رواد الفن الاصيل فى السودان

[مها]

ابو صلاح

ولد صالح عبد السلام بحي المورده بامدرمان عام 1890 وقد شب وترعرع وقراء مبادئ القران بخلوه الفكي
مكي حسن حسين واقام حينها بحي الهجره بامدرمان ثم انتقل الي الخرطوك وبحري
بداء ابوصلاح انتاجه الشعري بالدوباي كعهد كل شعراء تلك الحقبه ثم عرجا بعدها الي اغاني
الطمبور
لا ريب ان ابا صلاح اعد نفسه ليكون اعظم الشعراء الغنايين
فهو غزير الماده سلس الاسلوب صادق العاطفه ويكفي هو ان يكون هو صاحب اغنيات الحقيبه
الخالدات امثال
*فريع البان المن نسمه يتمايل حاكي المنقسمه
* ياغزال الروض فيك رايح بالي تفديك الروح اظهر لا تبالي
* ياربيع في روضه زهور عيش منعم طول الدهور

[مها]

من بف نفسك يا القطار ورزيم صدرك قلبى طار وينو الحبيب

[


انت شلتو جيبو يا القطار

كم غربت من قريب وكم قربت من غريب

ما خليت لى نصيب غير البكا والنحيب

جوفك ياكل اللهيب وان جوفى بياكلو اللهيب

من بعده غصنى الرطيب من غير شك اصبح شحيب

كم كم كم سريت خليل وفرقت خليل من خليل

واجريت دمعى البسيل وابليت ثوب جسمى الجميل

قلبك اقوى من الحديد اجبر من قلب اليزيد

كل ما اتخيل صفير من جوفى يزداد زفير

ليت جناحى الكسير لى حبيبى يقدر يطير

يا حليل شخصو العظيم يا حليل محيو الوسيم

يا حليل قلبو الرحيم السافر سكن الدويم

تجرى شمالا يمين قلبك قط ما بلين

عيشتى عيشة السجين انا من غير خدو الاسيل

انا ما داير السفر لكن نفذ القدر
ايه سبب لى الكدر غير عجلاتك يا القطر

[مها]

الخوجلاب



مـاكنت رايق وساكن في صفاء وتأمين
فـي الـخوجلاب ياقلبي مني شالك مين
ديـل الـبروق الـشالن ام درر ياسمين
مـابين ظـل الايـك ونـفحه الياسمين
أم ديـل شلوخه تلاته ومن تحت وسمين
يـاقلبي بـينه وبـيني اليقسمك قسمين
جـات روايـح الورود مع الزلال والتين
فـوق الـجمال الـفردي اليلة ملتفتين
بس ايه لزوم انوارنا من شموع ورتين
مـادمت انـت وبـدر الـتم زي اختين
بـقي ديـسك اطول منك ولله متقايسين
شـفنا الـضفاير جـرو للقديم كايسين
أنا شوقي دايماً زايد وماشي في تحسين
انـا صـبري قل ويشهد بي ازاي حسين
برزن نهوده وعامن في الهواء مجاهدين
وعـلي هـلاك العاشق ديمه مجتهدين
صاح وهبه فاقد عقله كم جريح وطعين
الـناس جروحن تسعة انا جروح تسعين
عـد الـشوادي الـغنن يالغرام نايحين
عـد القماري القوقن في الفروع مايحين
عـد الـنسايم الـمرن بالمسك فايحين
تـغشاك ياعثمان نعمة وسرور كل حين

[مها]

