ونسة مع بنات حوشنا الكوارع

[رءوف]

ياجماعة دى ونسة زول مشى السودان عشان عرس بنت اختو (العرست وخلت خالها) بدات باتصال من اختى ام المحروسة العروس ....الو ...الو مين رءوف ؟ يعنى ح يكون مين ابراهيم خوجلى ؟ ايوة رءوف وبعد السلام قالت لى ايمان جالها عريس محترم وود ناس .....( طبعا لازم يكون ودناس مش بنتك دايراهو) طبعا دى ما قلتها ليها . وبعد تحدد موعد العرس نزلت انا السودان وهناك لقيت ليكم لمة بنات بصراحة انا خفت قلت ديل كولهن بنات اهلى طيب ديل اجيبو ليهن عرسان من وين ..غايتو الا ادى كل عضو فى المنتدى هنا واحدة حتى شوية الهم يروح .. المهم فى واحدات كدة انا الا بالشبه حتى اعرفهم واغرب شى الاسامى والله العظيم عندهم اسماء انا ماسمعت بيها قبل كدة ...المهم طبعا انا زول جائى ضيف ولازم عليهم الضيافة وكدة يعنى لا برفع حاجة ولا بخت اى حاجة بس بعاين بعيونى .... اليوم الاول لاحظت حاجة انو البنات ديل كوووولهم اى واحدة تشوفها تلاقيها بتاكل فى حاجة يا لحمة يا قطعة جزرة يا خياريارة وفى واحدات اتخيل لى بياكلو فى فجل المهم شى ابيض كدة انا ما شفتو .. وطبعا واحدات قاعدات جوة وبيلهضو فى اللحمة وبى هنا 3 جاريات وراء واحدة خطفت منهم صحن الشطة التفت لقيت البنت طرحتا طارت فى الهواء ...طبعا ما عاينت لى اى حاجة تانية ... ممكن البنت دى تكون من المحارم بنت اخت ولا اخو ...... المهم البنت شوية مليانة وقدرت تجيب صحن الشطة ..وقالت لى خالو رءوف بتحب الشطة ؟(بحب الشطة... وخالو كمان .. هسى اقول شنو ) قلت ليها جدا مسكتنى من ايدى ...بى قلبى يدى فكيها عليك امك الما بعرفها يدى فكيها ....المهم دخلت ولقيت يجى 9 بنات اشكال والوان ... واحدة وقفت طووووووووويلة وقالت ليها ينصر دينك يا عزاز ......عزاز ... دى عزاز بنت نفيسة بنت عمتى ؟؟ الشافعة دى متين بقت قدر زينة كدة ...( زينة العضوة اختنا بالمنتدى هنا) المهم ما قدرت اقعد لكن انا واقف شبعت كل واحدة هاك يا خالو خد يا خالو حمدا لله على السلامة يا خالو .. ناكل فى عرسك يا خالو .. صحى خطبت يا خالو ..والخشوم شغالة لا خجلة منى لا شى داسنو وشى مكياج وشى شعر مابعرفو كيف كيف واظافر الله لا يوريك متر ونص يعنى لو جاك اظفر طاير يا ابو الصديق الا تشوف ليك جيهة تمشى عليها ...المهم اكلت وشبعت وبقيت مارق ..