غدار دموعك - كلمات مصطفى سيد احمد

[هشام الدين]

غدار دموعك - كلمات مصطفى سيد احمد

[foq]
لا تنبش الماضى البعيد الم تكن
يوما لقلبى واقعا مجهـــولا
لا تنكأ الجرح القديم فإننى
و دعت ليلا مظلما و ثقيلا
وحملت روحى فى فواد نازف
ما زال يحمل نصفه مشلولا
وخلعت اثواب الحداد اما كفى
اذ صار قلبك فى الهوى ضليلا

__.__.__

غدار دموعك ما تفيد
فى زول حواسو اتحجرت
جرب معاك كل السبل
وايديهو ليك ما قصرت
حطمت فى قلبو الامل
كل الامانى الخدرت
كلماتو ليك ضاعت عبس
لا قدمت .. لا اخرت

__.__.__

ما كنا وكت الليل يضيع
تشرق نجومو وتنكتم
ويطل شعاع يكشف قناع
والظلمة ترحل تنهزم
وجفونا من طول السهر
تلبس وشاح فرقة والم
نستبشر اليوم الجديد
ونقول تعود انت العشم

__.__.__

كيف العشم وكتين يموت
والغصة تطعن فى الحلق
كيف الحنين وكتين يهز
لى زول بعيد ما بتلحق
كيف الرجوع لىزول قنع
شايل رماد(رفاة) قلبـو الحرق
سيب الندم وانسى الدموع
ما فات زمان ما بتلحق

__.__.__

غدار دموعك ما بتفيد
فى ظلمة ما بتعرف شعاع
اشباحة زى موج العدم
كسر المقاديف والقلاع
ونزلنا فى طوف الفشل
وابحرنا فى بحر الضياع
ونسينا ذكراك الزمان
عشناها فى زيف القناع[/foq]

[العمرابى]

غدار دموعك هي رائعة الراحل المقيم مصطفى سيد احمد و التي ابدع فيها ايما ابداع و كانت في بدايات هذا العملاق فيا لها من بداية .. بدا من القمة و تحكر فيها الى ان اختاره الله الى جواره رحم الله مصطفى سيد احمد ..



http://www.youtube.com/watch?v=uE6h4zBC ... re=related

[حسان مدثر على كرار]

شكرآ للموضوع الجميل وللكلمات الرائعه
ودعائنا بالرحمه للمبدع مصطفى سيد احمد

[هشام الدين]

الأعزاء حسان....العمرابي شكراً لمروركم الجميل
ما قصرت أخي العمرابي بقيت الموضوع صوت وصورة