في وصف أم درمان

[حبيب الناس]

شوقي صعيب علي أنا يا أم در الحنينة
فيك ناس عزاز علي وفيك أجمل حبيبة
من شعر الغزل والوطن والحقيبة
من أجمل لحون الريد وفصولها ومن قلبي التحية
..................................................
...في الموردة العريقة وبي بانت الطيبة
في العرضة شمالها وجنوبها وفي الأحفاد كمان هنا
بين شارعين تعاين تلاقي الكوره مريخ وهلال كده
وفي السوق القديمة وفي حي العرب ضقنا الهنا
...........................................................................
من السلاح والعوده الفيها أحلى صلات
ومن الفتيحاب والشقلة وفي المربعات جيت مرات
لقيت ناسا حنان ومليانين رقة وأعذب سمات
ليك يا أبو سعد تحياتي واشواقي للحي والمات
..............................................................
في أم بدة المجيدة وفي المنصورة البريده
وللعباسية والخور كمان وللهاشماب الخليده
وفي الضباط والملازمين وأبو عنجه الفريده
فيك يا الأربعين معالم للتاريخ كانت شواهد
............................................................
للطابية والتلفزيون والإذاعة وعبد القيوم
للإتحاد والسنما والشهدا أرقى سلام
في الثوره لي أحباب بالوادي والشنقيطي لحدي القرية تمام
في الكبري الجديد وود نوباوي والحتانه كان احلى ختام
............................................................................
ليك يا ام در أشواقي وليك مني أجيك زاير
اديك من شعري فنون ولبعادك ماني قادر
بهديك التحية والتجلة والدرر الدراير
ولينا تاني عوده وننعم بيك واجيكي طاير