فى زى اربعة كدة مرقو معاى غسلت ايدى وطلعت لى سجارة وقعدت ...طوالى البنات جو قعدو ... واحدة منهم... هسى بتعرفنا يا خالو ؟ والله يعنى ممكن الاسماء بس ما بعرفها لكن الشبه انتو بناتنا ... واحدة قالت لى طيب انا رهام .. ودى عزاز ودى سونا (سونا ولا رويتر) طيب سونا دة الاسم الحقيقى ... لا لا يا خالو هى اسمها سوسن بس دة Nick Name قالتها كدة عشان تورينى انها بتعرف انجليزى... طيب .... ودى رؤى ....الشى اصلو مافى لا نفيسة لا بخيتة لا عاشة فيكم .. المهم بعد شوية جات واحدة داخلة ...ازيكو شباب وشعرها طاير ومكوماهو بى وراء ولا بسة نظارة خاتة النظارة فوق نص راسها وقعدت قمت انا عاينت .. وبعد شوية سمعت ليك هههههههههههه ههههههههه ..البنات ديل جنو ولا شنو ... يا ربى بيضحكو على .. اقوم اجدعن بى فوق الحوش دة ( اصلى زهجان منهن عشان ديل بنات اهلى وما قادر اعاين فيهم) تصدقو يا جماعة انا المعاى هسى اكثر من 8 بنات بقيت اعاين فى الارض .... سبحان الله العرس دة ما كان يكون فى الحى التانى... ما كان يكون فى حوشنا هنا كان الواحد ملا بطاطيرو لى النهاية يابنات بتضحكو فى شنو ... اها فى حاجة نسيتها ...الجوالات ... لا اله الا الله محمد رسول الله ...يمين بالله الجوال الواحد يساوى راتبى انا هنا فى السعودية والسماعات وحاجات كدة مدلدلة من الجوال تولع براها ... المهم فى النهاية عرفت انو واحدة منهم خطفت عضم التانية وكانو بيتشاكلو ولم انا جيتهم داخل خجلو والاخذت العضم اكلتو وديك كانت مراقباها ولم انا خرجت طوالى جات وراى خايفة من صاحبة العضم .. وهنا معاى برضو ما بتقدر تعمل معاها حاجة .. قلت الحمد لله ..زانا كنت بهبش فى بنطلونى لم ضحكو قلت امكن البنطلون يكون ضرب ولا حاجة ..لكن الحمد لله جات سليمة...المهم اتلفت يمين يسار كل ما التفت القى واحدة بتاكل .. وماسكة ليها منديل فى يدها كل ما اكلت مسحت الخشم ..مش زى الشمالى ياكل ويغسل خشمو بكرة هههههاى .... اثناء ما نحنا قاعدين واحدة تلفونها رن وتانى البنات هههههههههه الله الله فى شنو ...البنات جنو ولا دة عدم العرس كل شويتين ههههههه ... المهم البنت عملت طناش وما ردت انا ضحكت .... قلت ليها ردى .. قالت لى دى ما عندها موضوع .. قلت ليها ما عندها موضوع ولا ما عندو موضوع ... وتانى البنات هههههههه .. انا عشان اخليها ترتاح قلت ليها انت من قبيل قاعدة قومى لى حباب دى خليها تقعد ...