ياناس زهجانه

[ام مودة]

ياناس عندى عدم موضوع وطفش وملل وزهج ورونى اعمل شنو

[a.w@fantom]

والله الحال من بعضو ي ام موده طفش شديييد خميييس مخستك ,,,,,,
احسن حل تاخدي منوووم والله انا قبل شويه كنت قاعده ابكي لانو ما عندي موضووع ومخنوووقه

[محمد نعيم]

ياناس عندى عدم موضوع وطفش وملل وزهج ورونى اعمل شنو

اعملي عصير ليمون؟

غالبا الحريم ما بزهجن نسبة لشغل البيت الكتير

فمثل هذه الحالات بعض الناس بتتعلم الخياطة او اي شئ لتفادي الملل

[أم عسجد]

ام موده عليك الله امشى اقرى مشاركتى فى ياسر الزميم يكفر ام المؤمنين عائشه والله حالتك بتتحسن عليك الله اقريها كوييييس والله انا من الصباح قريتا حسنت لى معنوياتى
ورينى رايك

[الشمالي]

ياناس عندى عدم موضوع وطفش وملل وزهج ورونى اعمل شنو

هووووووووووي يااا ام موده كده نزعل منك
وكيف ما في موضوع , الزهج مرفوع وصدقيني
مسالة القرف والزهج دي كذبة بطلقها الشخص
ويصدقها العقل الباطن , ابتسمي فمودة معك
واحسب ابو مودة كمان معك , اسعدي واسعدي
الحواليك ولا تجعلي حيز للطفش والاحزان في
دواخلك , كده حاولي اعملي حاجة جديدة
عصيدة بملااااح ام تكشو او ملاااح لوبا
وبالمرة اعزمينا معاك ينولك ثواب باقي
جداد الرياااض هري مصارينا
كاااااااااااااااك
ومن الجداد كااااااااااااااك

والزهج مرفوع
طيب انا لي 9 اشهر من ايمن وام ايمن
اعمل شنو ؟
وبرضو نضرب الهم بالفرح واحلي الايام
قادمات باذن الله
وغاااااااغ

[محمد نعيم]

عصيدة بملااااح ام تكشو او ملاااح لوبا
وبالمرة اعزمينا معاك ينولك ثواب باقي
جداد الرياااض هري مصارينا
كاااااااااااااااك
ومن الجداد كااااااااااااااك

المحاضرة دي كلها عشان العصيدة والويكاب ؟

هع

[الشمالي]

والله الحال من بعضو ي ام موده طفش شديييد خميييس مخستك ,,,,,,
احسن حل تاخدي منوووم والله انا قبل شويه كنت قاعده ابكي لانو ما عندي موضووع ومخنوووقه

هووووي يااا ناس الرياض انتو الحاصل
عليكم شنو ؟ مع انو الجو كويس ,ياابتي
امسحي دميعاتك وصدقيني لو بايدي تطردي
الملل والزهج باي موضوع واشغلي نفسك
واسعدي الحواليك فسعادة الاخرين تجلب
السعادة , غااااغ
قلت لي منو كدة فاندام غايتو جنس انجليزي
يحير السمبرية اي ابتسمي هي الدنيا
فيها شنو عشان نحزن كااااك

[ام مودة]

اعملي عصير ليمون؟

غالبا الحريم ما بزهجن نسبة لشغل البيت الكتير

فمثل هذه الحالات بعض الناس بتتعلم الخياطة او اي شئ لتفادي الملل

ها اجرب وصفتك واعمل عصير ليمون هههههه

والله كلامك صح دة لو الوحدى عندها حاجه تعمل فى البيت ما ها يكون عندها ملل لكن انا بكون لى حالى فى البيت لى مودة وابو مودة يرجعو الظهر

[الشمالي]

المحاضرة دي كلها عشان العصيدة والويكاب ؟

هع

ياا ود النعيم نحن ملاااح الويكاب هاجرنا ليهو
400 كيلو مكان كدة قريب مدني ورحنا في
في الطريق فوووق صحن عصيدة ويكااااب
مع واحد صاحبنا وصاحبنا المسكين قائلنا
جايين ليهو وما عاررفنا جايبانا قريفة ويكااب
غاااااغ السماية متين ؟
كااااااااااااك

[محمد نعيم]