البديع
البـديع الهـواك سـبـاني يـا أخـا البــدرِ يامكـمّل
كُـلُّ مَـن طرفو فيك تأمّل قلـبو مـن الغـرام تحـمّل
كم عـقل في هـواك مُهمّل مزوي بـي خصـرك المُزمّل
المضـمـّر فـريعـو باني عـلاه بـدر الصـفا المُجمّل
ياجميل هجري طال تسلسل بين ايـديك حُبّـي ليك تمثّل
يارشيق عن قتيل هواك سَلْ برقــك المِـن سناكَ يُرسل
نـور عقيـد دُرّك الجُماني الضـاوي بي فاطرك المعسّل
لي سواك قلبي لايري محل ومستحيل عن فؤادي ترحل
ومايجد عن شرط هواك حل والسهم منو جسمي ينحل
ديل ايديك ام حـرير مجدّل و الوريـد ولاّ القـامة أعدل
هل صـباح من محيّ تبدّل دا الاســيس ولاّ ليل مسدّل
الكتـيف لي ضميرو تاني فـي ارائـك الـدروع مهدّل
رُكني ليه من هواك تزلزل والنفـوس لـي رضاك تبذل
يالـرشيق الحشـاك مهزّل يامـلاك مـن عـلاك مُنزل
المريـض في الهلاك يُعاني يحـيا لـو طرفو فيك تغزّل
ياقمر في سماك مدلل شوقي زاد منامي قلل
الملك للغرام تذلل لي قلب بي رضاك تعلل
يالهواك اضحي لي تهاني لابسة تاج بالدرر مكلل
كيف هواك عن فؤادي ينقل دا المحال ما اظنو يعقل
يارقيق الحشا المفقل يضوي سيف طرفك المصقل
لو سحب سيف لحظو هندواني للجبال الرواسي قلقل
قلـبي بـي حبّـكم تأهل و شوقي كاد مِنّو عقلي يذهل
ما اظـن بالعـليَّ تجـهل الدموع مِـن عيوني تُـبهل
بالخيـال احيـا لـو تراني والنجـوم من وصالك اسهل

[مها]

بـلّـغ الاقـوال يـاهـلال شـبيـهك جـسمـي انـقلا
انت شـايف البها والجلال والـترف والـتـيه والـدلال
وبيّ لاحـظ الشوق والمِلال وطـبي صار ممزوج في خلال
العنـب والـدر والــزلال طِـبي يحـرم والمـوت حلال
ومـين يـمـيز دي ويـعـقـلا
طـرفي ساهر بين انسبال السـهـاد والـنوح والـوبال
وطـرفو سيف يتلامع قُبال الـوتـر و القـوس والنِّبـال
لـو يـصادم شُـمّ الجبال بـاللِّـحاظ في الحـال قـلقلا
يالنفورك زادني انتحال وانت ساكن في قلبي حال
اروي وصفك علي كل حال العيون واللما في اكتحال
مروي رسمك واسمك محال في قصايدي المتنقلا
الكتوف نازلات بي انهدال والقوام والجيد في اعتدال
الشعر كالليل في انسدال محيو ناير في الظلمة دال
في خدو تنظر صورتك بدال المراية المتصقلا
طرفي زايد في الانهمال اتفكر يمنا وشمال
مارأيت في الكون اجتمال من خلافك ياذو الجمال
غصنا اثمر بدر الكمال منو برق السحب انجلا
قول لي طيـفك عرِّج تعال شوف هواك اللـي جسمي عال
داوي نـاري الزايدة اشتعال ولـوتسـرَّك تـلك الفـعـال
كـل شـي يرضيك هو عال منِّـي هـاك الـروح سـجلا

[مها]

فـرع البانة البرنع يقـود نظـم افكـاري ولبسـن عقود
فــوقــك عــهـود بـرأ وطـه ويـاسـين وهود
لي شـلاّخك وقفن شهود واثـمر فـرعـك جوز النهود
صـــيـدة الـخــدور بخـلاف شـوفـتك انا مابدور
فـاطرك رقّ و قلع الصدر شـعـرك ظـلمة ووجهك بدر
شـكــلـك لـطـيـف جـدول دمـعي مـابنـقـطف
جسمـك يلمع زي القطيف اصبح لي النوم لو زارني طيف
وســـطــك ضــمر رشـرش عينيك لي اذاي امر
مــن اشواقك هجرك امر يـخـجل محـيك نـور القمر
صــيـــدة السـروح مـن بعـد المال تفـديك روح
مـن نغماتك ريحان وروح مـرهـم عرقك يبري الجروح
عــقــلـي انـفـقـد طـلـق اشـواقي وللنوم عقد
يرنع وسـطك للجوف وقد فـوق لـي دروعك كتفك رقد
طــيـبـــك عـبـق سنـك بـراقـا يسـوي بـق
تـرنـع تشبه مهر السبق فـوق اردافـا كـتيـفا انطبق
مـــنـــع الـوسـن افـرز رمـشك نشـابو سـن
كيف لا اخلف زملاي لسان و انـتي تفوقي الحور الحسان