تصدقو واحدة منهم اسمها حباب .. بالله دة اسم دة حباب يعنى شنو... المهم البنت ما صدقت قامت وطوالى اخذت ليها زاوية .. واحدة قالت لى امكن دة خطيبها .. قلت ليها البنت الزى ملاك الورد الصغنونة دى مخطوبة ..هى دى بنت منو .. قالت لى دى بنت بنت خالتك فتحية .. يعنى انا برضو خالها..قلت ليها مالها كوارع كدة .. انتو هنا فى السودان ما عندكم رز ولا شنو .. قالت لى دى بتاكل اكل رهيب يا خالو بس ما ظاهر فيها .. واحدة قالت لى بصراحة يا خالو انا بحب اللحمة ..قلت ليها خلاص عرسى ليك جزار قال لى مين انا thats can not be happened ever ... حكاية الانجليزى مع البنات دى شنو ..قالت لى انا عرس واحد عندو عمارات واملاك وعقاقير ويرسل السواق اجيب لى لحمة طازة... يعنى انتى ما بتطبخى ... خالو بالغت عديل انت .. انا اطبخ .... لى شنو ما بتطبخى ح تاكلى اللحمة كيف .. الطبيخ دة يا خالو خلاص انتهى .. المهم فجاة كدة دخلت امى .. يا ولد انت قاعد هنا والناس بيسالو دايرين يسلمو عليك ... امرق لى برة عزيزة دى جات من الحج اول حاجة بارك ليها الحجة ماتنسى ... مرقت طوالى وامى ما سكانى من يدى زى الشافع وقابلت عزيزة ... بنت عمى عمرها حوالى 40 او 45 سنة وتعال يا سلام ولابسة سبحة خضراء فى يدها وقعدت تبكى قالت لى انا مشيت مكة لكن مالقيتك .. قلتا ليها الحجة مبروكة انا اصلا كنت فى ابها وقت الحج ما كنت فى مكة .. قالت لى ..عبدالرعوف متين يا خوى بتعرس ؟؟ اها جينا للكلام الماليهو دتعى ..قريب انشاء الله يا عزيزة ..بعد بناتنا ديل يكملن ..وشوية شوية دخل ابن عمى وود خالى وواحد متزوج اختنا الكبيرة لابس ليهو بدلة كنقولية التقول شغال فى السكة حديد وبقى نحيف التقول مسكو سل رئوى .. المهم حضنى شديد قلت القوة دى جابها من وين الزول الضعيف دة.. المهم شوية سمعت صوت ابوى يا ولد يا ولد ... انا عملت فيها بسلم على الناس تانى ابوى ما زاد يا ولد دى تانى على طول جاء من وراء وضربنى فى ضهرى قال لى هوى ها اركب العربية دى وامشى المشروع ..تلاقى واحد هناك اسمو ادريس دة رقمو تقول ليهو ابوى قال ليك ارفع لينا خروفين ...خروفين ؟؟ اجيبهم معاى فى السيارة المهم قلت ليهو حاضر وعاينت لى ملابسى قلت منو العوض وعيهو العوض الليلة
وبكرة بتم الباقى .............. سلام