لكن انا بكون لى حالى فى البيت لى مودة وابو مودة يرجعو الظهر

الحمد لله الملل جزئي فقط

[محمد نعيم]

ياا ود النعيم نحن ملاااح الويكاب هاجرنا ليهو
400 كيلو مكان كدة قريب مدني ورحنا في
في الطريق فوووق صحن عصيدة ويكااااب
مع واحد صاحبنا وصاحبنا المسكين قائلنا
جايين ليهو وما عاررفنا جايبانا قريفة ويكااب
غاااااغ السماية متين ؟
كااااااااااااك

كان كدا الضحية برسل ليكم كوم غليد وتلاتة حجار ويكاب

كومين بس لان التالت المعاكم جرجيري

[أبو صديق]

ياناس عندى عدم موضوع وطفش وملل وزهج ورونى اعمل شنو

اووووه أم موده سخشيا طفشانه
يا بت الناس أحمدي ربك عندك بيت وبت عثوووووووووووول
ربنا إحفظها وأبوها معاها وبرجعوا الظهر ( دي صلاة ) الضُهر بس
ياخي شوفي الشمّالي ده 9 شهور وممكون وصاابر
ولو ما الكااااااك والغااااااااااغ
كان أصبح في بلدا طيرا عجمي
والشمّالي كويس أخفّ قدرا من المريسيل
سيد الكارو تطير عيشتو إلم في القروش
زي دم الحجامه إجي الفيل ده إعفصا ليهو
والله حالتو تحنن الحجر
داير إتلم علي بت الحلال
يوم طيّاره ويوم كارو
وكوابيس وخزعبلات والحال
ياهو ظاااطو الحال وفي جوايّ
صدي الذكري
ألزمي الإستغفار
وأكثري من الحمد والثناء
وقراءة القرآن وما تنسينا من حُسن
دعواتكم يا أم مــودة
ومأجوره بإذن الله تعالي

[ام مودة]

هووووووووووي يااا ام موده كده نزعل منك
وكيف ما في موضوع , الزهج مرفوع وصدقيني
مسالة القرف والزهج دي كذبة بطلقها الشخص
ويصدقها العقل الباطن , ابتسمي فمودة معك
واحسب ابو مودة كمان معك , اسعدي واسعدي
الحواليك ولا تجعلي حيز للطفش والاحزان في
دواخلك , كده حاولي اعملي حاجة جديدة
عصيدة بملااااح ام تكشو او ملاااح لوبا
وبالمرة اعزمينا معاك ينولك ثواب باقي
جداد الرياااض هري مصارينا
كاااااااااااااااك
ومن الجداد كااااااااااااااك

والزهج مرفوع
طيب انا لي 9 اشهر من ايمن وام ايمن
اعمل شنو ؟
وبرضو نضرب الهم بالفرح واحلي الايام
قادمات باذن الله
وغاااااااغ

والله يالشمّالى كلامك صح لكن الطفش موجود وعدم الموضوع كمان فى اوقات ما بيكون عندك نفس تعمل اى حاجه لكن انا كدة اطرد الطفش دة عشان كلامك السمح دة وها امشى اعمل ليك العصيدة

والله يكون فى عونك ويجمعك مع زوجتك واولادك يارب

[الشمالي]

كان كدا الضحية برسل ليكم كوم غليد وتلاتة حجار ويكاب

كومين بس لان التالت المعاكم جرجيري

هااا زووول نحن خفاااااف بنجيك نحن
وكبر الكيمان سااااكت اما الزول الجرجيري
ده ما ينفعو الكمل طماطم الرياض غاااغ

[الشمالي]

والله يالشمّالى كلامك صح لكن الطفش موجود وعدم الموضوع كمان فى اوقات ما بيكون عندك نفس تعمل اى حاجه لكن انا كدة اطرد الطفش دة عشان كلامك السمح دة وها امشى اعمل ليك العصيدة

والله يكون فى عونك ويجمعك مع زوجتك واولادك يارب

كتري العصيدة مرسال الشوووق برهو دائر
ليهو صحنين , اميييين والله يكون في عون
الجميع ومشكورة

[ام مودة]

ام موده عليك الله امشى اقرى مشاركتى فى ياسر الزميم يكفر ام المؤمنين عائشه والله حالتك بتتحسن عليك الله اقريها كوييييس والله انا من الصباح قريتا حسنت لى معنوياتى
ورينى رايك

