هذه قصة وجدتها في أحد المنتديات وحبيت تشاركوني الضحكة والإبتسامة
في احد ايام رمضان المبارك وبعد ما خلصت صلاة الفجر وذهبوا افراد العائلة كلٌ إلى مرقده (كما أعتقدت)
هم راحوا لغرفهم من هنا ..وانا انطلقت للمطبخ من هناك
أخذت لي حليب و شبس و طلعت لغرفة التلفزيون مبتهجة
وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو
الا وينفتح الباب واشوف وش كدا من بعيد >>>>>>>>>>>
ويطلع أخوي " يونس " -طالب في المرحلة الثانوية يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتة قلبية
!!!!!!!!!!!!! يونس : ماصمتييييييييييييي
أنا (وبكل ثقة) وفي يدي كأس مليء بالثلج وكيس شبس في حجم وش أخوي يونس : ليه أنت صايم ؟؟
يونس : أأأأأأأ ..بي جدك إنت تسأليني السؤال ده ؟
أنا بكل ثقة وبجاحة: والله انت برضو سألتني نفس السؤال
يونس: والله انتي القاعدة تبلعي وتشربي ما انا
ممممممم شفت الولد ماعنده نية يفهم ,استوعبت انه يااما انه كان غايب في درس التربية الإسلامية ..يااما ان مدرسهم نط ليهو كم درس كدة , ولا في رايكم شنو سبب الغباء ده
ومافيه مجال أكون ناسيه وأنا مجهزة العدة,كاس ثلج وستريو ومنقيه الشبس الأنا عايزاهو وبحبه
المهم قلت في نفسي والله لو يموت ما بقول ليهو عن الحاجات دي ابدا ابدا
..ماللدرجة انا صدري واسع
فما كان مني الا اني فجأة قلت له
اسمع بقول ليك سر بس عليك الله ما يعرفوا امي وابوي ولا واحد ,أوعدني ماتكلم ولا واحد وانك تحفظ سري ده لحدي ما أموت.. ان مت كلم اهلي ,عاد خلاص مايقدروا يسووا لي شي
واللللللللللللللللللللللللللله ماأقول لأي واحد ..اقسم بايات الله وبالقران والكعبة اني مااقول لاي واحد اذا وريتيني < خرجت هذه الكلمات من أخي يونس بحماس مشبع باللعاب المتناثر الذي لامس وجهي
طيب شوف بصراحة أنا مسيحيــــــــة
لا والله !! أحلفي
: انا مسيحية وما أقدر أحلف لان ديني غير دينكم < عشت الدور على طول
بس بقول ليك القصة يمكن تخف دهتشك شوية
وتقدر تتفهمني و تحتويني وتحتضني ( بخرب الولد)
القصة ومافيها .. أني انا لما كنت صغيرة , أهلي ماكانوا مهتمين بي زيك, كانوا بس يخلوني
مع التلفزيون ويطلعوا يتمشوا..تعرف انا اول طفل لهم وامي وابوي كانوا لسة صغار وطايشين
وفرحانين ببعض وانا حسو إني دخيلة بينهم
ماعارفة ليه جابوني بسرعة اذا هم ما دايريني
فجأة شفت عبرة خنقت يونس ذو القلب الكبير وهو يتابع بصمت وفضول وغباء
طيب ليه بتلبسي عبااااااية !! وانتي ما زينا < قاطعني أخي يونس بكل سذاجة
رديت بنفس النبرة الكسيرة :انا كنت بالبسها زيهم قايلاها يونيفورم
ورجع من جديد بسؤال أذكى قليلا من السابق : طيب ماعلموك في المدرسة الاسلام ؟!!!
: لا كنت بنوم في الحصص وفي الاختبارات أبخر
واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه للحب ده أو احسدك عليه فقام أبوي داير يلهيني بشكل أكبر ..عمل لي نت وقال لي ده ليك
اما هذا لنا "مشيرا بأصبعه المشعر إليك
المهم بقيت أحس إنه فيه سر لازم أعرفه وقمت أفتش في النت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا
وقلت لها قصتي واحتوتني واعطتني الحنان الذي حرموني منه اهلي الذين يكرهوني ويحبونك انت
بعدها أصبحت أحبها واسميها ماما ..ومع الوقت علمتني المسيحية وقالت اعتنقيها ياابنتي
واعتنقتها وأهلي ماعارفين الكلام ده إلى الآن
يونس قلع عيونه وهو في حيرة ونفسه يرد وما عارف خاصة انه حس إنه هو السبب واتعاطف معاي
صمت لبرهة وبرهات وفجأة قال
: طيب مابتفكري تسلمي ؟
لا أخفيكم سرا ..جتني ضحكة كبيرررررررررررة الا أني بلعتها لدرجه سالت دموعي وسويت نفسي أبكي,قلت له بصوت مخنوق : بس ماأعرفه ..أنا ماأعرف في الحياة الا أمي تيريزا
داخ راسي من كثرة الكذب عليه وجاتني نومة ..قمت وأديته الكباية بعد ماشربتها كلها وقلت خد رجعها للمطبخ أنا تعبت من الكواريك معاك ودايرة أنوم
جاء يوم غد ..وفجأة أسمع شي يخربش تحت باب غرفتي ..خفت إفتكرتها حشرة ..قمت بشوف الا كتيب ديني ينحشر تحت الباب
واشوف ..الا عنوانه Islam ???!!
هههههههههههههههههههههههههههههههههه ياانا ضحكت ضحكة قربت تنكسر شبابيك غرفتي
خلاص ما قدر يستحمل ,الولد ده تحفة لازم تنخت في متحف اللوفر
طيب لامن جيت بتدعوني ليه جايب لي كتاب دعوة بالانجليزي ,شايفني برطن ,حسب تفكيره لو بقيت مسيحية ما بفهم عربي ,ما عارفة دا الولد مخه وين
المهم انا بعد الضحكة نسيت الكذبة ,ولهيت بمشاغل الحياة < مشكلة البزي ومن
ومر كم يوم , وصدفت ان يونس مر جنب غرفتي وانا لابسة عبايتي وأصلي
وشويتين وأسمع لي صوت جري متجه نحوي ,واجلس من السجود الا ويونس يبكي ويقبل راسي
أنا خلااااااص بتفطس من الضحك ,يالله كملت التشهد وسلمت ,الا وياخذني بالاحضان يونس صاحب القلب الكبير
واسمع صوت يونس بقوة الحمداللللللللله أسلمتي ,الحمداللللللللله أسلمتي
ودموعه تتقاطر على كتفي
بس والله رحمته بكيت بالجد ,ما عارفة هل أنا عشت الدور ولا بكاهو بكاني
وجا أبوي قدام المشهد التراجيدي وجن جنونه
في شنو خير جنيتو ..الحاصل شنو
ويونس من هول سعادته كب العفش والعشا والقش كله
بتك أسللللللللللمت أسلللللللمت
وللأسف انجلدت بعدها جلدة رائعة جدا وحلفت تاني ما أكذب أبدا
ولا أفطر أبدا حتى لو كان عندي أقوى الأعذار الشرعية
