اديني من وقتك شوية ....لنرتقي بأنفسنا

[تاتاي]

تحية طيبة للجميع

هو طرح القصد من وراءه ان نعكس بعض السلوكيات او الممارسات غير الجميلة والمشاهدة بصورة يومية في الحياة العامة ... والهدف من وراء هذا العرض للمجريات المشار اليها هو ان نذكر بعضنا البعض ان هذه سلوكيات وتصرفات لا تليق اجتماعيا او حضاريا وبالتالى ربما يكون في تذكيرنا هذا امكانية لزيادة مساحة البعد عنها وبالتالي نرتقي بأنفسنا .....

-------------------------------------------------------

أبدا ماحاجة حلوة كونك تكون ماشي في مكان عام وزراير جلابيتك مفتوحة
والرأس بدون طاقية وتكون لا بس سفنجة

[تاتاي]

تناول السجائر والتمباك ( الصعوط ) في مكان عام دون مراعاة لغيرك

ياريت ننتبه للسلوك ده

[د.علاء]

[color=ff0000]أزياء الفتيات غير المحتشمة [/color]
أنا أتساءل
1)أين الوازغ الديني
2)أين الرقابة الاسرية
3)أين شرطة آمن المجتمع

[تاتاي]

[color=ff0000]أزياء الفتيات غير المحتشمة [/color]
أنا أتساءل
1)أين الوازغ الديني
2)أين الرقابة الاسرية
3)أين شرطة آمن المجتمع

د.علاء

تحية طيبة لك

حقا

أين هؤلاء من الناظر للشارع العام ؟؟؟؟؟؟؟؟؟؟؟؟

[jasmina]

[grade="ff0000 ff1493 ffa500 800080 0000ff"]
ابدا ماحلوة زول بعد مايخلص من حاجة اكلها ولا شربها يرميها في الشارع !!

منظر صراحة ماحلو ابداً يعني بشوه مظهرو اللائق ..ويشوه منظر المحل كمان!!

ودليل كمان على انو.............
[/grade]

[د.علاء]

أبدا ما جميل معاكسات الشباب للفتيات
ويا القاعد تشاغل بترضى كدة لأختك , أمك, زوجتك
أبدا ما جميلة البت الابسه ضيق ووجلبطة وشها بألوان الطيف السبعة
ويا الابسة ضيق خافي على نفسك وقبل كدة خافي الله

[بعد الزمن]

والناس اللى بستخدموا الفاظ غير لائقة وفى الشارع العام
سلوك مريض.............

[بت كردفان]

[align=center]كلام الفتيات بصوت عالى فى اى مجتمع واى مكان
من غير مراعاة انهم بنات ضحك باعلى الصوت
بس نقول شنو ... ياريت يفهمو انو ده شئ بيقلل
من قيمتها واحترامها ... ربنا يهدينا ويهدى الجميع
اخى الفاضل تاتاى بشكرك كتير على البوست الرائع ده
خالص تقديرى واحترامى [/align][/size]

[امرأه نخلة]

من يدخن السجائر في المركبات العامه ..!
من حقنا هواء نظيف .

[تاتاي]

ياسمينة
د.علاء
بعد الزمن
بت كردفان
امرأة نخلة

ياسلام على الاضافات الثرة والأظهار الراقي
وسعيكم الحثيث المخلص لاظهار الرفض لكل
ماهو ناشذ وغير مرغوب في مجتمعنا

شكرا ليكم كتير يا أحبة

[تاتاي]

اطلاقا وماممكن تكون حركة مقبولة لامن تستلف عربية صاحبك
وتقضي مشاويرك المهمة طول اليوم وترجعها ولا حبة بنزبن
يوصلها المحطة

[بنت العمدة]

وابدا ما حلوة انك يا بت تاكلى لبان فى الشارع وتحركى خشمك بصورة مشمئزة تقرف يعنى
ولا انا اكتر حاجة بتغيظنى انو الواحد يكون فى المواصلات العامة ويلقى السلام والسلام سنة ومافى زول يشتغل بيك شغلة .

[بعد الزمن]

ما حلوة انوا زول معرس وتلاقه في السوق ماسك يد مرتوا
ما يحترم شعور الناس العزابه وهي كمان ما تحترم
شعور البايرات

[سمارا]

ما حلوة انوا زول معرس وتلاقه في السوق ماسك يد مرتوا
ما يحترم شعور الناس العزابه وهي كمان ما تحترم
شعور البايرات

هههههههههههههههههههههههه شنو يا عمنا


والعجب لمن تكون مدخنه ومريحه والريحه ماليه المكان كلوا وداك يا التوب الاحمر الشفاف نص النهار

[بنت العمدة]

هههههههههههههههههههههههه شنو يا عمنا


والعجب لمن تكون مدخنه ومريحه والريحه ماليه المكان كلوا وداك يا التوب الاحمر الشفاف نص النهار

ايوووووووووووووة كلامك صح ونعم العقل يعنى عروسة ما تسمع كلام ربنا

[ThEwWw]

الذين يرمون النفايات في الشارع
عندما تعامل الشارع و الاماكن العامه مثل مرتبة البيت ....
موضوع جميييييييل

[تاتاي]

ماوراء بسمتي

بعد الزمن

سمارا

ThEwWw

شكرا للاضافات المقدرة والاسهامات الفعالة

تسلموا كتير

[تاتاي]

في خيمة العزاء وصوتك طالع بالتحليل السياسي او العبارات الرياضية
الاحتجاجية ... وأن التحكيم كان ليهو دور سلبي في النتيجة

بالله معقول السلوك ده ؟؟؟؟

[الدغري]

الذين يجلسون في الطرقات ............... يعلقون على المارة ............ ولا يسلم من ألسنتهم أحد ........ اين أنتم من حق الطريق