[مها]

روعة الشعر السوداني فريع البانه

فريـع البـانة المِـنْ نسمة يـتـمـايل حـاكى المـنقسمة
نار قـلبي بتوقد من وسمه تلـمع فـي خـديدا وفـر بسمه
الفـم الزي خاتم نص قسمة يالـمـاك داريه بَـي الغي قسمة
حـبـوب الفـاطـر دُرّيـة وسـطـك يتـلاعب بـحـريـة
الجـبـهة تـلاصـف بدرية والحـالة البَـيّ مـاها مـدريـة
وسـطـك خـاتم بـي زندو و صـديرك قـايم الديـس جندو
صـديـرك قـلع مـن عندو واكـتـافك فوقو ياروحي بتسندو
زُمـرُّد لـونـك اخــضـرّ دا الـولّـع قـلـبي و آخ ضـرّ
انـا جسمي فـدايتك ما ضرّ لـو كـان اتـدقـق واتـضـرا
الجيـد الوافـر كلـجـامه فـاقـت اعـرابـا و اعـجـاما
كالمـهرة العاصية في لجاما لقـلوبنا لحـاظك ياروحي رجامة
يا ريـل ابـزازك مـا نوعا مـن خـز وعسـجد مـصنوعة
قالـت لي اعطافا المرنوعة هي ثماري ولكن ياحبيبي ممنوعة

[مها]

قلبي همالو خديدك وجمالو معذب في هواك مالو
بدري حسنك لاح والقلوب مالو لي هواك وشوق قلبي عمالو
يافريع ياسمين متكي في رمالو قول لي عاشقك وين ضاعت آمالو
شعرو حاك الغيم حاجبو هلالو فر بسمو نغيم والبروق لالو
مافي منع لو قتلي حلالو افدي جوز تفاح صدرو لولالو
الجوهر الفرد الماتلقي مثالو ليه قلبي يلين وقلبو يقسالو
حبي صابحني وحسنو ماسالو وغير وسيم خدو دموعي ماسالو
الشادن المكحول قلبي يصبالو واخشي من لحظو ومن رمي نبالو
كم جريح اسهام عينو ضاربالو وبيها لا يدري ولا علي بالو
خصرو ناحل زاد جسمي انحالو وطرفو ناعس نام وطرفي يصحالو
الفريع السيل دمعي سحالو يانسيم ارجوك شوفو كيف حالو
في النجوم مرفوع مجدو ينبالو وبين سماك اعزل حظي مانالو
لو نظر محيو عاشقو جنالو ولو بسم دمع السحب حنالو
شوف لحاظو سيوف عاشقة هدالو وحرسو حولو يدور استعدالو
شوف خديد يلصف وحسنو يندالو البدر لو غاب يضوي في بدالو

[مها]

لــحـــظـك الـجــراح اذايَ فـيـه وفــيه الـطـرب والـراح
مــنــايـا زهــرة الافــراح
للـــقــلــوب ســرّاح مبتعد شي عجيب مسجـون وعندو سراح
بيّ ضاق الكون لا اجدلو براح مـني فـارق وشال نوم عــيوني وراح
عـمـري اضـحـي مـبـاح في الغـرام لا اقـصد غير لـقاك اربـاح
حُـبّـي لـيــك يـُـبــاح وفي الظـلام تتـبسم وليـلي يبقي صباح
لـيــك مــغـرم صــاح ياخـلاصة حـسن العـجم والفــصّـاح
بــي جـنــون يـاصـاح مـن بـعادك هـل بي قربـك القي نصاح
جــيــش غــرامـك زاح هـدّ حـصـن المـهجة ولي دماي نزّاح
عـقـلــي كــاد يـنـزاح وقولـّي هــجرك جـد ياجافي ولاّ مزاح
لـيــك مــحـيّ وضّـاح وليك جـبين نـور بي ماء الجمال نضّاح
والـــدمــع فــضّــاح بي سـر غرامي البي تعلمبو دون ايضاح
تــعـبـت الاصــفــاح وطرفي جافي النوم من طيب عبيرو الفاح
بـيــن جــفـونو صفاح وفي بسيمو عقد الدر في صدرو جوز تفاح