[GentleMan]

ياجماعة دى ونسة زول مشى السودان عشان عرس بنت اختو (العرست وخلت خالها) بدات باتصال من اختى ام المحروسة العروس ....الو ...الو مين رءوف ؟ يعنى ح يكون مين ابراهيم خوجلى ؟ ايوة رءوف وبعد السلام قالت لى ايمان جالها عريس محترم وود ناس .....( طبعا لازم يكون ودناس مش بنتك دايراهو) طبعا دى ما قلتها ليها . وبعد تحدد موعد العرس نزلت انا السودان وهناك لقيت ليكم لمة بنات بصراحة انا خفت قلت ديل كولهن بنات اهلى طيب ديل اجيبو ليهن عرسان من وين ..غايتو الا ادى كل عضو فى المنتدى هنا واحدة حتى شوية الهم يروح .. المهم فى واحدات كدة انا الا بالشبه حتى اعرفهم واغرب شى الاسامى والله العظيم عندهم اسماء انا ماسمعت بيها قبل كدة ...المهم طبعا انا زول جائى ضيف ولازم عليهم الضيافة وكدة يعنى لا برفع حاجة ولا بخت اى حاجة بس بعاين بعيونى .... اليوم الاول لاحظت حاجة انو البنات ديل كوووولهم اى واحدة تشوفها تلاقيها بتاكل فى حاجة يا لحمة يا قطعة جزرة يا خياريارة وفى واحدات اتخيل لى بياكلو فى فجل المهم شى ابيض كدة انا ما شفتو .. وطبعا واحدات قاعدات جوة وبيلهضو فى اللحمة وبى هنا 3 جاريات وراء واحدة خطفت منهم صحن الشطة التفت لقيت البنت طرحتا طارت فى الهواء ...طبعا ما عاينت لى اى حاجة تانية ... ممكن البنت دى تكون من المحارم بنت اخت ولا اخو ...... المهم البنت شوية مليانة وقدرت تجيب صحن الشطة ..وقالت لى خالو رءوف بتحب الشطة ؟(بحب الشطة... وخالو كمان .. هسى اقول شنو ) قلت ليها جدا مسكتنى من ايدى ...بى قلبى يدى فكيها عليك امك الما بعرفها يدى فكيها ....المهم دخلت ولقيت يجى 9 بنات اشكال والوان ... واحدة وقفت طووووووووويلة وقالت ليها ينصر دينك يا عزاز ......عزاز ... دى عزاز بنت نفيسة بنت عمتى ؟؟ الشافعة دى متين بقت قدر زينة كدة ...( زينة العضوة اختنا بالمنتدى هنا) المهم ما قدرت اقعد لكن انا واقف شبعت كل واحدة هاك يا خالو خد يا خالو حمدا لله على السلامة يا خالو .. ناكل فى عرسك يا خالو .. صحى خطبت يا خالو ..والخشوم شغالة لا خجلة منى لا شى داسنو وشى مكياج وشى شعر مابعرفو كيف كيف واظافر الله لا يوريك متر ونص يعنى لو جاك اظفر طاير يا ابو الصديق الا تشوف ليك جيهة تمشى عليها ...المهم اكلت وشبعت وبقيت مارق ..فى زى اربعة كدة مرقو معاى غسلت ايدى وطلعت لى سجارة وقعدت ...طوالى البنات جو قعدو ... واحدة منهم... هسى بتعرفنا يا خالو ؟ والله يعنى ممكن الاسماء بس ما بعرفها لكن الشبه انتو بناتنا ... واحدة قالت لى طيب انا رهام .. ودى عزاز ودى سونا (سونا ولا رويتر) طيب سونا دة الاسم الحقيقى ... لا لا يا خالو هى اسمها سوسن بس دة nick name قالتها كدة عشان تورينى انها بتعرف انجليزى... طيب .... ودى رؤى ....الشى اصلو مافى لا نفيسة لا بخيتة لا عاشة فيكم .. المهم بعد شوية جات واحدة داخلة ...ازيكو شباب وشعرها طاير ومكوماهو بى وراء ولا بسة نظارة خاتة النظارة فوق نص راسها وقعدت قمت انا عاينت .. وبعد شوية سمعت ليك هههههههههههه ههههههههه ..البنات ديل جنو ولا شنو ... يا ربى بيضحكو على .. اقوم اجدعن بى فوق الحوش دة ( اصلى زهجان منهن عشان ديل بنات اهلى وما قادر اعاين فيهم) تصدقو يا جماعة انا المعاى هسى اكثر من 8 بنات بقيت اعاين فى الارض .... سبحان الله العرس دة ما كان يكون فى الحى التانى... ما كان يكون فى حوشنا هنا كان الواحد ملا بطاطيرو لى النهاية يابنات بتضحكو فى شنو ... اها فى حاجة نسيتها ...