مون كيفك تمام اخبارك

مشيت وقريت مشاركتك عن ام المؤمنين جزاك الله الف خير فعلا كلام جميل

لكى من التحيه

[الشمالي]

ياخي شوفي الشمّالي ده 9 شهور وممكون وصاابر
ولو ما الكااااااك والغااااااااااغ
كان أصبح في بلدا طيرا عجمي
والشمّالي كويس أخفّ قدرا من المريسيل
سيد الكارو تطير عيشتو إلم في القروش
زي دم الحجامه إجي الفيل ده إعفصا ليهو
والله حالتو تحنن الحجر
داير إتلم علي بت الحلال
يوم طيّاره ويوم كارو
وكوابيس وخزعبلات والحال
ياهو ظاااطو الحال وفي جوايّ
صدي الذكري

لو ما كااااك والناس الحلوين هنا والكل
حلوين, كان الواحد فقد اتجاه , اما
المرسال ذي الزول الرمو في بئر
ورمو من فوووق ليهو فيل ,
وصدقاً لي كلامك بتاع الكوابيس
والخزعبلات امبارح بالليل جاتني
صحية لقيت مرسال الشوق واقف
فووووق راسي وماسك كباية الموية
الوحيدة وعائز افرطقها فوق
راسي ولو ما ربنا ستر وجات
في السراميك كان اخوك يكون
هسي اما في المستشفي او المقابر
وحرم الكباية دي اتفرطقت حتة حتة
وتناثرت الي ذرات متناهية الصغر
اتاري الزول كان حلمان واختلف
في الحلم من المراءة الفي علم الغيب
وقال قالت ليهو الا تغسل العدة وقام
زعل ودائر يضربها بالكباية والعهدة
علي الراوي , نسأل الله السلامة
كاااااااااااك

[ام مودة]

اووووه أم موده سخشيا طفشانه
يا بت الناس أحمدي ربك عندك بيت وبت عثوووووووووووول
ربنا إحفظها وأبوها معاها وبرجعوا الظهر ( دي صلاة ) الضُهر بس
ياخي شوفي الشمّالي ده 9 شهور وممكون وصاابر
ولو ما الكااااااك والغااااااااااغ
كان أصبح في بلدا طيرا عجمي
والشمّالي كويس أخفّ قدرا من المريسيل
سيد الكارو تطير عيشتو إلم في القروش
زي دم الحجامه إجي الفيل ده إعفصا ليهو
والله حالتو تحنن الحجر
داير إتلم علي بت الحلال
يوم طيّاره ويوم كارو
وكوابيس وخزعبلات والحال
ياهو ظاااطو الحال وفي جوايّ
صدي الذكري
ألزمي الإستغفار
وأكثري من الحمد والثناء
وقراءة القرآن وما تنسينا من حُسن
دعواتكم يا أم مــودة
ومأجوره بإذن الله تعالي

ابو صديق كيفك والله والحمدلله كلامك صح اكتر من الاستغفار والحمد والثناء

الشمّالى الله يكون فى عونه لكن مرسال الشوق ما جايب للدنيا خبر مشغول فى جمع القروش هههههه

[ام اواه احمد محمد]

أكيد يا ام مودة الزهجة فكت من ...الاستغفار وقراءة موضوع الاخت مون ومن تعليقات الاخوان الكرام
والله التعليقات تخلي الواحد الما زهجان يقول انو زههجان عشان اسمع مداخلات الاخوة والاخوات الكريمات جزاكم الله خيروربنا يلم شمل كل بعيد من اهله وان شاء الله الاخ الشمالي تأكل العصيدة مع ام تكشو مع ايمن وام ايمن في اقرب وقت ممكن ربنا يسهل عليك .
.ا ام مودة ان شاء الله تكوني شربتي عصير الليمون والزهجة فكة شوية ..

[الغاليهـ بنت الغالي]

اقول ليك حاجة يا ام مودة هاكي حلي لي الواجبات بتاعت المدرسة شفتي من تكوني زهجانة ادينا خبر نتقاسم الواجبات مع بعض ههههههههههه
من الصباح للساعة اربعة عصر في المدرسة نجي القراية طواالي بعدين النوم وانتهي الموضوع
الكمبيوتر دة في الويكند بس


وربنااا يسهل علينا وعليكم