[مها]

ياجوهر صدر المحافل روحي معاك اتلطفيله
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله

ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وانتي القمره بتنسبيله

الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله

المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله

يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة

أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله

يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله

[مها]

ضامر قوامك لان
قلبك قسى وجافيت ليه يا جدي الغزلان
أسهرت جفني ملان
يذرف دمع نازل كالمزن في الهملان
ما بصح ليه يا فلان
طرفك دوام ناعس وأنا طرفي ما غفلان
ظهرت شكلك بان
كوكب منير أشرق من فوق غصين البان
كم ليك محب تعبان
درب العشق ساهل ودرب الوصال صعبان
كالظبية في اللفتان
أما الخديد ناعم ذي زهرة البستان
تجد الطباع آمن
وحسن بديع رائع منظر جميل فنان
لا يحصى وصفه لسان
وجهك بدر كامل من البدور إحسان
ما قصدي فيك لمسان
مقصودي بس شوفتك لا تضيعني يا إنسان
القمري في الاغصان
ذكرني ألفاظك وقلبي إنطرب فرحان
يتواري لي لمحان
بروق درر فاهك بالراح والريحان
ليه كفك إتحنن
وليك قلب قاسي ما فيه لي حنان
يالراقص الفنان
حبك ملك قلبي وجننت عقلي جنان

[مها]

كم نظرنا هلال ما شاقنا غير هلالو
ما اظنو ذلال يروينا غير ذلالو

ارى الهلال ينقاص ورا محيو يتجلالو
كل يوم يزداد في خديدو نور يحلالو

قاصر الابصار عن حسنو من اجلالو
يتيه يصول باسم هي ما الذ دلالو

الذّ شئ قربو غزل النظر في جمالو
امّر شئ بعدو وجفاهو
ارى الغصون بتميل ما اظن هواها امالو
على الخلاف واذا ميل علي انا مالو

طرفو ليه نعسان وانا طرفي ليه يصحالو
يتلو اية الحب الفي الخدود لايحالو
جمالو كل ما يزيزد جسمي بيزيد انحالو
اما قلبي الضاع خلي اليضيع في حالو


انا لي حبيب يا ليل نوم العيون قلالو
انا لي حبيب يا ناس قتل النفوس حلالو
ولي حبيب يا ليل بشوف خدود يلالو
مع الظلام تشتاق الزهرة تدالالو

[مها]

شوف العين قالت ده لا لا
صدت من تيها ودلال
ريدتك ساكنة الجوف خلالا
و الاعضاء امتزجت خلالا
براق سنك شق لالا
وسهمك صاب احشاي قلالا
اسباب الغي و العلالا
ضمرتها والخصر العلالا
نور في نور ياذا الجلالا
وخدانا بالمعه انجلال
في الترنيع ماليك مثالا
علمتي الغصن الرتالا
شوفتك كم عاشق اتالا
يانسام اوصف جمالا
والقامة السيرك امالا
اوصف لي اسباب كمالا
وقول لي ام خد هجراني مالا
النسام شال الرسالة
وفي التوضيح روق رسالا
ذكرني الرطب العسالا
وهاج الشوق والدمعة سالا

[مها]

قسم بي محيك البدري

قـسم بـي محيك البدري غرامك منه ضاق صدري
حــبــيـبـي بــالــعـلـي تـــــدري


المحي نور ليلة القدري نصيب قول حاجبه لي قدري
مـعاك فـي داخل الخدري فؤادي المالكه من بدري


حياتي ونعمتي ويسري رضيت لو يرضي بي أسري
فـري يـادموعي وانـتشري إذا منه النسيم يسري


حـمام الايـك والـقمري يـصيح ينبيك عن امري
بـين عـواسلك السمري روايحي وفاكهتي وخمري


فـبالك ويـن اجـد فكري مصافحة اليمين سكري
بـبالك هـل يطوف ذكري وأمامك شكوتي وشكري


صحيح لي جروحي لاتبرئ هواك بي رضاي ماجبري
نسيمات فاهك التبري ياجميل آه كم قللت لي صبري

[مها]

الشاعر ود الرضى




اسمه الرباعى هو محمد ود سليمان ابراهيم ادريس
المشهور بود الرضى ....