الجوالات ... لا اله الا الله محمد رسول الله ...يمين بالله الجوال الواحد يساوى راتبى انا هنا فى السعودية والسماعات وحاجات كدة مدلدلة من الجوال تولع براها ... المهم فى النهاية عرفت انو واحدة منهم خطفت عضم التانية وكانو بيتشاكلو ولم انا جيتهم داخل خجلو والاخذت العضم اكلتو وديك كانت مراقباها ولم انا خرجت طوالى جات وراى خايفة من صاحبة العضم .. وهنا معاى برضو ما بتقدر تعمل معاها حاجة .. قلت الحمد لله ..زانا كنت بهبش فى بنطلونى لم ضحكو قلت امكن البنطلون يكون ضرب ولا حاجة ..لكن الحمد لله جات سليمة...المهم اتلفت يمين يسار كل ما التفت القى واحدة بتاكل .. وماسكة ليها منديل فى يدها كل ما اكلت مسحت الخشم ..مش زى الشمالى ياكل ويغسل خشمو بكرة هههههاى .... اثناء ما نحنا قاعدين واحدة تلفونها رن وتانى البنات هههههههههه الله الله فى شنو ...البنات جنو ولا دة عدم العرس كل شويتين ههههههه ... المهم البنت عملت طناش وما ردت انا ضحكت .... قلت ليها ردى .. قالت لى دى ما عندها موضوع .. قلت ليها ما عندها موضوع ولا ما عندو موضوع ... وتانى البنات هههههههه .. انا عشان اخليها ترتاح قلت ليها انت من قبيل قاعدة قومى لى حباب دى خليها تقعد ...تصدقو واحدة منهم اسمها حباب .. بالله دة اسم دة حباب يعنى شنو... المهم البنت ما صدقت قامت وطوالى اخذت ليها زاوية .. واحدة قالت لى امكن دة خطيبها .. قلت ليها البنت الزى ملاك الورد الصغنونة دى مخطوبة ..هى دى بنت منو .. قالت لى دى بنت بنت خالتك فتحية .. يعنى انا برضو خالها..قلت ليها مالها كوارع كدة .. انتو هنا فى السودان ما عندكم رز ولا شنو .. قالت لى دى بتاكل اكل رهيب يا خالو بس ما ظاهر فيها .. واحدة قالت لى بصراحة يا خالو انا بحب اللحمة ..قلت ليها خلاص عرسى ليك جزار قال لى مين انا thats can not be happened ever ... حكاية الانجليزى مع البنات دى شنو ..قالت لى انا عرس واحد عندو عمارات واملاك وعقاقير ويرسل السواق اجيب لى لحمة طازة... يعنى انتى ما بتطبخى ... خالو بالغت عديل انت .. انا اطبخ .... لى شنو ما بتطبخى ح تاكلى اللحمة كيف .. الطبيخ دة يا خالو خلاص انتهى .. المهم فجاة كدة دخلت امى .. يا ولد انت قاعد هنا والناس بيسالو دايرين يسلمو عليك ... امرق لى برة عزيزة دى جات من الحج اول حاجة بارك ليها الحجة ماتنسى ... مرقت طوالى وامى ما سكانى من يدى زى الشافع وقابلت عزيزة ... بنت عمى عمرها حوالى 40 او 45 سنة وتعال يا سلام ولابسة سبحة خضراء فى يدها وقعدت تبكى قالت لى انا مشيت مكة لكن مالقيتك .. قلتا ليها الحجة مبروكة انا اصلا كنت فى ابها وقت الحج ما كنت فى مكة .. قالت لى ..عبدالرعوف متين يا خوى بتعرس ؟؟ اها جينا للكلام الماليهو دتعى ..قريب انشاء الله يا عزيزة ..بعد بناتنا ديل يكملن ..وشوية شوية دخل ابن عمى وود خالى وواحد متزوج اختنا الكبيرة لابس ليهو بدلة كنقولية التقول شغال فى السكة حديد وبقى نحيف التقول مسكو سل رئوى .. المهم حضنى شديد قلت القوة دى جابها من وين الزول الضعيف دة.. المهم شوية سمعت صوت ابوى يا ولد يا ولد ... انا عملت فيها بسلم على الناس تانى ابوى ما زاد يا ولد دى تانى على طول جاء من وراء وضربنى فى ضهرى قال لى هوى ها اركب العربية دى وامشى المشروع ..تلاقى واحد هناك اسمو ادريس دة رقمو تقول ليهو ابوى قال ليك ارفع لينا خروفين ...خروفين ؟؟ اجيبهم معاى فى السيارة المهم قلت ليهو حاضر وعاينت لى ملابسى قلت منو العوض وعيهو العوض الليلة
وبكرة بتم الباقى .............. سلام

