ؟؟

[الأسيد]

فعلا يا أختي ... الرجال ماتو في كرري ...
الله يهدينا إن شاء الله

[align=center]عفوا يا راقية , الموضوع مطروح للنقاااش , علي الاقل يكون هناك محور نقاش الناس تتطلع منو بي فائدة , العندو اختو يهديها والعندو بت عمو ولا بت خالتو يهديها , او ربما احداهن تتطلع علي هذا النقاش فيهديها الله وتلتزم .

طيب سعااال بسيط : الجاب الرجاااال هنا شنوووو؟؟؟

من غير زعل يا سودانية كرتك الشعفوفة , قولي آمين[/align][/b][/size]