ولد الشاعر ود الرضي عام ١٨٨١
الى اب ينتسب الى قبيلة العسيلات رفاعة وام تنتسب الى
اسرة الشيخ الذاكر لله الشيخ ادريس ود الارباب.

التحق بخلاوى ام ضوا بان وحفظ القرآن على يد الشيخ العبيد ود بدر ....
و ساعده الحفظ على المقدرة البلاغية وفصاحة اللسان ودقة الوصف والتصوير الشعرى ...


حكى ابنه الطيب عن الفنان الكبير عبدالله
الماحي ان شاعرنا "ود الرضي" كان في مشوارا
وفي الطريق قابل فتاة فما راته جلست في
الارض خجلة على عادة فتيات الريف وقتها وغطت وجهها بكفيها حتى لا يراه الشاعر لكن
ود الرضي كان قد راها ونظم قائلا:
(لاقاني الظبي مارق على اخياتو
محزحز بي دروعه وبي شموع طياتو
شافني ولبد اندس في ادياتو

[مها]

المسروره مي تافاها

ياحلاة الكلام الكلام في فاها
ست البيت
راقيه سكوته من ميلادا مو سكاتاً تنوبوبلاده
نضيفه ومنظمين أولادا

برضها عندي حلوه جلاده

ست البيت
تتلاصف سرور وجناتا الرافيه الكتار حسناتا
طيبة عشره مي غلاتا ماسابت الشباب لي بناتا
ست البيت
مابتحسب علي كل ما غبتا تكرم كل منسوب لي
اطوع من بناني الي واشفق من جنايا علي

ست البيت
ماقالت بقيت حبوبه وتركت بوختا المحبوبه



لوجات من رياحا هبوبه بتحيي عروقك المهبوبه
ست البيت
من صابحتها وماسيتا طاعمه وناعمه لومسيتا
ماقاستني ماقاسيتا وتشكر فضلي كل ماكسيتا
ست البيت
مي العزايه دايماًساقده ومي الغبشه المفبره حاده
مي اللهفانه بي ورا الماده



دي اللي شبابا ديمه موادا
ست البيت
فاضي البال حليللا جنابو ماإتغضبن لمس اشنابو
ولايوم سوء تفاهم نابو دي الامثالا نتغنابو
ست البيت
لو كان يوم حبيب واصلي الكرم العريض يوصلي
منها قط خلاف ماحصلي بس ازعاجا لي قوم صلي
ست البيت
ليه ماشكرا مطاوعاني وحافظه لمتعتي وحافظاني
حاويه من الانوثه معاني ومها ابقى مر بالعاني)

[مها]

عندما هاجم اسماعيل حسن شعر الحقيبة واتهمة بعدم المواكبة وهاجم الشاعر ود الرضى وطلب أن يركن شعره الى الرف لأنة اصبح غير مواكبا رد علية ود الرضى قائلا
صحيح كبرت لكن خيالى شاب
وجوادى فوق للنجمة شاب
محبوبى لامن شنبى شاب
ما نبشتو بى نشاب مشاب
ويقصد قصيدة أسماعيل حسن (خدعوك وجرحو سمعتك) وفى السينات كان ود الرضى يرد اسبوعيا على اسماعيل حسن بقصيده كقولة
شاعر ضيعوك شلنا النقط من شينك
عضيت اصدقاك الكان مغطين شينك
آلوك أظهروك قبال يتم تدشينك
أيه وداك لى شعر الحقيبة تشينك
الى قولة
الحقيبة ما بتمدح دعارة ولا المحبة المستعارة
الاغانى المفضوح شعاره الحقيبة كاشفا عارة
وحتى يبين ود الرضى ان شعر الحقيبة ليس قديما كتب قصيدة فتاة اليوم وفيها يقول
شوف فتاة اليوم حلاتا
ربى زيد ريدا وغلاتا
مهماتا يا اسماعين تلاتا
مكتبا وبيتا وصلاتا