اها قبل ماتجي تتم لينا القصة بكرة
مافي واحدة من البنات الكتار ديل عجبتك وعرستها
ولا الجيب فاضي

[عماد الحسين]

غريبه لتعرف بنات المنتدى ومابتعرف بنات اهلك
لكن اسلوبك جميل في السرد

[( ود البورت )]

باقي الشمار سريع

[رءوف]

اها قبل ماتجي تتم لينا القصة بكرة
مافي واحدة من البنات الكتار ديل عجبتك وعرستها
ولا الجيب فاضي

كلامك صاح
الجيب فاضى مالو انت فيك الخير مش المؤمنين اخوة
ساعدنى وادينى قروش عشان اعرس
شكرا لمرورك

[رءوف]

غريبه لتعرف بنات المنتدى ومابتعرف بنات اهلك
لكن اسلوبك جميل في السرد

شكرا لمرورك ولك التحية
بنات المنتدى برضو اخواتى يا عمدة بعرفهم فى النت
وبنات اهلى فى السودان
شكرا ليك

[Tawfik omdur]

ومشى معاك العوض ولا مشيت براك تجيب الخروفين

والاهم ان شاء الله يكونن سمان

واكيد اكلت المرارة مع البصل والشطة الحارة

واكيد بعدها بنات اهلك قعدن منك على بعد مترين

قالو شنو يا خالو ريحتك بصل بصل

واكيد البنت الخطفت العضمة من اختها ساعة ختةا الاكل شالت عضمين

واحد خلصت بيه دينه والتاني اكلته

حكاية خالوا دي مرت علي وفعلا بناتنا حلوة

والواحدة تمرق كلمة خالوا دي من خشمه ذي العسل

العندوا اخوات بنات حقوا راح في ساعتهن بكبرن وبتزوجن

وبجيبن عيال وماهي كم سنه وتسمع كلمة يا خالو

يخلخل ضروسن كبرننا قبال يومنا

اها واصل والاهم بعد ما مشيت تجيب الخروفين

تحياتي

ردينا هناك وردينا هنا

افو يا رءوف انت في مكة ساعة الحج تكون في ابها كيف

عمتك حقه راح حجت ورجعت ما شافتك

[رءوف]

ومشى معاك العوض ولا مشيت براك تجيب الخروفين

والاهم ان شاء الله يكونن سمان

واكيد اكلت المرارة مع البصل والشطة الحارة

واكيد بعدها بنات اهلك قعدن منك على بعد مترين

قالو شنو يا خالو ريحتك بصل بصل

واكيد البنت الخطفت العضمة من اختها ساعة ختةا الاكل شالت عضمين

واحد خلصت بيه دينه والتاني اكلته

حكاية خالوا دي مرت علي وفعلا بناتنا حلوة

والواحدة تمرق كلمة خالوا دي من خشمه ذي العسل

العندوا اخوات بنات حقوا راح في ساعتهن بكبرن وبتزوجن

وبجيبن عيال وماهي كم سنه وتسمع كلمة يا خالو

يخلخل ضروسن كبرننا قبال يومنا

اها واصل والاهم بعد ما مشيت تجيب الخروفين

تحياتي

ردينا هناك وردينا هنا

افو يا رءوف انت في مكة ساعة الحج تكون في ابها كيف

عمتك حقه راح حجت ورجعت ما شافتك

ود امدر كيفنك واهلا بيك ومرورك زى العسل
ههههههههه تسلم والله
الغريبة البنات جنس اكل وما ظاهر فيهم
حكاية ابها دى بس لانى ما قابلتها فى مكة لازم الواحد اعتزر

[مسلمة وافتخر]

مخير الله يا رءوف

يعنى مشيت للسودان وجيت فاضى

[shosho wbs]

هههههههههههههههههههههههه
لاحول ولاقوة الا بالله
ده كلو كلام

[بحلم]

ههههههههههههههههههههههههههههههههه
والله يارءوف كانى كنت معاك
ومتخيلة كل اللى بتقوله
انت المفروض تبقا راوى وتكتب قصص
بس بجد مباااااااااااااالغة
والف مبارك لبت اختك ويتم ليها على خير
تخريمة
انت ما في من فايده يا رءوف
يعنى روحت السودان وفرح كمان
ومالقيت عروسة والله انت جكايتك حكايه