[مها]

جَمَالاً غَيرَ كُلَف حِكْمَة رَحِيم وجَلِيلْ
وَجْهِكَ دَارَة القَمَر البِضَوِّى اللَّيلْ
يَا رَيتْ كَانْ بِقَيتْ تِحْتَ الصِّوَيل ضِلَيلْ
أوْ عَنْبَر عَزِيزْ أوْ هَبَّهَان أو هَيلْ
عُنْقاً فَاق وَرِيدْ الزَّازَه شَافْلُو ضِلَيلْ
مَهْدُول الكِتَيفْ دِيسِكْ غَزِيرْ وضَلِيلْ
مَرْدَه وفَاقِلَه ضَهْرِك قَصِيفْ وقَلِيلْ
مَتْبُورَة القَدَم سَاقِك حَكَاهُ خَلِيلْ
مَقْرُون حَاْجِبْك جَفْنِك بَكَى الهُلَّيلْ
بَسَمَاِتك نَجَف إسْمِك نَنْمَه لَيلْ
بِتْ رَاسْ الجَّمَالْ الفِى القَبِيلَة دَلِيلْ
غَير يَحْىَ البَرَامِكَه أنَا مَا بَرَى لَه حَلِيلْ
تَبْدِير نِهَار مَا بِوَضِّح التَّعْلِيلْ
يَا رِيتْ كَان بِتَدْرُوا البَى آخْرَ اللَّيلْ
مَقَسَّمَة رُوحِى بَين أبْ شَبْلَه والإِكْلِيلْ
عُمْرِى بَى مَقَام عَضَماْ بِقُولُوا شِلَيلْ

[مها]

مَخْرُوت عُودَك صَبْ للدَّمْعَة شَلْخِك وَارِدْ
زَى المِسِكْ كَرَفَانْ نَسِيمُو البَارِدْ
مَزَّقْ للقَلِب مَا بَين الشِّلُوخْ والعَارِضْ
أمْشِى الكَيْ قَبَل أدِّى الخِلُوقْ القَارِضْ
ضَهَرِك فَدْ فِتِر عُودِك مَلاَن ورَطِيبْ
عَرَق جِسْمِك يَفُوقْ الفَحَّلُوا بُو الطِّيبْ
غَيرْ نَنْظُر جَنَابَه أنْفُسْنَا مَا بِتْطِيبْ
تَبْسِيمْ فَاطْرَه صَدَفْ القِلُوبْ شَطَّيبْ
خَفَتْ الكَهْرَباء حِين الظَّلام أغْشَاهَا
صَاحب الرَّشْوَة غَير حَلِيلَه مَا أرْشَاهَا
تَلَّتْ رُوبَتَه العَمَتَتْ مَتَانِى حَشَاهَا
مِنْ يُوم الوِضُوعْ مَرْمُولَه مَى نَافْشَاهَا
بَالجَّرِحْ المُسَمَّمْ الجِسُومْ خَارْشَاهَا
بِطَرشَتْ فَارَه صَادَفَتْ الكَبِد طَارْشَاهَا
نَيَشَان بَسْمُو يَا خِلِّى القِلُوبْ خَشَاهَا
رِيشَةْ عَقْلِى مُشْ عَارِفْ مَحَل طَافْشَاهَا
بِهَذا التَّماثُلْ قَاصِر الأفْشَاهَا
أوْ فَاشَاهَا بَسكَلْ أهْلَ النَّهُو مَاشَاهَا
كَشَماتَه النَّجَفْ كَهْرَبَة البِنُوكْ فِي حَشَاهَا
فِي الحَارَة التَّلِمْ عِلَلْ الصِّدُورْ فَاشَاهَا
إبْقَى دَحِينْ حِبَيْبَاتِى أسْتَونْ فِي الصَّالَه
حَفَلَنْ بَى نَفَايْلاً مُنْشِى مَا حَصَّى لَه
فِي مَأوَاهَا مَوْلاى الحَمِيدَه خِصَالَه
لَطِيفَه كَذَا القَطِيفَه إلَهِى جُود بَوِصَالَه
إنْ خَتَّتْ خَنَاصِرَه عَلى خِدُودَه وحْيَاةْ رُوحَه
تَبْرِى جِرُوحْ خِلافَه لَكِن بِتَدْمِى جِرُوحَه
تَزِيلْ حَزَن الضَّمِيرْ بِوِجْنَتَه المَطْرُوحَه
عَايْبَه بِوَاحْدَه بَس لَى ضَيفَه تَتْعِب رُوحَه
إنْ جيِتْ قَاصِدَه السِّكَّه مَا تِمَاشِيكَ
وإنْ شَاهَدَتْهَا تَلْقَى الطَّرَب حَاشِيكَ
مَقْهُورْ بَى الله عَاد أطْرِى الذِى نَاشِيكَ
عَايْبَه بِوَاحْدَه بَس كَسْلاَنَه مِيهَا وَشِيكَه
مِنَّهَا مَا بَطِيبْ وإنْ سِلِمْ مَرْقُوبْ
إلاَّ بِزُورَه مِنْها أنْجِدْنَا يَا أبْ يَعَقُوبْ
السَّاق مُعْتَدِل مِتْشَابْكَه للمَحَقُوبْ
أيْضَاً فِيهَا تِنْيَه وحَزْ بَدَلاً عَن العَرْقُوبْ
نَسَّامْ الجِبَالْ جَاهِنْ نَسِيمَاً جَانِي
وِجِيهِنْ جَاهُ جِيمَاً يَجْفِي جُوه جِنَانِي
جَاهِلْ حَسْمُه جُوه حَلْجِيلْ الجَلْجَلاَنِي
جَرَعَنْ جَسَايمْ جَمْ يَا مُجِيبْ أنْجَانِي
سَارِحْ عَقْلِي نَسَامْ البُرُوقْ البَاتَنْ
وَالِعِنْ نِيرَانْ جُوفْ بَعَدْ مَا مَاتَنْ
بَرِيبْ عَاطِفْ النَقِعْ أبْ عَايْنَاً شَاتَنْ
وَا أسَفِي عَلَى أُنْس اللَّيَالِي الفَاتَنْ

[مها]

أنْتَ كَلُؤْلُؤَةْ الغَوَّاصْ كَرِيْمَة وصَافْيَة
مِنْ كُلْ الدَّنَايسْ والنَقَايضْ نَافْيَة
أنْتَ المَلِكْ هُو لَكْ لَيهْ مَاكْ مُتْلاَفْيَة
مَزَجْ مَعْنَاكْ إِلَهَكْ حُبْ فَوَاكِة وعَافْيَ
عَيْنَة كَشْكِيبْ كَشَفْ ظَلاَمْنَا إِتْمَحَى
كَشَاكِيشْ مِنْ كَشَفْ قَمَرْ السُّبُوعْ الضَحَى
مُو كَتْشَانْ مَشِيهَا تَرُوحَتْ فِي لَمْحَة
زَادْ فِي جُوفِي شَكْشَكَة كَانْ شُكُوكْ الرَّمْحَة
كُنْتَ عَلِمْتَ كَلاَمِي وسِرِي لَيكْ بَفْشَاهُ
كَاوِي فُؤَادِي كَيِّ كَاوِينِي كَيفْ كَوَاهُ
كَفْكَ كَمْ كَيفْ أكْفَاهُ كَي أكْفَاهُ
كُوكَابْ كَمْ كَتَلْ كَاتِلِنْ بَى كَيفَاهُ
اليَابَا البَنَاتْ حَدْ الله بَينِي وبَينُو
والمَا بَحُضْهِنْ والله نَاقِصْ دِينُو
وَدْ الأرْيَلْ الزَي الفَنَاجِينْ عينُو
لاَمْتِينْ يَا نَدِيمْ مَعَاي يَكْمَلْ زِينُو
مَا مَرَقَتْ بَالفَرِيقْ جَابَتْ خَبَايرْ قَالُوا
ولاَ طَلَقَتْ لِسَانْ للجَارْ مُوقْفَة حَالُه
يَا حَلَيلَة المَا بِتَنْبُشْ العَايْدَالُه
فَي لِقَا فِي عَدَمْ سِيدْ بِيْتَهَا سَتَرَتْ حَالُه]