[السودانى الاصيل]

اخوى رءووف مشتاقيييييين

حقييقه والله قصتك روووعه وسردك جميل وواقعى

نفس الاشياء البتحصل فى المناسبات الاسريه فى الفريق

واصل بقية رحلتك السودان

متابع

[بسمة الحياة]

مبروك لي بت اختك
عقباالك

واصل >متابعين<

[الغاليهـ بنت الغالي]

هههههههههههههههههههههههههههههههههههههه

رووووووعة بتعرف تكتب ما شاء الله بطريقة حلوووووة

ومبرووووووك لبنت اختك ربنا يتمم ليها على خييير


يلا باقي الشمار

[sami abass]

حمد الله علي السلامة
وبعدين يا اخوي انت عزموك العرس دا عشان تتونس مع بنات اخواتك ولا عشان تخت ايدك في جيبك وتقيف في الراس
والحاجة عارفة انك كنت في ابها بس لقت الوكت ما مناسب
المهم كمل اللوحة

[رءوف]

مخير الله يا رءوف

يعنى مشيت للسودان وجيت فاضى

هههههههههه
ذات الشجون كيف الاحاويل
بصراحة فى 3 كدة قلت خلينى اجرب لو طارت دى القى دى
المشكلة البنات ما بيحفظو سر كل واحدة كلمت التانية
وفى النهاية لا هذا ولا ذاك
ههههههههههههههههههههههههاى
لا بصراحة ما لقيت حاجة ما حوليك حاجة ؟؟؟؟ دة انا اخوك

[رءوف]

هههههههههههههههههههههههه
لاحول ولاقوة الا بالله
ده كلو كلام

يا محسية انتى ازيك
العزوبية وعدم العرس بتخلى الواحد يهضرب
ماعندك حل عشان نسكت

[ام مودة]

رؤوف ازيك

وكل عام وانت بخير بمناسبه السنه الجديدة

ومبروك لى بت اختك وعقبالك

تحياتى ام مودة

[رءوف]

باقي الشمار سريع

اصبر الشفقة تطير
دى يا ها زاتها الشفقة الخلتنا لحدى هسى انا وبعد الزمن والضراع والنقناق ما عرسنا

[رءوف]

ههههههههههههههههههههههههههههههههه
والله يارءوف كانى كنت معاك
ومتخيلة كل اللى بتقوله
انت المفروض تبقا راوى وتكتب قصص
بس بجد مباااااااااااااالغة
والف مبارك لبت اختك ويتم ليها على خير
تخريمة
انت ما في من فايده يا رءوف
يعنى روحت السودان وفرح كمان
ومالقيت عروسة والله انت جكايتك حكايه

الله الله الله بحلم زاتها ....دة ايه الهنا الانا فيهو دة
يا بنت لم اشوفك بتجينى حاجات كدة


الله يبارك فيك يا رب ويجيلك واحد كدة يوديك محل التلج لى ذات الشجون ( عشان تانى واحد كدة يكسر ليك تلج هنا مافى)
بصراحة كدة من اليوم داك دخلتى وصالحتينى مع ذات الشجون ..يعنى بصراحة كدة .. عاوز اقول ليك شنو ...يعنى حسيت انو كدة يعنى ..والله ما عارف اقول شنو .. المهم جانى احساس كدة انو انتى ..يعنى كدة .. ممكن يكون يعنى انا .... انتى يعنى ... والله الواحد لو عاوز يقول حاجة كويسة هنا يتذكر رغودة هنا ويبلع الكلام .. ونهر هسى تجى ناطة ..ز ولا رغودة ...تقول ليك يا راجل ما تتكلم عديل مالك بتلف وتدور كدة .. المهم انا بصراحة حسيت انو انا وانتى يعنى كدة .... اسمعى ما فى داعى
بتمو بكرة عشان رغودة وذات الشجون ديل ما اشمتو